📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
4.9 கிஷ்கிந்தாகாண்ட - நவம ஸர்கஃ
4.9 Kishkindhakanda - Navama Sargah
Valmiki Tamil
ஶ்ரீமத்வால்மீகீய ராமாயணே கிஷ்கிந்தாகாண்டம் ।
அத நவமஸ்ஸர்கஃ ।
வாலீ நாம மம ப்ராதா ஜ்யேஷ்டஶ்ஶத்ருநிஷூதநஃ ।
பிதுர்பஹுமதோ நித்யம் மமாபி ச ததா புரா ॥ 1 ॥
பிதர்யுபரதேऽஸ்மாகம் ஜ்யேஷ்டோऽயமிதி மந்த்ரிபிஃ ।
கபீநாமீஶ்வரோ ராஜ்யே க்ரு'தஃ பரமஸம்மதஃ ॥ 2 ॥
ராஜ்யம் ப்ரஶாஸதஸ்தஸ்ய பித்ரு'பைதாமஹம் மஹத் ।
அஹம் ஸர்வேஷு காலேஷு ப்ரணதஃ ப்ரேஷ்யவத் ஸ்திதஃ ॥ 3 ॥
மாயாவீ நாம தேஜஸ்வீ பூர்வஜோ துந்துபேஃ ஸுதஃ ।
தேந தஸ்ய மஹத்வைரம் ஸ்த்ரீக்ரு'தம் விஶ்ஶ்ருதம் புரா ॥ 4 ॥
ஸ து ஸுப்தஜநே ராத்ரௌ கிஷ்கிந்தாத்வாரமாகதஃ ।
நர்ததி ஸ்ம ஸுஸம்ரப்தோ வாலிநம் சாஹ்வயத்ரணே ॥ 5 ॥
ப்ரஸுப்தஸ்து மம ப்ராதா நர்திதம் பைரவஸ்வநம் ।
ஶ்ருத்வா ந மம்ரு'ஷே வாலீ நிஷ்பபாத ஜவாத்ததா ॥ 6 ॥
ஸ து வை நிஸ்ஸ்ரு'தஃ க்ரோதாத்தம் ஹந்துமஸுரோத்தமம் ।
வார்யமாணஸ்தத ஸ்த்ரீபிர்மயா ச ப்ரணதாத்மநா ॥ 7 ॥
ஸ து நிர்தூய தாஃ ஸர்வா நிர்ஜகாம மஹாபலஃ ।
ததோऽஹமபி ஸௌஹார்தாந்நிஸ்ஸ்ரு'தோ வாலிநா ஸஹ ॥ 8 ॥
ஸ து மே ப்ராதரம் த்ரு'ஷ்ட்வா மாம் ச தூராதவஸ்திதம் ।
அஸுரோ ஜாதஸந்த்ராஸஃ ப்ரதுத்ராவ ததோ ப்ரு'ஶம் ॥ 9 ॥
தஸ்மிந் த்ரவதி ஸந்த்ரஸ்தே ஹ்யாவாம் த்ருததரம் கதௌ ।
ப்ரகாஶஶ்ச க்ரு'தோ மார்கஶ்சந்த்ரேணோத்கச்சதா ததா ॥ 10 ॥
ஸ த்ரு'ணைராவ்ரு'தம் துர்கம் தரண்யா விவரம் மஹத் ।
ப்ரவிவேஶாஸுரோ வேகாதாவாமாஸாத்ய விஷ்டிதௌ ॥ 11 ॥
தம் ப்ரவிஷ்டம் ரிபும் த்ரு'ஷ்ட்வா பிலம் ரோஷவஶம் கதஃ ।
மாமுவாச ததா வாலீ வசநம் க்ஷுபிதேந்த்ரியஃ ॥ 12 ॥
இஹ த்வம் திஷ்ட ஸுக்ரீவ பிலத்வாரி ஸமாஹிதஃ ।
யாவத்தத்ர ப்ரவிஶ்யாஹம் நிஹந்மி ஸஹஸா ரிபும் ॥ 13 ॥
மயா த்வேதத்வசஶ்ஶ்ருத்வா யாசிதஸ்ஸ பரந்தபஃ ।
ஶாபயித்வா து மாம் பத்ப்யாம் ப்ரவிவேஶ பிலம் மஹத் ॥ 14 ॥
தஸ்ய ப்ரவிஷ்டஸ்ய பிலம் ஸாக்ரஸ்ஸம்வத்ஸரோ கதஃ ।
ஸ்திதஸ்ய மம பிலத்வாரி ஸ காலோ வ்யத்யவர்தத ॥ 15 ॥
அஹம் து நஷ்டம் ஜ்ஞாத்வா தம் ஸ்நேஹாதாகதஸம்ப்ரமஃ ।
ப்ராதரம் ந ச பஶ்யாமி பாபாஶங்கி ச மே மநஃ ॥ 16 ॥
அத தீர்கஸ்ய காலஸ்ய பிலாத்தஸ்மாத்விநிஸ்ஸ்ரு'தம் ।
ஸபேநம் ருதிரம் ரக்தமஹம் த்ரு'ஷ்ட்வா ஸுதுஃகிதஃ ॥ 17 ॥
நர்ததாமஸுராணாம் ச த்வநிர்மே ஶ்ரோத்ரமாகதஃ ।
நிரஸ்தஸ்ய ச ஸங்க்ராமே க்ரோஶதோநிஸ்ஸ்வநோ குரோஃ ॥ 18 ॥
அஹம் த்வவகதோ புத்த்யா சிஹ்நைஸ்தைர்ப்ராதரம் ஹதம் ।
பிதாய ச பிலத்வாரம் ஶிலயா கிரிமாத்ரயா ॥ 19 ॥
ஶோகார்தஶ்சோதகம் க்ரு'த்வா கிஷ்கிந்தாமாகதஸ்ஸகே ।
கூஹமாநஸ்ய மே தத்த்வம் யத்நதோ மந்த்ரிபிஶ்ஶ்ருதம் ॥ 20 ॥
ததோऽஹம் தைஸ்ஸமாகம்ய ஸம்மதைரபிஷேசிதஃ ।
ராஜ்யம் ப்ரஶாஸதஸ்தஸ்ய ந்யாயதோ மம ராகவ ॥ 21 ॥
ஆஜகாம ரிபும் ஹத்வா வாலீ தமஸுரோத்தமம் ।
அபிஷிக்தம் து மாம் த்ரு'ஷ்ட்வா வாலீ ஸம்ரக்தலோசநஃ ।
மதீயாந்மந்த்ரிணோ பத்த்வா பருஷம் வாக்யமப்ரவீத் ॥ 22 ॥
நிக்ரஹேऽபி ஸமர்தஸ்ய தம் பாபம் ப்ரதி ராகவ ।
ந ப்ராவர்தத மே புத்திர்ப்ராதுர்கௌரவயந்த்ரிதா ॥ 23 ॥
ஹத்வா ஶத்ரும் ஸ மே ப்ராதா ப்ரவிவேஶ புரம் ததா ॥ 24 ॥
மாநயம்ஸ்தம் மஹாத்மாநம் யதாவச்சாப்யவாதயம் ।
உக்தாஶ்ச நாஶிஷஸ்தேந ஸந்துஷ்டேநாந்தராத்மநா ॥ 25 ॥
நத்வா பாதாவஹம் தஸ்ய மகுடேநாஸ்ப்ரு'ஶம் ப்ரபோ அபி வாலீ மம க்ரோதாந்ந ப்ரஸாதம் சகார ஸஃ ॥ 26 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே கிஷ்கிந்தாகாண்டே நவமஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe kiṣkindhākāṇḍam |
atha navamassargaḥ |
vālī nāma mama bhrātā jyeṣṭhaśśatruniṣūdanaḥ |
piturbahumato nityaṃ mamāpi ca tathā purā || 1 ||
pitaryuparate'smākaṃ jyeṣṭho'yamiti mantribhiḥ |
kapīnāmīśvaro rājye kṛtaḥ paramasammataḥ || 2 ||
rājyaṃ praśāsatastasya pitṛpaitāmahaṃ mahat |
ahaṃ sarveṣu kāleṣu praṇataḥ preṣyavat sthitaḥ || 3 ||
māyāvī nāma tejasvī pūrvajo dundubheḥ sutaḥ |
tena tasya mahadvairaṃ strīkṛtaṃ viśśrutaṃ purā || 4 ||
sa tu suptajane rātrau kiṣkindhādvāramāgataḥ |
nardati sma susaṃrabdho vālinaṃ cāhvayadraṇe || 5 ||
prasuptastu mama bhrātā narditaṃ bhairavasvanam |
śrutvā na mamṛṣe vālī niṣpapāta javāttadā || 6 ||
sa tu vai nissṛtaḥ krodhāttaṃ hantumasurottamam |
vāryamāṇastata strībhirmayā ca praṇatātmanā || 7 ||
sa tu nirdhūya tāḥ sarvā nirjagāma mahābalaḥ |
tato'hamapi sauhārdānnissṛto vālinā saha || 8 ||
sa tu me bhrātaraṃ dṛṣṭvā māṃ ca dūrādavasthitam |
asuro jātasantrāsaḥ pradudrāva tato bhṛśam || 9 ||
tasmin dravati santraste hyāvāṃ drutataraṃ gatau |
prakāśaśca kṛto mārgaścandreṇodgacchatā tadā || 10 ||
sa tṛṇairāvṛtaṃ durgaṃ dharaṇyā vivaraṃ mahat |
praviveśāsuro vegādāvāmāsādya viṣṭhitau || 11 ||
taṃ praviṣṭaṃ ripuṃ dṛṣṭvā bilaṃ roṣavaśaṃ gataḥ |
māmuvāca tadā vālī vacanaṃ kṣubhitendriyaḥ || 12 ||
iha tvaṃ tiṣṭha sugrīva biladvāri samāhitaḥ |
yāvattatra praviśyāhaṃ nihanmi sahasā ripum || 13 ||
mayā tvetadvacaśśrutvā yācitassa parantapaḥ |
śāpayitvā tu māṃ padbhyāṃ praviveśa bilaṃ mahat || 14 ||
tasya praviṣṭasya bilaṃ sāgrassaṃvatsaro gataḥ |
sthitasya mama biladvāri sa kālo vyatyavartata || 15 ||
ahaṃ tu naṣṭaṃ jñātvā taṃ snehādāgatasambhramaḥ |
bhrātaraṃ na ca paśyāmi pāpāśaṅki ca me manaḥ || 16 ||
atha dīrghasya kālasya bilāttasmādvinissṛtam |
saphenaṃ rudhiraṃ raktamahaṃ dṛṣṭvā suduḥkhitaḥ || 17 ||
nardatāmasurāṇāṃ ca dhvanirme śrotramāgataḥ |
nirastasya ca saṅgrāme krośatonissvano guroḥ || 18 ||
ahaṃ tvavagato buddhyā cihnaistairbhrātaraṃ hatam |
pidhāya ca biladvāraṃ śilayā girimātrayā || 19 ||
śokārtaścodakaṃ kṛtvā kiṣkindhāmāgatassakhe |
gūhamānasya me tattvaṃ yatnato mantribhiśśrutam || 20 ||
tato'haṃ taissamāgamya sammatairabhiṣecitaḥ |
rājyaṃ praśāsatastasya nyāyato mama rāghava || 21 ||
ājagāma ripuṃ hatvā vālī tamasurottamam |
abhiṣiktaṃ tu māṃ dṛṣṭvā vālī saṃraktalocanaḥ |
madīyānmantriṇo baddhvā paruṣaṃ vākyamabravīt || 22 ||
nigrahe'pi samarthasya taṃ pāpaṃ prati rāghava |
na prāvartata me buddhirbhrāturgauravayantritā || 23 ||
hatvā śatruṃ sa me bhrātā praviveśa puraṃ tadā || 24 ||
mānayaṃstaṃ mahātmānaṃ yathāvaccābhyavādayam |
uktāśca nāśiṣastena santuṣṭenāntarātmanā || 25 ||
natvā pādāvahaṃ tasya makuṭenāspṛśaṃ prabho api vālī mama krodhānna prasādaṃ cakāra saḥ || 26 ||
ityārṣe śrīmadrāmāyaṇe vālmīkīya ādikāvye kiṣkindhākāṇḍe navamassargaḥ ||
InfoLyter.in — Sacred Vedic Knowledge Portal · Free forever