4.7 Kishkindhakanda - Saptama Sargah

ॐ

4.7 கிஷ்கிந்தாகாண்ட - ஸப்தம ஸர்கஃ

Valmiki Tamil

ஶ்ரீமத்வால்மீகீய ராமாயணே கிஷ்கிந்தாகாண்டம் ।

அத ஸப்தமஸ்ஸர்கஃ ।

ஏவமுக்தஸ்து ஸுக்ரீவோ ராமேணார்தேந வாநரஃ ।

அப்ரவீத்ப்ராஞ்ஜலிர்வாக்யம் ஸபாஷ்பம் பாஷ்பகத்கதஃ ॥ 1 ॥

ந ஜாநே நிலயம் தஸ்ய ஸர்வதா பாபரக்ஷஸஃ ।

ஸாமர்த்யம் விக்ரமம் வாபி தௌஷ்குலேயஸ்ய வா குலம் ॥ 2 ॥

ஸத்யம் தே ப்ரதிஜாநாமி த்யஜ ஶோகமரிந்தம ।

கரிஷ்யாமி ததா யத்நம் யதா ப்ராப்ஸ்யஸி மைதிலீம் ॥ 3 ॥

ராவணம் ஸகணம் ஹத்வா பரிதோஷ்யாத்மபௌருஷம் ।

ததாऽஸ்மி கர்தா ந சிராத்யதா ப்ரீதோ பவிஷ்யஸி ॥ 4 ॥

அலம் வைக்லப்யமாலம்ப்ய தைர்யமாத்மகதம் ஸ்மர ।

த்வத்விதாநாம் ந ஸத்ரு'ஶமீத்ரு'ஶம் புத்திலாகவம் ॥ 5 ॥

மயாऽபி வ்யஸநம் ப்ராப்தம் பார்யாவிரஹஜம் மஹத் ।

நாஹமேவம் ஹி ஶோசாமி ந ச தைர்யம் பரித்யஜே ॥ 6 ॥

நாஹம் தாமநுஶோசாமி ப்ராக்ரு'தோ வாநரோऽபி ஸந் ।

மஹாத்மா ச விநீதஶ்ச கிம் புநர்த்ரு'திமாந்பவாந் ॥ 7 ॥

பாஷ்பமாபதிதம் தைர்யாந்நிக்ரஹீதும் த்வமர்ஹஸி ।

மர்யாதாம் ஸத்த்வயுக்தாநாம் த்ரு'திம் நோத்ஸ்ரஷ்டுமர்ஹஸி ॥ 8 ॥

வ்யஸநே வாऽர்தக்ரு'ச்ச்ரே வா பயே வா ஜீவிதாந்தகே ।

விம்ரு'ஶந்வை ஸ்வயா புத்த்யா த்ரு'திமாந்நாவஸீததி ॥ 9 ॥

பாலிஶஸ்து நரோ நித்யம் வைக்லப்யம் யோऽநுவர்ததே ।

ஸ மஜ்ஜத்யவஶஶ்ஶோகே பாராக்ராந்தேவ நௌர்ஜலே ॥ 10 ॥

ஏஷோऽஞ்ஜலிர்மயா பத்தஃ ப்ரணயாத்த்வாம் ப்ரஸாதயே ।

பௌருஷம் ஶ்ரய ஶோகஸ்ய நாந்தரம் தாதுமர்ஹஸி ॥ 11 ॥

யே ஶோகமநுவர்தந்தே ந தேஷாம் வித்யதே ஸுகம் ।

தேஜஶ்ச க்ஷீயதே தேஷாம் ந த்வம் ஶோசிதுமர்ஹஸி ॥ 12 ॥

ஶோகேநாபிப்ரபந்நஸ்ய ஜீவிதே சாபி ஸம்ஶயஃ ।

ஸ ஶோகம் த்யஜ ராஜேந்த்ர தைர்யமாஶ்ரய கேவலம் ॥ 13 ॥

ஹிதம் வயஸ்யபாவேந ப்ரூமி நோபதிஶாமி தே ।

வயஸ்யதாம் பூஜயந்மே ந த்வம் ஶோசிதுமர்ஹஸி ॥ 14 ॥

மதுரம் ஸாந்த்வித ஸ்தேந ஸுக்ரீவேண ஸ ராகவஃ ।

முகமஶ்ருபரிக்லிந்நம் வஸ்த்ராந்தேந ப்ரமார்ஜயத் ॥ 15 ॥

ப்ரக்ரு'திஸ்தஸ்து காகுத்ஸ்தஸ்ஸுக்ரீவவசநாத்ப்ரபுஃ ।

ஸம்பரிஷ்வஜ்ய ஸுக்ரீவமிதம் வசநமப்ரவீத் ॥ 16 ॥

கர்தவ்யம் யத்வயஸ்யேந ஸ்நிக்தேந ச ஹிதேந ச ।

அநுரூபம் ச யுக்தம் ச க்ரு'தம் ஸுக்ரீவ தத்த்வயா ॥ 17 ॥

ஏஷ ச ப்ரக்ரு'திஸ்தோऽஹமநுநீதஸ்த்வயா ஸகே ।

துர்லபோ ஹீத்ரு'ஶோ பந்துரஸ்மிந்காலே விஶேஷதஃ ॥ 18 ॥

கிம் து யத்நஸ்த்வயா கார்யோ மைதில்யாஃ பரிமார்கணே ।

ராக்ஷஸஸ்ய ச ரௌத்ரஸ்ய ராவணஸ்ய துராத்மநஃ ॥ 19 ॥

மயா ச யதநுஷ்டேயம் விஸ்ரப்தேந ததுச்யதாம் ।

வர்ஷாஸ்விவ ச ஸுக்ஷேத்ரே ஸர்வம் ஸம்பத்யதே தவ ॥ 20 ॥

மயா ச யதிதம் வாக்யமபிமாநாத்ஸமீரிதம் ।

தத்த்வயா ஹரிஶார்தூல தத்த்வமித்யுபதார்யதாம் ॥ 21 ॥

அந்ரு'தம் நோக்தபூர்வம் மே ந ச வக்ஷ்யே கதாசந ।

ஏதத்தே ப்ரதிஜாநாமி ஸத்யேநைவ ச தே ஶபாம்யஹமம் ॥ 22 ॥

ததஃ ப்ரஹ்ரு'ஷ்டஸ்ஸுக்ரீவோ வாநரைஸ்ஸசிவைஸ்ஸஹ ।

ராகவஸ்ய வசஶ்ஶ்ருத்வா ப்ரதிஜ்ஞாதம் விஶேஷதஃ ॥ 23 ॥

ஏவமேகாந்தஸம்ப்ரு'க்தௌ ததஸ்தௌ நரவாநரௌ ।

உபாவந்யோந்யஸத்ரு'ஶம் ஸுகம் துஃகமபாஷதாம் ॥ 24 ॥

மஹாநுபாவஸ்ய வசோ நிஶம்ய ஹரிர்ந்ரு'பாணாம்ரு'ஷபஸ்ய தஸ்ய ।

க்ரு'தம் ஸ மேநே ஹரிவீரமுக்ய ஸ்ததா ஸ்வகார்யம் ஹ்ரு'தயேந வித்வாந் ॥ 25 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே கிஷ்கிந்தாகாண்டே ஸப்தமஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe kiṣkindhākāṇḍam |

atha saptamassargaḥ |

evamuktastu sugrīvo rāmeṇārtena vānaraḥ |

abravītprāñjalirvākyaṃ sabāṣpaṃ bāṣpagadgadaḥ || 1 ||

na jāne nilayaṃ tasya sarvathā pāparakṣasaḥ |

sāmarthyaṃ vikramaṃ vāpi dauṣkuleyasya vā kulam || 2 ||

satyaṃ te pratijānāmi tyaja śokamarindama |

kariṣyāmi tathā yatnaṃ yathā prāpsyasi maithilīm || 3 ||

rāvaṇaṃ sagaṇaṃ hatvā paritoṣyātmapauruṣam |

tathā'smi kartā na cirādyathā prīto bhaviṣyasi || 4 ||

alaṃ vaiklabyamālambya dhairyamātmagataṃ smara |

tvadvidhānāṃ na sadṛśamīdṛśaṃ buddhilāghavam || 5 ||

mayā'pi vyasanaṃ prāptaṃ bhāryāvirahajaṃ mahat |

nāhamevaṃ hi śocāmi na ca dhairyaṃ parityaje || 6 ||

nāhaṃ tāmanuśocāmi prākṛto vānaro'pi san |

mahātmā ca vinītaśca kiṃ punardhṛtimānbhavān || 7 ||

bāṣpamāpatitaṃ dhairyānnigrahītuṃ tvamarhasi |

maryādāṃ sattvayuktānāṃ dhṛtiṃ notsraṣṭumarhasi || 8 ||

vyasane vā'rthakṛcchre vā bhaye vā jīvitāntake |

vimṛśanvai svayā buddhyā dhṛtimānnāvasīdati || 9 ||

bāliśastu naro nityaṃ vaiklabyaṃ yo'nuvartate |

sa majjatyavaśaśśoke bhārākrānteva naurjale || 10 ||

eṣo'ñjalirmayā baddhaḥ praṇayāttvāṃ prasādaye |

pauruṣaṃ śraya śokasya nāntaraṃ dātumarhasi || 11 ||

ye śokamanuvartante na teṣāṃ vidyate sukham |

tejaśca kṣīyate teṣāṃ na tvaṃ śocitumarhasi || 12 ||

śokenābhiprapannasya jīvite cāpi saṃśayaḥ |

sa śokaṃ tyaja rājendra dhairyamāśraya kevalam || 13 ||

hitaṃ vayasyabhāvena brūmi nopadiśāmi te |

vayasyatāṃ pūjayanme na tvaṃ śocitumarhasi || 14 ||

madhuraṃ sāntvita stena sugrīveṇa sa rāghavaḥ |

mukhamaśrupariklinnaṃ vastrāntena pramārjayat || 15 ||

prakṛtisthastu kākutsthassugrīvavacanātprabhuḥ |

sampariṣvajya sugrīvamidaṃ vacanamabravīt || 16 ||

kartavyaṃ yadvayasyena snigdhena ca hitena ca |

anurūpaṃ ca yuktaṃ ca kṛtaṃ sugrīva tattvayā || 17 ||

eṣa ca prakṛtistho'hamanunītastvayā sakhe |

durlabho hīdṛśo bandhurasminkāle viśeṣataḥ || 18 ||

kiṃ tu yatnastvayā kāryo maithilyāḥ parimārgaṇe |

rākṣasasya ca raudrasya rāvaṇasya durātmanaḥ || 19 ||

mayā ca yadanuṣṭheyaṃ visrabdhena taducyatām |

varṣāsviva ca sukṣetre sarvaṃ sampadyate tava || 20 ||

mayā ca yadidaṃ vākyamabhimānātsamīritam |

tattvayā hariśārdūla tattvamityupadhāryatām || 21 ||

anṛtaṃ noktapūrvaṃ me na ca vakṣye kadācana |

etatte pratijānāmi satyenaiva ca te śapāmyahamam || 22 ||

tataḥ prahṛṣṭassugrīvo vānaraissacivaissaha |

rāghavasya vacaśśrutvā pratijñātaṃ viśeṣataḥ || 23 ||

evamekāntasampṛktau tatastau naravānarau |

ubhāvanyonyasadṛśaṃ sukhaṃ duḥkhamabhāṣatām || 24 ||

mahānubhāvasya vaco niśamya harirnṛpāṇāmṛṣabhasya tasya |

kṛtaṃ sa mene harivīramukhya stadā svakāryaṃ hṛdayena vidvān || 25 ||

ityārṣe śrīmadrāmāyaṇe vālmīkīya ādikāvye kiṣkindhākāṇḍe saptamassargaḥ ||