4.60 Kishkindhakanda - Shashtitama Sargah

ॐ

4.60 கிஷ்கிந்தாகாண்ட - ஷஷ்டிதம ஸர்கஃ

Valmiki Tamil

ஶ்ரீமத்வால்மீகீய ராமாயணே கிஷ்கிந்தாகாண்டம் ।

அத ஷஷ்டிதமஸ்ஸர்கஃ ।

ததஃ க்ரு'தோதகம் ஸ்நாதம் தம் க்ரு'த்ரம் ஹரியூதபாஃ ।

உபவிஷ்டா கிரௌ ரம்யே பரிவார்ய ஸமந்ததஃ ॥ 1 ॥

தமங்கதமுபாஸீநம் தைஸ்ஸர்வைர்ஹரிபிர்வ்ரு'தம் ।

ஜநிதப்ரத்யயோ ஹர்ஷாத்ஸம்பாதிஃ புநரப்ரவீத் ॥ 2 ॥

க்ரு'த்வா நிஶ்ஶப்தமேகாக்ரா ஶ்ஶ்ருண்வந்து ஹரயோ மம ।

தத்வம் ஸங்கீர்தயிஷ்யாமி யதா ஜாநாமி மைதிலீம் ॥ 3 ॥

அஸ்ய விந்த்யஸ்ய ஶிகரே பதிதோऽஸ்மி புராவநே ।

ஸூர்யதபபரீதாங்கோ நிர்தக்தஸ்ஸூர்யரஶ்மிபிஃ ॥ 4 ॥

லப்தஸஞ்ஜ்ஞஸ்து ஷட்ராத்ராத்விவஶோ விஹ்வலந்நிவ ।

வீக்ஷமாணோ திஶஸ்ஸர்வா நாபிஜாநாமி கிஞ்சந ॥ 5 ॥

ததஸ்து ஸாகராந் ஶைலாந்நதீஸ்ஸர்வாஸ்ஸராம்ஸி ச ।

வநாநி ச ப்ரதேஶாம்ஶ்ச நீரீக்ஷ்ய மதிராகதா ॥ 6 ॥

ஹ்ரு'ஷ்டபக்ஷிகணாகீர்ணஃ கந்தராந்தரகூடவாந் ।

தக்ஷிணஸ்யோததேஸ்தீரே விந்த்யோऽயமிதி நிஶ்சிதஃ ॥ 7 ॥

ஆஸீச்சாத்ராஶ்ரமம் புண்யம் ஸுரைரபி ஸுபூஜிதம் ।

ரு'ஷிர்நிஶாகரோ நாம யஸ்மிந்நுக்ரதபாபவத் ॥ 8 ॥

அஷ்டௌ வர்ஷஸஹஸ்ராணி தேநாஸ்மிந்ந்ரு'ஷிணா விநா ।

வஸதோ மம தர்மஜ்ஞா ஸ்வர்கதே து நிஶாகரே ॥ 9 ॥

அவதீர்ய து விந்த்யாக்ராத்க்ரு'ச்ச்ரேண விஷமாச்சநைஃ ।

தீக்ஷ்ணதர்பாம் வஸுமதீம் துஃகேந புநராகதஃ ॥ 10 ॥

தம்ரு'ஷிம் த்ரஷ்டுகாமோऽஸ்மி துஃகேநாப்யாகதோ ப்ரு'ஶம் ।

ஜடாயுஷா மயா சைவ பஹுஶோऽபிகதோ ஹி ஸஃ ॥ 11 ॥

தஸ்யாஶ்ரமபதாப்யாஶே வவுர்வாதாஸ்ஸுகந்திநஃ ।

வ்ரு'க்ஷோ வாபுஷ்பிதஃ கஶ்சிதபலோ வா ந வித்யதே ॥ 12 ॥

உபேத்ய சாஶ்ரமம் புண்யம் வ்ரு'க்ஷமூலமுபாஶ்ரிதஃ ।

த்ரஷ்டுகாமஃ ப்ரதீக்ஷேऽஹம் பகவந்தம் நிஶாகரம் ॥ 13 ॥

அதாபஶ்யமதூரஸ்தம்ரு'ஷிம் ஜ்வலிததேஜஸம் ।

க்ரு'தாபிஷேகம் துர்தர்ஷமுபாவ்ரு'த்தமுதங்முகம் ॥ 14 ॥

தம்ரு'க்ஷாஸ்ஸ்ரு'மரா வ்யாக்ராஸ்ஸிம்ஹா நாகாஸ்ஸரீஸ்ரு'பாஃ ।

பரிவார்யோபகச்சந்தி தாதாரம் ப்ராணிநோ யதா ॥ 15 ॥

ததஃ ப்ராப்தம்ரு'ஷிம் ஜ்ஞாத்வா தாநி ஸத்த்வாநி வை யயுஃ ।

ப்ரவிஷ்டே ராஜநி யதா ஸர்வம் ஸாமாத்யகம் பலம் ॥ 16 ॥

ரு'ஷிஸ்து த்ரு'ஷ்ட்வா மாம் ப்ரீதஃ ப்ரவிஷ்டஶ்சாஶ்ரமம் புநஃ ।

முஹூர்தமாத்ராந்நிஷ்க்ரம்ய ததஃ கார்யமப்ரு'ச்சத ॥ 17 ॥

ஸௌம்ய வைகல்யதாம் த்ரு'ஷ்ட்வா ரோம்ணாம் தே நாவகம்யதே ।

அக்நிதக்தாவிமௌ பக்ஷௌ வ்ரணாஶ்சாபி ஶரீரகே ॥ 18 ॥

க்ரு'த்ரௌ த்வௌ த்ரு'ஷ்டபூர்வௌ மே மாதரிஶ்வஸமௌ ஜவே ।

க்ரு'த்ராணாம் சைவ ராஜாநௌ ப்ராதரௌ காமரூபிணௌ ॥ 19 ॥

ஜ்யேஷ்டோ ஹி த்வம் து ஸம்பாதே ஜடாயுரநுஜஸ்தவ ।

மாநுஷம் ரூபமாஸ்தாய க்ரு'ஹ்ணீதாம் சரணௌ மம ॥ 20 ॥

கிம் தே வ்யாதிஸமுத்தாநம் பக்ஷயோஃ பதநம் கதம் ।

தண்டோऽயஞ்ச க்ரு'தஃ கேந ஸர்வமாக்யாஹி ப்ரு'ச்சதஃ ॥ 21 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே கிஷ்கிந்தாகாண்டே ஷஷ்டிதமஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe kiṣkindhākāṇḍam |

atha ṣaṣṭitamassargaḥ |

tataḥ kṛtodakaṃ snātaṃ taṃ gṛdhraṃ hariyūthapāḥ |

upaviṣṭā girau ramye parivārya samantataḥ || 1 ||

tamaṅgadamupāsīnaṃ taissarvairharibhirvṛtam |

janitapratyayo harṣātsampātiḥ punarabravīt || 2 ||

kṛtvā niśśabdamekāgrā śśruṇvantu harayo mama |

tatvaṃ saṅkīrtayiṣyāmi yathā jānāmi maithilīm || 3 ||

asya vindhyasya śikhare patito'smi purāvane |

sūryatapaparītāṅgo nirdagdhassūryaraśmibhiḥ || 4 ||

labdhasañjñastu ṣaḍrātrādvivaśo vihvalanniva |

vīkṣamāṇo diśassarvā nābhijānāmi kiñcana || 5 ||

tatastu sāgarān śailānnadīssarvāssarāṃsi ca |

vanāni ca pradeśāṃśca nīrīkṣya matirāgatā || 6 ||

hṛṣṭapakṣigaṇākīrṇaḥ kandarāntarakūṭavān |

dakṣiṇasyodadhestīre vindhyo'yamiti niścitaḥ || 7 ||

āsīccātrāśramaṃ puṇyaṃ surairapi supūjitam |

ṛṣirniśākaro nāma yasminnugratapābhavat || 8 ||

aṣṭau varṣasahasrāṇi tenāsminnṛṣiṇā vinā |

vasato mama dharmajñā svargate tu niśākare || 9 ||

avatīrya tu vindhyāgrātkṛcchreṇa viṣamācchanaiḥ |

tīkṣṇadarbhāṃ vasumatīṃ duḥkhena punarāgataḥ || 10 ||

tamṛṣiṃ draṣṭukāmo'smi duḥkhenābhyāgato bhṛśam |

jaṭāyuṣā mayā caiva bahuśo'bhigato hi saḥ || 11 ||

tasyāśramapadābhyāśe vavurvātāssugandhinaḥ |

vṛkṣo vāpuṣpitaḥ kaścidaphalo vā na vidyate || 12 ||

upetya cāśramaṃ puṇyaṃ vṛkṣamūlamupāśritaḥ |

draṣṭukāmaḥ pratīkṣe'haṃ bhagavantaṃ niśākaram || 13 ||

athāpaśyamadūrasthamṛṣiṃ jvalitatejasam |

kṛtābhiṣekaṃ durdharṣamupāvṛttamudaṅmukham || 14 ||

tamṛkṣāssṛmarā vyāghrāssiṃhā nāgāssarīsṛpāḥ |

parivāryopagacchanti dhātāraṃ prāṇino yathā || 15 ||

tataḥ prāptamṛṣiṃ jñātvā tāni sattvāni vai yayuḥ |

praviṣṭe rājani yathā sarvaṃ sāmātyakaṃ balam || 16 ||

ṛṣistu dṛṣṭvā māṃ prītaḥ praviṣṭaścāśramaṃ punaḥ |

muhūrtamātrānniṣkramya tataḥ kāryamapṛcchata || 17 ||

saumya vaikalyatāṃ dṛṣṭvā romṇāṃ te nāvagamyate |

agnidagdhāvimau pakṣau vraṇāścāpi śarīrake || 18 ||

gṛdhrau dvau dṛṣṭapūrvau me mātariśvasamau jave |

gṛdhrāṇāṃ caiva rājānau bhrātarau kāmarūpiṇau || 19 ||

jyeṣṭho hi tvaṃ tu sampāte jaṭāyuranujastava |

mānuṣaṃ rūpamāsthāya gṛhṇītāṃ caraṇau mama || 20 ||

kiṃ te vyādhisamutthānaṃ pakṣayoḥ patanaṃ katham |

daṇḍo'yañca kṛtaḥ kena sarvamākhyāhi pṛcchataḥ || 21 ||

ityārṣe śrīmadrāmāyaṇe vālmīkīya ādikāvye kiṣkindhākāṇḍe ṣaṣṭitamassargaḥ ||