4.51 Kishkindhakanda - Ekapanchasha Sargah

ॐ

4.51 கிஷ்கிந்தாகாண்ட - ஏகபஞ்சாஶ ஸர்கஃ

Valmiki Tamil

ஶ்ரீமத்வால்மீகீய ராமாயணே கிஷ்கிந்தாகாண்டம் ।

அத ஏகபஞ்சாஶஸ்ஸர்கஃ ।

இத்யுக்த்வா ஹநுமாம்ஸ்தத்ர புநஃ க்ரு'ஷ்ணாஜிநாம்பராம் ।

அப்ரவீத்தாம் மஹாபாகாம் தாபஸீம் தர்மசாரிணீம் ॥ 1 ॥

இதம் ப்ரவிஷ்டாஸ்ஸஹஸா பிலம் திமிரஸம்வ்ரு'தம் ।

க்ஷுத்பிபாஸாபரிஶ்ராந்தாஃ பரிகிந்நாஶ்ச ஸர்வஶஃ ॥ 2 ॥

மஹத்தரண்யா விவரம் ப்ரவிஷ்டாஃ ஸ்ம பிபாஸிதாஃ ।

இமாம் ஸ்த்வேவம்விதாந்பாவாந்விவிதாநத்புதோபமாந் ॥ 3 ॥

த்ரு'ஷ்ட்வா வயம் ப்ரவ்யதிதாஸ்ஸம்ப்ராந்தா நஷ்டசேதஸஃ ।

கஸ்யைதே காஞ்சநா வ்ரு'க்ஷாஸ்தருணாதித்யஸந்நிபாஃ ॥ 4 ॥

ஶுசீந்யப்யவஹார்யாணி மூலாநி ச பலாநி ச ।

காஞ்சநாநி விமாநாநி ராஜதாநி க்ரு'ஹாணி ச ॥ 5 ॥

தபநீயகவாக்ஷாணி மணிஜாலாவ்ரு'தாநி ச ।

புஷ்பிதாஃ பலவந்தஶ்ச புண்யாஸ்ஸுரபிகந்திநஃ ॥ 6 ॥

இமே ஜாம்பூநதமயாஃ பாதபாஃ கஸ்ய தேஜஸா ।

காஞ்சநாநி ச பத்மாநி ஜாதாநி விமலே ஜலே ॥ 7 ॥

கதம் மத்ஸ்யாஶ்ச ஸௌவர்ணா த்ரு'ஶ்யந்தே ஸஹ கச்சபைஃ ।

ஆத்மாநமநுபாவம் ச கஸ்ய சைதத்தபோபலம் ॥ 8 ॥

அஜாநதாம் ந ஸ்ஸர்வேஷாம் ஸர்வமாக்யாதுமர்ஹஸி ।

ஏவமுக்தா ஹநுமதா தாபஸீ தர்மசாரிணீ ॥ 9 ॥

ப்ரத்யுவாச ஹநூமந்தம் ஸர்வபூதஹிதே ரதா ।

மயோ நாம மஹாதேஜா மாயாவீ வாநரர்ஷபஃ ॥ 10 ॥

தேநேதம் நிர்மிதம் ஸர்வம் மாயயா காஞ்சநம் வநம் ।

புரா தாநவமுக்யாநாம் விஶ்வகர்மா பபூவ ஹ ॥ 11 ॥

யேநேதம் காஞ்சநம் திவ்யம் நிர்மிதம் பவநோத்தமம் ।

ஸ து வர்ஷஸஹஸ்ராணி தபஸ்தப்த்வா மஹாவநே ॥ 12 ॥

பிதாமஹாத்வரம் லேபே ஸர்வமௌஶநஸம் தநம் ।

வநம் விதாய பலவாந்ஸர்வகாமேஶ்வரஸ்ததா ॥ 13 ॥

உவாஸ ஸுகிதஃ காலம் கஞ்சிதஸ்மிந்மஹாவநே ।

தமப்ஸரஸி ஹேமாயாம் ஸக்தம் தாநவபுங்கவம் ॥ 14 ॥

விக்ரம்யைவாஶநிம் க்ரு'ஹ்ய ஜகாநேத்ரஃ புரந்தரஃ ।

இதம் ச ப்ரஹ்மணா தத்தம் ஹேமாயை வநமுத்தமம் ॥ 15 ॥

ஶாஶ்வதாஃ காமபோகஶ்ச க்ரு'ஹம் சேதம் ஹிரண்மயம் ।

துஹிதா மேருஸாவர்ணேரஹம் தஸ்யாஸ்ஸ்வயம்ப்ரபா ॥ 16 ॥

இதம் ரக்ஷாமி பவநம் ஹேமாயா வாநரோத்தம ।

மம ப்ரியஸகீ ஹேமா ந்ரு'த்தகீதவிஶாரதா ॥ 17 ॥

தயா தத்தவரா சாஸ்மி ரக்ஷாமி பவநோத்தமம் ।

கிம் கார்யம் கஸ்ய வா ஹேதோஃ காந்தாராணி ப்ரபஶ்யத ॥ 18 ॥

கதம் சேதம் வநம் துர்கம் யுஷ்மாபிருபலக்ஷிதம் ।

இமாந்யப்யவஹார்யாணி மூலாநி ச பலாநி ச ॥ 19 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே கிஷ்கிந்தாகாண்டே ஏகபஞ்சாஶஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe kiṣkindhākāṇḍam |

atha ekapañcāśassargaḥ |

ityuktvā hanumāṃstatra punaḥ kṛṣṇājināmbarām |

abravīttāṃ mahābhāgāṃ tāpasīṃ dharmacāriṇīm || 1 ||

idaṃ praviṣṭāssahasā bilaṃ timirasaṃvṛtam |

kṣutpipāsāpariśrāntāḥ parikhinnāśca sarvaśaḥ || 2 ||

mahaddharaṇyā vivaraṃ praviṣṭāḥ sma pipāsitāḥ |

imāṃ stvevaṃvidhānbhāvānvividhānadbhutopamān || 3 ||

dṛṣṭvā vayaṃ pravyathitāssambhrāntā naṣṭacetasaḥ |

kasyaite kāñcanā vṛkṣāstaruṇādityasannibhāḥ || 4 ||

śucīnyabhyavahāryāṇi mūlāni ca phalāni ca |

kāñcanāni vimānāni rājatāni gṛhāṇi ca || 5 ||

tapanīyagavākṣāṇi maṇijālāvṛtāni ca |

puṣpitāḥ phalavantaśca puṇyāssurabhigandhinaḥ || 6 ||

ime jāmbūnadamayāḥ pādapāḥ kasya tejasā |

kāñcanāni ca padmāni jātāni vimale jale || 7 ||

kathaṃ matsyāśca sauvarṇā dṛśyante saha kacchapaiḥ |

ātmānamanubhāvaṃ ca kasya caitattapobalam || 8 ||

ajānatāṃ na ssarveṣāṃ sarvamākhyātumarhasi |

evamuktā hanumatā tāpasī dharmacāriṇī || 9 ||

pratyuvāca hanūmantaṃ sarvabhūtahite ratā |

mayo nāma mahātejā māyāvī vānararṣabhaḥ || 10 ||

tenedaṃ nirmitaṃ sarvaṃ māyayā kāñcanaṃ vanam |

purā dānavamukhyānāṃ viśvakarmā babhūva ha || 11 ||

yenedaṃ kāñcanaṃ divyaṃ nirmitaṃ bhavanottamam |

sa tu varṣasahasrāṇi tapastaptvā mahāvane || 12 ||

pitāmahādvaraṃ lebhe sarvamauśanasaṃ dhanam |

vanaṃ vidhāya balavānsarvakāmeśvarastadā || 13 ||

uvāsa sukhitaḥ kālaṃ kañcidasminmahāvane |

tamapsarasi hemāyāṃ saktaṃ dānavapuṅgavam || 14 ||

vikramyaivāśaniṃ gṛhya jaghānetraḥ purandaraḥ |

idaṃ ca brahmaṇā dattaṃ hemāyai vanamuttamam || 15 ||

śāśvatāḥ kāmabhogaśca gṛhaṃ cedaṃ hiraṇmayam |

duhitā merusāvarṇerahaṃ tasyāssvayamprabhā || 16 ||

idaṃ rakṣāmi bhavanaṃ hemāyā vānarottama |

mama priyasakhī hemā nṛttagītaviśāradā || 17 ||

tayā dattavarā cāsmi rakṣāmi bhavanottamam |

kiṃ kāryaṃ kasya vā hetoḥ kāntārāṇi prapaśyatha || 18 ||

kathaṃ cedaṃ vanaṃ durgaṃ yuṣmābhirupalakṣitam |

imānyabhyavahāryāṇi mūlāni ca phalāni ca || 19 ||

ityārṣe śrīmadrāmāyaṇe vālmīkīya ādikāvye kiṣkindhākāṇḍe ekapañcāśassargaḥ ||