4.47 Kishkindhakanda - Saptachatvarimsha Sargah

ॐ

4.47 கிஷ்கிந்தாகாண்ட - ஸப்தசத்வாரிம்ஶ ஸர்கஃ

Valmiki Tamil

ஶ்ரீமத்வால்மீகீய ராமாயணே கிஷ்கிந்தாகாண்டம் ।

அத ஸப்தசத்வாரிம்ஶஸ்ஸர்கஃ ।

தர்ஶநார்தம் து வைதேஹ்யாஸ்ஸர்வதஃ கபியூதபாஃ ।

வ்யாதிஷ்டாஃ கபிராஜேந யதோக்தம் ஜக்முரஞ்ஜஸா ॥ 1 ॥

ஸராம்ஸி ஸரித காக்ஷாநாகாஶம் நகராணி ச ।

நதீதுர்காம்ஸ்ததா ஶைலாந்விசிந்வந்தி ஸமந்ததஃ ॥ 2 ॥

ஸுக்ரீவேண ஸமாக்யாதாஸ்ஸர்வே வாநரயூதபாஃ ।

ப்ரதேஶாந்ப்ரவிசிந்வந்தி ஸஶைலவநகாநநாந் ॥ 3 ॥

விசித்ய திவஸம் ஸர்வே ஸீதாதிகமநே த்ரு'தாஃ ।

ஸமாயாந்தி ஸ்ம மேதிந்யாம் நிஶாகாலேஷு வாநராஃ ॥ 4 ॥

ஸர்வர்துகமாந் தேஶேஷு வாநாராஸ்ஸபலத்ருமாந் ।

ஆஸாத்ய ரஜநீம் ஶய்யாம் சக்ருஸ்ஸர்வேஷ்வஹஸ்ஸு தே ॥ 5 ॥

ததஹஃ ப்ரதமம் க்ரு'த்வா மாஸே ப்ரஶ்ரவணம் கதாஃ ।

கபிராஜேந ஸங்கம்ய நிராஶாஃ கபியூதபாஃ ॥ 6 ॥

விசித்ய து திஶம் பூர்வாம் யதோக்தாம் ஸசிவைஸ்ஸஹ ।

அத்ரு'ஷ்ட்வா விநதஸ்ஸீதாமாஜகாம மஹாபலஃ ॥ 7 ॥

உத்தராம் ச திஶம் ஸர்வாம் விசித்ய ஸ மஹாகபிஃ ।

ஆகதஸ்ஸஹ ஸைந்யேந வீரஶ்ஶதவலிஸ்ததா ॥ 8 ॥

ஸுஷேணஃ பஶ்சிமா மாஶாம் விசித்ய ஸஹ வாநரைஃ ।

ஸமேத்ய மாஸே ஸம்பூர்ணே ஸுக்ரீவமுபசக்ரமே ॥ 9 ॥

தம் ப்ரஸ்ரவணப்ரு'ஷ்டஸ்தம் ஸமாஸாத்யாபிவாத்ய ச ।

ஆஸீநம் ஸஹ ராமேண ஸுக்ரீவமிதமப்ரவீத் ॥ 10 ॥

விசிதாஃ பர்வதாஸ்ஸர்வே வநாநி கஹநாநி ச ।

நிம்நகாஸ்ஸாகராந்தாஶ்ச ஸர்வே ஜநபதாஶ்ச யே ॥ 11 ॥

குஹாஶ்ச விசிதாஸ்ஸர்வாஸ்த்வயா யாஃ பரிகீர்திதாஃ ।

விசிதாஶ்ச மஹாகுல்மா லதாவிததஸந்ததாஃ ॥ 12 ॥

கஹநேஷு ச தேஶேஷு துர்கேஷு விஷமேஷு ச ।

ஸத்த்வாந்யதிப்ரமாணாநி விசிதாநி ஹதாநி ச ॥ 13 ॥

யே சைவ கஹநா தேஶா விசிதாஸ்தே புநஃ புநஃ ।

உதாரஸத்த்வாபிஜநோ மஹாத்மா ஸ மைதிலீம் த்ரக்ஷ்யதி வாநரேந்த்ரஃ ।

திஶம் து யாமேவ கதா து ஸீதா தாமாஸ்திதோவாயுஸுதோ ஹநூமாந் ॥ 14 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே கிஷ்கிந்தாகாண்டே ஸப்தசத்வாரிம்ஶஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe kiṣkindhākāṇḍam |

atha saptacatvāriṃśassargaḥ |

darśanārthaṃ tu vaidehyāssarvataḥ kapiyūdhapāḥ |

vyādiṣṭāḥ kapirājena yathoktaṃ jagmurañjasā || 1 ||

sarāṃsi sarita kākṣānākāśaṃ nagarāṇi ca |

nadīdurgāṃstathā śailānvicinvanti samantataḥ || 2 ||

sugrīveṇa samākhyātāssarve vānarayūthapāḥ |

pradeśānpravicinvanti saśailavanakānanān || 3 ||

vicitya divasaṃ sarve sītādhigamane dhṛtāḥ |

samāyānti sma medinyāṃ niśākāleṣu vānarāḥ || 4 ||

sarvartukamān deśeṣu vānārāssaphaladrumān |

āsādya rajanīṃ śayyāṃ cakrussarveṣvahassu te || 5 ||

tadahaḥ prathamaṃ kṛtvā māse praśravaṇaṃ gatāḥ |

kapirājena saṅgamya nirāśāḥ kapiyūdhapāḥ || 6 ||

vicitya tu diśaṃ pūrvāṃ yathoktāṃ sacivaissaha |

adṛṣṭvā vinatassītāmājagāma mahābalaḥ || 7 ||

uttarāṃ ca diśaṃ sarvāṃ vicitya sa mahākapiḥ |

āgatassaha sainyena vīraśśatavalistadā || 8 ||

suṣeṇaḥ paścimā māśāṃ vicitya saha vānaraiḥ |

sametya māse sampūrṇe sugrīvamupacakrame || 9 ||

taṃ prasravaṇapṛṣṭhasthaṃ samāsādyābhivādya ca |

āsīnaṃ saha rāmeṇa sugrīvamidamabravīt || 10 ||

vicitāḥ parvatāssarve vanāni gahanāni ca |

nimnagāssāgarāntāśca sarve janapadāśca ye || 11 ||

guhāśca vicitāssarvāstvayā yāḥ parikīrtitāḥ |

vicitāśca mahāgulmā latāvitatasantatāḥ || 12 ||

gahaneṣu ca deśeṣu durgeṣu viṣameṣu ca |

sattvānyatipramāṇāni vicitāni hatāni ca || 13 ||

ye caiva gahanā deśā vicitāste punaḥ punaḥ |

udārasattvābhijano mahātmā sa maithilīṃ drakṣyati vānarendraḥ |

diśaṃ tu yāmeva gatā tu sītā tāmāsthitovāyusuto hanūmān || 14 ||

ityārṣe śrīmadrāmāyaṇe vālmīkīya ādikāvye kiṣkindhākāṇḍe saptacatvāriṃśassargaḥ ||