4.44 Kishkindhakanda - Chatushchatvarimsha Sargah

ॐ

4.44 கிஷ்கிந்தாகாண்ட - சதுஶ்சத்வாரிம்ஶ ஸர்கஃ

Valmiki Tamil

ஶ்ரீமத்வால்மீகீய ராமாயணே கிஷ்கிந்தாகாண்டம் ।

அத சதுஶ்சத்வாரிம்ஶஸ்ஸர்கஃ ।

விஶேஷேண து ஸுக்ரீவோ ஹநூமத்யர்தமுக்தவாந் ।

ஸ ஹி தஸ்மிந்ஹரிஶ்ரேஷ்டே நிஶ்சிதார்தோऽர்தஸாதநே ॥ 1 ॥

அப்ரவீச்ச ஹநூமந்தம் விக்ராந்தமநிலாத்மஜம் ।

ஸுக்ரீவஃ பரமப்ரீதஃ ப்ரபு ஸ்ஸர்வவநௌகஸாம் ॥ 2 ॥

ந பூமௌ நாந்தரிக்ஷே வா நாம்பரே நாமராலயே ।

நாப்ஸு வா கதிஸங்கம் தே பஶ்யாமி ஹரிபுங்கவ ॥ 3 ॥

ஸாஸுராஸ்ஸஹகந்தர்வாஸ்ஸநாகநரதேவதாஃ ।

விதிதா ஸ்ஸர்வலோகாஸ்தே ஸஸாகரதராதராஃ ॥ 4 ॥

கதிர்வேகஶ்ச தேஜஶ்ச லாகவம் ச மஹாகபே ।

பிதுஸ்தே ஸத்ரு'ஶம் வீர மாருதஸ்ய மஹௌஜஸஃ ॥ 5 ॥

தேஜஸா வாபி தே பூதம் ந ஸமம் புவி ந வித்யதே ।

தத்யதா லப்யதே ஸீதா தத்த்வமேவோபபாதய ॥ 6 ॥

த்வய்யேவ ஹநும ந்நஸ்தி பலம் புத்திஃ பராக்ரமஃ ।

தேஶகாலாநுவ்ரு'த்திஶ்ச நயஶ்ச நயபண்டித ॥ 7 ॥

ததஃ கார்யஸமாஸங்கமவகம்ய ஹநூமதி ।

விதித்வா ஹநுமந்தம் ச சிந்தயாமாஸ ராகவஃ ॥ 8 ॥

ஸர்வதா நிஶ்சிதார்தோऽயம் ஹநூமதி ஹரீஶ்வரஃ ।

நிஶ்சிதார்தகரஶ்சாபி ஹநூமாந்கார்யஸாதநே ॥ 9 ॥

ததேவம் ப்ரஸ்திதஸ்யாஸ்ய பரிஜ்ஞாதஸ்ய கர்மபிஃ ।

பர்த்ரா பரிக்ரு'ஹீதஸ்ய த்ருவஃ கார்யபலோதயஃ ॥ 10 ॥

தம் ஸமீக்ஷ்ய மஹாதேஜா வ்யவஸாயோத்தரம் ஹரிம் ।

க்ரு'தார்த இவ ஸம்வ்ரு'த்தஃ ப்ரஹ்ரு'ஷ்டேந்த்ரியமாநஸஃ ॥ 11 ॥

ததௌ தஸ்ய ததஃ ப்ரீதஸ்ஸ்வநாமாங்கோபஶோபிதம் ।

அங்குலீயமபிஜ்ஞாநம் ராஜபுத்ர்யாஃ பரந்தபஃ ॥ 12 ॥

அநேந த்வாம் ஹரிஶ்ரேஷ்ட சிஹ்நேந ஜநகாத்மஜா ।

மத்ஸகாஶாதநுப்ராப்தமநுத்விக்நாऽநுபஶ்யதி ॥ 13 ॥

வ்யவஸாயஶ்ச தே வீர ஸத்த்வயுக்தஶ்ச விக்ரமஃ ।

ஸுக்ரீவஸ்ய ச ஸந்தேஶஸ்ஸித்திம் கதயதீவ மே ॥ 14 ॥

ஸ தத்க்ரு'ஹ்ய ஹரிஶ்ரேஷ்டஃ ஸ்தாப்ய மூர்த்நி க்ரு'தாஞ்ஜலிஃ ।

வந்தித்வா சரணௌ சைவ ப்ரஸ்திதஃ ப்லவகோத்தமஃ ॥ 15 ॥

ஸ தத்ப்ரகர்ஷந் ஹரீணாம் மஹத்பலம் பபூவ வீரஃ பவநாத்மஜஃ கபிஃ ।

கதாம்புதே வ்யோம்நி விஶுத்தமண்டலஃ ஶஶீவ நக்ஷத்ரகணோபஶோபிதஃ ॥ 16 ॥

அதிபல பலமாஶ்ரிதஸ்தவாஹம் ஹரிவரவிக்ரம விக்ரமைரநல்பைஃ ।

பவநஸுத யதாऽபிகம்யதே ஸா ஜநகஸுதா ஹநுமம் ஸ்ததா குருஷ்வ ॥ 17 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே கிஷ்கிந்தாகாண்டே சதுஶ்சத்வாரிம்ஶஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe kiṣkindhākāṇḍam |

atha catuścatvāriṃśassargaḥ |

viśeṣeṇa tu sugrīvo hanūmatyarthamuktavān |

sa hi tasminhariśreṣṭhe niścitārtho'rthasādhane || 1 ||

abravīcca hanūmantaṃ vikrāntamanilātmajam |

sugrīvaḥ paramaprītaḥ prabhu ssarvavanaukasām || 2 ||

na bhūmau nāntarikṣe vā nāmbare nāmarālaye |

nāpsu vā gatisaṅgaṃ te paśyāmi haripuṅgava || 3 ||

sāsurāssahagandharvāssanāganaradevatāḥ |

viditā ssarvalokāste sasāgaradharādharāḥ || 4 ||

gatirvegaśca tejaśca lāghavaṃ ca mahākape |

pituste sadṛśaṃ vīra mārutasya mahaujasaḥ || 5 ||

tejasā vāpi te bhūtaṃ na samaṃ bhuvi na vidyate |

tadyathā labhyate sītā tattvamevopapādaya || 6 ||

tvayyeva hanuma nnasti balaṃ buddhiḥ parākramaḥ |

deśakālānuvṛttiśca nayaśca nayapaṇḍita || 7 ||

tataḥ kāryasamāsaṅgamavagamya hanūmati |

viditvā hanumantaṃ ca cintayāmāsa rāghavaḥ || 8 ||

sarvathā niścitārtho'yaṃ hanūmati harīśvaraḥ |

niścitārthakaraścāpi hanūmānkāryasādhane || 9 ||

tadevaṃ prasthitasyāsya parijñātasya karmabhiḥ |

bhartrā parigṛhītasya dhruvaḥ kāryaphalodayaḥ || 10 ||

taṃ samīkṣya mahātejā vyavasāyottaraṃ harim |

kṛtārtha iva saṃvṛttaḥ prahṛṣṭendriyamānasaḥ || 11 ||

dadau tasya tataḥ prītassvanāmāṅkopaśobhitam |

aṅgulīyamabhijñānaṃ rājaputryāḥ parantapaḥ || 12 ||

anena tvāṃ hariśreṣṭha cihnena janakātmajā |

matsakāśādanuprāptamanudvignā'nupaśyati || 13 ||

vyavasāyaśca te vīra sattvayuktaśca vikramaḥ |

sugrīvasya ca sandeśassiddhiṃ kathayatīva me || 14 ||

sa tadgṛhya hariśreṣṭhaḥ sthāpya mūrdhni kṛtāñjaliḥ |

vanditvā caraṇau caiva prasthitaḥ plavagottamaḥ || 15 ||

sa tatprakarṣan harīṇāṃ mahadbalaṃ babhūva vīraḥ pavanātmajaḥ kapiḥ |

gatāmbude vyomni viśuddhamaṇḍalaḥ śaśīva nakṣatragaṇopaśobhitaḥ || 16 ||

atibala balamāśritastavāhaṃ harivaravikrama vikramairanalpaiḥ |

pavanasuta yathā'bhigamyate sā janakasutā hanumaṃ stathā kuruṣva || 17 ||

ityārṣe śrīmadrāmāyaṇe vālmīkīya ādikāvye kiṣkindhākāṇḍe catuścatvāriṃśassargaḥ ||