4.41 Kishkindhakanda - Ekachatvarimsha Sargah

ॐ

4.41 கிஷ்கிந்தாகாண்ட - ஏகசத்வாரிம்ஶ ஸர்கஃ

Valmiki Tamil

ஶ்ரீமத்வால்மீகீய ராமாயணே கிஷ்கிந்தாகாண்டம் ।

அத ஏகசத்வாரிம்ஶஸ்ஸர்கஃ ।

ததஃ ப்ரஸ்தாப்ய ஸுக்ரீவஸ்தந்மஹத்வாநரம் பலம் ।

தக்ஷிணாம் ப்ரேஷயாமாஸ வாநராநபிலக்ஷிதாந் ॥ 1 ॥

நீல மக்நிஸுதம் சைவ ஹநுமந்தம் ச வாநரம் ।

பிதாமஹஸுதம் சைவ ஜாம்பவந்தம் மஹாபலம் ॥ 2 ॥

ஸுஹோத்ரம் ச ஶராரிம் ச ஶரகுல்மம் ததைவ ச ।

கஜம் கவாக்ஷம் கவயம் ஸுஷேணம்ரு'ஷபம் ததா ॥ 3 ॥

மைந்தம் ச த்விவிதம் சைவ விஜயம் கந்தமாதநம் ।

உல்காமுகமஸங்கம் ச ஹுதாஶநஸுதாவுபௌ ॥ 4 ॥

அங்கதப்ரமுகாந்வீராந்வீரஃ கபிகணேஶ்வரஃ ।

வேகவிக்ரமஸம்பந்நாந்ஸந்திதேஶ விஶேஷவித் ॥ 5 ॥

தேஷாமக்ரேஸரம் சைவ மஹாபலமதாங்கதம் ।

விதாய ஹரிவீராணாமாதிஶத்தக்ஷிணாம் திஶம் ॥ 6 ॥

யே கேசந ஸமுத்தேஶாஸ்தஸ்யாம் திஶி ஸுதுர்கமாஃ ।

கபீஶஃ கபிமுக்யாநாம் ஸ தேஷாம் தாநுதாஹரத் ॥ 7 ॥

ஸஹஸ்ரஶிரஸம் விந்த்யம் நாநாத்ருமலதாயுதம் ।

நர்மதாம் ச நதீம் ரம்யாம் மஹோரகநிஷேவிதாம் ॥ 8 ॥

ததோ கோதாவரீம் ரம்யாம் க்ரு'ஷ்ணவேணீம் மஹாநதீம் ।

வரதாம் ச மஹாபாகாம் மஹோரகநிஷேவிதாம் ॥ 9 ॥

மேகலாமுத்கலாம் சைவ தஶார்ணநகராண்யபி ।

ஆஶ்வவந்தீமவந்தீம் ச ஸர்வாமேவாநுபஶ்யத ॥ 10 ॥

விதர்பாந்ரு'ஷிகாம்ஶ்சைவ ரம்யாந்மாஹிஷகாநபி ।

ததா வங்காந்கலிங்காம்ஶ்ச கௌஶிகாம்ஶ்ச ஸமந்ததஃ ॥ 11 ॥

அந்வீக்ஷ்ய தண்டகாரண்யம் ஸபர்வதநதீகுஹாம் ।

நதீம் கோதாவரீம் சைவ ஸர்வமேவாநுபஶ்யத ॥ 12 ॥

ததைவாந்த்ராம்ஶ்ச புண்ட்ராம்ஶ்ச சோலாந்பாண்ட்யாந்த்ஸ கேரலாந் ।

அயோமுகஶ்ச கந்தவ்யஃ பர்வதோ தாதுமண்டிதஃ ॥ 13 ॥

விசித்ரஶிகர ஶ்ஶ்ரீமாம்ஶ்சித்ரபுஷ்பிதகாநநஃ ।

ஸசந்தநவநோத்தேஶோ மார்கிதவ்யோ மஹாகிரிஃ ॥ 14 ॥

ததஸ்தாமாபகாம் திவ்யாம் ப்ரஸந்நஸலிலாம் ஶிவாம் ।

தத்ர த்ரக்ஷ்யத காவேரீம் விஹிதாமப்ஸரோகணைஃ ॥ 15 ॥

தஸ்யாஸீநம் நகஸ்யாக்ரே மலயஸ்ய மஹௌஜஸம் ।

த்ரக்ஷ்யதாऽதித்யஸங்காஶமகஸ்த்யம்ரு'ஷிஸத்தமம் ॥ 16 ॥

ததஸ்தேநாப்யநுஜ்ஞாதாஃ ப்ரஸந்நேந மஹாத்மநா ।

தாம்ரபர்ணீம் க்ராஹஜுஷ்டாம் தரிஷ்யத மஹாநதீம் ॥ 17 ॥

ஸா சந்தநவநைர்திவ்யை ப்ரச்சந்நா த்வீபஶாலிநீ ।

காந்தேவ யுவதிஃ காந்தாம் ஸமுத்ரமவகாஹதே ॥ 18 ॥

ததோ ஹேமமயம் திவ்யம் முக்தாமணிவிபூஷிதம் ।

யுக்தம் கவாடம் பாண்ட்யாநாம் கதா த்ரக்ஷ்யத வாநராஃ ॥ 19 ॥

ததஸ்ஸமுத்ரமாஸாத்ய ஸம்ப்ரதார்யார்தநிஶ்சயம் ।

அகஸ்த்யேநாந்தரே தத்ர ஸாகரே விநிவேஶிதஃ ॥ 20 ॥

சித்ரநாநாநகஃ ஶ்ரீமாந்மஹேந்த்ரஃ பர்வதோத்தமஃ ।

ஜாதரூபமயஃ ஶ்ரீமாநவகாடோ மஹார்ணவம் ॥ 21 ॥

நாநாவிதைர்நகை ஸ்ஸர்வைலதாபிஶ்சோபஶோபிதம் ।

தேவர்ஷியக்ஷப்ரவரைரப்ஸரோபிஶ்ச ஸேவிதம் ॥ 22 ॥

ஸித்தசாரணஸங்கைஶ்ச ப்ரகீர்ணம் ஸமநோரமம் ।

தமுபைதி ஸஹஸ்ராக்ஷஃ ஸதா பர்வஸு பர்வஸு ॥ 23 ॥

த்வீபஸ்தஸ்யாபரே பாரே ஶதயோஜநமாயதஃ ।

அகம்யோ மாநுஷைர்தீப்தஸ்தம் மார்கத்வம் ஸமந்ததஃ ॥ 24 ॥

தத்ர ஸர்வாத்மநா ஸீதா மார்கிதவ்யா விஶேஷதஃ ।

ஸ ஹி தேஶஸ்து வத்யஸ்ய ராவணஸ்ய துராத்மநஃ ॥ 25 ॥

ராக்ஷஸாதிபதேர்வாஸஸ்ஸஹஸ்ராக்ஷஸமத்யுதேஃ ।

தக்ஷிணஸ்ய ஸமுத்ரஸ்ய மத்யே தஸ்ய து ராக்ஷஸீ ॥ 26 ॥

அங்காரகேதி விக்யாதா சாயாமாக்ரு'ஷ்ய போஜிநீ ।

ஏவம் நிஸ்ஸம்ஶயாந்க்ரு'த்வா ஸம்ஶயாந்நஷ்டஸம்ஶயாஃ ॥ 27 ॥

ம்ரு'கயத்வம் நரேந்த்ரஸ்ய பத்நீமமிததேஜஸஃ ।

தமதிக்ரம்ய லக்ஷ்மீவாந்ஸமுத்ரே ஶதயோஜநே ॥ 28 ॥

கிரிஃ புஷ்பிதகோ நாம ஸித்தசாரணஸேவிதஃ ।

சந்த்ரஸூர்யாம்ஶுஸங்காஶஸ்ஸாகராம்புஸமாவ்ரு'தஃ ॥ 29 ॥

ப்ராஜதே விபுலைஶ்ஶ்ரு'ங்கைரம்பரம் விலிகந்நிவ ।

தஸ்யைகம் காஞ்சநம் ஶ்ரு'ங்கம் ஸேவதேऽயம் திவாகரஃ ॥ 30 ॥

ஶ்வேதம் ராஜதமேகம் ச ஸேவதேऽயம் நிஶாகரஃ ।

ந தம் க்ரு'தக்நாஃ பஶ்யந்தி ந ந்ரு'ஶம்ஸா ந நாஸ்திகாஃ ॥ 31 ॥

ப்ரணம்ய ஶிரஸா ஶைலம் தம் விமார்கத வாநராஃ ।

தமதிக்ரம்ய துர்தர்ஷ ஸ்ஸூர்யவாந்நாம பர்வதஃ ॥ 32 ॥

அத்வநா துர்விகாஹேந யோஜநாநி சதுர்தஶ ।

ததஸ்தமப்யதிக்ரம்ய வைத்யுதோ நாம பர்வதஃ ॥ 33 ॥

ஸர்வகாமபலைர்வ்ரு'க்ஷை ஸ்ஸர்வகாலமநோஹரைஃ ।

தத்ர புக்த்வா வரார்ஹாணி மூலாநி ச பலாநி ச ॥ 34 ॥

மதூநி பீத்வா முக்யாநி பரம் கச்சத வாநராஃ ।

தத்ர நேத்ரமநஃகாந்தஃ குஞ்ஜரோ நாம பர்வதஃ ॥ 35 ॥

அகஸ்த்யபவநம் யத்ர நிர்மிதம் விஶ்வகர்மணா ।

தத்ர யோஜநவிஸ்தாரமுச்ச்ரிதம் தஶயோஜநம் ॥ 36 ॥

ஶரணம் காஞ்சநம் திவ்யம் நாநாரத்நவிபூஷிதம் ।

தத்ர போகவதீ நாம ஸர்பாணாமாலயஃ புரீ ॥ 37 ॥

விஶாலகக்ஷ்யா துர்தர்ஷா ஸர்வதஃ பரிரக்ஷிதா ।

ரக்ஷிதா பந்நகைர்கோரைஸ்தீக்ஷ்ணதஷ்ட்ரைரைர்மஹாவிஷைஃ ॥ 38 ॥

ஸர்பராஜோ மஹாப்ராஜ்ஞோ யஸ்யாம் வஸதி வாஸுகிஃ ।

நிர்யாய மார்கிதவ்யா ச ஸா ச போகவதீ புரீ ॥ 39 ॥

தத்ர சாநந்தரா தேஶா யே கேசந ஸுஸம்வ்ரு'தாஃ ।

தம் ச தேஶமதிக்ரம்ய மஹாந்ரு'ஷபஸம்ஸ்திதஃ ॥ 40 ॥

ஸர்வரத்நமயஃ ஶ்ரீமாந் ரு'ஷபோ நாம பர்வதஃ ।

கோஶீர்ஷகம் பத்மகம் ச ஹரிஶ்யாமம் ச சந்தநம் ॥ 41 ॥

திவ்யமுத்பத்யதே யத்ர தச்சைவாக்நிஸமப்ரபம் ।

ந து தச்சந்தநம் த்ரு'ஷ்டவா ஸ்ப்ரஷ்டவ்யம் ச கதாசந ॥ 42 ॥

ரோஹிதா நாம கந்தர்வா கோரா ரக்ஷந்தி தத்வநம் ।

தத்ர கந்தர்வபதயஃ பஞ்ச ஸூர்யஸமப்ரபாஃ ॥ 43 ॥

ஶைலூஷோ க்ராமணீ ஶ்ஶிக்ரு ஶ்ஶுப்ரோ பப்ருஸ்ததைவ ச ।

ரவிஸோமாக்நிவபுஷாம் நிவாஸஃ புண்யகர்மணாம் ॥ 44 ॥

அந்தே ப்ரு'திவ்யா துர்தர்ஷாஸ்தத்ர ஸ்வர்கஜிதஃ ஸ்திதாஃ ।

ததஃ பரம் ந வஸ்ஸேவ்யஃ பித்ரு'லோக ஸ்ஸுதாருணஃ ॥ 45 ॥

ராஜதாநீ யமஸ்யைஷா கஷ்டேந தமஸா வ்ரு'தா ।

ஏதாவதேவ யுஷ்மாபிர்வீரா வாநரபுங்கவாஃ ॥ 46 ॥

ஶக்யம் விசேதும் கந்தும் வா நாதோ கதிமதாம் கதிஃ ।

ஸர்வமேதத்ஸமாலோக்ய யச்சாந்யதபி த்ரு'ஶ்யதே ॥ 47 ॥

கதிம் விதித்வா வைதேஹ்யா ஸ்ஸந்நிவர்திதுமர்ஹத ।

யஸ்து மாஸாந்நிவ்ரு'த்தோऽக்ரே த்ரு'ஷ்டா ஸீதேதி வக்ஷ்யதி ॥ 48 ॥

மத்துல்யவிபவோ போகை ஸ்ஸுகம் ஸ விஹரிஷ்யதி ।

ததஃ ப்ரியதரோ நாஸ்தி மம ப்ராணாத்விஶேஷதஃ ॥ 49 ॥

க்ரு'தாபராதோ பஹுஶோ மம பந்துர்பவிஷ்யதி ।

அமிதபலபராக்ரமா பவந்தோ விபுலகுணேஷு குலேஷு ச ப்ரஸூதாஃ ।

மநுஜபதிஸுதாம் யதா லபத்வம் தததிகுணம் புருஷார்தமாரபத்வம் ॥ 50 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே கிஷ்கிந்தாகாண்டே ஏகசத்வாரிம்ஶஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe kiṣkindhākāṇḍam |

atha ekacatvāriṃśassargaḥ |

tataḥ prasthāpya sugrīvastanmahadvānaraṃ balam |

dakṣiṇāṃ preṣayāmāsa vānarānabhilakṣitān || 1 ||

nīla magnisutaṃ caiva hanumantaṃ ca vānaram |

pitāmahasutaṃ caiva jāmbavantaṃ mahābalam || 2 ||

suhotraṃ ca śarāriṃ ca śaragulmaṃ tathaiva ca |

gajaṃ gavākṣaṃ gavayaṃ suṣeṇamṛṣabhaṃ tathā || 3 ||

maindaṃ ca dvividaṃ caiva vijayaṃ gandhamādanam |

ulkāmukhamasaṅgaṃ ca hutāśanasutāvubhau || 4 ||

aṅgadapramukhānvīrānvīraḥ kapigaṇeśvaraḥ |

vegavikramasampannānsandideśa viśeṣavit || 5 ||

teṣāmagresaraṃ caiva mahābalamathāṅgadam |

vidhāya harivīrāṇāmādiśaddakṣiṇāṃ diśam || 6 ||

ye kecana samuddeśāstasyāṃ diśi sudurgamāḥ |

kapīśaḥ kapimukhyānāṃ sa teṣāṃ tānudāharat || 7 ||

sahasraśirasaṃ vindhyaṃ nānādrumalatāyutam |

narmadāṃ ca nadīṃ ramyāṃ mahoraganiṣevitām || 8 ||

tato godāvarīṃ ramyāṃ kṛṣṇaveṇīṃ mahānadīm |

varadāṃ ca mahābhāgāṃ mahoraganiṣevitām || 9 ||

mekhalāmutkalāṃ caiva daśārṇanagarāṇyapi |

āśvavantīmavantīṃ ca sarvāmevānupaśyata || 10 ||

vidarbhānṛṣikāṃścaiva ramyānmāhiṣakānapi |

tathā vaṅgānkaliṅgāṃśca kauśikāṃśca samantataḥ || 11 ||

anvīkṣya daṇḍakāraṇyaṃ saparvatanadīguhām |

nadīṃ godāvarīṃ caiva sarvamevānupaśyata || 12 ||

tathaivāndhrāṃśca puṇḍrāṃśca colānpāṇḍyāntsa keralān |

ayomukhaśca gantavyaḥ parvato dhātumaṇḍitaḥ || 13 ||

vicitraśikhara śśrīmāṃścitrapuṣpitakānanaḥ |

sacandanavanoddeśo mārgitavyo mahāgiriḥ || 14 ||

tatastāmāpagāṃ divyāṃ prasannasalilāṃ śivām |

tatra drakṣyatha kāverīṃ vihitāmapsarogaṇaiḥ || 15 ||

tasyāsīnaṃ nagasyāgre malayasya mahaujasam |

drakṣyathā'dityasaṅkāśamagastyamṛṣisattamam || 16 ||

tatastenābhyanujñātāḥ prasannena mahātmanā |

tāmraparṇīṃ grāhajuṣṭāṃ tariṣyatha mahānadīm || 17 ||

sā candanavanairdivyai pracchannā dvīpaśālinī |

kānteva yuvatiḥ kāntāṃ samudramavagāhate || 18 ||

tato hemamayaṃ divyaṃ muktāmaṇivibhūṣitam |

yuktaṃ kavāṭaṃ pāṇḍyānāṃ gatā drakṣyatha vānarāḥ || 19 ||

tatassamudramāsādya sampradhāryārthaniścayam |

agastyenāntare tatra sāgare viniveśitaḥ || 20 ||

citranānānagaḥ śrīmānmahendraḥ parvatottamaḥ |

jātarūpamayaḥ śrīmānavagāḍho mahārṇavam || 21 ||

nānāvidhairnagai ssarvailatābhiścopaśobhitam |

devarṣiyakṣapravarairapsarobhiśca sevitam || 22 ||

siddhacāraṇasaṅghaiśca prakīrṇaṃ samanoramam |

tamupaiti sahasrākṣaḥ sadā parvasu parvasu || 23 ||

dvīpastasyāpare pāre śatayojanamāyataḥ |

agamyo mānuṣairdīptastaṃ mārgadhvaṃ samantataḥ || 24 ||

tatra sarvātmanā sītā mārgitavyā viśeṣataḥ |

sa hi deśastu vadhyasya rāvaṇasya durātmanaḥ || 25 ||

rākṣasādhipatervāsassahasrākṣasamadyuteḥ |

dakṣiṇasya samudrasya madhye tasya tu rākṣasī || 26 ||

aṅgāraketi vikhyātā chāyāmākṛṣya bhojinī |

evaṃ nissaṃśayānkṛtvā saṃśayānnaṣṭasaṃśayāḥ || 27 ||

mṛgayadhvaṃ narendrasya patnīmamitatejasaḥ |

tamatikramya lakṣmīvānsamudre śatayojane || 28 ||

giriḥ puṣpitako nāma siddhacāraṇasevitaḥ |

candrasūryāṃśusaṅkāśassāgarāmbusamāvṛtaḥ || 29 ||

bhrājate vipulaiśśṛṅgairambaraṃ vilikhanniva |

tasyaikaṃ kāñcanaṃ śṛṅgaṃ sevate'yaṃ divākaraḥ || 30 ||

śvetaṃ rājatamekaṃ ca sevate'yaṃ niśākaraḥ |

na taṃ kṛtaghnāḥ paśyanti na nṛśaṃsā na nāstikāḥ || 31 ||

praṇamya śirasā śailaṃ taṃ vimārgata vānarāḥ |

tamatikramya durdharṣa ssūryavānnāma parvataḥ || 32 ||

adhvanā durvigāhena yojanāni caturdaśa |

tatastamapyatikramya vaidyuto nāma parvataḥ || 33 ||

sarvakāmaphalairvṛkṣai ssarvakālamanoharaiḥ |

tatra bhuktvā varārhāṇi mūlāni ca phalāni ca || 34 ||

madhūni pītvā mukhyāni paraṃ gacchata vānarāḥ |

tatra netramanaḥkāntaḥ kuñjaro nāma parvataḥ || 35 ||

agastyabhavanaṃ yatra nirmitaṃ viśvakarmaṇā |

tatra yojanavistāramucchritaṃ daśayojanam || 36 ||

śaraṇaṃ kāñcanaṃ divyaṃ nānāratnavibhūṣitam |

tatra bhogavatī nāma sarpāṇāmālayaḥ purī || 37 ||

viśālakakṣyā durdharṣā sarvataḥ parirakṣitā |

rakṣitā pannagairghoraistīkṣṇadaṣṭrairairmahāviṣaiḥ || 38 ||

sarparājo mahāprājño yasyāṃ vasati vāsukiḥ |

niryāya mārgitavyā ca sā ca bhogavatī purī || 39 ||

tatra cānantarā deśā ye kecana susamvṛtāḥ |

taṃ ca deśamatikramya mahānṛṣabhasaṃsthitaḥ || 40 ||

sarvaratnamayaḥ śrīmān ṛṣabho nāma parvataḥ |

gośīrṣakaṃ padmakaṃ ca hariśyāmaṃ ca candanam || 41 ||

divyamutpadyate yatra taccaivāgnisamaprabham |

na tu taccandanaṃ dṛṣṭavā spraṣṭavyaṃ ca kadācana || 42 ||

rohitā nāma gandharvā ghorā rakṣanti tadvanam |

tatra gandharvapatayaḥ pañca sūryasamaprabhāḥ || 43 ||

śailūṣo grāmaṇī śśigru śśubhro babhrustathaiva ca |

ravisomāgnivapuṣāṃ nivāsaḥ puṇyakarmaṇām || 44 ||

ante pṛthivyā durdharṣāstatra svargajitaḥ sthitāḥ |

tataḥ paraṃ na vassevyaḥ pitṛloka ssudāruṇaḥ || 45 ||

rājadhānī yamasyaiṣā kaṣṭena tamasā vṛtā |

etāvadeva yuṣmābhirvīrā vānarapuṅgavāḥ || 46 ||

śakyaṃ vicetuṃ gantuṃ vā nāto gatimatāṃ gatiḥ |

sarvametatsamālokya yaccānyadapi dṛśyate || 47 ||

gatiṃ viditvā vaidehyā ssannivartitumarhatha |

yastu māsānnivṛtto'gre dṛṣṭā sīteti vakṣyati || 48 ||

mattulyavibhavo bhogai ssukhaṃ sa vihariṣyati |

tataḥ priyataro nāsti mama prāṇādviśeṣataḥ || 49 ||

kṛtāparādho bahuśo mama bandhurbhaviṣyati |

amitabalaparākramā bhavanto vipulaguṇeṣu kuleṣu ca prasūtāḥ |

manujapatisutāṃ yathā labhadhvaṃ tadadhiguṇaṃ puruṣārthamārabhadhvam || 50 ||

ityārṣe śrīmadrāmāyaṇe vālmīkīya ādikāvye kiṣkindhākāṇḍe ekacatvāriṃśassargaḥ ||