4.38 Kishkindhakanda - Ashtatrimsha Sargah

ॐ

4.38 கிஷ்கிந்தாகாண்ட - அஷ்டத்ரிம்ஶ ஸர்கஃ

Valmiki Tamil

ஶ்ரீமத்வால்மீகீய ராமாயணே கிஷ்கிந்தாகாண்டம் ।

அத அஷ்டத்ரிம்ஶஸ்ஸர்கஃ ।

ப்ரதிக்ரு'ஹ்ய ச தத்ஸர்வமுபாயநமுபாஹ்ரு'தம் ।

வாநராந்ஸாந்த்வயித்வா ச ஸர்வாநேவ வ்யஸர்ஜயத் ॥ 1 ॥

விஸர்ஜயித்வா ஸ ஹரீந் ஶூராம்ஸ்தாந்க்ரு'தகர்மணஃ ।

மேநே க்ரு'தார்தமாத்மாநம் ராகவம் ச மஹாபலம் ॥ 2 ॥

ஸ லக்ஷ்மணோ பீமபலம் ஸர்வவாநரஸத்தமம் ।

அப்ரவீத்ப்ரஶ்ரிதம் வாக்யம் ஸுக்ரீவம் ஸம்ப்ரஹர்ஷயந் ॥ 3 ॥

கிஷ்கிந்தாயா விநிஷ்க்ராம யதி தே ஸௌம்ய ரோசதே ।

தஸ்ய தத்வசநம் ஶ்ருத்வா லக்ஷ்மணஸ்ய ஸுபாஷிதம் ॥ 4 ॥

ஸுக்ரீவஃ பரமப்ரீதோ வாக்யமேததுவாச ஹ ।

ஏவம் பவது கச்சாவஃ ஸ்தேயம் த்வச்சாஸநே மயா ॥ 5 ॥

தமேவமுக்த்வா ஸுக்ரீவோ லக்ஷ்மணம் ஶுபலக்ஷணம் ।

விஸர்ஜயாமாஸ ததா தாராமந்யாஶ்ச யோஷிதஃ ॥ 6 ॥

ஏதேத்யுச்சைர்ஹரிவராந்ஸுக்ரீவஸ்ஸமுதாஹரத் ।

தஸ்ய தத்வசநம் ஶ்ருத்வா ஹரயஶ்ஶீக்ரமாயயுஃ ॥ 7 ॥

பத்தாஞ்ஜலிபுடாஸ்ஸர்வே யே ஸ்யுஃ ஸ்த்ரீதர்ஶநக்ஷமாஃ ।

தாநுவாச ததஃ ப்ராப்தாந்ராஜாऽர்கஸத்ரு'ஶப்ரபஃ ॥ 8 ॥

உபஸ்தாபயத க்ஷிப்ரம் ஶிபிகாம் மம வாநராஃ ।

ஶ்ருத்வா து வசநம் தஸ்ய ஹரயஶ்ஶீக்ரவிக்ரமாஃ ॥ 9 ॥

ஸமுபஸ்தாபயாமாஸுஶ்ஶிபிகாம் ப்ரியதர்ஶநாம் ।

தாமுபஸ்தாபிதாம் த்ரு'ஷ்ட்வா ஶிபிகாம் வாநராதிபஃ ॥ 10 ॥

லக்ஷ்மணாऽருஹ்யதாம் ஶீக்ரமிதி ஸௌமித்ரிமப்ரவீத் ।

இத்யுக்த்வா காஞ்சநம் யாநம் ஸுக்ரீவஸ்ஸூர்யஸந்நிபம் ॥ 11 ॥

ப்ரு'ஹத்பிர்ஹரிபிர்யுக்தமாருரோஹ ஸலக்ஷ்மணஃ ।

பாண்டுரேணாதபத்ரேண ம்ரியமாணேந மூர்தநி ॥ 12 ॥

ஶுக்லைஶ்ச வாலவ்யஜநைர்தூயமாநைஸ்ஸமந்ததஃ ।

ஶங்கபேரீநிநாதைஶ்ச ஹரிபிஶ்சாபிவந்திதஃ ॥ 13 ॥

நிர்யயௌ ப்ராப்ய ஸுக்ரீவோ ராஜ்யஶ்ரியமநுத்தமாம் ।

ஸ வாநரஶதைஸ்தீக்ஷ்ணைர்பஹுபி ஶ்ஶஸ்த்ரபாணிபிஃ ॥ 14 ॥

பரிகீர்ணோ யயௌ தத்ர யத்ர ராமோ வ்யவஸ்திதஃ ।

ஸ தம் தேஶமநுப்ராப்ய ஶ்ரேஷ்டம் ராமநிஷேவிதம் ॥ 15 ॥

அவாதரந்மஹாதேஜா ஶ்ஶிபிகாயாஸ்ஸலக்ஷ்மணஃ ।

ஆஸாத்ய ச ததோ ராமம் க்ரு'தாஞ்ஜலிபுடோऽபவத் ॥ 16 ॥

க்ரு'தாஞ்ஜலௌ ஸ்திதே தஸ்மிந்வாநராஶ்சாபவம்ஸ்ததா ।

தடாகமிவ தம் த்ரு'ஷ்ட்வா ராமஃ குட்மலபங்கஜம் ॥ 17 ॥

வாநராணாம் மஹத்ஸைந்யம் ஸுக்ரீவே ப்ரீதிமாநபூத் ।

பாதயோஃ பதிதம் மூர்த்நா தமுத்தாப்ய ஹரீஶ்வரம் ॥ 18 ॥

ப்ரேம்ணா ச பஹுமாநாச்ச ராகவஃ பரிஷஸ்வஜே ।

பரிஷ்வஜ்ய ச தர்மாத்மா நிஷீதேதி ததோऽப்ரவீத் ॥ 19 ॥

நிஷண்ணம் தம் ததோ த்ரு'ஷ்ட்வா க்ஷிதௌ ராமோऽப்ரவீத்வசஃ ।

தர்மமர்தம் ச காமம் ச யஸ்து காலே நிஷேவதே ॥ 20 ॥

விபஜ்ய ஸததம் வீர ஸ்ஸ ராஜா ஹரிஸத்தம ।

ஹித்வா தர்மம் ததாऽர்தம் ச காமம் யஸ்து நிஷேவதே ॥ 21 ॥

ஸ வ்ரு'க்ஷாக்ரே யதா ஸுப்தஃ பதிதஃ ப்ரதிபுத்யதே ।

அமித்ராணாம் வதே யுக்தோ மித்ராணாம் ஸங்க்ரஹே ரதஃ ॥ 22 ॥

த்ரிவர்கபலபோக்தா து ராஜா தர்மேண யுஜ்யதே ।

உத்யோகஸமயஸ்த்வேஷப்ராப்தஶ்ஶத்ருவிநாஶந ॥ 23 ॥

ஸஞ்சிந்த்யதாம் ஹி பிங்கேஶ ஹரிபிஸ்ஸஹ மந்த்ரிபிஃ ।

ஏவமுக்தஸ்து ஸுக்ரீவோ ராமம் வசநமப்ரவீத் ॥ 24 ॥

ப்ரணஷ்டா ஶ்ரீஶ்ச கீர்திஶ்ச கபிராஜ்யம் ச ஶாஶ்வதம் ।

த்வத்ப்ரஸாதாந்மஹாபாஹோ புநஃப்ராப்தமிதம் மயா ॥ 25 ॥

தவ தேவ ப்ரஸாதாச்ச ப்ராதுஶ்ச ஜயதாம் வர ।

க்ரு'தம் ந ப்ரதிகுர்யாத்யஃ புருஷாணாம் ஸ தூஷகஃ ॥ 26 ॥

ஏதே வாநரமூக்யாஶ்ச ஶதஶஶ்ஶத்ருஸூதந ।

ப்ராப்தாஶ்சாதாய பலிநஃ ப்ரு'திவ்யாம் ஸர்வவாநராந் ॥ 27 ॥

ரு'க்ஷாஶ்சாவஹிதாஶ்ஶூரா கோலாங்கூலாஶ்ச ராகவ ।

காந்தாரவநதுர்காணாமபிஜ்ஞா கோரதர்ஶநாஃ ॥ 28 ॥

தேவகந்தர்வபுத்ராஶ்ச வாநராஃ காமரூபிணஃ ।

ஸ்வைஸ்ஸ்வைஃ பரிவ்ரு'தாஸ்ஸைந்யைர்வர்தந்தே பதி ராகவ ॥ 29 ॥

ஶதைஶ்ஶதஸஹஸ்ரைஶ்ச வர்தந்தே கோடிபிஶ்ச ப்லவங்கமாஃ ।

அயுதைஶ்சாவ்ரு'தா வீராஶ்ஶங்குபிஶ்ச பரந்தப ॥ 30 ॥

அர்புதைரர்புதஶதைர்மத்யைஶ்சாந்த்யைஶ்ச வாநராஃ ।

ஸமுத்ரைஶ்ச பரார்தைஶ்ச ஹரயோ ஹரியூதபாஃ ॥ 31 ॥

ஆகமிஷ்யந்தி தே ராஜந்மஹேந்த்ரஸமவிக்ரமாஃ ।

மேருமந்தரஸங்காஶா விந்த்ய மேருக்ரு'தாலயாஃ ॥ 32 ॥

தே த்வாமபிகமிஷ்யந்தி ராக்ஷஸம் யே ஸபாந்தவம் ।

நிஹத்ய ராவணம் ஸக்யே ஹ்யாநயிஷ்யந்தி மைதிலீம் ॥ 33 ॥

ததஸ்தமுத்யோகமவேக்ஷ்ய புத்திமா ந்ஹரிப்ரவீரஸ்ய நிதேஶவர்திநஃ ।

பபூவ ஹர்ஷாத்வஸுதாதிபாத்மஜஃ ப்ரபுத்தநீலோத்பலதுல்யதர்ஶநஃ ॥ 34 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே கிஷ்கிந்தாகாண்டே அஷ்டத்ரிம்ஶஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe kiṣkindhākāṇḍam |

atha aṣṭatriṃśassargaḥ |

pratigṛhya ca tatsarvamupāyanamupāhṛtam |

vānarānsāntvayitvā ca sarvāneva vyasarjayat || 1 ||

visarjayitvā sa harīn śūrāṃstānkṛtakarmaṇaḥ |

mene kṛtārthamātmānaṃ rāghavaṃ ca mahābalam || 2 ||

sa lakṣmaṇo bhīmabalaṃ sarvavānarasattamam |

abravītpraśritaṃ vākyaṃ sugrīvaṃ sampraharṣayan || 3 ||

kiṣkindhāyā viniṣkrāma yadi te saumya rocate |

tasya tadvacanaṃ śrutvā lakṣmaṇasya subhāṣitam || 4 ||

sugrīvaḥ paramaprīto vākyametaduvāca ha |

evaṃ bhavatu gacchāvaḥ stheyaṃ tvacchāsane mayā || 5 ||

tamevamuktvā sugrīvo lakṣmaṇaṃ śubhalakṣaṇam |

visarjayāmāsa tadā tārāmanyāśca yoṣitaḥ || 6 ||

etetyuccairharivarānsugrīvassamudāharat |

tasya tadvacanaṃ śrutvā harayaśśīghramāyayuḥ || 7 ||

baddhāñjalipuṭāssarve ye syuḥ strīdarśanakṣamāḥ |

tānuvāca tataḥ prāptānrājā'rkasadṛśaprabhaḥ || 8 ||

upasthāpayata kṣipraṃ śibikāṃ mama vānarāḥ |

śrutvā tu vacanaṃ tasya harayaśśīghravikramāḥ || 9 ||

samupasthāpayāmāsuśśibikāṃ priyadarśanām |

tāmupasthāpitāṃ dṛṣṭvā śibikāṃ vānarādhipaḥ || 10 ||

lakṣmaṇā'ruhyatāṃ śīghramiti saumitrimabravīt |

ityuktvā kāñcanaṃ yānaṃ sugrīvassūryasannibham || 11 ||

bṛhadbhirharibhiryuktamāruroha salakṣmaṇaḥ |

pāṇḍureṇātapatreṇa mriyamāṇena mūrdhani || 12 ||

śuklaiśca vālavyajanairdhūyamānaissamantataḥ |

śaṅkhabherīninādaiśca haribhiścābhivanditaḥ || 13 ||

niryayau prāpya sugrīvo rājyaśriyamanuttamām |

sa vānaraśataistīkṣṇairbahubhi śśastrapāṇibhiḥ || 14 ||

parikīrṇo yayau tatra yatra rāmo vyavasthitaḥ |

sa taṃ deśamanuprāpya śreṣṭhaṃ rāmaniṣevitam || 15 ||

avātaranmahātejā śśibikāyāssalakṣmaṇaḥ |

āsādya ca tato rāmaṃ kṛtāñjalipuṭo'bhavat || 16 ||

kṛtāñjalau sthite tasminvānarāścābhavaṃstathā |

taṭākamiva taṃ dṛṣṭvā rāmaḥ kuḍmalapaṅkajam || 17 ||

vānarāṇāṃ mahatsainyaṃ sugrīve prītimānabhūt |

pādayoḥ patitaṃ mūrdhnā tamutthāpya harīśvaram || 18 ||

premṇā ca bahumānācca rāghavaḥ pariṣasvaje |

pariṣvajya ca dharmātmā niṣīdeti tato'bravīt || 19 ||

niṣaṇṇaṃ taṃ tato dṛṣṭvā kṣitau rāmo'bravīdvacaḥ |

dharmamarthaṃ ca kāmaṃ ca yastu kāle niṣevate || 20 ||

vibhajya satataṃ vīra ssa rājā harisattama |

hitvā dharmaṃ tathā'rthaṃ ca kāmaṃ yastu niṣevate || 21 ||

sa vṛkṣāgre yathā suptaḥ patitaḥ pratibudhyate |

amitrāṇāṃ vadhe yukto mitrāṇāṃ saṅgrahe rataḥ || 22 ||

trivargaphalabhoktā tu rājā dharmeṇa yujyate |

udyogasamayastveṣaprāptaśśatruvināśana || 23 ||

sañcintyatāṃ hi piṅgeśa haribhissaha mantribhiḥ |

evamuktastu sugrīvo rāmaṃ vacanamabravīt || 24 ||

praṇaṣṭā śrīśca kīrtiśca kapirājyaṃ ca śāśvatam |

tvatprasādānmahābāho punaḥprāptamidaṃ mayā || 25 ||

tava deva prasādācca bhrātuśca jayatāṃ vara |

kṛtaṃ na pratikuryādyaḥ puruṣāṇāṃ sa dūṣakaḥ || 26 ||

ete vānaramūkhyāśca śataśaśśatrusūdana |

prāptāścādāya balinaḥ pṛthivyāṃ sarvavānarān || 27 ||

ṛkṣāścāvahitāśśūrā golāṅgūlāśca rāghava |

kāntāravanadurgāṇāmabhijñā ghoradarśanāḥ || 28 ||

devagandharvaputrāśca vānarāḥ kāmarūpiṇaḥ |

svaissvaiḥ parivṛtāssainyairvartante pathi rāghava || 29 ||

śataiśśatasahasraiśca vartante koṭibhiśca plavaṅgamāḥ |

ayutaiścāvṛtā vīrāśśaṅkubhiśca parantapa || 30 ||

arbudairarbudaśatairmadhyaiścāntyaiśca vānarāḥ |

samudraiśca parārdhaiśca harayo hariyūthapāḥ || 31 ||

āgamiṣyanti te rājanmahendrasamavikramāḥ |

merumandarasaṅkāśā vindhya merukṛtālayāḥ || 32 ||

te tvāmabhigamiṣyanti rākṣasaṃ ye sabāndhavam |

nihatya rāvaṇaṃ sakhye hyānayiṣyanti maithilīm || 33 ||

tatastamudyogamavekṣya buddhimā nharipravīrasya nideśavartinaḥ |

babhūva harṣādvasudhādhipātmajaḥ prabuddhanīlotpalatulyadarśanaḥ || 34 ||

ityārṣe śrīmadrāmāyaṇe vālmīkīya ādikāvye kiṣkindhākāṇḍe aṣṭatriṃśassargaḥ ||