4.26 Kishkindhakanda - Shadvimsha Sargah

ॐ

4.26 கிஷ்கிந்தாகாண்ட - ஷட்விம்ஶ ஸர்கஃ

Valmiki Tamil

ஶ்ரீமத்வால்மீகீய ராமாயணே கிஷ்கிந்தாகாண்டம் ।

அத ஷட்விம்ஶஸ்ஸர்கஃ ।

ததஶ்ஶோகாபிஸந்தப்தம் ஸுக்ரீவம் க்லிந்நவாஸஸம் ।

ஶாகாம்ரு'கமஹாமாத்ராஃ பரிவார்யோபதஸ்திரே ॥ 1 ॥

அபிகம்ய மஹாபாஹும் ராமமக்லிஷ்டகாரிணம் ।

ஸ்திதாஃ ப்ராஞ்ஜலயஸ்ஸர்வே பிதாமஹமிவர்ஷயஃ ॥ 2 ॥

ததஃ காஞ்சநஶைலாப ஸ்தருணார்கநிபாநநஃ ।

அப்ரவீத்ப்ராஞ்ஜலிர்வாக்யம் ஹநூமாந்மாருதாத்மஜஃ ॥ 3 ॥

பவத்ப்ரஸாதாத்ஸுக்ரீவஃ பித்ரு'பைதாமஹம் மஹத் ।

வாநராணாம் ஸுதுஷ்ப்ராபம் ப்ராப்தோ ராஜ்யமிதம் ப்ரபோ ॥ 4 ॥

பவதா ஸமநுஜ்ஞாதஃ ப்ரவிஶ்ய நகரம் ஶுபம் ॥ 5 ॥

ஸம்விதாஸ்யதி கார்யாணி ஸர்வாணி ஸஸுஹ்ரு'ஜ்ஜநஃ ।

ஸ்நாதோऽயம் விவிதைர்கந்தைரௌஷதைஶ்ச யதாவிதி ॥ 6 ॥

அர்சயிஷ்யதி ரத்நைஶ்ச மால்யைஶ்ச த்வாம் விஶேஷதஃ ।

இமாம் கிரிகுஹாம் ரம்யாமபிகந்துமிதோऽர்ஹஸி ॥ 7 ॥

குருஷ்வ ஸ்வாமிஸம்பந்தம் வாநராந்ஸம்ப்ரஹர்ஷய ।

ஏவமுக்தோ ஹநுமதா ராகவஃ பரவீரஹா ॥ 8 ॥

ப்ரத்யுவாச ஹநூமந்தம் புத்திமாந்வாக்யகோவிதஃ ।

சதுர்தஶ ஸமாஸ்ஸௌம்ய க்ராமம் வா யதி வா புரம் ॥ 9 ॥

ந ப்ரவேக்ஷ்யாமி ஹநுமந்பிதுர்நிர்தேஶபாலகஃ ।

ஸுஸம்ரு'த்தாம் குஹாம் ரம்யாம் ஸுக்ரீவோ வாநரர்ஷபஃ ॥ 10 ॥

ப்ரவிஷ்டோ விதிவத்வீரஃ க்ஷிப்ரம் ராஜ்யேऽபிஷிச்யதாம் ।

ஏவமுக்த்வா ஹநூமந்தம் ராமஸ்ஸுக்ரீவமப்ரவீத் ॥ 11 ॥

வ்ரு'த்தஜ்ஞோ வ்ரு'த்தஸம்பந்நமுதாரபலவிக்ரமம் ।

இமமப்யங்கதம் வீர யௌவராஜ்யேऽபிஷேசய ॥ 12 ॥

ஜ்யேஷ்டஸ்ய ஸ ஸுதோ ஜ்யேஷ்டஸ்ஸத்ரு'ஶோ விக்ரமேண தே ।

அங்கதோऽயமதீநாத்மா யௌவராஜ்யஸ்ய பாஜநம் ॥ 13 ॥

பூர்வோऽயம் வார்ஷிகோ மாஸஃ ஶ்ராவணஸ்ஸலிலாகமஃ ।

ப்ரவ்ரு'த்தாஸ்ஸௌம்ய சத்வாரோ மாஸா வார்ஷிகஸஜ்ஞிகாஃ ॥ 14 ॥

நாயமுத்யோகஸமயஃ ப்ரவிஶ த்வம் புரீம் ஶுபாம் ।

அஸ்மிந்வத்ஸ்யாம்யஹம் ஸௌம்ய பர்வதே ஸஹ லக்ஷ்மணஃ ॥ 15 ॥

இயம் கிரிகுஹா ரம்யா விஶாலா யுக்தமாருதா ।

ப்ரபூதஸலிலா ஸௌம்ய ப்ரபூதகமலோத்பலா ॥ 16 ॥

கார்திகே ஸமநுப்ராப்தே த்வம் ராவணவதே யத ।

ஏஷ நஸ்ஸமயஸ்ஸௌம்ய ப்ரவிஶ த்வம் ஸ்வமாலயம் ॥ 17 ॥

அபிஷிக்தஸ்வ ராஜ்யே ச ஸுஹ்ரு'தஸ்ஸம்ப்ரஹர்ஷய ।

இதி ராமாப்யநுஜ்ஞாதஸ்ஸுக்ரீவோ வாநராதிபஃ ॥ 18 ॥

ப்ரவிவேஶ புரீம் ரம்யாம் கிஷ்கிந்தாம் வாலிபாலிதாம் ।

தம் வாநரஸஹஸ்ராணி ப்ரவிஷ்டம் வாநரேஶ்வரம் ॥ 19 ॥

அபிவாத்ய ப்ரவிஷ்டாநி ஸர்வதஃ பர்யவாரயந் ।

ததஃ ப்ரக்ரு'தயஸ்ஸர்வா த்ரு'ஷ்ட்வா ஹரிகணேஶ்வரம் ॥ 20 ॥

ப்ரணம்ய மூர்த்நா பதிதா வஸுதாயாம் ஸமாஹிதாஃ ।

ஸுக்ரீவஃ ப்ரக்ரு'தீஸ்ஸர்வாஸ்ஸம்பாஷ்யோத்தாப்ய வீர்யவாந் ॥ 21 ॥

ப்ராதுரந்தஃபுரம் ஸௌம்யம் ப்ரவிவேஶ மஹாபலஃ ।

ப்ரவிஶ்ய த்வபிநிஷ்க்ராந்தம் ஸுக்ரீவம் ப்லவகேஶ்வரம் ॥ 22 ॥

அப்யஷிஞ்சந்த ஸுஹ்ரு'தஸ்ஸஹஸ்ராக்ஷமிவாமராஃ ।

தஸ்ய பாண்டுரமாஜஹ்ருஶ்சத்ரம் ஹேமபரிஷ்க்ரு'தம் ॥ 23 ॥

ஶுக்லே ச வாலவ்யஜநே ஹேமதண்டே யஶஸ்கரே ।

ததா ஸர்வாணி ரத்நாநி ஸர்வபீஜௌஷதீரபி ॥ 24 ॥

ஸக்ஷீராணாம் ச வ்ரு'க்ஷாணாம் ப்ரரோஹாந்குஸுமாநி ச ।

ஶுக்லாநி சைவ வஸ்த்ராணி ஶ்வேதம் சைவாநுலேபநம் ॥ 25 ॥

ஸுகந்தீநி ச மால்யாநி ஸ்தலஜாந்யம்புஜாநி ச ।

சந்தநாநி ச திவ்யாநி கந்தாம்ஶ்ச விவிதாந்பஹூந் ॥ 26 ॥

அக்ஷதம் ஜாதரூபம் ச ப்ரியங்குமதுஸர்பிஷீ ।

ததி சர்ம ச வையாக்ரம் வாராஹீ சாப்யுபாநஹௌ ॥ 27 ॥

ஸமாலம்பநமாதாய ரோசநாம் ஸமநஶ்ஶிலாம் ।

ஆக்முஸ்தத்ர முதிதா வராஃ கந்யாஸ்து ஷோடஶ ॥ 28 ॥

ததஸ்தே வாநரஶ்ரேஷ்டம் யதாகாலம் யதாவிதி ।

ரத்நைர்வஸ்த்ரைஶ்ச பக்ஷ்யைஶ்ச தோஷயித்வா த்விஜர்ஷபாந் ॥ 29 ॥

ததஃ குஶபரிஸ்தீர்ணம் ஸமித்தம் ஜாதவேதஸம் ।

மந்த்ரபூதேந ஹவிஷா ஹுத்வா மந்த்ரவிதோ ஜநாஃ ॥ 30 ॥

ததோ ஹேமப்ரதிஷ்டாநே வராஸ்தரணஸம்வ்ரு'தே ।

ப்ராஸாதஶிகரே ரம்யே சித்ரமால்யோபஶோபிதே ॥ 31 ॥

ப்ராங்முகம் விவிதைர்மந்த்ரைஃ ஸ்தாபயித்வா வராஸநே ।

நதீநதேப்யஸ்ஸம்ஹ்ரு'த்ய தீர்தேப்யஶ்ச ஸமந்ததஃ ॥ 32 ॥

ஆஹ்ரு'த்ய ச ஸமுத்ரேப்யஸ்ஸர்வேப்யோ வாநரர்ஷபாஃ ।

அபஃ கநககும்பேஷு நிதாய விமலாஶ்ஶுபாஃ ॥ 33 ॥

ஶுபைர்வ்ரு'ஷபஶ்ரு'ங்கைஶ்ச கலஶைஶ்சாபி காஞ்சநைஃ ।

ஶாஸ்த்ரத்ரு'ஷ்டேந விதிநா மஹர்ஷிவிஹிதேந ச ॥ 34 ॥

கஜோ கவாக்ஷோ கவயஶ்ஶரபோ கந்தமாதநஃ ।

மைந்தஶ்ச த்விவிதஶ்சைவ ஹநுமாந்ஜாம்பவாந்நலஃ ॥ 35 ॥

அப்யஷிஞ்சந்த ஸுக்ரீவம் ப்ரஸந்நேந ஸுகந்திநா ।

ஸலிலேந ஸஹஸ்ராக்ஷம் வஸவோ வாஸவம் யதா ॥ 36 ॥

அபிஷிக்தே து ஸுக்ரீவே ஸர்வே வாநரபுங்கவாஃ ।

ப்ரசுக்ருஶுர்மஹாத்மாநோ ஹ்ரு'ஷ்டா ஸ்தத்ர ஸஹஸ்ரஶஃ ॥ 37 ॥

ராமஸ்ய து வசஃ குர்வந்ஸுக்ரீவோ ஹரிபுங்கவஃ ।

அங்கதம் ஸம்பரிஷ்வஜ்ய யௌவராஜ்யேऽப்யஷேசயத் ॥ 38 ॥

அங்கதே சாபிஷிக்தே து ஸாநுக்ரோஶாஃ ப்லவங்கமாஃ ।

ஸாது ஸாத்விதி ஸுக்ரீவம் மஹாத்மாநோऽப்யபூஜயந் ॥ 39 ॥

ராமம் சைவ மஹாத்மாநம் லக்ஷ்மணம் ச புநஃ புநஃ ।

ப்ரீதாஶ்ச துஷ்டுவுஸ்ஸர்வே தாத்ரு'ஶே தத்ர வர்திதே ॥ 40 ॥

ஹ்ரு'ஷ்டபுஷ்டஜநாகீர்ணா பதாகாத்வஜஶோபிதா ।

பபூவ நகரீ ரம்யா கிஷ்கிந்தா கிரிகஹ்வரே ॥ 41 ॥

நிவேத்ய ராமாய ததா மஹாத்மநே மஹாபிஷேகம் கபிவாஹிநீபதிஃ ।

ருமாம் ச பார்யம் ப்ரதிலப்ய வீர்யவா நவாப ராஜ்யம் த்ரிதஶாதிபோ யதா ॥ 42 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே கிஷ்கிந்தாகாண்டே ஷட்விம்ஶஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe kiṣkindhākāṇḍam |

atha ṣaḍviṃśassargaḥ |

tataśśokābhisantaptaṃ sugrīvaṃ klinnavāsasam |

śākhāmṛgamahāmātrāḥ parivāryopatasthire || 1 ||

abhigamya mahābāhuṃ rāmamakliṣṭakāriṇam |

sthitāḥ prāñjalayassarve pitāmahamivarṣayaḥ || 2 ||

tataḥ kāñcanaśailābha staruṇārkanibhānanaḥ |

abravītprāñjalirvākyaṃ hanūmānmārutātmajaḥ || 3 ||

bhavatprasādātsugrīvaḥ pitṛpaitāmahaṃ mahat |

vānarāṇāṃ suduṣprāpaṃ prāpto rājyamidaṃ prabho || 4 ||

bhavatā samanujñātaḥ praviśya nagaraṃ śubham || 5 ||

saṃvidhāsyati kāryāṇi sarvāṇi sasuhṛjjanaḥ |

snāto'yaṃ vividhairgandhairauṣadhaiśca yathāvidhi || 6 ||

arcayiṣyati ratnaiśca mālyaiśca tvāṃ viśeṣataḥ |

imāṃ giriguhāṃ ramyāmabhigantumito'rhasi || 7 ||

kuruṣva svāmisambandhaṃ vānarānsampraharṣaya |

evamukto hanumatā rāghavaḥ paravīrahā || 8 ||

pratyuvāca hanūmantaṃ buddhimānvākyakovidaḥ |

caturdaśa samāssaumya grāmaṃ vā yadi vā puram || 9 ||

na pravekṣyāmi hanumanpiturnirdeśapālakaḥ |

susamṛddhāṃ guhāṃ ramyāṃ sugrīvo vānararṣabhaḥ || 10 ||

praviṣṭo vidhivadvīraḥ kṣipraṃ rājye'bhiṣicyatām |

evamuktvā hanūmantaṃ rāmassugrīvamabravīt || 11 ||

vṛttajño vṛttasampannamudārabalavikramam |

imamapyaṅgadaṃ vīra yauvarājye'bhiṣecaya || 12 ||

jyeṣṭhasya sa suto jyeṣṭhassadṛśo vikrameṇa te |

aṅgado'yamadīnātmā yauvarājyasya bhājanam || 13 ||

pūrvo'yaṃ vārṣiko māsaḥ śrāvaṇassalilāgamaḥ |

pravṛttāssaumya catvāro māsā vārṣikasajñikāḥ || 14 ||

nāyamudyogasamayaḥ praviśa tvaṃ purīṃ śubhām |

asminvatsyāmyahaṃ saumya parvate saha lakṣmaṇaḥ || 15 ||

iyaṃ giriguhā ramyā viśālā yuktamārutā |

prabhūtasalilā saumya prabhūtakamalotpalā || 16 ||

kārtike samanuprāpte tvaṃ rāvaṇavadhe yata |

eṣa nassamayassaumya praviśa tvaṃ svamālayam || 17 ||

abhiṣiktasva rājye ca suhṛdassampraharṣaya |

iti rāmābhyanujñātassugrīvo vānarādhipaḥ || 18 ||

praviveśa purīṃ ramyāṃ kiṣkindhāṃ vālipālitām |

taṃ vānarasahasrāṇi praviṣṭaṃ vānareśvaram || 19 ||

abhivādya praviṣṭāni sarvataḥ paryavārayan |

tataḥ prakṛtayassarvā dṛṣṭvā harigaṇeśvaram || 20 ||

praṇamya mūrdhnā patitā vasudhāyāṃ samāhitāḥ |

sugrīvaḥ prakṛtīssarvāssambhāṣyotthāpya vīryavān || 21 ||

bhrāturantaḥpuraṃ saumyaṃ praviveśa mahābalaḥ |

praviśya tvabhiniṣkrāntaṃ sugrīvaṃ plavageśvaram || 22 ||

abhyaṣiñcanta suhṛdassahasrākṣamivāmarāḥ |

tasya pāṇḍuramājahruśchatraṃ hemapariṣkṛtam || 23 ||

śukle ca vālavyajane hemadaṇḍe yaśaskare |

tathā sarvāṇi ratnāni sarvabījauṣadhīrapi || 24 ||

sakṣīrāṇāṃ ca vṛkṣāṇāṃ prarohānkusumāni ca |

śuklāni caiva vastrāṇi śvetaṃ caivānulepanam || 25 ||

sugandhīni ca mālyāni sthalajānyambujāni ca |

candanāni ca divyāni gandhāṃśca vividhānbahūn || 26 ||

akṣataṃ jātarūpaṃ ca priyaṅgumadhusarpiṣī |

dadhi carma ca vaiyāghraṃ vārāhī cāpyupānahau || 27 ||

samālambhanamādāya rocanāṃ samanaśśilām |

āgmustatra muditā varāḥ kanyāstu ṣoḍaśa || 28 ||

tataste vānaraśreṣṭhaṃ yathākālaṃ yathāvidhi |

ratnairvastraiśca bhakṣyaiśca toṣayitvā dvijarṣabhān || 29 ||

tataḥ kuśaparistīrṇaṃ samiddhaṃ jātavedasam |

mantrapūtena haviṣā hutvā mantravido janāḥ || 30 ||

tato hemapratiṣṭhāne varāstaraṇasaṃvṛte |

prāsādaśikhare ramye citramālyopaśobhite || 31 ||

prāṅmukhaṃ vividhairmantraiḥ sthāpayitvā varāsane |

nadīnadebhyassaṃhṛtya tīrthebhyaśca samantataḥ || 32 ||

āhṛtya ca samudrebhyassarvebhyo vānararṣabhāḥ |

apaḥ kanakakumbheṣu nidhāya vimalāśśubhāḥ || 33 ||

śubhairvṛṣabhaśṛṅgaiśca kalaśaiścāpi kāñcanaiḥ |

śāstradṛṣṭena vidhinā maharṣivihitena ca || 34 ||

gajo gavākṣo gavayaśśarabho gandhamādanaḥ |

maindaśca dvividaścaiva hanumānjāmbavānnalaḥ || 35 ||

abhyaṣiñcanta sugrīvaṃ prasannena sugandhinā |

salilena sahasrākṣaṃ vasavo vāsavaṃ yathā || 36 ||

abhiṣikte tu sugrīve sarve vānarapuṅgavāḥ |

pracukruśurmahātmāno hṛṣṭā statra sahasraśaḥ || 37 ||

rāmasya tu vacaḥ kurvansugrīvo haripuṅgavaḥ |

aṅgadaṃ sampariṣvajya yauvarājye'bhyaṣecayat || 38 ||

aṅgade cābhiṣikte tu sānukrośāḥ plavaṅgamāḥ |

sādhu sādhviti sugrīvaṃ mahātmāno'bhyapūjayan || 39 ||

rāmaṃ caiva mahātmānaṃ lakṣmaṇaṃ ca punaḥ punaḥ |

prītāśca tuṣṭuvussarve tādṛśe tatra vartite || 40 ||

hṛṣṭapuṣṭajanākīrṇā patākādhvajaśobhitā |

babhūva nagarī ramyā kiṣkindhā girigahvare || 41 ||

nivedya rāmāya tadā mahātmane mahābhiṣekaṃ kapivāhinīpatiḥ |

rumāṃ ca bhāryaṃ pratilabhya vīryavā navāpa rājyaṃ tridaśādhipo yathā || 42 ||

ityārṣe śrīmadrāmāyaṇe vālmīkīya ādikāvye kiṣkindhākāṇḍe ṣaḍviṃśassargaḥ ||