4.21 Kishkindhakanda - Ekavimsha Sargah

ॐ

4.21 கிஷ்கிந்தாகாண்ட - ஏகவிம்ஶ ஸர்கஃ

Valmiki Tamil

ஶ்ரீமத்வால்மீகீய ராமாயணே கிஷ்கிந்தாகாண்டம் ।

அத ஏகவிம்ஶஸ்ஸர்கஃ ।

ததோ நிபதிதாம் தாராம் ச்யுதாம் தாராமிவாம்பராத் ।

ஶநைராஶ்வாஸயாமாஸ ஹநுமாந்ஹரியூதபஃ ॥ 1 ॥

குணதோஷக்ரு'தம் ஜந்துஸ்ஸ்வகர்ம பலஹேதுகம் ।

அவ்யக்ரஸ்ததவாப்நோதி ஸர்வம் ப்ரேத்ய ஶுபாஶுபம் ॥ 2 ॥

ஶோச்யா ஶோசஸி கம் ஶோச்யம் தீநம் தீநாऽநுகம்பஸே ।

கஸ்ய கோவாऽநுஶோச்யோऽஸ்தி தேஹேऽஸ்மிந் புத்புதோபமே ॥ 3 ॥

அங்கதஸ்து குமாரோऽயம் த்ரஷ்டவ்யோ ஜீவபுத்ரயா ।

அயத்யாம் ச விதேயாநி ஸமர்தாந்யஸ்ய சிந்தய ॥ 4 ॥

ஜாநாஸ்யநியதாமேவம் பூதாநாமாகதிம் கதிம் ।

தஸ்மாச்சுபம் ஹி கர்தவ்யம் பண்டிதேநைஹ லௌகிகம் ॥ 5 ॥

யஸ்மிந்ஹரிஸஹஸ்ராணி ப்ரயுதாந்யர்புதாநி ச ।

வர்தயந்தி க்ரு'தாம்ஶாநி ஸோऽயம் திஷ்டாந்தமாகதஃ ॥ 6 ॥

யதயம் ந்யாயத்ரு'ஷ்டார்தஸ்ஸாமதாநக்ஷமாபரஃ ।

கதோ தர்மஜிதாம் பூமிம் நைநம் ஶோசிதுமர்ஹஸி ॥ 7 ॥

ஸர்வே ஹி ஹரிஶார்தூலாஃ புத்ரஶ்சாயம் தவாங்கதஃ ।

இதம் ஹர்ய்ரு'க்ஷபதிராஜ்யம் ச த்வத்ஸநாதமநிந்திதே ॥ 8 ॥

தாவிமௌ ஶோகஸந்தப்தௌ ஶநைஃ ப்ரேரய பாமிநி ।

த்வயா பரிக்ரு'ஹீதோऽயமங்கதஶ்ஶாஸ்து மேதிநீம் ॥ 9 ॥

ஸந்ததிஶ்ச யதா த்ரு'ஷ்டா க்ரு'த்யம் யச்சாபி ஸாம்ப்ரதம் ।

ராஜ்ஞஸ்தத்க்ரியதாம் ஸர்வமேஷ காலஸ்ய நிஶ்சயஃ ॥ 10 ॥

ஸம்ஸ்கார்யோ ஹரிராஜஶ்ச அங்கதஶ்சாபிஷிச்யதாம் ।

ஸிம்ஹாஸநகதம் புத்ரம் பஶ்யந்தீ ஶாந்திமேஷ்யஸி ॥ 11 ॥

ஸா தஸ்ய வசநம் ஶ்ருத்வா பர்த்ரு'வ்யஸநபீடிதா ।

அப்ரவீதுத்தரம் தாரா ஹநூமந்தமவஸ்திதம் ॥ 12 ॥

அங்கதப்ரதிரூபாணாம் புத்ராணாமேகதஶ்ஶதம் ।

ஹதஸ்யாப்யஸ்ய வீரஸ்ய காத்ரஸம்ஶ்லேஷணம் வரம் ॥ 13 ॥

ந சாஹம் ஹரிராஜஸ்ய ப்ரபவாம்யங்கதஸ்ய வா ।

பித்ரு'வ்யஸ்தஸ்ய ஸுக்ரீவஸ்ஸர்வகார்யேஷ்வநந்தரஃ ॥ 14 ॥

ந ஹ்யேஷாபுத்திராஸ்தேயா ஹநூமந்நங்கதம் ப்ரதி ।

பிதா ஹி பந்துஃ புத்ரஸ்ய ந மாதா ஹரிஸத்தம ॥ 15 ॥

ந ஹி மம ஹரிராஜஸம்ஶ்ரயாத் க்ஷமதரமஸ்தி பரத்ர சேஹ வா ।

அபிமுகஹதவீரஸேவிதம் ஶயநமிதம் மம ஸேவிதும் க்ஷமம் ॥ 16 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே கிஷ்கிந்தாகாண்டே ஏகவிம்ஶஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe kiṣkindhākāṇḍam |

atha ekaviṃśassargaḥ |

tato nipatitāṃ tārāṃ cyutāṃ tārāmivāmbarāt |

śanairāśvāsayāmāsa hanumānhariyūthapaḥ || 1 ||

guṇadoṣakṛtaṃ jantussvakarma phalahetukam |

avyagrastadavāpnoti sarvaṃ pretya śubhāśubham || 2 ||

śocyā śocasi kaṃ śocyaṃ dīnaṃ dīnā'nukampase |

kasya kovā'nuśocyo'sti dehe'smin budbudopame || 3 ||

aṅgadastu kumāro'yaṃ draṣṭavyo jīvaputrayā |

ayatyāṃ ca vidheyāni samarthānyasya cintaya || 4 ||

jānāsyaniyatāmevaṃ bhūtānāmāgatiṃ gatim |

tasmācchubhaṃ hi kartavyaṃ paṇḍitenaiha laukikam || 5 ||

yasminharisahasrāṇi prayutānyarbudāni ca |

vartayanti kṛtāṃśāni so'yaṃ diṣṭāntamāgataḥ || 6 ||

yadayaṃ nyāyadṛṣṭārthassāmadānakṣamāparaḥ |

gato dharmajitāṃ bhūmiṃ nainaṃ śocitumarhasi || 7 ||

sarve hi hariśārdūlāḥ putraścāyaṃ tavāṅgadaḥ |

idaṃ haryṛkṣapatirājyaṃ ca tvatsanāthamanindite || 8 ||

tāvimau śokasantaptau śanaiḥ preraya bhāmini |

tvayā parigṛhīto'yamaṅgadaśśāstu medinīm || 9 ||

santatiśca yathā dṛṣṭā kṛtyaṃ yaccāpi sāmpratam |

rājñastatkriyatāṃ sarvameṣa kālasya niścayaḥ || 10 ||

saṃskāryo harirājaśca aṅgadaścābhiṣicyatām |

siṃhāsanagataṃ putraṃ paśyantī śāntimeṣyasi || 11 ||

sā tasya vacanaṃ śrutvā bhartṛvyasanapīḍitā |

abravīduttaraṃ tārā hanūmantamavasthitam || 12 ||

aṅgadapratirūpāṇāṃ putrāṇāmekataśśatam |

hatasyāpyasya vīrasya gātrasaṃśleṣaṇaṃ varam || 13 ||

na cāhaṃ harirājasya prabhavāmyaṅgadasya vā |

pitṛvyastasya sugrīvassarvakāryeṣvanantaraḥ || 14 ||

na hyeṣābuddhirāstheyā hanūmannaṅgadaṃ prati |

pitā hi bandhuḥ putrasya na mātā harisattama || 15 ||

na hi mama harirājasaṃśrayāt kṣamataramasti paratra ceha vā |

abhimukhahatavīrasevitaṃ śayanamidaṃ mama sevituṃ kṣamam || 16 ||

ityārṣe śrīmadrāmāyaṇe vālmīkīya ādikāvye kiṣkindhākāṇḍe ekaviṃśassargaḥ ||