3.9 Aranyakanda - Navama Sargah

ॐ

3.9 அரண்யகாண்ட - நவம ஸர்கஃ

Valmiki Tamil

ஶ்ரீமத்வால்மீகீய ராமாயணே அரண்யகாண்டம் ।

அத நவமஸ்ஸர்கஃ ।

ஸுதீக்ஷ்ணேநாப்யநுஜ்ஞாதம் ப்ரஸ்திதம் ரகுநந்தநம் ।

ஹ்ரு'த்யயா ஸ்நிக்தயா வாசா பர்தாரமிதமப்ரவீத் ॥ 1 ॥

அயம் தர்மஸ்ஸுஸூக்ஷ்மேண விதிநா ப்ராப்யதே மஹாந் ।

நிவ்ரு'த்தேந து ஶக்யோऽயம் வ்யஸநாத்காமஜாதிஹ ॥ 2 ॥

த்ரீண்யேவ வ்யஸநாந்யத்ர காமஜாநி பவந்த்யுத ।

மித்யாவாக்யம் பரமகம் தஸ்மாத்குருதராவுபௌ ॥ 3 ॥

பரதாராபிகமநம் விநா வைரம் ச ரௌத்ரதா ।

மித்யாவாக்யம் ந தே பூதம் ந பவிஷ்யதி ராகவ ॥ 4 ॥

குதோऽபிலாஷணம் ஸ்த்ரீணாம் பரேஷாம் தர்மநாஶநம் ।

தவ நாஸ்தி மநுஷ்யேந்த்ர ந சாபூத்தே கதாசந ॥ 5 ॥

மநஸ்யபி ததா ராம ந சைதத்வித்யதே க்வசித் ।

ஸ்வதாரநிரதஸ்த்வம் ச நித்யமேவ ந்ரு'பாத்மஜ ॥ 6 ॥

தர்மிஷ்டஸ்ஸத்யஸந்தஶ்ச பிதுர்நிர்தேஶகாரகஃ ।

ஸத்யஸந்த மஹாபாக ஶ்ரீமல்லக்ஷ்மணபூர்வஜ ॥ 7 ॥

த்வயி தர்மஶ்ச ஸத்யம் ச த்வயி ஸர்வம் ப்ரதிஷ்டிதம் ।

தச்ச ஸர்வம் மஹாபாஹோ ஶக்யம் தர்தும் ஜிதேந்த்ரியைஃ ॥ 8 ॥

தவ வஶ்யேந்த்ரியத்வம் ச ஜாநாமி ஶுபதர்ஶந ।

த்ரு'தீயம் யதிதம் ரௌத்ரம் பரப்ராணாபிஹிம்ஸநம் ॥ 9 ॥

நிர்வைரம் க்ரியதே மோஹாத்தச்ச தே ஸமுபஸ்திதம் ।

ப்ரதிஜ்ஞாதஸ்த்வயா வீர தண்டகாரண்யவாஸிநாம் ॥ 10 ॥

ரு'ஷீணாம் ரக்ஷணார்தாய வதஸ்ஸம்யதி ரக்ஷஸாம் ।

ஏதந்நிமித்தம் ச வநம் தண்டகா இதி விஶ்ருதம் ॥ 11 ॥

ப்ரஸ்திதஸ்த்வம் ஸஹ ப்ராத்ரா த்ரு'தபாணஶராஸநஃ ।

ததஸ்த்வாம் ப்ரஸ்திதம் த்ரு'ஷ்ட்வா மம சிந்தாகுலம் மநஃ ॥ 12 ॥

த்வத்வ்ரு'த்தம் சிந்தயந்த்யா வை பவேந்நிஶ்ஶ்ரேயஸம் ஹிதம் ।

த்வாம் சைவ ப்ரஸ்திதம் த்ரு'ஷ்ட்வா ராம சிந்தாகுலம் மநஃ ॥ 13 ॥

ஸர்வதசஶிந்தய்நத்யா மே தவ நிஶ்ஶ்ரேயஸம் ந்ரு'ப ।

ந ஹி மே ரோசதே வீர கமநம் தண்டகாந்ப்ரதி ॥ 14 ॥

காரணம் தத்ர வக்ஷ்யாமி வதந்த்யாஶ்ஶ்ரூயதாம் மம ।

த்வம் ஹி பாணதநுஷ்பாணிர்ப்ராத்ரா ஸஹ வநம் கதஃ ॥ 15 ॥

த்ரு'ஷ்ட்வா வநசராந்ஸர்வாந்கச்சித்குர்யாஶ்ஶரவ்யயம் ।

க்ஷத்ரியாணாமபி தநுர்ஹுதாஶஸ்யேந்தநாநி ச ॥ 16 ॥

ஸமீபதஸ்ஸ்திதம் தேஜோ பலமுச்ச்ரயதே ப்ரு'ஶம் ।

புரா கில மஹாபாஹோ தபஸ்ஸ்வீ ஸத்யவாக்சுசிஃ ॥ 17 ॥

கஸ்மிம்ஶ்சிதபவத்புண்யே வநே ரதம்ரு'கத்விஜே ।

தஸ்யைவ தபஸோ விக்நம் கர்துமிந்த்ரஶ்ஶசீபதிஃ ॥ 18 ॥

கங்கபாணிரதாகச்சதாஶ்ரமம் படரூபத்ரு'த் ।

தஸ்மிம்ஸ்ததாஶ்ரமபதே நிஶிதஃ கங்க உத்தமஃ ॥ 19 ॥

ஸ ந்யாஸவிதிநா தத்தஃ புண்யே தபஸி திஷ்டதஃ ।

ஸ தச்சஸ்த்ரமநுப்ராப்ய ந்யாஸரக்ஷணதத்பரஃ ॥ 20 ॥

வநே து விசரத்யேவ ரக்ஷந்ப்ரத்யயமாத்மநஃ ।

யத்ர கச்சத்யுபாதாதும் மூலாநி ச பலாநி ச ॥ 21 ॥

ந விநா யாதி தம் கங்கம் ந்யாஸரக்ஷணதத்பரஃ ।

நித்யம் ஶஸ்த்ரம் பரிவஹந்க்ரமேண ஸ தபோதநஃ ॥ 22 ॥

சகார ரௌத்ரீம் ஸ்வாம் புத்திம் த்யக்த்வா தபஸி நிஶ்சயம் ।

ததஸ்ஸரௌத்ரேऽபிரதஃ ப்ரமத்தோऽதர்மகர்ஶிதஃ ॥ 23 ॥

தஸ்ய ஶஸ்த்ரஸ்ய ஸம்வாஸாஜ்ஜகாம நரகம் முநிஃ ।

ஏவமேதத்புரா வ்ரு'த்தம் ஶஸ்த்ரஸம்யோககாரணம் ॥ 24 ॥

அக்நிஸம்யோகவத்தேதுஶ்ஶஸ்த்ரஸம்யோக உச்யதே ।

ஸ்நேஹாச்ச பஹுமாநாச்ச ஸ்மாரயே த்வாம் ந ஶிக்ஷயே ॥ 25 ॥

ந கதஞ்சந ஸா கார்யா க்ரு'ஹீததநுஷா த்வயா ।

புத்திர்வைரம் விநா ஹந்தும் ராக்ஷஸாந்தண்டகாஶ்ரிதாந் ॥ 26 ॥

அபராதம் விநா ஹந்தும் லோகாந்வீர ந காமயே ।

க்ஷத்ரியாணாம் து வீராணாம் வநேஷு நிரதாத்மநாம் ॥ 27 ॥

தநுஷா கார்யமேதாவதார்தாநாம் த்வபிரக்ஷணம் ।

க்வச ஶஸ்த்ரம் க்வ ச வநம் க்வ ச க்ஷாத்ரம் தபஃ க்வச ॥ 28 ॥

வ்யாவித்தமிதமஸ்மாபிர்த்தேஶதர்மஸ்து பூஜ்யதாம் ।

ததார்ய கலுஷா புத்திர்ஜாயதே ஶஸ்த்ரஸேவநாத் ॥ 29 ॥

புநர்கத்வா த்வயோத்யாயாம் க்ஷத்ரதர்மம் சரிஷ்யஸி ।

அக்ஷயா து பவேத்ப்ரீதிஶ்ஶ்வஶ்ரூஶ்வஶுரயோர்மம ॥ 30 ॥

யதி ராஜ்யம் பரித்யஜ்ய பவேஸ்த்வம் நிரதோ முநிஃ ।

தர்மாதர்தஃ ப்ரபவதி தர்மாத்ப்ரபவதே ஸுகம் ॥ 31 ॥

தர்மேண லபதே ஸர்வம் தர்மஸாரமிதம் ஜகத் ।

ஆத்மாநம் நியமைஸ்தைஸ்தை கர்ஶயித்வா ப்ரயத்நதஃ ॥ 32 ॥

ப்ராப்யதே நிபுணைர்தர்மோ ந ஸுகால்லப்யதே ஸுகம் ।

நித்யம் ஶுசிமதிஸ்ஸௌம்ய சர தர்மம் தபோவநே ॥ 33 ॥

ஸர்வம் ஹி விதிதம் துப்யம் த்ரைலோக்யமபி தத்த்வதஃ ।

ஸ்த்ரீசாபலாதேததுதாஹ்ரு'தம் மே தர்மம் ச வக்தும் தவ கஸ்ஸமர்தஃ ।

விசார்ய புத்த்யா து ஸஹாநுஜேந யத்ரோசதே தத்குரு மா சிரேண ॥ 34 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே அரண்யகாண்டே நவமஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe araṇyakāṇḍam |

atha navamassargaḥ |

sutīkṣṇenābhyanujñātaṃ prasthitaṃ raghunandanam |

hṛdyayā snigdhayā vācā bhartāramidamabravīt || 1 ||

ayaṃ dharmassusūkṣmeṇa vidhinā prāpyate mahān |

nivṛttena tu śakyo'yaṃ vyasanātkāmajādiha || 2 ||

trīṇyeva vyasanānyatra kāmajāni bhavantyuta |

mithyāvākyaṃ paramakaṃ tasmādgurutarāvubhau || 3 ||

paradārābhigamanaṃ vinā vairaṃ ca raudratā |

mithyāvākyaṃ na te bhūtaṃ na bhaviṣyati rāghava || 4 ||

kuto'bhilāṣaṇaṃ strīṇāṃ pareṣāṃ dharmanāśanam |

tava nāsti manuṣyendra na cābhūtte kadācana || 5 ||

manasyapi tathā rāma na caitadvidyate kvacit |

svadāraniratastvaṃ ca nityameva nṛpātmaja || 6 ||

dharmiṣṭhassatyasandhaśca piturnirdeśakārakaḥ |

satyasandha mahābhāga śrīmallakṣmaṇapūrvaja || 7 ||

tvayi dharmaśca satyaṃ ca tvayi sarvaṃ pratiṣṭhitam |

tacca sarvaṃ mahābāho śakyaṃ dhartuṃ jitendriyaiḥ || 8 ||

tava vaśyendriyatvaṃ ca jānāmi śubhadarśana |

tṛtīyaṃ yadidaṃ raudraṃ paraprāṇābhihiṃsanam || 9 ||

nirvairaṃ kriyate mohāttacca te samupasthitam |

pratijñātastvayā vīra daṇḍakāraṇyavāsinām || 10 ||

ṛṣīṇāṃ rakṣaṇārthāya vadhassaṃyati rakṣasām |

etannimittaṃ ca vanaṃ daṇḍakā iti viśrutam || 11 ||

prasthitastvaṃ saha bhrātrā dhṛtabāṇaśarāsanaḥ |

tatastvāṃ prasthitaṃ dṛṣṭvā mama cintākulaṃ manaḥ || 12 ||

tvadvṛttaṃ cintayantyā vai bhavenniśśreyasaṃ hitam |

tvāṃ caiva prasthitaṃ dṛṣṭvā rāma cintākulaṃ manaḥ || 13 ||

sarvatacaśintaynatyā me tava niśśreyasaṃ nṛpa |

na hi me rocate vīra gamanaṃ daṇḍakānprati || 14 ||

kāraṇaṃ tatra vakṣyāmi vadantyāśśrūyatāṃ mama |

tvaṃ hi bāṇadhanuṣpāṇirbhrātrā saha vanaṃ gataḥ || 15 ||

dṛṣṭvā vanacarānsarvānkaccitkuryāśśaravyayam |

kṣatriyāṇāmapi dhanurhutāśasyendhanāni ca || 16 ||

samīpatassthitaṃ tejo balamucchrayate bhṛśam |

purā kila mahābāho tapassvī satyavākchuciḥ || 17 ||

kasmiṃścidabhavatpuṇye vane ratamṛgadvije |

tasyaiva tapaso vighnaṃ kartumindraśśacīpatiḥ || 18 ||

khaṅgapāṇirathāgacchadāśramaṃ bhaṭarūpadhṛt |

tasmiṃstadāśramapade niśitaḥ khaṅga uttamaḥ || 19 ||

sa nyāsavidhinā dattaḥ puṇye tapasi tiṣṭhataḥ |

sa tacchastramanuprāpya nyāsarakṣaṇatatparaḥ || 20 ||

vane tu vicaratyeva rakṣanpratyayamātmanaḥ |

yatra gacchatyupādātuṃ mūlāni ca phalāni ca || 21 ||

na vinā yāti taṃ khaṅgaṃ nyāsarakṣaṇatatparaḥ |

nityaṃ śastraṃ parivahankrameṇa sa tapodhanaḥ || 22 ||

cakāra raudrīṃ svāṃ buddhiṃ tyaktvā tapasi niścayam |

tatassaraudre'bhirataḥ pramatto'dharmakarśitaḥ || 23 ||

tasya śastrasya saṃvāsājjagāma narakaṃ muniḥ |

evametatpurā vṛttaṃ śastrasaṃyogakāraṇam || 24 ||

agnisaṃyogavaddhetuśśastrasaṃyoga ucyate |

snehācca bahumānācca smāraye tvāṃ na śikṣaye || 25 ||

na kathañcana sā kāryā gṛhītadhanuṣā tvayā |

buddhirvairaṃ vinā hantuṃ rākṣasāndaṇḍakāśritān || 26 ||

aparādhaṃ vinā hantuṃ lokānvīra na kāmaye |

kṣatriyāṇāṃ tu vīrāṇāṃ vaneṣu niratātmanām || 27 ||

dhanuṣā kāryametāvadārtānāṃ tvabhirakṣaṇam |

kvaca śastraṃ kva ca vanaṃ kva ca kṣātraṃ tapaḥ kvaca || 28 ||

vyāviddhamidamasmābhirddeśadharmastu pūjyatām |

tadārya kaluṣā buddhirjāyate śastrasevanāt || 29 ||

punargatvā tvayodhyāyāṃ kṣatradharmaṃ cariṣyasi |

akṣayā tu bhavetprītiśśvaśrūśvaśurayormama || 30 ||

yadi rājyaṃ parityajya bhavestvaṃ nirato muniḥ |

dharmādarthaḥ prabhavati dharmātprabhavate sukham || 31 ||

dharmeṇa labhate sarvaṃ dharmasāramidaṃ jagat |

ātmānaṃ niyamaistaistai karśayitvā prayatnataḥ || 32 ||

prāpyate nipuṇairdharmo na sukhāllabhyate sukham |

nityaṃ śucimatissaumya cara dharmaṃ tapovane || 33 ||

sarvaṃ hi viditaṃ tubhyaṃ trailokyamapi tattvataḥ |

strīcāpalādetadudāhṛtaṃ me dharmaṃ ca vaktuṃ tava kassamarthaḥ |

vicārya buddhyā tu sahānujena yadrocate tatkuru mā cireṇa || 34 ||

ityārṣe śrīmadrāmāyaṇe vālmīkīya ādikāvye araṇyakāṇḍe navamassargaḥ ||