📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
3.55 அரண்யகாண்ட - பஞ்சபஞ்சாஶ ஸர்கஃ
3.55 Aranyakanda - Panchapanchasha Sargah
Valmiki Tamil
ஶ்ரீமத்வால்மீகீய ராமாயணே அரண்யகாண்டம் ।
அத பஞ்சபஞ்சாஶஸ்ஸர்கஃ ।
ஸந்திஶ்ய ராக்ஷஸாந்கோராந் ராவணோऽஷ்டௌ மஹாபலாந் ।
ஆத்மாநம் புத்திவைக்லப்யாத்க்ரு'தக்ரு'த்யமமந்யத ॥ 1 ॥
ஸ சிந்தயாநோ வைதேஹீம் காமபாணஸமர்பிதஃ ।
ப்ரவிவேஶ க்ரு'ஹம் ரம்யம் ஸீதாம் த்ரஷ்டுமபித்வரந் ॥ 2 ॥
ஸ ப்ரவிஶ்ய து தத்வேஶ்ம ராவணோ ராக்ஷஸாதிபஃ ।
அபஶ்யத்ராக்ஷஸீமத்யே ஸீதாம் ஶோகபராயணாம் ॥ 3 ॥
அஶ்ருபூர்ணமுகீம் தீநாம் ஶோகபாராபிபீடிதாம் ।
வாயுவேகைரிவாக்ராந்தாம் மஜ்ஜந்தீம் நாவமர்ணவே ॥ 4 ॥
ம்ரு'கயூதபரிப்ரஷ்டாம் ம்ரு'கீம் ஶ்வபிரிவாவ்ரு'தாம் ।
அதோமுகமுகீம் ஸீதாமப்யேத்ய ச நிஶாசரஃ ॥ 5 ॥
தாம் து ஶோகபராம் தீநாமவஶாம் ராக்ஷஸாதிபஃ ।
ஸ பலாத்தர்ஶயாமாஸ க்ரு'ஹம் தேவக்ரு'ஹோபமம் ॥ 6 ॥
ஹர்ம்யப்ராஸாதஸம்பாதம் ஸ்த்ரீஸஹஸ்ரநிஷேவிதம் ।
நாநாபக்ஷிகணைர்ஜுஷ்டம் நாநாரத்நஸமந்விதம் ॥ 7 ॥
தாந்தகைஸ்தாபநீயைஶ்ச ஸ்பாடிகை ராஜதைரபி ।
வஜ்ரவைடூர்யசித்ரைஶ்ச ஸ்தம்பைர்த்ரு'ஷ்டிமநோஹரைஃ ॥ 8 ॥
திவ்யதுந்துபிநிர்ஹ்ராதம் தப்தகாஞ்சநதோரணம் ।
ஸோபாநம் காஞ்சநம் சித்ரமாருரோஹ தயா ஸஹ ॥ 9 ॥
தாந்தகா ராஜதாஶ்சைவ கவாக்ஷாஃ ப்ரியதர்ஶநாஃ ।
ஹேமஜாலாவதாஶ்சாஸந்ஸ்தத்ர ப்ராஸாதபங்க்தயஃ ॥ 10 ॥
ஸுதாமணிவிசித்ராணி பூமிபாகாநி ஸர்வஶஃ ।
தஶக்ரீவஸ்ஸ்வபவநே ப்ராதர்ஶயத மைதிலீம் ॥ 11 ॥
தீர்கிகாஃ புஷ்கரிண்யஶ்ச நாநாவ்ரு'க்ஷஸமந்விதாஃ ।
ராவணோ தர்ஶயாமாஸ ஸீதாம் ஶோகபராயணாம் ॥ 12 ॥
தர்ஶயித்வா து வைதேஹ்யாஃ க்ரு'த்ஸ்நம் தத்பவநோத்தமம் ।
உவாச வாக்யம் பாபாத்மா ஸீதாம் லோபிதுமிச்சயா ॥ 13 ॥
தஶ ராக்ஷஸகோட்யஶ்ச த்வாவிம்ஶதிரதாபராஃ ।
தேஷாம் ப்ரபுரஹம் ஸீதே ஸர்வேஷாம் பீமகர்மணாம் ॥ 14 ॥
வர்ஜயித்வா ஜராவ்ரு'த்தாந்பாலாம்ஶ்ச ரஜநீசராந் ।
ஸஹஸ்ரமேகமேகஸ்ய மம கார்யபுரஸ்ஸரம் ॥ 15 ॥
யதிதம் ராஜதந்த்ரம் மே த்வயி ஸர்வம் ப்ரதிஷ்டிதம் ।
ஜீவிதம் ச விஶாலாக்ஷி த்வம் மே ப்ராணைர்கரீயஸீ ॥ 16 ॥
பஹூநாம்ஸ்த்ரீஸஹஸ்ராணாம் மம யோऽஸௌ பரிக்ரஹஃ ।
தாஸாம் த்வமீஶ்வரா ஸீதே மம பார்யா பவ ப்ரியே ॥ 17 ॥
ஸாது கிம் தேऽந்யயா புத்த்யா ரோசயஸ்வ வசோ மம ।
பஜஸ்வமாபிதப்தஸ்ய ப்ரஸாதம் கர்துமர்ஹஸி ॥ 18 ॥
பரிக்ஷிப்தா ஸமுத்ரேண லங்கேயம் ஶதயோஜநா ।
நேயம் தர்ஷயிதும் ஶக்யா ஸேந்த்ரைரபி ஸுராஸுரைஃ ॥ 19 ॥
ந தேவேஷு ந யக்ஷேஷு ந கந்தர்வேஷு பக்ஷிஷு ।
அஹம் பஶ்யாமி லோகேஷு யோ மே வீர்யஸமோ பவேத் ॥ 20 ॥
ராஜ்யப்ரஷ்டேந தீநேந தாபஸேந கதாயுஷா ।
கிம் கரிஷ்யஸி ராமேண மாநுஷேணால்பதேஜஸா ॥ 21 ॥
பஜஸ்வ ஸீதே மாமேவ பர்தாஹம் ஸத்ரு'ஶஸ்தவ ।
யௌவநம் ஹ்யத்ருவம் பீரு ரமஸ்வேஹ மயா ஸஹ ॥ 22 ॥
தர்ஶநே மாக்ரு'தா புத்திம் ராகவஸ்ய வராநநே ।
காஸ்ய ஶக்திரிஹாகந்துமபி ஸீதே மநோரதைஃ ॥ 23 ॥
ந ஶக்யோ வாயுராகாஶே பாஶைர்பத்தும் மஹாஜவஃ ।
தீப்யமாநஸ்ய வாப்யக்நேர்க்ரு'ஹீதும் விமலாம் ஶிகாம் ॥ 24 ॥
த்ரயாணாமபி லோகாநாம் ந தம் பஶ்யாமி ஶோபநே ।
விக்ரமேண நயேத்யஸ்த்வாம் மத்பாஹுபரிபாலிதாம் ॥ 25 ॥
லங்காயாம் ஸுமஹத்ராஜ்யமிதம் த்வமநுபாலய ।
த்வத்ப்ரேஷ்யா மத்விதாஶ்சைவ தேவாஶ்சாபி சராசராஃ ॥ 26 ॥
அபிஷேகோதகக்லிந்நா துஷ்டா ச ரமயஸ்வ மாம் ।
துஷ்க்ரு'தம் யத்பரா கர்ம வநவாஸேந தத்கதம் ॥ 27 ॥
யஶ்ச தே ஸுக்ரு'தோ தர்மஸ்தஸ்யேஹ பலமாப்நுஹி ।
இஹ மால்யாநி ஸர்வாணி திவ்யகந்தாநி மைதிலி ॥ 28 ॥
பூஷணாநி ச முக்யாநி ஸேவஸ்வ ச மயா ஸஹ ।
புஷ்பகம் நாம ஸுஶ்ரோணி ப்ராதுர்வைஶ்ரவணஸ்ய மே ॥ 29 ॥
விமாநம் ஸூர்யஸங்காஶம் தரஸா நிர்ஜிதம் மயா ।
விஶாலம் ரமணீயம் ச தத்விமாநமநுத்தம் ॥ 30 ॥
தத்ர ஸீதே மயா ஸார்தம் விஹரஸ்வ யதாஸுகம் ।
வதநம் பத்மஸங்காஶமமலம் சாருதர்ஶநம் ।
ஶோகார்தந்து வராரோஹே ந ப்ராஜதி வராநநே ॥ 31 ॥
ஏவம் வததி தஸ்மித்ஸா வஸ்த்ராந்தேந வராங்கநா ।
பிதாயேந்துநிபம் ஸீதா முகமஶ்ரூண்யவர்தயத் ॥ 32 ॥
த்யாயந்தீம் தாமிவாஸ்வஸ்தாம் தீநாம் சிந்தாஹதப்ரபாம் ।
உவாச வசநம் பாபோ ராவணோ ராக்ஷஸேஶ்வரஃ ॥ 33 ॥
அலம் வ்ரீடேந வைதேஹி தர்மலோபக்ரு'தேந ச ॥ 34 ॥
ஆர்ஷோऽயம் தைவநிஷ்யந்தோ யஸ்த்வாமபிகமிஷ்யதி ।
ஏதௌ பாதௌ மயா ஸ்நிக்தௌ ஶிரோபிஃ பரிபீடிதௌ ॥ 35 ॥
ப்ரஸாதம் குரு மே க்ஷிப்ரம் வஶ்யோ தாஸோऽஹமஸ்மிதே ।
இமாஶ்ஶூந்ய மயா வாசஶ்ஶுஷ்யமாணேந பாஷிதாஃ ॥ 36 ॥
ந சாபி ராவணஃ காஞ்சிந்மூர்த்நா ஸ்த்ரீம் ப்ரணமேத ஹ ।
ஏவமுக்த்வா தஶக்ரீவோ மைதிலீம் ஜநகாத்மஜாம் ॥ 37 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே அரண்யகாண்டே பஞ்சபஞ்சாஶஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe araṇyakāṇḍam |
atha pañcapañcāśassargaḥ |
sandiśya rākṣasānghorān rāvaṇo'ṣṭau mahābalān |
ātmānaṃ buddhivaiklabyātkṛtakṛtyamamanyata || 1 ||
sa cintayāno vaidehīṃ kāmabāṇasamarpitaḥ |
praviveśa gṛhaṃ ramyaṃ sītāṃ draṣṭumabhitvaran || 2 ||
sa praviśya tu tadveśma rāvaṇo rākṣasādhipaḥ |
apaśyadrākṣasīmadhye sītāṃ śokaparāyaṇām || 3 ||
aśrupūrṇamukhīṃ dīnāṃ śokabhārābhipīḍitām |
vāyuvegairivākrāntāṃ majjantīṃ nāvamarṇave || 4 ||
mṛgayūthaparibhraṣṭāṃ mṛgīṃ śvabhirivāvṛtām |
adhomukhamukhīṃ sītāmabhyetya ca niśācaraḥ || 5 ||
tāṃ tu śokaparāṃ dīnāmavaśāṃ rākṣasādhipaḥ |
sa balāddarśayāmāsa gṛhaṃ devagṛhopamam || 6 ||
harmyaprāsādasambādhaṃ strīsahasraniṣevitam |
nānāpakṣigaṇairjuṣṭaṃ nānāratnasamanvitam || 7 ||
dāntakaistāpanīyaiśca sphāṭikai rājatairapi |
vajravaiḍūryacitraiśca stambhairdṛṣṭimanoharaiḥ || 8 ||
divyadundubhinirhrādaṃ taptakāñcanatoraṇam |
sopānaṃ kāñcanaṃ citramāruroha tayā saha || 9 ||
dāntakā rājatāścaiva gavākṣāḥ priyadarśanāḥ |
hemajālāvatāścāsanstatra prāsādapaṅktayaḥ || 10 ||
sudhāmaṇivicitrāṇi bhūmibhāgāni sarvaśaḥ |
daśagrīvassvabhavane prādarśayata maithilīm || 11 ||
dīrghikāḥ puṣkariṇyaśca nānāvṛkṣasamanvitāḥ |
rāvaṇo darśayāmāsa sītāṃ śokaparāyaṇām || 12 ||
darśayitvā tu vaidehyāḥ kṛtsnaṃ tadbhavanottamam |
uvāca vākyaṃ pāpātmā sītāṃ lobhitumicchayā || 13 ||
daśa rākṣasakoṭyaśca dvāviṃśatirathāparāḥ |
teṣāṃ prabhurahaṃ sīte sarveṣāṃ bhīmakarmaṇām || 14 ||
varjayitvā jarāvṛddhānbālāṃśca rajanīcarān |
sahasramekamekasya mama kāryapurassaram || 15 ||
yadidaṃ rājatantraṃ me tvayi sarvaṃ pratiṣṭhitam |
jīvitaṃ ca viśālākṣi tvaṃ me prāṇairgarīyasī || 16 ||
bahūnāṃstrīsahasrāṇāṃ mama yo'sau parigrahaḥ |
tāsāṃ tvamīśvarā sīte mama bhāryā bhava priye || 17 ||
sādhu kiṃ te'nyayā buddhyā rocayasva vaco mama |
bhajasvamābhitaptasya prasādaṃ kartumarhasi || 18 ||
parikṣiptā samudreṇa laṅkeyaṃ śatayojanā |
neyaṃ dharṣayituṃ śakyā sendrairapi surāsuraiḥ || 19 ||
na deveṣu na yakṣeṣu na gandharveṣu pakṣiṣu |
ahaṃ paśyāmi lokeṣu yo me vīryasamo bhavet || 20 ||
rājyabhraṣṭena dīnena tāpasena gatāyuṣā |
kiṃ kariṣyasi rāmeṇa mānuṣeṇālpatejasā || 21 ||
bhajasva sīte māmeva bhartāhaṃ sadṛśastava |
yauvanaṃ hyadhruvaṃ bhīru ramasveha mayā saha || 22 ||
darśane mākṛthā buddhiṃ rāghavasya varānane |
kāsya śaktirihāgantumapi sīte manorathaiḥ || 23 ||
na śakyo vāyurākāśe pāśairbaddhuṃ mahājavaḥ |
dīpyamānasya vāpyagnergṛhītuṃ vimalāṃ śikhām || 24 ||
trayāṇāmapi lokānāṃ na taṃ paśyāmi śobhane |
vikrameṇa nayedyastvāṃ madbāhuparipālitām || 25 ||
laṅkāyāṃ sumahadrājyamidaṃ tvamanupālaya |
tvatpreṣyā madvidhāścaiva devāścāpi carācarāḥ || 26 ||
abhiṣekodakaklinnā tuṣṭā ca ramayasva mām |
duṣkṛtaṃ yatparā karma vanavāsena tadgatam || 27 ||
yaśca te sukṛto dharmastasyeha phalamāpnuhi |
iha mālyāni sarvāṇi divyagandhāni maithili || 28 ||
bhūṣaṇāni ca mukhyāni sevasva ca mayā saha |
puṣpakaṃ nāma suśroṇi bhrāturvaiśravaṇasya me || 29 ||
vimānaṃ sūryasaṅkāśaṃ tarasā nirjitaṃ mayā |
viśālaṃ ramaṇīyaṃ ca tadvimānamanuttam || 30 ||
tatra sīte mayā sārdhaṃ viharasva yathāsukham |
vadanaṃ padmasaṅkāśamamalaṃ cārudarśanam |
śokārtantu varārohe na bhrājati varānane || 31 ||
evaṃ vadati tasmitsā vastrāntena varāṅganā |
pidhāyendunibhaṃ sītā mukhamaśrūṇyavartayat || 32 ||
dhyāyantīṃ tāmivāsvasthāṃ dīnāṃ cintāhataprabhām |
uvāca vacanaṃ pāpo rāvaṇo rākṣaseśvaraḥ || 33 ||
alaṃ vrīḍena vaidehi dharmalopakṛtena ca || 34 ||
ārṣo'yaṃ daivaniṣyando yastvāmabhigamiṣyati |
etau pādau mayā snigdhau śirobhiḥ paripīḍitau || 35 ||
prasādaṃ kuru me kṣipraṃ vaśyo dāso'hamasmite |
imāśśūnya mayā vācaśśuṣyamāṇena bhāṣitāḥ || 36 ||
na cāpi rāvaṇaḥ kāñcinmūrdhnā strīṃ praṇameta ha |
evamuktvā daśagrīvo maithilīṃ janakātmajām || 37 ||
ityārṣe śrīmadrāmāyaṇe vālmīkīya ādikāvye araṇyakāṇḍe pañcapañcāśassargaḥ ||
InfoLyter.in — Sacred Vedic Knowledge Portal · Free forever