📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
3.54 அரண்யகாண்ட - சதுஃபஞ்சாஶ ஸர்கஃ
3.54 Aranyakanda - Chatuhpanchasha Sargah
Valmiki Tamil
ஶ்ரீமத்வால்மீகீய ராமாயணே அரண்யகாண்டம் ।
அத சதுஃபஞ்சாஶஸ்ஸர்கஃ ।
ஹ்ரியமாணா து வைதேஹீ கஞ்சிந்நாதமபஶ்யதீ ।
ததர்ஶ கிரிஶ்ரு'ங்கஸ்தாந்பஞ்ச வாநரபுங்கவாந் ॥ 1 ॥
தேஷாம் மத்யே விஶாலாக்ஷீ கௌஶேயம் கநகப்ரபம் ।
உத்தரீயம் வராரோஹா ஶுபாந்யாபரணாநி ச ॥ 2 ॥
முமோச யதி ராமாய ஶம்ஸேயுரிதி மைதிலீ ।
வஸ்த்ரமுத்ஸ்ரு'ஜ்ய தந்மத்யே நிக்ஷிப்தம் ஸஹபூஷணம் ॥ 3 ॥
ஸம்ப்ரமாத்து தஶக்ரீவஸ்தத்கர்ம ந ஸ புத்தவாந் ।
பிங்காக்ஷாஸ்தாம் விஶாலாக்ஷீம் நேத்ரைரநிமிஷைரிவ ॥ 4 ॥
விக்ரோஶந்தீம் ததா ஸீதாம் தத்ரு'ஶுர்வாநரர்ஷபாஃ ।
ஸ ச பம்பாமதிக்ரம்ய லங்காமபிமுகஃ புரீம் ॥ 5 ॥
ஜகாம ருததீம் க்ரு'ஹ்ய வைதேஹீம் ராக்ஷஸேஶ்வரஃ ।
தாம் ஜஹார ஸுஸம்ஹ்ரு'ஷ்டோ ராவணோ ம்ரு'த்யுமாத்மநஃ ॥ 6 ॥
உத்ஸங்கேநேவ புஜகீம் தீக்ஷ்ணதம்ஷ்ட்ராம் மஹாவிஷாம் ।
வநாநி ஸரிதஶ்ஶைலாந்த்ஸராம்ஸி ச விஹாயஸா ॥ 7 ॥
ஸ க்ஷிப்ரம் ஸமதீயாய ஶரஶ்சாபாதிவ ச்யுதஃ ।
திமிநக்ரநிகேதம் து வருணாலயமக்ஷயம் ॥ 8 ॥
ஸரிதாம் ஶரணம் கத்வா ஸமதீயாய ஸாகரம் ।
ஸம்ப்ரமாத்பரிவ்ரு'த்தோர்மீ ருத்தமீநமஹோரகஃ ॥ 9 ॥
வைதேஹ்யாம் ஹ்ரியமாணாயாம் பபூவ வருணாலயஃ ।
அந்தரிக்ஷகதா வாசஸ்ஸஸ்ரு'ஜுஶ்சாரணாஸ்ததா ॥ 10 ॥
ஏததந்தோ தஶக்ரீவ இதி ஸித்தாஸ்ததாப்ருவந் ।
ஸ து ஸீதாம் விவேஷ்டந்தீமங்கேநாதாய ராவணஃ ॥ 11 ॥
ப்ரவிவேஶ புரீம் லங்காம் ரூபிணீம் ம்ரு'த்யுமாத்மநஃ ।
ஸோऽபிகம்ய புரீம் லங்காம் ஸுவிபக்தமஹாபதாம் ॥ 12 ॥
ஸம்ரூடகக்ஷ்யாபஹுலம் ஸ்வமந்தஃபுரமாவிஶத் ।
தத்ர தாமஸிதாபாங்காம் ஶோகமோஹபராயணாம் ॥ 13 ॥
நிததே ராவணஸ்ஸீதாம் மயோ மாயாமிவஸ்த்ரியம் ।
அப்ரவீச்ச தஶக்ரீவஃ பிஶாசீர்கோரதர்ஶநாஃ ॥ 14 ॥
யதா நேமாம் புமாந் ஸ்த்ரீ வா ஸீதாம் பஶ்யத்யஸம்மதஃ ।
முக்தாமணிஸுவர்ணாநி வஸ்த்ராண்யாபரணாநி ச ॥ 15 ॥
யத்யதிச்சேத்ததேவாஸ்யா தேயம் மச்சந்ததோ யதா ।
யா ச வக்ஷ்யதி வைதேஹீம் வசநம் கிஞ்சிதப்ரியம் ॥ 16 ॥
அஜ்ஞாநாத்யதி வா ஜ்ஞாநாந்ந தஸ்யா ஜீவிதம் ப்ரியம் ।
ததோக்த்வா ராக்ஷஸீஸ்தாஸ்து ராக்ஷஸேந்த்ரஃ ப்ரதாபவாந் ॥ 17 ॥
நிஷ்க்ரம்யாந்தஃ புராத்தஸ்மாத்கிங்க்ரு'த்யமிதி சிந்தயந் ।
ததர்ஶாஷ்டௌ மஹாவீர்யாந்ராக்ஷஸாந்பிஶிதாஶநாந் ॥ 18 ॥
ஸ தாந்த்ரு'ஷ்ட்வா மஹாவீர்யோ வரதாநேந மோஹிதஃ ।
உவாசைதாநிதம் வாக்யம் ப்ரஶஸ்ய பலவீர்யதஃ ॥ 19 ॥
நாநாப்ரஹரணாஃ க்ஷிப்ரமிதோ கச்சத ஸத்வராஃ ।
ஜநஸ்தாநம் ஹதஸ்தாநம் பூதபூர்வம் கராலயம் ॥ 20 ॥
தத்ரோஷ்யதாம் ஜநஸ்தாநே ஶூந்யே நிஹதராக்ஷஸே ।
பௌருஷம் பலமாஶ்ரித்ய த்ராஸமுத்ஸ்ரு'ஜ்ய தூரதஃ ॥ 21 ॥
பலம் ஹி ஸுமஹத்யந்மே ஜநஸ்தாநே நிவேஶிதம் ।
ஸதூஷணகரம் யுத்தே ஹதம் ராமேண ஸாயகைஃ ॥ 22 ॥
தத க்ரோதோ மமாமர்ஷாத்தைர்யஸ்யோபரி வர்ததே ।
வைரம் ச ஸுமஹஜ்ஜாதம் ராமம் ப்ரதி ஸுதாருணம் ॥ 23 ॥
நிர்யாதயிதுமிச்சாமி தச்ச வைரமஹம் ரிபோஃ ।
ந ஹி லப்ஸ்யாம்யஹம் நித்ராமஹத்வா ஸம்யுகே ரிபும் ॥ 24 ॥
தம் த்விதாநீமஹம் ஹத்வா கரதூஷணகாதிநம் ।
ராமம் ஶர்மோபலப்ஸ்யாமி தநம் லப்த்வேவ நிர்தநஃ ॥ 25 ॥
ஜநஸ்தாநே வஸத்பிஸ்து பவத்பீராமமாஶ்ரிதா ।
ப்ரவ்ரு'த்திருபநேதவ்யா கிஞ்கரோதீதி தத்த்வதஃ ॥ 26 ॥
அப்ரமாதாச்ச கந்தவ்யம் ஸர்வைரபி நிஶாசரைஃ ।
கர்தவ்யஶ்ச ஸதா யத்நோ ராகவஸ்ய வதம் ப்ரதி ॥ 27 ॥
யுஷ்மாகம் ச பலஜ்ஞோऽஹம் பஹுஶோ ரணமூர்தநி ।
அதஶ்சாஸ்மிந் ஜநஸ்தாநே மயா யூயம் நியோஜிதாஃ ॥ 28 ॥
ததஃ ப்ரியம் வாக்யமுபேத்ய ராக்ஷஸா மஹார்தமஷ்டாவபிவாத்ய ராவணம் ।
விஹாய லங்காம் ஸஹிதாஃ ப்ரதஸ்திரே யதோ ஜநஸ்தாநமலக்ஷ்யதர்ஶநாஃ ॥ 29 ॥
ததஸ்து ஸீதாமுபலப்ய ராவணஃ ஸுஸம்ப்ரஹ்ரு'ஷ்டஃ பரிக்ரு'ஹ்ய மைதிலீம் ।
ப்ரஸஜ்ய ராமேண ச வைரமுத்தமம் பபூவ மோஹாந்முதிதஸ்ஸராக்ஷஸஃ ॥ 30 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே அரண்யகாண்டே சதுஃபஞ்சாஶஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe araṇyakāṇḍam |
atha catuḥpañcāśassargaḥ |
hriyamāṇā tu vaidehī kañcinnāthamapaśyatī |
dadarśa giriśṛṅgasthānpañca vānarapuṅgavān || 1 ||
teṣāṃ madhye viśālākṣī kauśeyaṃ kanakaprabham |
uttarīyaṃ varārohā śubhānyābharaṇāni ca || 2 ||
mumoca yadi rāmāya śaṃseyuriti maithilī |
vastramutsṛjya tanmadhye nikṣiptaṃ sahabhūṣaṇam || 3 ||
sambhramāttu daśagrīvastatkarma na sa buddhavān |
piṅgākṣāstāṃ viśālākṣīṃ netrairanimiṣairiva || 4 ||
vikrośantīṃ tathā sītāṃ dadṛśurvānararṣabhāḥ |
sa ca pampāmatikramya laṅkāmabhimukhaḥ purīm || 5 ||
jagāma rudatīṃ gṛhya vaidehīṃ rākṣaseśvaraḥ |
tāṃ jahāra susaṃhṛṣṭo rāvaṇo mṛtyumātmanaḥ || 6 ||
utsaṅgeneva bhujagīṃ tīkṣṇadaṃṣṭrāṃ mahāviṣām |
vanāni saritaśśailāntsarāṃsi ca vihāyasā || 7 ||
sa kṣipraṃ samatīyāya śaraścāpādiva cyutaḥ |
timinakraniketaṃ tu varuṇālayamakṣayam || 8 ||
saritāṃ śaraṇaṃ gatvā samatīyāya sāgaram |
sambhramātparivṛttormī ruddhamīnamahoragaḥ || 9 ||
vaidehyāṃ hriyamāṇāyāṃ babhūva varuṇālayaḥ |
antarikṣagatā vācassasṛjuścāraṇāstadā || 10 ||
etadanto daśagrīva iti siddhāstadābruvan |
sa tu sītāṃ viveṣṭantīmaṅkenādāya rāvaṇaḥ || 11 ||
praviveśa purīṃ laṅkāṃ rūpiṇīṃ mṛtyumātmanaḥ |
so'bhigamya purīṃ laṅkāṃ suvibhaktamahāpathām || 12 ||
saṃrūḍhakakṣyābahulaṃ svamantaḥpuramāviśat |
tatra tāmasitāpāṅgāṃ śokamohaparāyaṇām || 13 ||
nidadhe rāvaṇassītāṃ mayo māyāmivastriyam |
abravīcca daśagrīvaḥ piśācīrghoradarśanāḥ || 14 ||
yathā nemāṃ pumān strī vā sītāṃ paśyatyasammataḥ |
muktāmaṇisuvarṇāni vastrāṇyābharaṇāni ca || 15 ||
yadyadicchettadevāsyā deyaṃ macchandato yathā |
yā ca vakṣyati vaidehīṃ vacanaṃ kiñcidapriyam || 16 ||
ajñānādyadi vā jñānānna tasyā jīvitaṃ priyam |
tathoktvā rākṣasīstāstu rākṣasendraḥ pratāpavān || 17 ||
niṣkramyāntaḥ purāttasmātkiṅkṛtyamiti cintayan |
dadarśāṣṭau mahāvīryānrākṣasānpiśitāśanān || 18 ||
sa tāndṛṣṭvā mahāvīryo varadānena mohitaḥ |
uvācaitānidaṃ vākyaṃ praśasya balavīryataḥ || 19 ||
nānāpraharaṇāḥ kṣipramito gacchata satvarāḥ |
janasthānaṃ hatasthānaṃ bhūtapūrvaṃ kharālayam || 20 ||
tatroṣyatāṃ janasthāne śūnye nihatarākṣase |
pauruṣaṃ balamāśritya trāsamutsṛjya dūrataḥ || 21 ||
balaṃ hi sumahadyanme janasthāne niveśitam |
sadūṣaṇakharaṃ yuddhe hataṃ rāmeṇa sāyakaiḥ || 22 ||
tata krodho mamāmarṣāddhairyasyopari vartate |
vairaṃ ca sumahajjātaṃ rāmaṃ prati sudāruṇam || 23 ||
niryātayitumicchāmi tacca vairamahaṃ ripoḥ |
na hi lapsyāmyahaṃ nidrāmahatvā saṃyuge ripum || 24 ||
taṃ tvidānīmahaṃ hatvā kharadūṣaṇaghātinam |
rāmaṃ śarmopalapsyāmi dhanaṃ labdhveva nirdhanaḥ || 25 ||
janasthāne vasadbhistu bhavadbhīrāmamāśritā |
pravṛttirupanetavyā kiñkarotīti tattvataḥ || 26 ||
apramādācca gantavyaṃ sarvairapi niśācaraiḥ |
kartavyaśca sadā yatno rāghavasya vadhaṃ prati || 27 ||
yuṣmākaṃ ca balajño'haṃ bahuśo raṇamūrdhani |
ataścāsmin janasthāne mayā yūyaṃ niyojitāḥ || 28 ||
tataḥ priyaṃ vākyamupetya rākṣasā mahārthamaṣṭāvabhivādya rāvaṇam |
vihāya laṅkāṃ sahitāḥ pratasthire yato janasthānamalakṣyadarśanāḥ || 29 ||
tatastu sītāmupalabhya rāvaṇaḥ susamprahṛṣṭaḥ parigṛhya maithilīm |
prasajya rāmeṇa ca vairamuttamaṃ babhūva mohānmuditassarākṣasaḥ || 30 ||
ityārṣe śrīmadrāmāyaṇe vālmīkīya ādikāvye araṇyakāṇḍe catuḥpañcāśassargaḥ ||
InfoLyter.in — Sacred Vedic Knowledge Portal · Free forever