📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
3.4 அரண்யகாண்ட - சதுர்த ஸர்கஃ
3.4 Aranyakanda - Chaturtha Sargah
Valmiki Tamil
ஶ்ரீமத்வால்மீகீய ராமாயணே அரண்யகாண்டம் ।
அத சதுர்தஸ்ஸர்கஃ ।
ஹ்ரியமாணௌ து தௌ த்ரு'ஷ்ட்வா வைதேஹீ ராமலக்ஷ்மணௌ ।
உச்சைஸ்ஸ்வரேண சுக்ரோஶ ப்ரக்ரு'ஹ்ய ஸுமஹாஜாபுஜௌ ॥ 1 ॥
ஏஷ தாஶரதீ ராமஃ ஸத்யவாந் ஶீலவாந் ஶுசிஃ ।
ரக்ஷஸா ரௌத்ரரூபேண ஹ்ரியதே ஸஹலக்ஷ்மணஃ ॥ 2 ॥
மாம்ரு'கா பக்ஷயிஷ்யந்தி ஶார்தூலாத்வீபிநஸ்ததா ।
மாம் ஹரோத்ஸ்ரு'ஜ காகுத்ஸ்தௌ நமஸ்தே ராக்ஷஸோத்தம ॥ 3 ॥
தஸ்யாஸ்தத்வசநம் ஶ்ருத்வா வைதேஹ்யா ராமலக்ஷ்மணௌ ।
வேகம் ப்ரசக்ரதுர்வீரௌ வதே தஸ்ய துராத்மநஃ ॥ 4 ॥
தஸ்ய ரௌத்ரஸ்ய ஸௌமித்ரிஃ ஸவ்யம் பாஹும் பபஞ்ஜ ஹ ।
ராமஸ்து தக்ஷிணம் பாஹும் தரஸா தஸ்ய ரக்ஷஸஃ ॥ 5 ॥
ஸ பக்நபாஹுஸ்ஸவிக்நோ நிபபாதாஶு ராக்ஷஸஃ ।
தரண்யாம் மேகஸங்காஶோ வஜ்ரபிந்ந இவாசலஃ ॥ 6 ॥
முஷ்டிபிர்ஜாநுபிஃ பத்பிஃ ஸூதயந்தௌ து ராக்ஷஸம் ।
உத்யம்யோத்யம்ய சாப்யேநம் ஸ்தண்டிலே நிஷ்பிபேஷதுஃ ॥ 7 ॥
ஸ வித்தோ பஹுபிர்பாணைஃ கங்காப்யாம் ச பரிக்ஷதஃ ।
நிஷ்பிஷ்டோ பஹுதா பூமௌ ந மமார ஸ ராக்ஷஸஃ ॥ 8 ॥
தம் ப்ரேக்ஷ்ய ராமஃ ஸுப்ரு'ஶமவத்யமசலோபமம் ।
பயேஷ்வபயதஶ்ஶ்ரீமாநிதம் வசநமப்ரவீத் ॥ 9 ॥
தபஸா புருஷவ்யாக்ர ராக்ஷஸோऽயம் ந ஶக்யதே ।
ஶஸ்த்ரேண யுதி நிர்ஜேதும் ராக்ஷஸம் நிகநாவஹே ॥ 10 ॥
குஞ்ஜரஸ்யேவ ரௌத்ரஸ்ய ராக்ஷஸஸ்யாஸ்ய லக்ஷ்மண ।
வநேऽஸ்மிந் ஸுமஹச்ச்வப்ரம் கந்யதாம் ரௌத்ரவர்சஸஃ ॥ 11 ॥
இத்யுக்த்வா லக்ஷ்மணம் ராமஃ ப்ரதரஃ கந்யதாமிதி ।
தஸ்தௌ விராதமாக்ரம்ய கண்டே பாதேந வீர்யவாந் ॥ 12 ॥
தச்ச்ருத்வா ராகவேணோக்தம் ராக்ஷஸஃ ப்ரஶ்ரிதம் வசஃ ।
இதம் ப்ரோவாச காகுத்த்ஸம் விராதஃ புருஷர்ஷபம் ॥ 13 ॥
ஹதோऽஸ்மி புருஷவ்யாக்ர ஶக்ரதுல்யபலேந வை ।
மயா து பூர்வம் த்வம் மோஹாந்ந ஜ்ஞாதஃ புருஷர்ஷப ॥ 14 ॥
கௌஸல்யாஸுப்ரஜா ராம தாதஸ்த்வம் விதிதோ மயா ।
வைதேஹீ ச மஹாபாகா லக்ஷ்மணஶ்ச மஹாயஶாஃ ॥ 15 ॥
அபிஶாபாதஹம் கோராம் ப்ரவிஷ்டோ ராக்ஷஸீம் தநும் ।
தும்புருர்நாம கந்தர்வஃ ஶப்தோ வைஶ்ரவணேந ஹ ॥ 16 ॥
ப்ரஸாத்யமாநஶ்ச மயா ஸோऽப்ரவீந்மாம் மஹாயஶாஃ ।
யதா தாஶரதீ ராமஸ்த்வாம் வதிஷ்யதி ஸம்யுகே ।
ததா ப்ரக்ரு'திமாபந்நோ பவாந்ஸ்வர்கம் கமிஷ்யதி ॥ 17 ॥
அநுபஸ்தீயமாநோ மாம் ஸ க்ருத்தோ வ்யாஜஹார ஹ ।
இதி வைஶ்ரவணோ ராஜா ரம்பாஸக்தமுவாச ஹ ॥ 18 ॥
தவ ப்ரஸாதாந்முக்தோऽஹமிஹஶாபாத்ஸுதாருணாத் ।
புவநம் ஸ்வம் கமிஷ்யாமி ஸ்வஸ்தி வோऽஸ்து பரந்தப ॥ 19 ॥
இதோ வஸதி தர்மாத்மா ஶரபங்கஃ ப்ரதாபவாந் ॥ 20 ॥
அத்யர்தயோஜநே தாத மஹர்ஷிஸ்ஸூர்யஸந்நிபஃ ।
தம் க்ஷிப்ரமதிகச்ச த்வம் ஸ தே ஶ்ரேயோऽபிதாஸ்யதி ॥ 21 ॥
அவடே சாபி மாம் ராம ப்ரக்ஷிப்ய குஶலீ வ்ரஜ ।
ரக்ஷஸாம் கதஸத்த்வாநாமேஷ தர்மஸ்ஸஸநாதநஃ ।
அவடே யே நிதீயந்தே தேஷாம் லோகாஸ்ஸநாதநாஃ ॥ 22 ॥
ஏவமுக்த்வா து காகுத்த்ஸம் விராதஶ்ஶரபீடிதஃ ।
பபூவ ஸ்வர்கஸம்ப்ராப்தோ ந்யஸ்ததேஹோ மஹாபலஃ ॥ 23 ॥
தச்ச்ருத்வா ராகவோ வாக்யம் லக்ஷ்மணம் வ்யாதிதேஶ ஹ ।
குஞ்ஜரஸ்யேவ ரௌத்ரஸ்ய ராக்ஷஸஸ்யாஸ்ய லக்ஷ்மண ॥ 24 ॥
வநேऽஸ்மிந் ஸுமஹச்ச்வப்ரம் கந்யதாம் ரௌதகர்மணஃ ।
இத்யுக்த்வா லக்ஷ்மணம் ராமஃ ப்ரதரஃ கந்யதாமிதி ।
தஸ்தௌ விராதமாக்ரம்ய கண்டே பாதேந வீர்யவாந் ॥ 25 ॥
ததஃ கநித்ரமாதாய லக்ஷ்மணஶ்ஶ்வப்ரமுத்தமம் ।
அகநத்பார்ஶ்வதஸ்தஸ்ய விராதஸ்ய மஹாத்மநஃ ॥ 26 ॥
தம் முக்தகண்டந்நிக்ஷிப்ய ஶங்குகர்ணம் மஹாஸ்வநம் ।
விராதம் ப்ராக்ஷிபச்ச்வப்ரே நதந்தம் பைரவஸ்வநம் ॥ 27 ॥
தமாஹவே தாருணமாஶுவிக்ரமௌ ஸ்திராவுபௌ ஸம்யதி ராமலக்ஷ்மணௌ ।
முதாந்விதௌ சிக்ஷிபதுர்பயாவஹம் நதந்தமுத்க்ஷிப்ய பிலே து ராக்ஷஸம் ॥ 28 ॥
அவத்யதாம் ப்ரேக்ஷ்ய மஹாஸுரஸ்ய தௌ ஶிதேந ஶஸ்த்ரேண ததா நரர்ஷபௌ ।
ஸமர்த்ய சாத்யர்தவிஶாரதாவுபௌ பிலே விராதஸ்ய வதம் ப்ரசக்ரதுஃ ॥ 29 ॥
ஸ்வயம் விராதேந ஹி ம்ரு'த்யுராத்மநஃ ப்ரஸஹ்ய ராமேண யதார்தமீப்ஸிதஃ ।
நிவேதிதஃ காநநசாரிணா ஸ்வயம் ந மே வதஃ ஶஸ்த்ரக்ரு'தோ பவேதிதி ॥ 30 ॥
ததேவ ராமேண நிஶம்ய பாஷிதம் க்ரு'தா மதிஸ்தஸ்ய பிலப்ரவேஶநே ।
பிலம் ச ராமேணாதிபலேந ரக்ஷஸா ப்ரவேஶ்யமாநேந வநம் விநாதிதம் ॥ 31 ॥
ப்ரஹ்ரு'ஷ்டரூபாவிவ ராமலக்ஷ்மணௌ விராதமுர்வ்யா ப்ரதரே நிஹத்ய தௌ ।
நநந்ததுர்வீதபயௌ மஹாவநே ஶிலாபிரந்தர்தததுஶ்ச ராக்ஷஸம் ॥ 32 ॥
ததஸ்து தௌ காஞ்சநசித்ரகார்முகௌ நிஹத்ய ரக்ஷஃ பரிக்ரு'ஹ்ய மைதிலீம் ।
விஜஹ்ரது ஸ்தௌ முதிதௌ மஹாவநே திவி ஸ்திதௌ சந்த்ரதிவாகராவிவ ॥ 33 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே அரண்யகாண்டே சதுர்தஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe araṇyakāṇḍam |
atha caturthassargaḥ |
hriyamāṇau tu tau dṛṣṭvā vaidehī rāmalakṣmaṇau |
uccaissvareṇa cukrośa pragṛhya sumahājābhujau || 1 ||
eṣa dāśarathī rāmaḥ satyavān śīlavān śuciḥ |
rakṣasā raudrarūpeṇa hriyate sahalakṣmaṇaḥ || 2 ||
māmṛkā bhakṣayiṣyanti śārdūlādvīpinastathā |
māṃ harotsṛja kākutsthau namaste rākṣasottama || 3 ||
tasyāstadvacanaṃ śrutvā vaidehyā rāmalakṣmaṇau |
vegaṃ pracakraturvīrau vadhe tasya durātmanaḥ || 4 ||
tasya raudrasya saumitriḥ savyaṃ bāhuṃ babhañja ha |
rāmastu dakṣiṇaṃ bāhuṃ tarasā tasya rakṣasaḥ || 5 ||
sa bhagnabāhussavigno nipapātāśu rākṣasaḥ |
dharaṇyāṃ meghasaṅkāśo vajrabhinna ivācalaḥ || 6 ||
muṣṭibhirjānubhiḥ padbhiḥ sūdayantau tu rākṣasam |
udyamyodyamya cāpyenaṃ sthaṇḍile niṣpipeṣatuḥ || 7 ||
sa viddho bahubhirbāṇaiḥ khaṅgābhyāṃ ca parikṣataḥ |
niṣpiṣṭo bahudhā bhūmau na mamāra sa rākṣasaḥ || 8 ||
taṃ prekṣya rāmaḥ subhṛśamavadhyamacalopamam |
bhayeṣvabhayadaśśrīmānidaṃ vacanamabravīt || 9 ||
tapasā puruṣavyāghra rākṣaso'yaṃ na śakyate |
śastreṇa yudhi nirjetuṃ rākṣasaṃ nikhanāvahe || 10 ||
kuñjarasyeva raudrasya rākṣasasyāsya lakṣmaṇa |
vane'smin sumahacchvabhraṃ khanyatāṃ raudravarcasaḥ || 11 ||
ityuktvā lakṣmaṇaṃ rāmaḥ pradaraḥ khanyatāmiti |
tasthau virādhamākramya kaṇṭhe pādena vīryavān || 12 ||
tacchrutvā rāghaveṇoktaṃ rākṣasaḥ praśritaṃ vacaḥ |
idaṃ provāca kākutthsaṃ virādhaḥ puruṣarṣabham || 13 ||
hato'smi puruṣavyāghra śakratulyabalena vai |
mayā tu pūrvaṃ tvaṃ mohānna jñātaḥ puruṣarṣabha || 14 ||
kausalyāsuprajā rāma tātastvaṃ vidito mayā |
vaidehī ca mahābhāgā lakṣmaṇaśca mahāyaśāḥ || 15 ||
abhiśāpādahaṃ ghorāṃ praviṣṭo rākṣasīṃ tanum |
tumbururnāma gandharvaḥ śapto vaiśravaṇena ha || 16 ||
prasādyamānaśca mayā so'bravīnmāṃ mahāyaśāḥ |
yadā dāśarathī rāmastvāṃ vadhiṣyati saṃyuge |
tadā prakṛtimāpanno bhavānsvargaṃ gamiṣyati || 17 ||
anupasthīyamāno māṃ sa kruddho vyājahāra ha |
iti vaiśravaṇo rājā rambhāsaktamuvāca ha || 18 ||
tava prasādānmukto'hamihaśāpātsudāruṇāt |
bhuvanaṃ svaṃ gamiṣyāmi svasti vo'stu parantapa || 19 ||
ito vasati dharmātmā śarabhaṅgaḥ pratāpavān || 20 ||
adhyardhayojane tāta maharṣissūryasannibhaḥ |
taṃ kṣipramadhigaccha tvaṃ sa te śreyo'bhidhāsyati || 21 ||
avaṭe cāpi māṃ rāma prakṣipya kuśalī vraja |
rakṣasāṃ gatasattvānāmeṣa dharmassasanātanaḥ |
avaṭe ye nidhīyante teṣāṃ lokāssanātanāḥ || 22 ||
evamuktvā tu kākutthsaṃ virādhaśśarapīḍitaḥ |
babhūva svargasamprāpto nyastadeho mahābalaḥ || 23 ||
tacchrutvā rāghavo vākyaṃ lakṣmaṇaṃ vyādideśa ha |
kuñjarasyeva raudrasya rākṣasasyāsya lakṣmaṇa || 24 ||
vane'smin sumahacchvabhraṃ khanyatāṃ raudakarmaṇaḥ |
ityuktvā lakṣmaṇaṃ rāmaḥ pradaraḥ khanyatāmiti |
tasthau virādhamākramya kaṇṭhe pādena vīryavān || 25 ||
tataḥ khanitramādāya lakṣmaṇaśśvabhramuttamam |
akhanatpārśvatastasya virādhasya mahātmanaḥ || 26 ||
taṃ muktakaṇṭhannikṣipya śaṅkukarṇaṃ mahāsvanam |
virādhaṃ prākṣipacchvabhre nadantaṃ bhairavasvanam || 27 ||
tamāhave dāruṇamāśuvikramau sthirāvubhau saṃyati rāmalakṣmaṇau |
mudānvitau cikṣipaturbhayāvahaṃ nadantamutkṣipya bile tu rākṣasam || 28 ||
avadhyatāṃ prekṣya mahāsurasya tau śitena śastreṇa tadā nararṣabhau |
samarthya cātyarthaviśāradāvubhau bile virādhasya vadhaṃ pracakratuḥ || 29 ||
svayaṃ virādhena hi mṛtyurātmanaḥ prasahya rāmeṇa yathārthamīpsitaḥ |
niveditaḥ kānanacāriṇā svayaṃ na me vadhaḥ śastrakṛto bhavediti || 30 ||
tadeva rāmeṇa niśamya bhāṣitaṃ kṛtā matistasya bilapraveśane |
bilaṃ ca rāmeṇātibalena rakṣasā praveśyamānena vanaṃ vināditam || 31 ||
prahṛṣṭarūpāviva rāmalakṣmaṇau virādhamurvyā pradare nihatya tau |
nanandaturvītabhayau mahāvane śilābhirantardadhatuśca rākṣasam || 32 ||
tatastu tau kāñcanacitrakārmukau nihatya rakṣaḥ parigṛhya maithilīm |
vijahratu stau muditau mahāvane divi sthitau candradivākarāviva || 33 ||
ityārṣe śrīmadrāmāyaṇe vālmīkīya ādikāvye araṇyakāṇḍe caturthassargaḥ ||
InfoLyter.in — Sacred Vedic Knowledge Portal · Free forever