📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
3.38 அரண்யகாண்ட - அஷ்டத்ரிம்ஶ ஸர்கஃ
3.38 Aranyakanda - Ashtatrimsha Sargah
Valmiki Tamil
ஶ்ரீமத்வால்மீகீய ராமாயணே அரண்யகாண்டம் ।
அத அஷ்டத்ரிம்ஶஸ்ஸர்கஃ ।
கதாசிதப்யஹம் வீர்யாத்பர்யடந்ப்ரு'திவீமிமாம் ।
பலம் நாகஸஹஸ்ரஸ்ய தாரயந்பர்வதோபமஃ ॥ 1 ॥
நீலஜீமூதஸங்காஶஸ்தப்தகாஞ்சநகுண்டலஃ ।
பயம் லோகஸ்ய ஜநயந்கிரீடீ பரிகாயுதஃ ॥ 2 ॥
வ்யசரம் தண்டகாரண்யே ரு'ஷிமாம்ஸாநி பக்ஷயந் ।
விஶ்வாமித்ரோऽத தர்மாத்மா மத்வித்ரஸ்தோ மஹாமுநிஃ ॥ 3 ॥
ஸ்வயம் கத்வா தஶரதம் நரேந்த்ரமிதமப்ரவீத் ।
அத்ய ரக்ஷது மாம் ராமஃ பர்வகாலே ஸமாஹிதஃ ॥ 4 ॥
மாரீசாந்மே பயம் கோரம் ஸமுத்பந்நம் நரேஶ்வர ।
இத்யேவமுக்தோ தர்மாத்மா ராஜா தஶரதஸ்ததா ॥ 5 ॥
ப்ரத்யுவாச மஹாபாகம் விஶ்வாமித்ரம் மஹாமுநிம் ।
பாலோ த்வாதஶவர்ஷோऽயமக்ரு'தாஸ்த்ரஶ்ச ராகவஃ ॥ 6 ॥
காமம் து மம யத்ஸைந்யம் மயா ஸஹ கமிஷ்யதி ।
பலேந சதுரங்கேண ஸ்வயமேத்ய நிஶாசராந் ॥ 7 ॥
வதிஷ்யாமி முநிஶ்ரேஷ்ட ஶத்ரூம்ஸ்தே மநஸேப்ஸிதாந் ।
இத்யேவமுக்தஸ்ஸமுநீ ராஜாநமிதமப்ரவீத் ॥ 8 ॥
ராமாந்நாந்யத்பலம் லோகே பர்யாப்தம் தஸ்ய ரக்ஷஸஃ ।
தேவதாநாமபி பவாந் ஸமரேஷ்வபிபாலகஃ ॥ 9 ॥
ஆஸீத்தவ க்ரு'தம் கர்ம த்ரிலோகே விதிதம் ந்ரு'ப ।
காமமஸ்து மஹத்ஸைந்யம் திஷ்டத்விஹ பரந்தப ॥ 10 ॥
பாலோऽப்யேஷ மஹாதேஜாஸ்ஸமர்தஸ்தஸ்ய நிக்ரஹே ।
கமிஷ்யே ராமமாதாய ஸ்வஸ்தி தேऽஸ்து பரந்தப ॥ 11 ॥
ஏவமுக்த்வா து ஸ முநிஸ்தமாதாய ந்ரு'பாத்மஜம் ।
ஜகாம பரமப்ரீதோ விஶ்வாமித்ரஸ்ஸ்வமாஶ்ரமம் ॥ 12 ॥
தம் ததா தண்டகாரண்யே யஜ்ஞமுத்திஶ்ய தீக்ஷிதம் ।
பபூவோபஸ்திதோ ராமஶ்சித்ரம் விஷ்பாரயந்தநுஃ ॥ 13 ॥
அஜாதவ்யஞ்ஜநஶ்ரீமாந்பத்மபத்ரநிபேக்ஷணஃ ।
ஏகவஸ்த்ரதரோ தந்வீ ஶிகீ கநகமாலயா ॥ 14 ॥
ஶோபயந் தண்டகாரண்யம் தீப்தேந ஸ்வேந தேஜஸா ।
அத்ரு'ஶ்யத ததோ ராமோ பாலசந்த்ர இவோதிதஃ ॥ 15 ॥
ததோऽஹம் மேகஸங்காஶஸ்தப்தகாஞ்சநகுண்டலஃ ।
பலீ தத்தவரோதர்பாதாஜகாம ததாஶ்ரமம் ॥ 16 ॥
தேந த்ரு'ஷ்டஃ ப்ரவிஷ்டோऽஹம் ஸஹஸைவோத்யதாயுதஃ ।
மாம் து த்ரு'ஷ்ட்வா தநுஸ்ஸஜ்யமஸம்ப்ராந்தஶ்சகார ஸஃ ॥ 17 ॥
அவஜாநந்நஹம் மோஹாத்பாலோऽயமிதி ராகவம் ।
விஶ்வாமித்ரஸ்ய தாம் வேதிமப்யதாவம் க்ரு'தத்வரஃ ॥ 18 ॥
தேந முக்தஸ்ததோ பாணஃ ஶிதஶ்ஶத்ருநிபர்ஹணஃ ।
தேநாஹம் த்வாஹதஃ க்ஷிப்தஸ்ஸமுத்ரே ஶதயோஜநே ॥ 19 ॥
நேச்சதா தாத மாம் ஹந்தும் ததா வீரேண ரக்ஷிதஃ ।
ராமஸ்ய ஶரவேகேந நிரஸ்தோऽஹமசேதநஃ ॥ 20 ॥
பாதிதோऽஹம் ததா தேந கம்பீரே ஸாகராம்பஸி ।
ப்ராப்ய ஸஞ்ஜ்ஞாம் சிராத்தாத லங்காம் ப்ரதிகதஃ புரீம் ॥ 21 ॥
ஏவமஸ்மி ததா முக்தஸ்ஸஹாயாஸ்து நிபாதிதாஃ ।
அக்ரு'தாஸ்த்ரேண பாலேந ராமேணாக்லிஷ்டகர்மணா ॥ 22 ॥
தந்மயா வார்யமாணஸ்த்வம் யதி ராமேண விக்ரஹம் ।
கரிஷ்யஸ்யாபதம் கோராம் க்ஷிப்ரம் ப்ராப்ஸ்யஸி ராவண ॥ 23 ॥
க்ரீடாரதிவிதிஜ்ஞாநாம் ஸமாஜோத்ஸவஶாலிநாம் ।
ரக்ஷஸாம் சைவ ஸந்தாபமநர்தம் சாஹரிஷ்யஸி ॥ 24 ॥
ஹர்ம்யப்ராஸாதஸம்பாதாம் நாநாரத்நவிபூஷிதாம் ।
த்ரக்ஷ்யஸி த்வம் புரீம் லங்காம் விநஷ்டாம் மைதிலீக்ரு'தே ॥ 25 ॥
அகுர்வந்தோऽபி பாபாநி ஶுசயஃ பாபஸம்ஶ்ரயாத் ।
பரபாபைர்விநஶ்யந்தி மத்ஸ்யா நாகஹ்ரதே யதா ॥ 26 ॥
திவ்யசந்தநதிக்தாங்காந்திவ்யாபரணபூஷிதாந் ।
த்ரக்ஷ்யஸ்யபிஹதாந்பூமௌ தவ தோஷாத்து ராக்ஷஸாந் ॥ 27 ॥
ஹ்ரு'ததாராந் ஸதாராம்ஶ்ச தஶ வித்ரவதோ திஶஃ ।
ஹதஶேஷாநஶரணாந்த்ரக்ஷ்யஸி த்வம் நிஶாசராந் ॥ 28 ॥
ஶரஜாலபரிக்ஷிப்தாமக்நிஜ்வாலாஸமாவ்ரு'தாம் ।
ப்ரதக்தபவநாம் லங்காம் த்ரக்ஷ்யஸி த்வம் ந ஸம்ஶயஃ ॥ 29 ॥
பரதாராபிமர்ஶாத்து நாந்யத்பாபதரம் மஹத் ।
ப்ரமதாநாம் ஸஹஸ்ரம் ச தவ ராஜந்பரிக்ரஹஃ ॥ 30 ॥
பவ ஸ்வதாரநிரதஸ்வகுலம் ரக்ஷ ராக்ஷஸ ।
மாநம்ரு'த்திம் ச ராஜ்யம் ச ஜீவிதம் சேஷ்டமாத்மநஃ ॥ 31 ॥
கலத்ராணி ச ஸௌம்யாநி மித்ரவர்கம் ததைவ ச ।
யதீச்சஸி சிரம் போக்தம் மா க்ரு'தா ராமவிப்ரியம் ॥ 32 ॥
நிவார்யமாணஸ்ஸுஹ்ரு'தா மயா ப்ரு'ஶம் ப்ரஸஹ்ய ஸீதாம் யதி தர்ஷயிஷ்யஸி ।
கமிஷ்யஸி க்ஷீணபலஸ்ஸபாந்தவோ யமக்ஷயம் ராமஶராத்தஜீவிதஃ ॥ 33 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே அரண்யகாண்டே அஷ்டத்ரிம்ஶஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe araṇyakāṇḍam |
atha aṣṭatriṃśassargaḥ |
kadācidapyahaṃ vīryātparyaṭanpṛthivīmimām |
balaṃ nāgasahasrasya dhārayanparvatopamaḥ || 1 ||
nīlajīmūtasaṅkāśastaptakāñcanakuṇḍalaḥ |
bhayaṃ lokasya janayankirīṭī parighāyudhaḥ || 2 ||
vyacaraṃ daṇḍakāraṇye ṛṣimāṃsāni bhakṣayan |
viśvāmitro'tha dharmātmā madvitrasto mahāmuniḥ || 3 ||
svayaṃ gatvā daśarathaṃ narendramidamabravīt |
adya rakṣatu māṃ rāmaḥ parvakāle samāhitaḥ || 4 ||
mārīcānme bhayaṃ ghoraṃ samutpannaṃ nareśvara |
ityevamukto dharmātmā rājā daśarathastadā || 5 ||
pratyuvāca mahābhāgaṃ viśvāmitraṃ mahāmunim |
bālo dvādaśavarṣo'yamakṛtāstraśca rāghavaḥ || 6 ||
kāmaṃ tu mama yatsainyaṃ mayā saha gamiṣyati |
balena caturaṅgeṇa svayametya niśācarān || 7 ||
vadhiṣyāmi muniśreṣṭha śatrūṃste manasepsitān |
ityevamuktassamunī rājānamidamabravīt || 8 ||
rāmānnānyadbalaṃ loke paryāptaṃ tasya rakṣasaḥ |
devatānāmapi bhavān samareṣvabhipālakaḥ || 9 ||
āsīttava kṛtaṃ karma triloke viditaṃ nṛpa |
kāmamastu mahatsainyaṃ tiṣṭhatviha parantapa || 10 ||
bālo'pyeṣa mahātejāssamarthastasya nigrahe |
gamiṣye rāmamādāya svasti te'stu parantapa || 11 ||
evamuktvā tu sa munistamādāya nṛpātmajam |
jagāma paramaprīto viśvāmitrassvamāśramam || 12 ||
taṃ tadā daṇḍakāraṇye yajñamuddiśya dīkṣitam |
babhūvopasthito rāmaścitraṃ viṣphārayandhanuḥ || 13 ||
ajātavyañjanaśrīmānpadmapatranibhekṣaṇaḥ |
ekavastradharo dhanvī śikhī kanakamālayā || 14 ||
śobhayan daṇḍakāraṇyaṃ dīptena svena tejasā |
adṛśyata tato rāmo bālacandra ivoditaḥ || 15 ||
tato'haṃ meghasaṅkāśastaptakāñcanakuṇḍalaḥ |
balī dattavarodarpādājagāma tadāśramam || 16 ||
tena dṛṣṭaḥ praviṣṭo'haṃ sahasaivodyatāyudhaḥ |
māṃ tu dṛṣṭvā dhanussajyamasambhrāntaścakāra saḥ || 17 ||
avajānannahaṃ mohādbālo'yamiti rāghavam |
viśvāmitrasya tāṃ vedimabhyadhāvaṃ kṛtatvaraḥ || 18 ||
tena muktastato bāṇaḥ śitaśśatrunibarhaṇaḥ |
tenāhaṃ tvāhataḥ kṣiptassamudre śatayojane || 19 ||
necchatā tāta māṃ hantuṃ tadā vīreṇa rakṣitaḥ |
rāmasya śaravegena nirasto'hamacetanaḥ || 20 ||
pātito'haṃ tadā tena gambhīre sāgarāmbhasi |
prāpya sañjñāṃ cirāttāta laṅkāṃ pratigataḥ purīm || 21 ||
evamasmi tadā muktassahāyāstu nipātitāḥ |
akṛtāstreṇa bālena rāmeṇākliṣṭakarmaṇā || 22 ||
tanmayā vāryamāṇastvaṃ yadi rāmeṇa vigraham |
kariṣyasyāpadaṃ ghorāṃ kṣipraṃ prāpsyasi rāvaṇa || 23 ||
krīḍāratividhijñānāṃ samājotsavaśālinām |
rakṣasāṃ caiva santāpamanarthaṃ cāhariṣyasi || 24 ||
harmyaprāsādasambādhāṃ nānāratnavibhūṣitām |
drakṣyasi tvaṃ purīṃ laṅkāṃ vinaṣṭāṃ maithilīkṛte || 25 ||
akurvanto'pi pāpāni śucayaḥ pāpasaṃśrayāt |
parapāpairvinaśyanti matsyā nāgahrade yathā || 26 ||
divyacandanadigdhāṅgāndivyābharaṇabhūṣitān |
drakṣyasyabhihatānbhūmau tava doṣāttu rākṣasān || 27 ||
hṛtadārān sadārāṃśca daśa vidravato diśaḥ |
hataśeṣānaśaraṇāndrakṣyasi tvaṃ niśācarān || 28 ||
śarajālaparikṣiptāmagnijvālāsamāvṛtām |
pradagdhabhavanāṃ laṅkāṃ drakṣyasi tvaṃ na saṃśayaḥ || 29 ||
paradārābhimarśāttu nānyatpāpataraṃ mahat |
pramadānāṃ sahasraṃ ca tava rājanparigrahaḥ || 30 ||
bhava svadāraniratasvakulaṃ rakṣa rākṣasa |
mānamṛddhiṃ ca rājyaṃ ca jīvitaṃ ceṣṭamātmanaḥ || 31 ||
kalatrāṇi ca saumyāni mitravargaṃ tathaiva ca |
yadīcchasi ciraṃ bhoktaṃ mā kṛthā rāmavipriyam || 32 ||
nivāryamāṇassuhṛdā mayā bhṛśaṃ prasahya sītāṃ yadi dharṣayiṣyasi |
gamiṣyasi kṣīṇabalassabāndhavo yamakṣayaṃ rāmaśarāttajīvitaḥ || 33 ||
ityārṣe śrīmadrāmāyaṇe vālmīkīya ādikāvye araṇyakāṇḍe aṣṭatriṃśassargaḥ ||
InfoLyter.in — Sacred Vedic Knowledge Portal · Free forever