3.35 Aranyakanda - Panchatrimsha Sargah

ॐ

3.35 அரண்யகாண்ட - பஞ்சத்ரிம்ஶ ஸர்கஃ

Valmiki Tamil

ஶ்ரீமத்வால்மீகீய ராமாயணே அரண்யகாண்டம் ।

அத பஞ்சத்ரிம்ஶஸ்ஸர்கஃ ।

ததஶ்ஶூர்பணகாவாக்யம் தச்ச்ருத்வா ரோமஹர்ஷணம் ।

ஸசிவாநப்யநுஜ்ஞாய கார்யம் புத்த்வா ஜகாம ஹ ॥ 1 ॥

தத்கார்யமநுகம்யாத யதாவதுபலப்ய ச ।

தோஷாணாம் ச குணாநாம் ச ஸம்ப்ரதார்ய பலாபலம் ॥ 2 ॥

இதி கர்தவ்யமித்யேவ க்ரு'த்வா நிஶ்சயமாத்மநஃ ।

ஸ்திரபுத்திஸ்ததோ ரம்யாம் யாநஶாலாம் ஜகாம ஹ ॥ 3 ॥

யாநஶாலாம் ததோ கத்வா ப்ரச்சந்நோ ராக்ஷஸாதிபஃ ।

ஸூதம் ஸஞ்சோதயாமாஸ ரதஸ்ஸம்யோஜ்யதாமிதி ॥ 4 ॥

ஏவமுக்தஃ க்ஷேணேநைவ ஸாரதிர்லகுவிக்ரமஃ ।

ரதம் ஸம்யோஜயாமாஸ தஸ்யாபிமதமுத்தமம் ॥ 5 ॥

காஞ்சநம் ரதமாஸ்தாய காமகம் ரத்நபூஷிதம் ।

பிஶாசவதநைர்யுக்தம் கரைஃ காஞ்சநபூஷணைஃ ॥ 6 ॥

மேகப்ரதிமநாதேந ஸ தேந தநதாநுஜஃ ।

ராக்ஷஸாதிபதிஶ்ஶ்ரீமாந்யயௌ நதநதீபதிம் ॥ 7 ॥

ஸ ஶ்வேதவாலவ்யஜநஃ ஶ்வேதச்சத்ரோ தஶாநநஃ ।

ஸ்நிக்தவைதூர்யஸங்காஶ ஸ்தப்தகாஞ்சநகுண்டலஃ ॥ 8 ॥

விம்ஶத்புஜோ தஶக்ரீவோ தர்ஶநீயபரிச்சதஃ ।

த்ரிதஶாரிர்முநீந்த்ரக்நோ தஶஶீர்ஷ இவாத்ரிராட் ॥ 9 ॥

காமகம் ரதமாஸ்தாய ஶுஶுபே ராக்ஷஸேஶ்வரஃ ।

வித்யுந்மண்டலவாந்மேகஸ்ஸபலாக இவாம்பரே ॥ 10 ॥

ஸ ஶைலம் ஸாகராநூபம் வீர்யவாநவலோகயந் ।

நாநாபுஷ்பபலைர்வ்ரு'க்ஷைரநுகீர்ணம் ஸஹஸ்ரஶஃ ॥ 11 ॥

ஶீதமங்கலதோயாபிஃ பத்மிநீபிஸ்ஸமந்ததஃ ।

விஶாலைராஶ்ரமபதைர்வேதிமத்பிஸ்ஸமாவ்ரு'தம் ॥ 12 ॥

கதல்யாடகிஸம்பாதம் நாரிகேலோபஶோபிதம் ।

ஸாலைஸ்தாலைஸ்தமாலைஶ்ச புஷ்பிதைஸ்தருபிர்வ்ரு'தம் ॥ 13 ॥

நாகைஸ்ஸுபர்ணைர்கந்தைர்வைஃ கிந்நரைஶ்ச ஸஹஸ்ரஶஃ ।

அஜைர்வைகாநஸைர்மாஷைர்வாலகில்யைர்மரீசிபைஃ ॥ 14 ॥

அத்யந்தநியதாஹாரைஶ்ஶோபிதம் பரமர்ஷிபிஃ ।

ஜிதகாமைஶ்ச ஸித்தைஶ்ச சாரணைருபஶோபிதம் ॥ 15 ॥

திவ்யாபரணமால்யாபிர்திவ்யரூபாபிராவ்ரு'தம் ।

க்ரீடாரதிவிதிஜ்ஞாபிரப்ஸரோபிஸ்ஸஹஸ்ரஶஃ ॥ 16 ॥

ஸேவிதம் தேவபந்தீபிஶ்ஶ்ரீமதீபிஶ்ஶ்ரியாऽऽவ்ரு'தம் ।

தேவதாநவஸங்கைஶ்ச சரிதம் த்வம்ரு'தாஶிபிஃ ॥ 17 ॥

ஹம்ஸக்ரௌஞ்சப்லவாகீர்ணம் ஸாரஸைஸ்ஸம்ப்ரணாதிதம் ।

வைடூர்யப்ரஸ்தரம் ரம்யம் ஸ்நிக்தம் ஸாகரதேஜஸா ॥ 18 ॥

பாண்டுராணி விஶாலாநி திவ்யமால்யயுதாநி ச ।

தூர்யகீதாபிஜுஷ்டாநி விமாநாநி ஸமந்ததஃ ॥ 19 ॥

தபஸா ஜிதலோகாநாம் காமகாந்யபிஸம்பதந் ।

கந்தர்வாப்ஸரஸஶ்சைவ ததர்ஶ தநதாநுஜஃ ॥ 20 ॥

நிர்யாஸரஸமூலாநாம் சந்தநாநாம் ஸஹஸ்ரஶஃ ।

வநாநி பஶ்யந்ஸௌம்யாநி க்ராணத்ரு'ப்திகராணி ச ॥ 21 ॥

அகரூணாம் ச முக்யாநாம் வநாந்யுபவநாநி ச ।

தக்கோலாநாம் ச ஜாத்யாநாம் பலாநாம் ச ஸுகந்திநாம் ॥ 22 ॥

புஷ்பாணி ச தமாலஸ்ய குல்மாநி மரிசஸ்ய ச ।

முக்தாநாம் ச ஸமூஹாநி ஶுஷ்யமாணாநி தீரதஃ ॥ 23 ॥

ஶங்காநாம் ப்ரஸரம் சைவ ப்ரவாலநிசயம் ததா ।

காஞ்சநாநி ச ஶைலாநி ராஜதாநி ச ஸர்வஶஃ ॥ 24 ॥

ப்ரஸ்ரவாணி மநோஜ்ஞாநி ப்ரஸந்நாநி ஹ்ரதாநி ச ।

தநதாந்யோபபந்நாநி ஸ்த்ரீரத்நைஶ்ஶோபிதாநி ச ॥ 25 ॥

ஹஸ்த்யஶ்வரதகாடாநி நகராண்யவலோகயந் ।

தம் ஸமம் ஸர்வதஸ்நிக்தம் ம்ரு'துஸம்ஸ்பர்ஶமாருதம் ।

அநூபம் ஸிந்துராஜஸ்ய ததர்ஶ த்ரிதிவோபமம் ॥ 26 ॥

தத்ராபஶ்யத்ஸ மேகாபம் ந்யக்ரோதம்ரு'ஷிபிர்வ்ரு'தம் ॥ 27 ॥

ஸமந்தாத்யஸ்ய தாஶ்ஶாகாஶ்ஶதயோஜநமாயதாஃ ।

யஸ்ய ஹஸ்திநமாதாய மஹாகாயம் ச கச்சபம் ॥ 28 ॥

பக்ஷார்தம் கருடஶ்ஶாகாமாஜகாம மஹாபலஃ ।

தஸ்ய தாம் ஸஹஸா ஶாகாம் பாரேண பதகோத்தமஃ ॥ 29 ॥

ஸுபர்ணஃ பர்ணபஹுலாம் பபஞ்ஜ ச மஹாபலஃ ।

தத்ர வைகாநஸா மாஷா வாலகில்யா மரீசிபாஃ ॥ 30 ॥

அஜா பபூவுர்தூம்ராஶ்ச ஸங்கதாஃ பரமர்ஷயஃ ।

தேஷாம் தயார்தம் கருடஸ்தாம் ஶாகாம் ஶதயோஜநாம் ॥ 31 ॥

ஜகாமாதாய வேகேந தௌ சோபௌ கஜகச்சபௌ ।

ஏகபாதேந தர்மாத்மா பக்ஷயித்வா ததாமிஷம் ॥ 32 ॥

நிஷாதவிஷயம் ஹத்வா ஶாகயா பதகோத்தமஃ ।

ப்ரஹர்ஷமதுலம் லேபே மோக்ஷயித்வா மஹாமுநீந் ॥ 33 ॥

ஸ தேநைவ ப்ரஹர்ஷேண த்விகுணீக்ரு'தவிக்ரமஃ ।

அம்ரு'தாநயநார்தம் வை சகார மதிமாந்மதிம் ॥ 34 ॥

அயோஜாலாநி நிர்மத்ய பித்வா ரத்நமயம் க்ரு'ஹம் ।

மஹேந்த்ரபவநாத்குப்தமாஜஹாராம்ரு'தம் ததஃ ॥ 35 ॥

தம் மஹர்ஷிகணைர்ஜுஷ்டம் ஸுபர்ணக்ரு'தலக்ஷணம் ।

நாம்நா ஸுபத்ரம் ந்யக்ரோதம் ததர்ஶ தநதாநுஜஃ ॥ 36 ॥

தம் து கத்வா பரம் பாரம் ஸமுத்ரஸ்ய நதீபதேஃ ।

ததர்ஶாஶ்ரமமேகாந்தே ரம்யே புண்யே வநாந்தரே ॥ 37 ॥

தத்ர க்ரு'ஷ்ணாஜிநதரம் ஜடாவல்கலதாரிணம் ।

ததர்ஶ நியதாஹாரம் மாரீசம் நாம ராக்ஷஸாம் ॥ 38 ॥

ஸ ராவணஸ்ஸமாகம்ய விதிவத்தேந ரக்ஷஸா ।

மாரீசேநார்சிதோ ராஜா ஸர்வகாமைரமாநுஷைஃ ॥ 39 ॥

தம் ஸ்வயம் பூஜயித்வா து போஜநேநோதகேந ச ।

அர்தோபஹிதயா வாசா மாரீசோ வாக்யமப்ரவீத் ॥ 40 ॥

கச்சித்ஸுகுஶலம் ராஜந்லங்காயாம் ராக்ஷஸேஶ்வர ।

கேநார்தேந புநஸ்த்வம் வை தூர்ணமேவமிஹாகதஃ ॥ 41 ॥

ஏவமுக்தோ மஹாதேஜா மாரீசேந ஸ ராவணஃ ।

ததஃ பஶ்சாதிதம் வாக்யமப்ரவீத்வாக்யகோவிதஃ ॥ 42 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே அரண்யகாண்டே பஞ்சத்ரிம்ஶஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe araṇyakāṇḍam |

atha pañcatriṃśassargaḥ |

tataśśūrpaṇakhāvākyaṃ tacchrutvā romaharṣaṇam |

sacivānabhyanujñāya kāryaṃ buddhvā jagāma ha || 1 ||

tatkāryamanugamyātha yathāvadupalabhya ca |

doṣāṇāṃ ca guṇānāṃ ca sampradhārya balābalam || 2 ||

iti kartavyamityeva kṛtvā niścayamātmanaḥ |

sthirabuddhistato ramyāṃ yānaśālāṃ jagāma ha || 3 ||

yānaśālāṃ tato gatvā pracchanno rākṣasādhipaḥ |

sūtaṃ sañcodayāmāsa rathassaṃyojyatāmiti || 4 ||

evamuktaḥ kṣeṇenaiva sārathirlaghuvikramaḥ |

rathaṃ saṃyojayāmāsa tasyābhimatamuttamam || 5 ||

kāñcanaṃ rathamāsthāya kāmagaṃ ratnabhūṣitam |

piśācavadanairyuktaṃ kharaiḥ kāñcanabhūṣaṇaiḥ || 6 ||

meghapratimanādena sa tena dhanadānujaḥ |

rākṣasādhipatiśśrīmānyayau nadanadīpatim || 7 ||

sa śvetavālavyajanaḥ śvetacchatro daśānanaḥ |

snigdhavaidūryasaṅkāśa staptakāñcanakuṇḍalaḥ || 8 ||

viṃśadbhujo daśagrīvo darśanīyaparicchadaḥ |

tridaśārirmunīndraghno daśaśīrṣa ivādrirāṭ || 9 ||

kāmagaṃ rathamāsthāya śuśubhe rākṣaseśvaraḥ |

vidyunmaṇḍalavānmeghassabalāka ivāmbare || 10 ||

sa śailaṃ sāgarānūpaṃ vīryavānavalokayan |

nānāpuṣpaphalairvṛkṣairanukīrṇaṃ sahasraśaḥ || 11 ||

śītamaṅgalatoyābhiḥ padminībhissamantataḥ |

viśālairāśramapadairvedimadbhissamāvṛtam || 12 ||

kadalyāḍhakisambādhaṃ nārikelopaśobhitam |

sālaistālaistamālaiśca puṣpitaistarubhirvṛtam || 13 ||

nāgaissuparṇairgandhairvaiḥ kinnaraiśca sahasraśaḥ |

ajairvaikhānasairmāṣairvālakhilyairmarīcipaiḥ || 14 ||

atyantaniyatāhāraiśśobhitaṃ paramarṣibhiḥ |

jitakāmaiśca siddhaiśca cāraṇairupaśobhitam || 15 ||

divyābharaṇamālyābhirdivyarūpābhirāvṛtam |

krīḍāratividhijñābhirapsarobhissahasraśaḥ || 16 ||

sevitaṃ devapantībhiśśrīmatībhiśśriyā''vṛtam |

devadānavasaṅghaiśca caritaṃ tvamṛtāśibhiḥ || 17 ||

haṃsakrauñcaplavākīrṇaṃ sārasaissampraṇāditam |

vaiḍhūryaprastaraṃ ramyaṃ snigdhaṃ sāgaratejasā || 18 ||

pāṇḍurāṇi viśālāni divyamālyayutāni ca |

tūryagītābhijuṣṭāni vimānāni samantataḥ || 19 ||

tapasā jitalokānāṃ kāmagānyabhisampatan |

gandharvāpsarasaścaiva dadarśa dhanadānujaḥ || 20 ||

niryāsarasamūlānāṃ candanānāṃ sahasraśaḥ |

vanāni paśyansaumyāni ghrāṇatṛptikarāṇi ca || 21 ||

agarūṇāṃ ca mukhyānāṃ vanānyupavanāni ca |

takkolānāṃ ca jātyānāṃ phalānāṃ ca sugandhinām || 22 ||

puṣpāṇi ca tamālasya gulmāni maricasya ca |

muktānāṃ ca samūhāni śuṣyamāṇāni tīrataḥ || 23 ||

śaṅkhānāṃ prasaraṃ caiva pravālanicayaṃ tathā |

kāñcanāni ca śailāni rājatāni ca sarvaśaḥ || 24 ||

prasravāṇi manojñāni prasannāni hradāni ca |

dhanadhānyopapannāni strīratnaiśśobhitāni ca || 25 ||

hastyaśvarathagāḍhāni nagarāṇyavalokayan |

taṃ samaṃ sarvatasnigdhaṃ mṛdusaṃsparśamārutam |

anūpaṃ sindhurājasya dadarśa tridivopamam || 26 ||

tatrāpaśyatsa meghābhaṃ nyagrodhamṛṣibhirvṛtam || 27 ||

samantādyasya tāśśākhāśśatayojanamāyatāḥ |

yasya hastinamādāya mahākāyaṃ ca kacchapam || 28 ||

bhakṣārthaṃ garuḍaśśākhāmājagāma mahābalaḥ |

tasya tāṃ sahasā śākhāṃ bhāreṇa patagottamaḥ || 29 ||

suparṇaḥ parṇabahulāṃ babhañja ca mahābalaḥ |

tatra vaikhānasā māṣā vālakhilyā marīcipāḥ || 30 ||

ajā babhūvurdhūmrāśca saṅgatāḥ paramarṣayaḥ |

teṣāṃ dayārthaṃ garuḍastāṃ śākhāṃ śatayojanām || 31 ||

jagāmādāya vegena tau cobhau gajakacchapau |

ekapādena dharmātmā bhakṣayitvā tadāmiṣam || 32 ||

niṣādaviṣayaṃ hatvā śākhayā patagottamaḥ |

praharṣamatulaṃ lebhe mokṣayitvā mahāmunīn || 33 ||

sa tenaiva praharṣeṇa dviguṇīkṛtavikramaḥ |

amṛtānayanārthaṃ vai cakāra matimānmatim || 34 ||

ayojālāni nirmathya bhitvā ratnamayaṃ gṛham |

mahendrabhavanādguptamājahārāmṛtaṃ tataḥ || 35 ||

taṃ maharṣigaṇairjuṣṭaṃ suparṇakṛtalakṣaṇam |

nāmnā subhadraṃ nyagrodhaṃ dadarśa dhanadānujaḥ || 36 ||

taṃ tu gatvā paraṃ pāraṃ samudrasya nadīpateḥ |

dadarśāśramamekānte ramye puṇye vanāntare || 37 ||

tatra kṛṣṇājinadharaṃ jaṭāvalkaladhāriṇam |

dadarśa niyatāhāraṃ mārīcaṃ nāma rākṣasām || 38 ||

sa rāvaṇassamāgamya vidhivattena rakṣasā |

mārīcenārcito rājā sarvakāmairamānuṣaiḥ || 39 ||

taṃ svayaṃ pūjayitvā tu bhojanenodakena ca |

arthopahitayā vācā mārīco vākyamabravīt || 40 ||

kaccitsukuśalaṃ rājanlaṅkāyāṃ rākṣaseśvara |

kenārthena punastvaṃ vai tūrṇamevamihāgataḥ || 41 ||

evamukto mahātejā mārīcena sa rāvaṇaḥ |

tataḥ paścādidaṃ vākyamabravīdvākyakovidaḥ || 42 ||

ityārṣe śrīmadrāmāyaṇe vālmīkīya ādikāvye araṇyakāṇḍe pañcatriṃśassargaḥ ||