📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
3.29 அரண்யகாண்ட - ஏகோநத்ரிம்ஶ ஸர்கஃ
3.29 Aranyakanda - Ekonatrimsha Sargah
Valmiki Tamil
ஶ்ரீமத்வால்மீகீய ராமாயணே அரண்யகாண்டம் ।
அத ஏகோநத்ரிம்ஶஸ்ஸர்கஃ ।
கரம் து விரதம் ராமோ கதாபாணிமவஸ்திதம் ।
ம்ரு'துபூர்வம் மஹாதேஜாஃ பருஷம் வாக்யமப்ரவீத் ॥ 1 ॥
கஜாஶ்வரதஸம்பாதே பலே மஹதி திஷ்டதா ।
க்ரு'தம் ஸுதாருணம் கர்ம ஸர்வலோகஜுகுப்ஸிதம் ॥ 2 ॥
உத்வேஜநீயோ பூதாநாம் ந்ரு'ஶம்ஸஃ பாபகர்மக்ரு'த் ।
த்ரயாணாமபி லோகாநாமீஶ்வரோऽபி ந திஷ்டதி ॥ 3 ॥
கர்ம லோகவிருத்தம் து குர்வாணம் க்ஷணதாசர ।
தீக்ஷ்ணம் ஸர்வஜநோ ஹந்தி ஸர்பம் துஷ்டமிவாகதம் ॥ 4 ॥
லோபாத்பாபாநி குர்வாணஃ காமாத்வா யோ ந புத்யதே ।
ப்ரஷ்டஃ பஶ்யதி தஸ்யாந்தம் ப்ராஹ்மணீ கரகாதிவ ॥ 5 ॥
வஸதோ தண்டகாரண்யே தாபஸாந்தர்மசாரிணஃ ।
கிந்நு ஹத்வா மஹாபாகாந்பலம் ப்ராப்ஸ்யஸி ராக்ஷஸ ॥ 6 ॥
ந சிரம் பாபகர்மாணஃ க்ரூரா லோகஜுகுப்ஸிதாஃ ।
ஐஶ்வர்யம் ப்ராப்ய திஷ்டந்தி ஶீர்ணமூலா இவ த்ருமாஃ ॥ 7 ॥
அவஶ்யம் லபதே ஜந்துஃ பலம் பாபஸ்ய கர்மணஃ ।
கோரம் பர்யாகதே காலே த்ருமாஃ புஷ்பமிவார்தவம் ॥ 8 ॥
நசிராத்ப்ராப்யதே லோகே பாபாநாம் கர்மணாம் பலம் ।
ஸவிஷாணாமிவாந்நாநாம் புக்தாநாம் க்ஷணதாசர ॥ 9 ॥
பாபமாசரதாம் கோரம் லோகஸ்யாப்ரியமிச்சதாம் ।
அஹமாஸாதிதோ ராஜா ப்ராணாந்ஹந்தும் நிஶாசர ॥ 10 ॥
அத்ய ஹி த்வாம் மயா முக்தாஶ்ஶராஃ காஞ்சநபூஷணாஃ ।
விதார்யாதிபதிஷ்யந்தி வல்மீகமிவ பந்நகாஃ ॥ 11 ॥
யே த்வயா தண்டகாரண்யே பக்ஷிதா தர்மசாரிணஃ ।
தாநத்ய நிஹதஸ்ஸங்க்யே ஸஸைந்யோऽநுகமிஷ்யஸி ॥ 12 ॥
அத்ய த்வாம் நிஹதம் பாணைஃ பஶ்யந்து பரமர்ஷயஃ ।
நிரயஸ்தம் விமாநஸ்தா யே த்வயா ஹிம்ஸிதாஃ புரா ॥ 13 ॥
ப்ரஹர த்வம் யதாகாமம் குரு யத்நம் குலாதம ।
அத்ய தே பாதயிஷ்யாமி ஶிரஸ்தாலபலம் யதா ॥ 14 ॥
ஏவமுக்தஸ்து ராமேண க்ரு'த்தஸ்ஸம்ரக்தலோசநஃ ।
ப்ரத்யுவாச கரோ ராமம் ப்ரஹஸந்க்ரோதமூர்சிதஃ ॥ 15 ॥
ப்ராக்ரு'தாந்ராக்ஷஸாந்ஹத்வா யுத்தே தஶரதாத்மஜ ।
ஆத்மநா கதமாத்மாநமப்ரஶஸ்யம் ப்ரஶம்ஸஸி ॥ 16 ॥
விக்ராந்தா பலவந்தோ வா யே பவந்தி நரர்ஷபாஃ ।
கதயந்தி ந தே கிஞ்சித்தேஜஸா ஸ்வேந கர்விதாஃ ॥ 17 ॥
ப்ராக்ரு'தாஸ்த்வக்ரு'தாத்மாநோ லோகே க்ஷத்ரியபாம்ஸநாஃ ।
நிரர்தகம் விகத்தந்தே யதா ராம விகத்தஸே ॥ 18 ॥
குலம் வ்யபதிஶந்வீரஸ்ஸமரே கோऽபிதாஸ்யதி ।
ம்ரு'த்யுகாலே ஹி ஸம்ப்ராப்தே ஸ்வயமப்ரஸ்தவே ஸ்தவம் ॥ 19 ॥
ஸர்வதைவ லகுத்வம் தே கத்தநேந விதர்ஶிதம் ।
ஸுவர்ணப்ரதிரூபேண தப்தேநேவ குஶாக்நிநா ॥ 20 ॥
ந து மாமிஹ திஷ்டந்தம் பஶ்யஸி த்வம் கதாதரம் ।
தராதரமிவாகம்ப்யம் பர்வதம் தாதுபிஶ்சிதம் ॥ 21 ॥
பர்யாப்தோऽஹம் கதாபாணிர்ஹந்தும் ப்ராணாந்ரணே தவ ।
த்ரயாணாமபி லோகாநாம் பாஶஹஸ்த இவாந்தகஃ ॥ 22 ॥
காமம் பஹ்வபி வக்தவ்யம் த்வயி வக்ஷ்யாமி ந த்வஹம் ।
அஸ்தம் கச்சேத்தி ஸவிதா யுத்தவிக்நஸ்ததோ பவேத் ॥ 23 ॥
சதுர்தஶ ஸஹஸ்ராணி ராக்ஷஸாநாம் ஹதாநி தே ।
த்வத்விநாஶாத்கரோம்யேஷாம் தேஷாமஶ்ருப்ரமார்ஜநம் ॥ 24 ॥
இத்யுக்த்வா பரமக்ருத்தஸ்தாம் கதாம் பரமாங்கதஃ ।
கரஶ்சிக்ஷேப ராமாய ப்ரதீப்தாமஶநிம் யதா ॥ 25 ॥
கரபாஹுப்ரயுக்தா ஸா ப்ரதீப்தா மஹதீ கதா ।
பஸ்மவ்ரு'க்ஷாம்ஶ்ச குல்மாம்ஶ்ச க்ரு'த்வாகாத்தத்ஸமீபதஃ ॥ 26 ॥
தாமாபதந்தீம் ஜ்வலதாம் ம்ரு'த்யுபாஶோபமாம் கதாம் ।
அந்தரிக்ஷகதாம் ராமசஶிச்சேத பஹுதா ஶரைஃ ॥ 27 ॥
ஸா விகீர்ணா ஶரைர்பக்நா பபாத தரணீதலே ।
கதா மந்த்ரௌஷதபலைர்வ்யாலீவ விநிபாதிதா ॥ 28 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே அரண்யகாண்டே ஏகோநத்ரிம்ஶஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe araṇyakāṇḍam |
atha ekonatriṃśassargaḥ |
kharaṃ tu virathaṃ rāmo gadāpāṇimavasthitam |
mṛdupūrvaṃ mahātejāḥ paruṣaṃ vākyamabravīt || 1 ||
gajāśvarathasambādhe bale mahati tiṣṭhatā |
kṛtaṃ sudāruṇaṃ karma sarvalokajugupsitam || 2 ||
udvejanīyo bhūtānāṃ nṛśaṃsaḥ pāpakarmakṛt |
trayāṇāmapi lokānāmīśvaro'pi na tiṣṭhati || 3 ||
karma lokaviruddhaṃ tu kurvāṇaṃ kṣaṇadācara |
tīkṣṇaṃ sarvajano hanti sarpaṃ duṣṭamivāgatam || 4 ||
lobhātpāpāni kurvāṇaḥ kāmādvā yo na budhyate |
bhraṣṭaḥ paśyati tasyāntaṃ brāhmaṇī karakādiva || 5 ||
vasato daṇḍakāraṇye tāpasāndharmacāriṇaḥ |
kinnu hatvā mahābhāgānphalaṃ prāpsyasi rākṣasa || 6 ||
na ciraṃ pāpakarmāṇaḥ krūrā lokajugupsitāḥ |
aiśvaryaṃ prāpya tiṣṭhanti śīrṇamūlā iva drumāḥ || 7 ||
avaśyaṃ labhate jantuḥ phalaṃ pāpasya karmaṇaḥ |
ghoraṃ paryāgate kāle drumāḥ puṣpamivārtavam || 8 ||
nacirātprāpyate loke pāpānāṃ karmaṇāṃ phalam |
saviṣāṇāmivānnānāṃ bhuktānāṃ kṣaṇadācara || 9 ||
pāpamācaratāṃ ghoraṃ lokasyāpriyamicchatām |
ahamāsādito rājā prāṇānhantuṃ niśācara || 10 ||
adya hi tvāṃ mayā muktāśśarāḥ kāñcanabhūṣaṇāḥ |
vidāryātipatiṣyanti valmīkamiva pannagāḥ || 11 ||
ye tvayā daṇḍakāraṇye bhakṣitā dharmacāriṇaḥ |
tānadya nihatassaṅkhye sasainyo'nugamiṣyasi || 12 ||
adya tvāṃ nihataṃ bāṇaiḥ paśyantu paramarṣayaḥ |
nirayasthaṃ vimānasthā ye tvayā hiṃsitāḥ purā || 13 ||
prahara tvaṃ yathākāmaṃ kuru yatnaṃ kulādhama |
adya te pātayiṣyāmi śirastālaphalaṃ yathā || 14 ||
evamuktastu rāmeṇa kṛddhassaṃraktalocanaḥ |
pratyuvāca kharo rāmaṃ prahasankrodhamūrchitaḥ || 15 ||
prākṛtānrākṣasānhatvā yuddhe daśarathātmaja |
ātmanā kathamātmānamapraśasyaṃ praśaṃsasi || 16 ||
vikrāntā balavanto vā ye bhavanti nararṣabhāḥ |
kathayanti na te kiñcittejasā svena garvitāḥ || 17 ||
prākṛtāstvakṛtātmāno loke kṣatriyapāṃsanāḥ |
nirarthakaṃ vikatthante yathā rāma vikatthase || 18 ||
kulaṃ vyapadiśanvīrassamare ko'bhidhāsyati |
mṛtyukāle hi samprāpte svayamaprastave stavam || 19 ||
sarvathaiva laghutvaṃ te katthanena vidarśitam |
suvarṇapratirūpeṇa tapteneva kuśāgninā || 20 ||
na tu māmiha tiṣṭhantaṃ paśyasi tvaṃ gadādharam |
dharādharamivākampyaṃ parvataṃ dhātubhiścitam || 21 ||
paryāpto'haṃ gadāpāṇirhantuṃ prāṇānraṇe tava |
trayāṇāmapi lokānāṃ pāśahasta ivāntakaḥ || 22 ||
kāmaṃ bahvapi vaktavyaṃ tvayi vakṣyāmi na tvaham |
astaṃ gaccheddhi savitā yuddhavighnastato bhavet || 23 ||
caturdaśa sahasrāṇi rākṣasānāṃ hatāni te |
tvadvināśātkaromyeṣāṃ teṣāmaśrupramārjanam || 24 ||
ityuktvā paramakruddhastāṃ gadāṃ paramāṅgadaḥ |
kharaścikṣepa rāmāya pradīptāmaśaniṃ yathā || 25 ||
kharabāhuprayuktā sā pradīptā mahatī gadā |
bhasmavṛkṣāṃśca gulmāṃśca kṛtvāgāttatsamīpataḥ || 26 ||
tāmāpatantīṃ jvalatāṃ mṛtyupāśopamāṃ gadām |
antarikṣagatāṃ rāmacaśiccheda bahudhā śaraiḥ || 27 ||
sā vikīrṇā śarairbhagnā papāta dharaṇītale |
gadā mantrauṣadhabalairvyālīva vinipātitā || 28 ||
ityārṣe śrīmadrāmāyaṇe vālmīkīya ādikāvye araṇyakāṇḍe ekonatriṃśassargaḥ ||
InfoLyter.in — Sacred Vedic Knowledge Portal · Free forever