📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
3.26 அரண்யகாண்ட - ஷட்விம்ஶ ஸர்கஃ
3.26 Aranyakanda - Shadvimsha Sargah
Valmiki Tamil
ஶ்ரீமத்வால்மீகீய ராமாயணே அரண்யகாண்டம் ।
அத ஷட்விம்ஶஸ்ஸர்கஃ ।
தூஷணஸ்து ஸ்வகம் ஸைந்யம் ஹந்யமாநம் நிரீக்ஷ்ய ஸஃ ।
ஸந்திதேஶ மஹாபாஹுர்பீமவேகாந்துராஸதாந் ॥ 1 ॥
ராக்ஷஸாந்பஞ்சஸஹஸ்ராந்ஸமரேஷ்வநிவர்திநஃ ।
தே ஶூலைஃ பட்டிஶைஃ கங்கை ஶிலாவர்ஷைர்த்ருமைரபி ॥ 2 ॥
ஶரவர்ஷைரவிச்சிந்நம் வவர்ஷுஸ்தம் ஸமந்ததஃ ।
ஸ த்ரு'மாணாம் ஶிலாநாம் ச வர்ஷம் ப்ராணஹரம் மஹத் ॥ 3 ॥
ப்ரதிஜக்ராஹ தர்மாத்மா ராகவஸ்தீக்ஷ்ணஸாயகைஃ ।
ப்ரதிக்ரு'ஹ்ய ச தத்வர்ஷம் நிமீலித இவர்ஷபஃ ॥ 4 ॥
ராமஃ க்ரோதம் பரம் பேஜே வதார்தம் ஸர்வரக்ஷஸாம் ।
ததஃ க்ரோதஸமாவிஷ்டஃ ப்ரதீப்த இவ தேஜஸா ॥ 5 ॥
ஶரைரவாகிரத்ஸைந்யம் ஸர்வதஸ்ஸஹதூஷணம் ।
ததஸ்ஸேநாபதிஃ க்ருத்தோ தூஷணஶ்ஶத்ருதூஷணஃ ॥ 6 ॥
ஶரைரஶநிகல்பைஸ்தம் ராகவம் ஸமவாகிரத் ।
ததோ ராமஸ்ஸுஸங்க்ரு'த்தஃ க்ஷுரேணாஸ்ய மஹத்தநுஃ ॥ 7 ॥
சிச்சேத ஸமரே வீரஶ்சதுர்பிஶ்சதுரோ ஹயாந் ।
ஹத்வா சாஶ்வாந்ஶரைஸ்தீக்ஷ்ணைரர்தசந்த்ரேண ஸாரதேஃ ॥ 8 ॥
ஶிரோ ஜஹார தத்ரக்ஷஸ்த்ரிபிர்விவ்யாத வக்ஷஸி ।
ஸ ச்சிந்நதந்வா விரதோ ஹதாஶ்வோ ஹதஸாரதிஃ ॥ 9 ॥
ஜக்ராஹ கிரிஶ்ரு'ங்காபம் பரிகம் ரோமஹர்ஷணம் ।
வேஷ்டிதம் காஞ்சநைஃ பட்டைர்தேவஸைந்யப்ரமர்தநம் ॥ 10 ॥
ஆயஸைஶ்ஶங்குபிஸ்தீக்ஷ்ணைஃ கீர்ணம் பரவஸோக்ஷிதம் ।
வஜ்ராஶநிஸமஸ்பர்ஶம் பரகோபுரதாரணம் ॥ 11 ॥
தம் மஹோரகஸங்காஶம் ப்ரக்ரு'ஹ்ய பரிகம் ரணே ।
தூஷணோऽப்யத்ரவத்ராமம் க்ரூரகர்மா நிஶாசரஃ ॥ 12 ॥
தஸ்யாபிபதமாநஸ்ய தூஷணஸ்ய ஸ ராகவஃ ।
த்வாப்யாம் ஶராப்யாம் சிச்சேத ஸஹஸ்தாபரணௌ புஜௌ ॥ 13 ॥
ப்ரஷ்டஸ்தஸ்ய மஹாகாயஃ பபாத ரணமூர்தநி ।
பரிகஶ்சிந்நஹஸ்தஸ்ய ஶக்ரத்வஜ இவாக்ரதஃ ॥ 14 ॥
ஸ கராப்யாம் விகீர்ணாப்யாம் பபாத புவி தூஷணஃ ।
விஷாணாப்யாம் விஶீர்ணாப்யாம் மநஸ்வீவ மஹாகஜஃ ॥ 15 ॥
தம் த்ரு'ஷ்ட்வா பதிதம் பூமௌ தூஷணம் நிஹதம் ரணே ।
ஸாதுஸாத்விதி காகுத்ஸ்தம் ஸர்வபூதாந்யபூஜயந் ॥ 16 ॥
ஏதஸ்மிந்நந்தரே க்ருத்தாஸ்த்ரயஃ ஸேநாக்ரயாயிநஃ ।
ஸம்ஹ்ரு'த்யாப்யத்ரவந் ராமம் ம்ரு'த்யுபாஶாவபாஶிதாஃ ॥ 17 ॥
மஹாகபாலஃ ஸ்தூலாக்ஷஃ ப்ரமாதீ ச மஹாபலஃ ।
மஹாகபாலோ விபுலம் ஶூலமுத்யம்ய ராக்ஷஸஃ ॥ 18 ॥
ஸ்தூலாக்ஷஃ பட்டிஸம் க்ரு'ஹ்ய ப்ரமாதீ ச பரஶ்வதம் ।
த்ரு'ஷ்ட்வைவாபததஸ்தூர்ணம் ராகவஸ்ஸாயகைஶ்ஶிதைஃ ॥ 19 ॥
தீக்ஷ்ணாக்ரைஃ ப்ரதிஜக்ராஹ ஸம்ப்ராப்தாநதிதீநிவ ।
மஹாகபாலஸ்ய ஶிரஶ்சிச்சேத பரமேஷுபிஃ ॥ 20 ॥
அஸங்க்யேயைஸ்து பாணௌகைஃ ப்ரமமாத ப்ரமாதிநம் ।
ஸ பபாத ஹதோ பூமௌ விடபீவ மஹாத்ருமஃ ॥ 21 ॥
ஸ்தூலாக்ஷஸ்யாக்ஷிணீ தீக்ஷ்ணைஃ பூரயாமாஸ ஸாயகைஃ ।
தூஷணஸ்யாநுகாந்பஞ்சஸஹஸ்ராந்குபிதஃ க்ஷணாத் ॥ 22 ॥
பாணௌகைஃ பஞ்சஸாஹஸ்ரைரநயத்யமஸாதநம் ।
தூஷணம் நிஹதம் த்ரு'ஷ்ட்வா தஸ்ய சைவ பதாநுகாந் ॥ 23 ॥
வ்யாதிதேஶ கரஃ க்ருத்தஃ ஸேநாத்யக்ஷாந்மஹாபலாந் ।
அயம் விநிஹதஸ்ஸங்க்யே தூஷணஸ்ஸபதாநுகஃ ॥ 24 ॥
மஹத்யா ஸேநயா ஸார்தம் யுத்த்வா ராமம் குமாநுஷம் ।
ஶஸ்த்ரைர்நாநாவிதாகாரைர்ஹநத்வம் ஸர்வராக்ஷஸாஃ ॥ 25 ॥
ஏவமுக்த்வா கரஃ க்ருத்தோ ராமமேவாபிதுத்ருவே ।
ஶ்யேநகாமீ ப்ரு'துக்ரீவோ யஜ்ஞஶத்ருர்விஹங்கமஃ ॥ 26 ॥
துர்ஜயஃ கரவீராக்ஷஃ பருஷஃ காலகார்முகஃ ।
மேகமாலீ மஹாமாலீ ஸர்பாஸ்யோ ருதிராஶநஃ ॥ 27 ॥
த்வாதஶைதே மஹாவீர்யா பலாத்யக்ஷாஸ்ஸஸைநிகாஃ ।
ராமமேவாப்யதாவந்த விஸ்ரு'ஜந்தஶ்ஶரோத்தமாந் ॥ 28 ॥
ததஃ பாவகஸங்காஶைர்ஹேமவஜ்ரவிபூஷிதைஃ ।
ஜகாந ஶேஷம் தேஜஸ்வீ தஸ்ய ஸைந்யஸ்ய ஸாயகைஃ ॥ 29 ॥
தே ருக்மபுங்கா விஶிகாஸ்ஸதூமா இவ பாவகாஃ ।
நிஜக்நுஸ்தாநி ரக்ஷாம்ஸி வஜ்ரா இவ மஹாத்ருமாந் ॥ 30 ॥
ரக்ஷஸாம் து ஶதம் ராமஶ்ஶதேநைகேந கர்ணிநா ।
ஸஹஸ்ரம் ச ஸஹஸ்ரேண ஜகாந ரணமூர்தநி ॥ 31 ॥
தைர்பிந்நவர்மாபரணாஶ்சிந்நபிந்நஶராஸநாஃ ।
நிபேதுஶ்ஶோணிதாதிக்தா தரண்யாம் ரஜநீசராஃ ॥ 32 ॥
தைர்முக்தகேஶைஸ்ஸமரே பதிதைஶ்ஶோணிதோக்ஷிதைஃ ।
ஆஸ்தீர்ணா வஸுதா க்ரு'த்ஸ்நா மஹாவேதிஃ குஶைரிவ ॥ 33 ॥
க்ஷணேந து மஹாகோரம் வநம் நிஹதராக்ஷஸம் ।
பபூவ நிரயப்ரக்யம் மாம்ஸஶோணிதகர்தமம் ॥ 34 ॥
சதுர்தஶ ஸஹஸ்ராணி ரக்ஷஸாம் பீமகர்மணாம் ।
ஹதாந்யேகேந ராமேண மாநுஷேண பதாதிநா ॥ 35 ॥
தஸ்ய ஸைந்யஸ்ய ஸர்வஸ்ய கரஶ்ஶேஷோ மஹாரதஃ ।
ராக்ஷஸஸ்த்ரிஶிராஶ்சைவ ராமஶ்ச ரிபுஸூதநஃ ॥ 36 ॥
ஶேஷா ஹதா மஹாஸத்வா ராக்ஷஸா ரணமூர்தநி ।
கோரா துர்விஷஹாஃ ஸர்வே லக்ஷ்மணஸ்யாக்ரஜேந தே ॥ 37 ॥
ததஸ்து தத்பீமபலம் மஹாஹவே ஸமீக்ஷ்ய ராமேண ஹதம் பலீயஸா ।
ரதேந ராமம் மஹதா கரஸ்ததா ஸமாஸஸாதேந்த்ர இவோத்யதாஶநிஃ ॥ 38 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே அரண்யகாண்டே ஷட்விம்ஶஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe araṇyakāṇḍam |
atha ṣaḍviṃśassargaḥ |
dūṣaṇastu svakaṃ sainyaṃ hanyamānaṃ nirīkṣya saḥ |
sandideśa mahābāhurbhīmavegāndurāsadān || 1 ||
rākṣasānpañcasahasrānsamareṣvanivartinaḥ |
te śūlaiḥ paṭṭiśaiḥ khaṅgai śilāvarṣairdrumairapi || 2 ||
śaravarṣairavicchinnaṃ vavarṣustaṃ samantataḥ |
sa dṛmāṇāṃ śilānāṃ ca varṣaṃ prāṇaharaṃ mahat || 3 ||
pratijagrāha dharmātmā rāghavastīkṣṇasāyakaiḥ |
pratigṛhya ca tadvarṣaṃ nimīlita ivarṣabhaḥ || 4 ||
rāmaḥ krodhaṃ paraṃ bheje vadhārthaṃ sarvarakṣasām |
tataḥ krodhasamāviṣṭaḥ pradīpta iva tejasā || 5 ||
śarairavākiratsainyaṃ sarvatassahadūṣaṇam |
tatassenāpatiḥ kruddho dūṣaṇaśśatrudūṣaṇaḥ || 6 ||
śarairaśanikalpaistaṃ rāghavaṃ samavākirat |
tato rāmassusaṅkṛddhaḥ kṣureṇāsya mahaddhanuḥ || 7 ||
ciccheda samare vīraścaturbhiścaturo hayān |
hatvā cāśvānśaraistīkṣṇairardhacandreṇa sāratheḥ || 8 ||
śiro jahāra tadrakṣastribhirvivyādha vakṣasi |
sa cchinnadhanvā viratho hatāśvo hatasārathiḥ || 9 ||
jagrāha giriśṛṅgābhaṃ parighaṃ romaharṣaṇam |
veṣṭitaṃ kāñcanaiḥ paṭṭairdevasainyapramardanam || 10 ||
āyasaiśśaṅkubhistīkṣṇaiḥ kīrṇaṃ paravasokṣitam |
vajrāśanisamasparśaṃ paragopuradāraṇam || 11 ||
taṃ mahoragasaṅkāśaṃ pragṛhya parighaṃ raṇe |
dūṣaṇo'bhyadravadrāmaṃ krūrakarmā niśācaraḥ || 12 ||
tasyābhipatamānasya dūṣaṇasya sa rāghavaḥ |
dvābhyāṃ śarābhyāṃ ciccheda sahastābharaṇau bhujau || 13 ||
bhraṣṭastasya mahākāyaḥ papāta raṇamūrdhani |
parighaśchinnahastasya śakradhvaja ivāgrataḥ || 14 ||
sa karābhyāṃ vikīrṇābhyāṃ papāta bhuvi dūṣaṇaḥ |
viṣāṇābhyāṃ viśīrṇābhyāṃ manasvīva mahāgajaḥ || 15 ||
taṃ dṛṣṭvā patitaṃ bhūmau dūṣaṇaṃ nihataṃ raṇe |
sādhusādhviti kākutsthaṃ sarvabhūtānyapūjayan || 16 ||
etasminnantare kruddhāstrayaḥ senāgrayāyinaḥ |
saṃhṛtyābhyadravan rāmaṃ mṛtyupāśāvapāśitāḥ || 17 ||
mahākapālaḥ sthūlākṣaḥ pramāthī ca mahābalaḥ |
mahākapālo vipulaṃ śūlamudyamya rākṣasaḥ || 18 ||
sthūlākṣaḥ paṭṭisaṃ gṛhya pramāthī ca paraśvadham |
dṛṣṭvaivāpatatastūrṇaṃ rāghavassāyakaiśśitaiḥ || 19 ||
tīkṣṇāgraiḥ pratijagrāha samprāptānatithīniva |
mahākapālasya śiraściccheda parameṣubhiḥ || 20 ||
asaṅkhyeyaistu bāṇaughaiḥ pramamātha pramāthinam |
sa papāta hato bhūmau viṭapīva mahādrumaḥ || 21 ||
sthūlākṣasyākṣiṇī tīkṣṇaiḥ pūrayāmāsa sāyakaiḥ |
dūṣaṇasyānugānpañcasahasrānkupitaḥ kṣaṇāt || 22 ||
bāṇaughaiḥ pañcasāhasrairanayadyamasādanam |
dūṣaṇaṃ nihataṃ dṛṣṭvā tasya caiva padānugān || 23 ||
vyādideśa kharaḥ kruddhaḥ senādhyakṣānmahābalān |
ayaṃ vinihatassaṅkhye dūṣaṇassapadānugaḥ || 24 ||
mahatyā senayā sārdhaṃ yuddhvā rāmaṃ kumānuṣam |
śastrairnānāvidhākārairhanadhvaṃ sarvarākṣasāḥ || 25 ||
evamuktvā kharaḥ kruddho rāmamevābhidudruve |
śyenagāmī pṛthugrīvo yajñaśatrurvihaṅgamaḥ || 26 ||
durjayaḥ karavīrākṣaḥ paruṣaḥ kālakārmukaḥ |
meghamālī mahāmālī sarpāsyo rudhirāśanaḥ || 27 ||
dvādaśaite mahāvīryā balādhyakṣāssasainikāḥ |
rāmamevābhyadhāvanta visṛjantaśśarottamān || 28 ||
tataḥ pāvakasaṅkāśairhemavajravibhūṣitaiḥ |
jaghāna śeṣaṃ tejasvī tasya sainyasya sāyakaiḥ || 29 ||
te rukmapuṅkhā viśikhāssadhūmā iva pāvakāḥ |
nijaghnustāni rakṣāṃsi vajrā iva mahādrumān || 30 ||
rakṣasāṃ tu śataṃ rāmaśśatenaikena karṇinā |
sahasraṃ ca sahasreṇa jaghāna raṇamūrdhani || 31 ||
tairbhinnavarmābharaṇāśchinnabhinnaśarāsanāḥ |
nipetuśśoṇitādigdhā dharaṇyāṃ rajanīcarāḥ || 32 ||
tairmuktakeśaissamare patitaiśśoṇitokṣitaiḥ |
āstīrṇā vasudhā kṛtsnā mahāvediḥ kuśairiva || 33 ||
kṣaṇena tu mahāghoraṃ vanaṃ nihatarākṣasam |
babhūva nirayaprakhyaṃ māṃsaśoṇitakardamam || 34 ||
caturdaśa sahasrāṇi rakṣasāṃ bhīmakarmaṇām |
hatānyekena rāmeṇa mānuṣeṇa padātinā || 35 ||
tasya sainyasya sarvasya kharaśśeṣo mahārathaḥ |
rākṣasastriśirāścaiva rāmaśca ripusūdanaḥ || 36 ||
śeṣā hatā mahāsatvā rākṣasā raṇamūrdhani |
ghorā durviṣahāḥ sarve lakṣmaṇasyāgrajena te || 37 ||
tatastu tadbhīmabalaṃ mahāhave samīkṣya rāmeṇa hataṃ balīyasā |
rathena rāmaṃ mahatā kharastadā samāsasādendra ivodyatāśaniḥ || 38 ||
ityārṣe śrīmadrāmāyaṇe vālmīkīya ādikāvye araṇyakāṇḍe ṣaḍviṃśassargaḥ ||
InfoLyter.in — Sacred Vedic Knowledge Portal · Free forever