📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
3.2 அரண்யகாண்ட - த்விதீய ஸர்கஃ
3.2 Aranyakanda - Dvitiya Sargah
Valmiki Tamil
ஶ்ரீமத்வால்மீகீய ராமாயணே அரண்யகாண்டம் ।
அத த்விதீயஸ்ஸர்கஃ ।
க்ரு'தாதித்யோऽத ராமஸ்து ஸூர்யஸ்யோதயநம் ப்ரதி ।
ஆம்நத்ற்ய ஸ முநீந்ஸர்வாந்வநமேவாந்வகாஹத ॥ 1 ॥
நாநாம்ரு'ககணாகீர்ணம்ரு'க்ஷஶார்தூல ஸேவிதம் ।
த்வஸ்தவ்ரு'க்ஷலதாகுல்மம் துர்தர்ஶஸலிலாஶயம் ॥ 2 ॥
நிஷ்கூஜநாநாஶகுநிசில்லிகாகணநாதிதம் ।
லக்ஷ்மணாநுகதோ ராமோ வநமத்யம் ததர்ஶ ஹ ॥ 3 ॥
ஸீதயா ஸஹ காகுத்ஸ்தஸ்தஸ்மிநகோரம்ரு'காயுதே ।
ததர்ஶ கிரிஶ்ரு'ங்காபம் புருஷாதம் மஹாஸ்வநம் ॥ 4 ॥
கம்பீராக்ஷம் மஹாவக்த்ரம் விகடம் விஷமோதரம் ।
பீபத்ஸம் விஷமம் தீர்கம் விக்ரு'தம் கோரதர்ஶநம் ॥ 5 ॥
வஸாநம் சர்ம வையாக்ரம் வஸார்த்ரம் ருதிரோக்ஷிதம் ।
த்ராஸநம் ஸர்வபூதாநாம் வ்யாதிதாஸ்யமிவாந்தகம் ॥ 6 ॥
த்ரீந்ஸிம்ஹாந்ஶ்சதுரோ வ்யாக்ராந்த்வௌ வ்ரு'கௌ ப்ரு'ஷதாந்தஶ ।
ஸவிஷாணம் வஸாதிக்தம் கஜஸ்ய ச ஶிரோ மஹத் ।
அவஸஜ்யாயஸே ஶூலே விநதந்தம் மஹாஸ்வநம் ॥ 7 ॥
ஸ ராமம் லக்ஷ்மணம் சைவ ஸீதாம் த்ரு'ஷ்ட்வா ச மைதிலீம் ।
அப்யதாவத்ஸுஸங்க்ரு'த்தஃ ப்ரஜாஃ கால இவாந்தகஃ ॥ 8 ॥
ஸ க்ரு'த்வா பைரவம் நாதம் சாலயந்நிவ மேதிநீம் ।
அங்கேநாதாய வைதேஹீமபக்ரம்ய ததோऽப்ரவீத் ॥ 9 ॥
யுவாம் ஜடாசீரதரௌ ஸபார்யௌ க்ஷீணஜீவிதௌ ।
ப்ரவிஷ்டௌ தண்டகாரண்யம் ஶரசாபாஸிதாரிணௌ ॥ 10 ॥
கதம் தாபஸயோர்வாம் ச வாஸஃ ப்ரமதயா ஸஹ ।
அதர்மசாரிணௌ பாபௌ கௌ யுவாம் முநிதூஷகௌ ॥ 11 ॥
அஹம் வநமிதம் துர்கம் விராதோ நாம ராக்ஷஸஃ ।
சராமி ஸாயுதோ நித்யம்ரு'ஷிமாம்ஸாநி பக்ஷயந் ॥ 12 ॥
இயம் நாரீ வராரோஹா மம பார்யா பவிஷ்யதி ।
யுவயோஃ பாபயோஶ்சாஹம் பாஸ்யாமி ருதிரம் ம்ரு'தே ॥ 13 ॥
தஸ்யைவம் ப்ருவதோ துஷ்டம் விராதஸ்ய துராத்மநஃ ।
ஶ்ருத்வா ஸகர்விதம் வாக்யம் ஸம்ப்ராந்தா ஜநகாத்மஜா ॥ 14 ॥
ஸீதா ப்ரவேபதோத்வேகாத் ப்ராவாதே கதலீ யதா ॥ 15 ॥
தாம் த்ரு'ஷ்ட்வா ராகவஃ ஸீதாம் விராதாங்ககதாம் ஶுபாம் ।
அப்ரவீல்லக்ஷ்மணம் வாக்யம் முகேந பரிஶுஷ்யதா ॥ 16 ॥
பஶ்ய ஸௌம்ய நரேந்த்ரஸ்ய ஜநகஸ்யாத்மஸம்பவாம் ।
மம பார்யாம் ஶுபாசாராம் விராதாங்கே ப்ரவேஶிதாம் ॥ 17 ॥
அத்யந்தஸுகஸம்மவ்ரு'த்தாம் ராஜபுத்ரீம் யஶஸ்விநீம் ।
யதபிப்ரேதமஸ்மாஸு ப்ரியம் வரவ்ரு'தம் ச யத் ॥ 18 ॥
கைகேய்யாஸ்து ஸுஸம்வ்ரு'த்தம் க்ஷிப்ரமத்யைவ லக்ஷ்மண ।
யா ந துஷ்யதி ராஜ்யேந புத்ரார்தே தீர்கதர்ஶிநீ ॥ 19 ॥
யயாஹம் ஸர்வபூதாநாம் ப்ரியஃ ப்ரஸ்தாபிதோ வநம் ।
அத்யேதாநீம் ஸகாமா ஸா யா மாதா மத்யமா மம ॥ 20 ॥
பரஸ்பர்ஶாத்து வைதேஹ்யாஃ ந துஃகதரமஸ்திமே ।
பிதுர்விநாஶாத்ஸௌமித்ரே ஸ்வராஜ்யஹரணாத்ததா ॥ 21 ॥
இதி ப்ருவதி காகுத்ஸ்தே பாஷ்பஶோகபரிப்லுதே ।
அப்ரவீல்லக்ஷ்மணஃ க்ருத்தோ ருத்தோ நாக இவ ஶ்வஸந் ॥ 22 ॥
அநாத இவ பூதாநாம் நாதஸ்த்வம் வாஸவோபமஃ ।
மயா ப்ரேஷ்யேண காகுத்ஸ்த கிமர்தம் பரிதப்யஸே ॥ 23 ॥
ஶரேண நிஹதஸ்யாத்ய மயா க்ருத்தேந ரக்ஷஸஃ ।
விராதஸ்ய கதாஸோர்ஹி மஹீ பாஸ்யதி ஶோணிதம் ॥ 24 ॥
ராஜ்யகாமே மம க்ரோதோ பரதே யோ பபூவ ஹ ।
தம் விராதே ப்ரமோக்ஷ்யாமி வஜ்ரீ வஜ்ரமிவாசலே ॥ 25 ॥
மம புஜபலவேகவேகிதஃ பதது ஶரோऽஸ்ய மஹாந்மஹோரஸி ।
வ்யபநயது தநோஶ்ச ஜீவிதம் பதது ததஸ்ஸமஹீம் விகூர்ணிதஃ ॥ 26 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே அரண்யகாண்டே த்விதீயஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe araṇyakāṇḍam |
atha dvitīyassargaḥ |
kṛtātithyo'tha rāmastu sūryasyodayanaṃ prati |
āmnatṟya sa munīnsarvānvanamevānvagāhata || 1 ||
nānāmṛgagaṇākīrṇamṛkṣaśārdūla sevitam |
dhvastavṛkṣalatāgulmaṃ durdarśasalilāśayam || 2 ||
niṣkūjanānāśakunijhillikāgaṇanāditam |
lakṣmaṇānugato rāmo vanamadhyaṃ dadarśa ha || 3 ||
sītayā saha kākutsthastasminaghoramṛgāyute |
dadarśa giriśṛṅgābhaṃ puruṣādaṃ mahāsvanam || 4 ||
gambhīrākṣaṃ mahāvaktraṃ vikaṭaṃ viṣamodaram |
bībhatsaṃ viṣamaṃ dīrghaṃ vikṛtaṃ ghoradarśanam || 5 ||
vasānaṃ carma vaiyāghraṃ vasārdraṃ rudhirokṣitam |
trāsanaṃ sarvabhūtānāṃ vyāditāsyamivāntakam || 6 ||
trīnsimhānścaturo vyāghrāndvau vṛkau pṛṣatāndaśa |
saviṣāṇaṃ vasādigdhaṃ gajasya ca śiro mahat |
avasajyāyase śūle vinadantaṃ mahāsvanam || 7 ||
sa rāmaṃ lakṣmaṇaṃ caiva sītāṃ dṛṣṭvā ca maithilīm |
abhyadhāvatsusaṅkṛddhaḥ prajāḥ kāla ivāntakaḥ || 8 ||
sa kṛtvā bhairavaṃ nādaṃ cālayanniva medinīm |
aṅkenādāya vaidehīmapakramya tato'bravīt || 9 ||
yuvāṃ jaṭācīradharau sabhāryau kṣīṇajīvitau |
praviṣṭau daṇḍakāraṇyaṃ śaracāpāsidhāriṇau || 10 ||
kathaṃ tāpasayorvāṃ ca vāsaḥ pramadayā saha |
adharmacāriṇau pāpau kau yuvāṃ munidūṣakau || 11 ||
ahaṃ vanamidaṃ durgaṃ virādho nāma rākṣasaḥ |
carāmi sāyudho nityamṛṣimāṃsāni bhakṣayan || 12 ||
iyaṃ nārī varārohā mama bhāryā bhaviṣyati |
yuvayoḥ pāpayoścāhaṃ pāsyāmi rudhiraṃ mṛdhe || 13 ||
tasyaivaṃ bruvato duṣṭaṃ virādhasya durātmanaḥ |
śrutvā sagarvitaṃ vākyaṃ sambhrāntā janakātmajā || 14 ||
sītā pravepatodvegāt prāvāte kadalī yathā || 15 ||
tāṃ dṛṣṭvā rāghavaḥ sītāṃ virādhāṅkagatāṃ śubhām |
abravīllakṣmaṇaṃ vākyaṃ mukhena pariśuṣyatā || 16 ||
paśya saumya narendrasya janakasyātmasambhavām |
mama bhāryāṃ śubhācārāṃ virādhāṅke praveśitām || 17 ||
atyantasukhasammavṛddhāṃ rājaputrīṃ yaśasvinīm |
yadabhipretamasmāsu priyaṃ varavṛtaṃ ca yat || 18 ||
kaikeyyāstu susaṃvṛttaṃ kṣipramadyaiva lakṣmaṇa |
yā na tuṣyati rājyena putrārthe dīrghadarśinī || 19 ||
yayāhaṃ sarvabhūtānāṃ priyaḥ prasthāpito vanam |
adyedānīṃ sakāmā sā yā mātā madhyamā mama || 20 ||
parasparśāttu vaidehyāḥ na duḥkhataramastime |
piturvināśātsaumitre svarājyaharaṇāttathā || 21 ||
iti bruvati kākutsthe bāṣpaśokapariplute |
abravīllakṣmaṇaḥ kruddho ruddho nāga iva śvasan || 22 ||
anātha iva bhūtānāṃ nāthastvaṃ vāsavopamaḥ |
mayā preṣyeṇa kākutstha kimarthaṃ paritapyase || 23 ||
śareṇa nihatasyādya mayā kruddhena rakṣasaḥ |
virādhasya gatāsorhi mahī pāsyati śoṇitam || 24 ||
rājyakāme mama krodho bharate yo babhūva ha |
taṃ virādhe pramokṣyāmi vajrī vajramivācale || 25 ||
mama bhujabalavegavegitaḥ patatu śaro'sya mahānmahorasi |
vyapanayatu tanośca jīvitaṃ patatu tatassamahīṃ vighūrṇitaḥ || 26 ||
ityārṣe śrīmadrāmāyaṇe vālmīkīya ādikāvye araṇyakāṇḍe dvitīyassargaḥ ||
InfoLyter.in — Sacred Vedic Knowledge Portal · Free forever