3.17 Aranyakanda - Saptadasha Sargah

ॐ

3.17 அரண்யகாண்ட - ஸப்ததஶ ஸர்கஃ

Valmiki Tamil

ஶ்ரீமத்வால்மீகீய ராமாயணே அரண்யகாண்டம் ।

அத ஸப்ததஶஸ்ஸர்கஃ ।

க்ரு'தாபிஷேகோ ராமஸ்து ஸீதா ஸௌமித்ரிரேவ ச ।

தஸ்மாத்கோதாவரீதீராத்ததோ ஜக்முஸ்வமாஶ்ரமம் ॥ 1 ॥

ஆஶ்ரமம் தமுபாகம்ய ராகவஸ்ஸஹ லக்ஷ்மணஃ ।

க்ரு'த்வா பௌர்வாஹ்ணிகம் கர்ம பர்ணஶாலாமுபாகமத் ॥ 2 ॥

உவாஸ ஸுகிதஸ்தத்ர பூஜ்யமாநோ மஹர்ஷிபிஃ ।

லக்ஷ்மணேந ஸஹ ப்ராத்ரா சகார விவிதாஃ கதாஃ ॥ 3 ॥

ஸ ராமஃ பர்ணஶாலாயாமாஸீநஸ்ஸஹ ஸீதயா ।

விரராஜ மஹாபாஹுஶ்சித்ரயா சந்த்ரமாஃ இவ ॥ 4 ॥

ததாऽऽஸீநஸ்ய ராமஸ்ய கதாஸம்ஸக்தசேதஸஃ ।

தம் தேஶம் ராக்ஷஸீ காசிதாஜகாம யத்ரு'ச்சயா ॥ 5 ॥

ஸா து ஶூர்பணகா நாம தஶக்ரீவஸ்ய ராக்ஷஸஃ ।

பகிநீ ராமமாஸாத்ய ததர்ஶ த்ரிதஶோபமம் ॥ 6 ॥

ஸிம்ஹோரஸ்கம் மஹாபாஹும் பத்மபத்ரநிபேக்ஷணம் ।

ஆஜாநுபாஹும் தீப்தாஸ்யமதீவ ப்ரியதர்ஶநம் ॥ 7 ॥

கஜவிக்ராந்தகமநம் ஜடாமண்டலதாரிணம் ।

ஸுகுமாரம் மஹாஸத்த்வம் பார்திவவ்யஞ்ஜநாந்விதம் ॥ 8 ॥

ராமமிந்தீவரஶ்யாமம் கந்தர்பஸத்ரு'ஶப்ரபம் ।

பபூவேந்த்ரோபமம் த்ரு'ஷ்ட்வா ராக்ஷஸீ காமமோஹிதா ॥ 9 ॥

ஸுமுகம் துர்முகீ ராமம் வ்ரு'த்தமத்யம் மஹோதரீ ।

விஶாலாக்ஷம் விரூபாக்ஷீ ஸுகேஶம் தாம்ரமூர்தஜா ॥ 10 ॥

ப்ரீதிரூபம் விரூபா ஸா ஸுஸ்வரம் பைரவஸ்வரா ।

தருணம் தாருணா வ்ரு'த்தா தக்ஷிணம் வாமபாஷிணீ ॥ 11 ॥

ந்யாயவ்ரு'த்தம் ஸுதுர்வ்ரு'த்தா ப்ரியமப்ரியதர்ஶநா ।

ஶரீரஜஸமாவிஷ்டா ராக்ஷஸீ வாக்யமப்ரவீத் ॥ 12 ॥

ஜடீ தாபஸரூபேண ஸபார்யஶ்ஶரசாபத்ரு'த் ।

ஆகதஸ்த்வமிமம் தேஶம் கதம் ராக்ஷஸஸேவிதம் ॥ 13 ॥

கிமாகமநக்ரு'த்யம் தே தத்த்வமாக்யாதுமர்ஹஸி ।

ஏவமுக்தஸ்து ராக்ஷஸ்யா ஶூர்பணக்யா பரந்தபஃ ॥ 14 ॥

ரு'ஜுபுத்திதயா ஸர்வமாக்யாதுமுபசக்ரமே ।

அந்ரு'தம் ந ஹி ராமஸ்ய கதாசிதபி ஸம்மதம் ॥ 15 ॥

விஶேஷேணாऽஶ்ரமஸ்தஸ்ய ஸமீபே ஸ்த்ரீஜநஸ்ய ச ।

ஆஸீத்தஶரதோ நாம ராஜா த்ரிதஶவிக்ரமஃ ॥ 16 ॥

தஸ்யாஹமக்ரஜஃ புத்ரோ ராமோ நாம ஜநைஶ்ஶ்ருதஃ ।

ப்ராதாऽயம் லக்ஷ்மணோ நாம யவீயாந்மாமநுவ்ரதஃ ॥ 17 ॥

இயம் பார்யா ச வைதேஹீ மம ஸீதேதி விஶ்ருதா ।

நியோகாத் து நரேந்த்ரஸ்ய பிதுர்மாதுஶ்ச யந்த்ரிதஃ ॥ 18 ॥

தர்மார்தம் தர்மகாங்க்ஷீ ச வநம் வஸ்துமிஹாகதஃ ।

த்வாம் து வேதிதுமிச்சாமி கஸ்ய த்வம் காஸி கஸ்ய வா ॥ 19 ॥

த்வம் ஹி தாவந்மநோஜ்ஞாங்கீ ராக்ஷஸீ ப்ரதிபாஸி மே ।

இஹ வா கிந்நிமித்தம் த்வமாகதா ப்ரூஹி தத்த்வதஃ ॥ 20 ॥

ஸாப்ரவீத் வசநம் ஶ்ருத்வா ராக்ஷஸீ மதநார்திதா ।

ஶ்ரூயதாம் ராம வக்ஷ்யாமி தத்த்வார்தம் வசநம் மம ॥ 21 ॥

அஹம் ஶூர்பணகா நாம ராக்ஷஸீ காமரூபிணீ ।

அரண்யம் விசராமீதமேகா ஸர்வபயங்கரா ॥ 22 ॥

ராவணோ நாம மே ப்ராதா பலீயாந்ராக்ஷஸேஶ்வரஃ ।

வீரோ விஶ்ரவஸஃ புத்ரோ யதி தே ஶ்ரோத்ரமாகதஃ ॥ 23 ॥

ப்ரவ்ரு'த்தநித்ரஶ்ச ஸதா கும்பகர்ணோ மஹாபலஃ ।

விபீஷணஸ்து தர்மாத்மா ந து ராக்ஷஸசேஷ்டிதஃ ॥ 24 ॥

ப்ரக்யாதவீர்யௌ ச ரணே ப்ராதரௌ கரதூஷணௌ ।

தாநஹம் ஸமதிக்ராந்தா ராம த்வா பூர்வதர்ஶநாத் ॥ 25 ॥

ஸமுபேதாஸ்மி பாவேந பர்தாரம் புருஷோத்தமம் ।

அஹம் ப்ரபாவஸம்பந்நா ஸ்வச்சந்தபலகாமிநீ ॥ 26 ॥

சிராய பவ மே பர்தா ஸீதயா கிம் கரிஷ்யஸி ।

விக்ரு'தா ச விரூபா ச ந சேயம் ஸத்ரு'ஶீ தவ ॥ 27 ॥

அஹமேவாநுரூபா தே பார்யா ரூபேண பஶ்ய மாம் ।

இமாம் விரூபாமஸதீம் கராலாம் நிர்ணதோதரீம் ॥ 28 ॥

அநேந தே ஸஹ ப்ராத்ரா பக்ஷயிஷ்யாமி மாநுஷீம் ।

ததஃ பர்வதஶ்ரு'ங்காணி வநாநி விவிதாநி ச ॥ 29 ॥

பஶ்யந்ஸஹ மயா காந்த தண்டகாந்விசரிஷ்யஸி ।

இத்யேவமுக்தஃ காகுத்ஸ்தஃ ப்ரஹஸ்ய மதிரேக்ஷணாம் ॥ 30 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே அரண்யகாண்டே ஸப்ததஶஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe araṇyakāṇḍam |

atha saptadaśassargaḥ |

kṛtābhiṣeko rāmastu sītā saumitrireva ca |

tasmādgodāvarītīrāttato jagmusvamāśramam || 1 ||

āśramaṃ tamupāgamya rāghavassaha lakṣmaṇaḥ |

kṛtvā paurvāhṇikaṃ karma parṇaśālāmupāgamat || 2 ||

uvāsa sukhitastatra pūjyamāno maharṣibhiḥ |

lakṣmaṇena saha bhrātrā cakāra vividhāḥ kathāḥ || 3 ||

sa rāmaḥ parṇaśālāyāmāsīnassaha sītayā |

virarāja mahābāhuścitrayā candramāḥ iva || 4 ||

tadā''sīnasya rāmasya kathāsaṃsaktacetasaḥ |

taṃ deśaṃ rākṣasī kācidājagāma yadṛcchayā || 5 ||

sā tu śūrpaṇakhā nāma daśagrīvasya rākṣasaḥ |

bhaginī rāmamāsādya dadarśa tridaśopamam || 6 ||

siṃhoraskaṃ mahābāhuṃ padmapatranibhekṣaṇam |

ājānubāhuṃ dīptāsyamatīva priyadarśanam || 7 ||

gajavikrāntagamanaṃ jaṭāmaṇḍaladhāriṇam |

sukumāraṃ mahāsattvaṃ pārthivavyañjanānvitam || 8 ||

rāmamindīvaraśyāmaṃ kandarpasadṛśaprabham |

babhūvendropamaṃ dṛṣṭvā rākṣasī kāmamohitā || 9 ||

sumukhaṃ durmukhī rāmaṃ vṛttamadhyaṃ mahodarī |

viśālākṣaṃ virūpākṣī sukeśaṃ tāmramūrdhajā || 10 ||

prītirūpaṃ virūpā sā susvaraṃ bhairavasvarā |

taruṇaṃ dāruṇā vṛddhā dakṣiṇaṃ vāmabhāṣiṇī || 11 ||

nyāyavṛttaṃ sudurvṛttā priyamapriyadarśanā |

śarīrajasamāviṣṭā rākṣasī vākyamabravīt || 12 ||

jaṭī tāpasarūpeṇa sabhāryaśśaracāpadhṛt |

āgatastvamimaṃ deśaṃ kathaṃ rākṣasasevitam || 13 ||

kimāgamanakṛtyaṃ te tattvamākhyātumarhasi |

evamuktastu rākṣasyā śūrpaṇakhyā parantapaḥ || 14 ||

ṛjubuddhitayā sarvamākhyātumupacakrame |

anṛtaṃ na hi rāmasya kadācidapi sammatam || 15 ||

viśeṣeṇā'śramasthasya samīpe strījanasya ca |

āsīddhaśaratho nāma rājā tridaśavikramaḥ || 16 ||

tasyāhamagrajaḥ putro rāmo nāma janaiśśrutaḥ |

bhrātā'yaṃ lakṣmaṇo nāma yavīyānmāmanuvrataḥ || 17 ||

iyaṃ bhāryā ca vaidehī mama sīteti viśrutā |

niyogāt tu narendrasya piturmātuśca yantritaḥ || 18 ||

dharmārthaṃ dharmakāṅkṣī ca vanaṃ vastumihāgataḥ |

tvāṃ tu veditumicchāmi kasya tvaṃ kāsi kasya vā || 19 ||

tvaṃ hi tāvanmanojñāṅgī rākṣasī pratibhāsi me |

iha vā kinnimittaṃ tvamāgatā brūhi tattvataḥ || 20 ||

sābravīd vacanaṃ śrutvā rākṣasī madanārditā |

śrūyatāṃ rāma vakṣyāmi tattvārthaṃ vacanaṃ mama || 21 ||

ahaṃ śūrpaṇakhā nāma rākṣasī kāmarūpiṇī |

araṇyaṃ vicarāmīdamekā sarvabhayaṅkarā || 22 ||

rāvaṇo nāma me bhrātā balīyānrākṣaseśvaraḥ |

vīro viśravasaḥ putro yadi te śrotramāgataḥ || 23 ||

pravṛddhanidraśca sadā kumbhakarṇo mahābalaḥ |

vibhīṣaṇastu dharmātmā na tu rākṣasaceṣṭitaḥ || 24 ||

prakhyātavīryau ca raṇe bhrātarau kharadūṣaṇau |

tānahaṃ samatikrāntā rāma tvā pūrvadarśanāt || 25 ||

samupetāsmi bhāvena bhartāraṃ puruṣottamam |

ahaṃ prabhāvasampannā svacchandabalagāminī || 26 ||

cirāya bhava me bhartā sītayā kiṃ kariṣyasi |

vikṛtā ca virūpā ca na ceyaṃ sadṛśī tava || 27 ||

ahamevānurūpā te bhāryā rūpeṇa paśya mām |

imāṃ virūpāmasatīṃ karālāṃ nirṇatodarīm || 28 ||

anena te saha bhrātrā bhakṣayiṣyāmi mānuṣīm |

tataḥ parvataśṛṅgāṇi vanāni vividhāni ca || 29 ||

paśyansaha mayā kānta daṇḍakānvicariṣyasi |

ityevamuktaḥ kākutsthaḥ prahasya madirekṣaṇām || 30 ||

ityārṣe śrīmadrāmāyaṇe vālmīkīya ādikāvye araṇyakāṇḍe saptadaśassargaḥ ||