📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
2.99 அயோத்யாகாண்ட - ஏகோநஶததம ஸர்கஃ
2.99 Ayodhyakanda - Ekonashatatama Sargah
Valmiki Tamil
ஶ்ரீமத்வால்மீகீய ராமாயணே அயோத்யாகாண்டம் ।
அத ஏகோநஶததமஸ்ஸர்கஃ ।
நிவிஷ்டாயாம் து ஸேநாயாமுத்ஸுகோ பரதஸ்ததா ।
ஜகாம ப்ராதரம் த்ரஷ்டும் ஶத்ருக்நமநுதர்ஶயந் ॥ 1 ॥
ரு'ஷிம் வஸிஷ்டம் ஸந்திஶ்ய மாத்ரு'ர்மே ஶீக்ரமாநய ।
இதி த்வரிதமக்ரே ஸ ஜகாம குருவத்ஸலஃ ॥ 2 ॥
ஸுமந்த்ரஸ்த்வபி ஶத்ருக்நமதூராதந்வபத்யத ।
ராமதர்ஶநஜஸ்தர்ஷோ பரதஸ்யேவ தஸ்ய ச ॥ 3 ॥
கச்சந்நேவாத பரதஸ்தாபஸாலய ஸம்ஸ்திதாம் ।
ப்ராதுஃ பர்ணகுடீம் ஶ்ரீமாநுடஜம் ச ததர்ஶ ஹ ॥ 4 ॥
ஶாலாயாஸ்த்வக்ரத ஸ்தஸ்யா ததர்ஶ பரத ஸ்ததா ।
காஷ்டாநி சாவபக்நாநி புஷ்பாண்யுபசிதாநி ச ॥ 5 ॥
ஸ லக்ஷ்மணஸ்ய ராமஸ்ய ததர்ஶாऽஶ்ரமமீயுஷஃ ।
க்ரு'தம் வ்ரு'க்ஷேஷ்வபிஜ்ஞாநம் குஶசீரைஃ க்வசித்க்வசித் ॥ 6 ॥
ததர்ஶ வநே தஸ்மிந்மஹத ஸ்ஸஞ்சயாந்க்ரு'தாந் ।
ம்ரு'காணாம் மஹிஷாணாம் ச கரீஷை ஶஶீதகாரணாத் ॥ 7 ॥
கச்சந்நேவ மஹாபாஹுர்த்யுதிமாந்பரத ஸ்ததா ।
ஶத்ருக்நம் சாப்ரவீத்த்ரு'ஷ்டஸ்தாநமாத்யாம்ஶ்ச ஸர்வஶஃ ॥ 8 ॥
மந்யே ப்ராப்தாஃ ஸ்ம தம் தேஶம் பரத்வாஜோ யமப்ரவீத் ।
நாதிதூரே ஹி மந்யேऽஹம் நதீம் மந்தாகிநீமிதஃ ॥ 9 ॥
உச்சைர்பத்தாநி சீராணி லக்ஷ்மணேந பவேதயம் ।
அபிஜ்ஞாநக்ரு'தஃ பந்தா அகாலே கந்துமிச்சதா ॥ 10 ॥
இதம் சோதாத்ததந்தாநாம் குஞ்ஜராணாம் தரஸ்விநாம் ।
ஶைலபார்ஶ்வே பரிக்ராந்தமந்யோந்யமபிகர்ஜதாம் ॥ 11 ॥
யமேவாதாதுமிச்சந்தி தாபஸா ஸ்ஸததம் வநே ।
தஸ்யாஸௌ த்ரு'ஶ்யதே தூம ஸ்ஸங்குலஃ க்ரு'ஷ்ணவர்த்மநஃ ॥ 12 ॥
அத்ராஹம் புருஷவ்யாக்ரம் குருஸத்காரகாரிணம் ।
ஆர்யம் த்ரக்ஷ்யாமி ஸம்ஹ்ரு'ஷ்டோ மஹர்ஷிமிவ ராகவம் ॥ 13 ॥
அத கத்வா முஹூர்தந்து சித்ரகூடம் ஸ ராகவஃ ।
மந்தாகிநீமநுப்ராப்தஸ்தம் ஜநம் சேதமப்ரவீத் ॥ 14 ॥
ஜகத்யாம் புரஷவ்யாக்ர ஆஸ்தே வீராஸநே ரதஃ ।
ஜநேந்த்ரோ நிர்ஜநம் ப்ராப்ய திங்மே ஜந்ம ஸஜீவிதம் ॥ 15 ॥
மத்க்ரு'தே வ்யஸநம் ப்ராப்தோ லோகநாதோ மஹாத்யுதிஃ ।
ஸர்வாந்காமாந்பரித்யஜ்ய வநே வஸதி ராகவஃ ॥ 16 ॥
இதி லோகஸமாக்ருஷ்டஃ பாதேஷ்வத்ய ப்ரஸாதயந் ।
ராமஸ்ய நிபதிஷ்யாமி ஸீதாயா லக்ஷ்மணஸ்ய ச ॥ 17 ॥
ஏவம் ஸம்விலபம் ஸ்தஸ்மிந்வநே தஶரதாத்மஜஃ ।
ததர்ஶ மஹதீம் புண்யாம் பர்ணஶாலாம் மநோரமாம் ॥ 18 ॥
ஸாலதாலாஶ்வகர்ணாநாம் பர்ணைர்பஹுபிராவ்ரு'தாம் ।
விஶாலாம் ம்ரு'துபிஸ்தீர்ணாம் குஶைர்வேதிமிவாத்வரே ॥ 19 ॥
ஶக்ராயுதநிகாஶைஶ்ச கார்முகைர்பாரஸாதநைஃ ।
ருக்மப்ரு'ஷ்டைர்மஹாஸாரை ஶ்ஶோபிதாம் ஶத்ருபாதகைஃ ॥ 20 ॥
அர்க ரஶ்மி ப்ரதீகாஶைர்கோரைஸ்தூணீகதைஶ்ஶரைஃ ।
ஶோபிதாம் தீப்தவதநை ஸ்ஸர்பைர்போகவதீமிவ ॥ 21 ॥
மஹாரஜதவாஸோப்யாமஸிப்யாம் ச விராஜிதாம் ।
ருக்மபிந்துவிசித்ராப்யாம் சர்மப்யாம் சாபி ஶோபிதாம் ॥ 22 ॥
கோதா அந்குலித்ரைர் ஆஸாக்தைஃ சித்ரைஃ காந்சந பூஷிதைஃ ।
அரி ஸம்கைர் அநாத்ரு'ஷ்யாம் ம்ரு'கைஃ ஸிம்ஹ குஹாம் இவ ॥ 23 ॥
ஏவம் ஸம்விலபம் ஸ்தஸ்மிந்வநே தஶரதாத்மஜஃ ।
ததர்ஶ மஹாதீம் புண்யாம் பர்ணஶாலாம் மநோரமாம் ॥ 24 ॥
ஸாலதாலாஶ்வகர்ணாநாம் பர்ணைர்பஹுபிராவ்ரு'தாம் ।
விஶாலாம் ம்ரு'துபிஸ்தீர்ணாம் குஶைர்வேதிமிவாத்வரே ॥ 25 ॥
ஶக்ராயுதநிகாஶைஶ்ச கார்முகைர்பாரஸாதநைஃ ।
ருக்மப்ரு'ஷ்டைர்மஹாஸாரை ஶ்ஶோபிதாம் ஶத்ருபாதகைஃ ॥ 26 ॥
அர்க ரஶ்மி ப்ரதீகாஶைர்கோரைஸ்தூணீகதைஶ்ஶரைஃ ।
ஶோபிதாம் தீப்தவதநை ஸ்ஸர்பைர்போகவதீமிவ ॥ 27 ॥
மஹாரஜதவாஸோப்யாமஸிப்யாம் ச விராஜிதாம் ।
ருக்மபிந்துவிசித்ராப்யாம் சர்மப்யாம் சாபி ஶோபிதாம் ॥ 28 ॥
தம் த்ரு'ஷ்ட்வா பரதஃ ஶ்ரீமாந் துஹ்க மோஹ பரிப்லுதஃ ।
அப்யதாவத தர்ம ஆத்மா பரதஃ கைகயீ ஸுதஃ ॥ 29 ॥
ப்ராகுதக்ப்ரவணாம் வேதிம் விஶாலாம் தீப்தபாவகாம் ।
ததர்ஶ பரதஸ்தத்ர புண்யாம் ராமநிவேஶநே ॥ 30 ॥
நிரீக்ஷ்ய ஸ முஹூர்தம் து ததர்ஶ பரதோ குரும் ।
உடஜே ராமமாஸீநம் ஜடாமண்டலதாரிணம் ॥ 31 ॥
தம் து க்ரு'ஷ்ணாஜிநதரம் சீரவல்கலவாஸஸம் ।
ததர்ஶ ராமமாஸீநமபிதஃ பாவகோபமம் ॥ 32 ॥
ஸிம்ஹஸ்கந்தம் மஹாபாஹும் புண்டரீகநிபேக்ஷணம் ।
ப்ரு'திவ்யாஸ்ஸாகராந்தாயாஃ பர்தாரம் தர்மசாரிணம் ॥ 33 ॥
உபவிஷ்டம் மஹாபாஹும் ப்ரஹ்மாணமிவ ஶாஶ்வதம் ।
ஸ்தண்டிலே தர்பஸம்ஸ்தீர்ணே ஸீதயா லக்ஷ்மணேந ச ॥ 34 ॥
தம் த்ரு'ஷ்ட்வா பரத ஶ்ஶ்ரீமாந் துஃகஶோகபரிப்லுதஃ ।
அப்யதாவத தர்மாத்மா பரதஃ கைகேயீ ஸுதஃ ॥ 35 ॥
த்ரு'ஷ்ட்வைவ விலலாபாऽர்தோ பாஷ்பஸந்திக்தயா கிரா ।
அஶக்நுவந் தாரயிதும் தைர்யாத்வசநமப்ரவீத் ॥ 36 ॥
ய ஸ்ஸம்ஸதி ப்ரக்ரு'திபிர்பவேத்யுக்த உபாஸிதும் ।
வந்யைர்ம்ரு'கைருபாஸீந ஸ்ஸோऽயமாஸ்தே மமாக்ரஜஃ ॥ 37 ॥
வாஸோபிர்பஹுஸாஹஸ்ரைர்யோ மஹாத்மா புரோசிதஃ ।
ம்ரு'காஜிநே ஸோऽயமிஹ ப்ரவஸ்தே தர்மமாசரந் ॥ 38 ॥
அதாரயத்யோ விவிதாஶ்சித்ராஸ்ஸுமநஸஸ்ததா ।
ஸோऽயம் ஜடாபாரமிமம் வஹதே ராகவஃ கதம் ॥ 39 ॥
யஸ்ய யஜ்ஞைர்யதாதிஷ்டைர்யுக்தோ தர்மஸ்ய ஸஞ்சயஃ ।
ஶரீரக்லேஶஸம்பூதம் ஸ தர்மம் பரிமார்கதே ॥ 40 ॥
சந்தநேந மஹார்ஹேண யஸ்யாங்கமுபஸேவிதம் ।
மலேந தஸ்யாங்கமிதம் கதமார்யஸ்ய ஸேவ்யதே ॥ 41 ॥
மந்நிமித்தமிதம் துஃகம் ப்ராப்தோ ராமஃ ஸுகோசிதஃ ।
திக்ஜீவிதம் ந்ரு'ஶம்ஸஸ்ய மம லோகவிகர்ஹிதம் ॥ 42 ॥
இத்யேவம் விலபந்தீநஃ ப்ரஸ்விந்நமுகபங்கஜஃ ।
பாதாவப்ராப்ய ராமஸ்ய பபாத பரதோ ருதந் ॥ 43 ॥
துஃகாபிதப்தோ பரதோ ராஜபுத்ரோ மஹாபலஃ ।
உக்த்வாऽர்யேதி ஸக்ரு'த்தீநம் புநர்நோவாச கிஞ்சந ॥ 44 ॥
பாஷ்பாபிஹதகண்டஶ்ச ப்ரேக்ஷ்ய ராமம் யஶஸ்விநம் ।
ஆர்யேத்யேவாபிஸங்க்ருஶ்ய வ்யாஹர்தும் நாஶகத்ததா ॥ 45 ॥
ஶத்ருக்நஶ்சாபி ராமஸ்ய வவந்தே சரணௌ ருதந் ।
தாவுபௌ ஸ ஸமாலிங்க்ய ராமஶ்சாஶ்ரூண்யவர்தயத் ॥ 46 ॥
ததஸ்ஸுமந்த்ரேண குஹேந சைவ ஸமீயது ராஜஸுதாவரண்யே ।
திவாகரஶ்சைவ நிஶாகரஶ்ச யதாऽம்பரே ஶுக்ரப்ரு'ஹஸ்பதிப்யாம் ॥ 47 ॥
தாந்பார்திவாந்வாரணயூதபாபாந்ஸமாகதாம் ஸ்தத்ர மஹத்யரண்யே ।
வநௌகஸஸ்தேऽபி ஸமீக்ஷ்ய ஸர்வேऽப்யஶ்ரூண்யமுஞ்சந்ப்ரவிஹாய ஹர்ஷம் ॥ 48 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே அயோத்யாகாண்டே ஏகோநஶததமஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe ayodhyākāṇḍam |
atha ekonaśatatamassargaḥ |
niviṣṭāyāṃ tu senāyāmutsuko bharatastadā |
jagāma bhrātaraṃ draṣṭuṃ śatrughnamanudarśayan || 1 ||
ṛṣiṃ vasiṣṭhaṃ sandiśya mātṛrme śīghramānaya |
iti tvaritamagre sa jagāma guruvatsalaḥ || 2 ||
sumantrastvapi śatrughnamadūrādanvapadyata |
rāmadarśanajastarṣo bharatasyeva tasya ca || 3 ||
gacchannevātha bharatastāpasālaya saṃsthitām |
bhrātuḥ parṇakuṭīṃ śrīmānuṭajaṃ ca dadarśa ha || 4 ||
śālāyāstvagrata stasyā dadarśa bharata stadā |
kāṣṭhāni cāvabhagnāni puṣpāṇyupacitāni ca || 5 ||
sa lakṣmaṇasya rāmasya dadarśā'śramamīyuṣaḥ |
kṛtaṃ vṛkṣeṣvabhijñānaṃ kuśacīraiḥ kvacitkvacit || 6 ||
dadarśa vane tasminmahata ssañcayānkṛtān |
mṛgāṇāṃ mahiṣāṇāṃ ca karīṣai śaśītakāraṇāt || 7 ||
gacchanneva mahābāhurdyutimānbharata stadā |
śatrughnaṃ cābravīddhṛṣṭastānamātyāṃśca sarvaśaḥ || 8 ||
manye prāptāḥ sma taṃ deśaṃ bharadvājo yamabravīt |
nātidūre hi manye'haṃ nadīṃ mandākinīmitaḥ || 9 ||
uccairbaddhāni cīrāṇi lakṣmaṇena bhavedayam |
abhijñānakṛtaḥ panthā akāle gantumicchatā || 10 ||
idaṃ codāttadantānāṃ kuñjarāṇāṃ tarasvinām |
śailapārśve parikrāntamanyonyamabhigarjatām || 11 ||
yamevādhātumicchanti tāpasā ssatataṃ vane |
tasyāsau dṛśyate dhūma ssaṅkulaḥ kṛṣṇavartmanaḥ || 12 ||
atrāhaṃ puruṣavyāghraṃ gurusatkārakāriṇam |
āryaṃ drakṣyāmi saṃhṛṣṭo maharṣimiva rāghavam || 13 ||
atha gatvā muhūrtantu citrakūṭaṃ sa rāghavaḥ |
mandākinīmanuprāptastaṃ janaṃ cedamabravīt || 14 ||
jagatyāṃ puraṣavyāghra āste vīrāsane rataḥ |
janendro nirjanaṃ prāpya dhiṅme janma sajīvitam || 15 ||
matkṛte vyasanaṃ prāpto lokanātho mahādyutiḥ |
sarvānkāmānparityajya vane vasati rāghavaḥ || 16 ||
iti lokasamākruṣṭaḥ pādeṣvadya prasādayan |
rāmasya nipatiṣyāmi sītāyā lakṣmaṇasya ca || 17 ||
evaṃ saṃvilapaṃ stasminvane daśarathātmajaḥ |
dadarśa mahatīṃ puṇyāṃ parṇaśālāṃ manoramām || 18 ||
sālatālāśvakarṇānāṃ parṇairbahubhirāvṛtām |
viśālāṃ mṛdubhistīrṇāṃ kuśairvedimivādhvare || 19 ||
śakrāyudhanikāśaiśca kārmukairbhārasādhanaiḥ |
rukmapṛṣṭhairmahāsārai śśobhitāṃ śatrubādhakaiḥ || 20 ||
arka raśmi pratīkāśairghoraistūṇīgataiśśaraiḥ |
śobhitāṃ dīptavadanai ssarpairbhogavatīmiva || 21 ||
mahārajatavāsobhyāmasibhyāṃ ca virājitām |
rukmabinduvicitrābhyāṃ carmabhyāṃ cāpi śobhitām || 22 ||
godhā angulitrair āsāktaiḥ citraiḥ kāncana bhūṣitaiḥ |
ari samghair anādhṛṣyāṃ mṛgaiḥ simha guhāṃ iva || 23 ||
evaṃ saṃvilapaṃ stasminvane daśarathātmajaḥ |
dadarśa mahātīṃ puṇyāṃ parṇaśālāṃ manoramām || 24 ||
sālatālāśvakarṇānāṃ parṇairbahubhirāvṛtām |
viśālāṃ mṛdubhistīrṇāṃ kuśairvedimivādhvare || 25 ||
śakrāyudhanikāśaiśca kārmukairbhārasādhanaiḥ |
rukmapṛṣṭhairmahāsārai śśobhitāṃ śatrubādhakaiḥ || 26 ||
arka raśmi pratīkāśairghoraistūṇīgataiśśaraiḥ |
śobhitāṃ dīptavadanai ssarpairbhogavatīmiva || 27 ||
mahārajatavāsobhyāmasibhyāṃ ca virājitām |
rukmabinduvicitrābhyāṃ carmabhyāṃ cāpi śobhitām || 28 ||
taṃ dṛṣṭvā bharataḥ śrīmān duhkha moha pariplutaḥ |
abhyadhāvata dharma ātmā bharataḥ kaikayī sutaḥ || 29 ||
prāgudakpravaṇāṃ vediṃ viśālāṃ dīptapāvakām |
dadarśa bharatastatra puṇyāṃ rāmaniveśane || 30 ||
nirīkṣya sa muhūrtaṃ tu dadarśa bharato gurum |
uṭaje rāmamāsīnaṃ jaṭāmaṇḍaladhāriṇam || 31 ||
taṃ tu kṛṣṇājinadharaṃ cīravalkalavāsasam |
dadarśa rāmamāsīnamabhitaḥ pāvakopamam || 32 ||
siṃhaskandhaṃ mahābāhuṃ puṇḍarīkanibhekṣaṇam |
pṛthivyāssāgarāntāyāḥ bhartāraṃ dharmacāriṇam || 33 ||
upaviṣṭaṃ mahābāhuṃ brahmāṇamiva śāśvatam |
sthaṇḍile darbhasaṃstīrṇe sītayā lakṣmaṇena ca || 34 ||
taṃ dṛṣṭvā bharata śśrīmān duḥkhaśokapariplutaḥ |
abhyadhāvata dharmātmā bharataḥ kaikeyī sutaḥ || 35 ||
dṛṣṭvaiva vilalāpā'rto bāṣpasandigdhayā girā |
aśaknuvan dhārayituṃ dhairyādvacanamabravīt || 36 ||
ya ssaṃsadi prakṛtibhirbhavedyukta upāsitum |
vanyairmṛgairupāsīna sso'yamāste mamāgrajaḥ || 37 ||
vāsobhirbahusāhasrairyo mahātmā purocitaḥ |
mṛgājine so'yamiha pravaste dharmamācaran || 38 ||
adhārayadyo vividhāścitrāssumanasastadā |
so'yaṃ jaṭābhāramimaṃ vahate rāghavaḥ katham || 39 ||
yasya yajñairyathādiṣṭairyukto dharmasya sañcayaḥ |
śarīrakleśasambhūtaṃ sa dharmaṃ parimārgate || 40 ||
candanena mahārheṇa yasyāṅgamupasevitam |
malena tasyāṅgamidaṃ kathamāryasya sevyate || 41 ||
mannimittamidaṃ duḥkhaṃ prāpto rāmaḥ sukhocitaḥ |
dhigjīvitaṃ nṛśaṃsasya mama lokavigarhitam || 42 ||
ityevaṃ vilapandīnaḥ prasvinnamukhapaṅkajaḥ |
pādāvaprāpya rāmasya papāta bharato rudan || 43 ||
duḥkhābhitapto bharato rājaputro mahābalaḥ |
uktvā'ryeti sakṛddīnaṃ punarnovāca kiñcana || 44 ||
bāṣpābhihatakaṇṭhaśca prekṣya rāmaṃ yaśasvinam |
āryetyevābhisaṅkruśya vyāhartuṃ nāśakattadā || 45 ||
śatrughnaścāpi rāmasya vavande caraṇau rudan |
tāvubhau sa samāliṅgya rāmaścāśrūṇyavartayat || 46 ||
tatassumantreṇa guhena caiva samīyatu rājasutāvaraṇye |
divākaraścaiva niśākaraśca yathā'mbare śukrabṛhaspatibhyām || 47 ||
tānpārthivānvāraṇayūthapābhānsamāgatāṃ statra mahatyaraṇye |
vanaukasaste'pi samīkṣya sarve'pyaśrūṇyamuñcanpravihāya harṣam || 48 ||
ityārṣe śrīmadrāmāyaṇe vālmīkīya ādikāvye ayodhyākāṇḍe ekonaśatatamassargaḥ ||
InfoLyter.in — Sacred Vedic Knowledge Portal · Free forever