2.79 Ayodhyakanda - Ekonashititama Sargah

ॐ

2.79 அயோத்யாகாண்ட - ஏகோநாஶீதிதம ஸர்கஃ

Valmiki Tamil

ஶ்ரீமத்வால்மீகீய ராமாயணே அயோத்யாகாண்டம் ।

அத ஏகோநாஶீதிதமஸ்ஸர்கஃ ।

ததஃ ப்ரபாதஸமயே திவஸேऽத சதுர்தஶே ।

ஸமேத்ய ராஜகர்தாரோ பரதம் வாக்யமப்ருவந் ॥ 1 ॥

கதோ தஶரதஸ்ஸ்வர்கம் யோ நோ குருதரோ குருஃ ।

ராமம் ப்ரவ்ராஜ்ய வை ஜ்யேஷ்டம் லக்ஷ்மணம் ச மஹாபலம் ॥ 2 ॥

த்வமத்ய பவ நோ ராஜா ராஜபுத்ர மஹாயஶஃ ।

ஸங்கத்யா நாபராத்நோதி ராஜ்யமேததநாயகம் ॥ 3 ॥

அபிஷேசநிகம் ஸர்வமிதமாதாய ராகவ ।

ப்ரதீக்ஷதே த்வாம் ஸ்வஜநஶ்ஶ்ரேணயஶ்ச ந்ரு'பாத்மஜ ॥ 4 ॥

ராஜ்யம் க்ரு'ஹாண பரத பித்ரு'பைதாமஹம் த்ருவம் ।

அபிஷேசய சாத்மாநம் பாஹி சாஸ்மாந்நரர்ஷப ॥ 5 ॥

அபிஷேசநிகம் பாண்டம் க்ரு'த்வா ஸர்வம் ப்ரதக்ஷிணம் ।

பரதஸ்தம் ஜநம் ஸர்வம் ப்ரத்யுவாச த்ரு'தவ்ரதஃ ॥ 6 ॥

ஜ்யேஷ்டஸ்ய ராஜதா நித்யமுசிதா ஹி குலஸ்ய நஃ ।

நைவம் பவந்தோ மாம் வக்துமர்ஹந்தி குஶலா ஜநாஃ ॥ 7 ॥

ராமஃ பூர்வோ ஹி நோ ப்ராதா பவிஷ்யதி மஹீபதிஃ ।

அஹம் த்வரண்யே வத்ஸ்யாமி வர்ஷாணி நவ பஞ்ச ச ॥ 8 ॥

யுஜ்யதாம் மஹதீ ஸேநா சதுரங்கமஹாபலா ।

ஆநயிஷ்யாம்யஹம் ஜ்யேஷ்டம் ப்ராதரம் ராகவம் வநாத் ॥ 9 ॥

அபிஷேசநிகம் சைவ ஸர்வமேததுபஸ்க்ரு'தம் ।

புரஸ்க்ரு'த்ய கமிஷ்யாமி ராமஹேதோர்வநம் ப்ரதி ॥ 10 ॥

தத்ரைவம் தம் நரவ்யாக்ரமபிஷிச்ய புரஸ்க்ரு'தம் ।

ஆநேஷ்யாமி து வை ராமம் ஹவ்யவாஹமிவாத்வராத் ॥ 11 ॥

ந ஸகாமாம் கரிஷ்யாமி ஸ்வாமிமாம் மாத்ரு'கந்திநீம் ।

வநே வத்ஸ்யாம்யஹம் துர்கே ராமோ ராஜா பவிஷ்யதி ॥ 12 ॥

க்ரியதாம் ஶில்பிபிஃ பந்தா ஸ்ஸமாநி விஷமாணி ச ।

ரக்ஷிணஶ்சாநுஸம்யாந்து பதி துர்கவிசாரகாஃ ॥ 13 ॥

ஏவம் ஸம்பாஷமாணம் தம் ராமஹேதோர்ந்ரு'பாத்மஜம் ।

ப்ரத்யுவாச ஜநஸ்ஸர்வ ஶ்ஶ்ரீமத்வாக்யமநுத்தமம் ॥ 14 ॥

ஏவம் தே பாஷமாணஸ்ய பத்மா ஶ்ரீருபதிஷ்டதாத் ।

யஸ்த்வம் ஜ்யேஷ்டே ந்ரு'பஸுதே ப்ரு'திவீம் தாதுமிச்சஸி ॥ 15 ॥

அநுத்தமம் தத்வசநம் ந்ரு'பாத்மஜப்ரபாஷிதம் ஸம்ஶ்ரவணே நிஶம்ய ச ।

ப்ரஹர்ஷஜாஸ்தம் ப்ரதி பாஷ்பபிந்தவோ நிபேதுரார்யாநநநேத்ரஸம்பவாஃ ॥ 16 ॥

ஊசுஸ்தே வசநமிதம் நிஶம்ய ஹ்ரு'ஷ்டா ஸ்ஸாமாத்யா ஸ்ஸபரிஷதோ வியாதஶோகாஃ ।

பந்தாநம் நரவர பக்திமாந் ஜநஶ்ச வ்யாதிஷ்டஸ்தவ வசநாச்ச ஶில்பிவர்கஃ ॥ 17 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே அயோத்யாகாண்டே ஏகோநாஶீதிதமஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe ayodhyākāṇḍam |

atha ekonāśītitamassargaḥ |

tataḥ prabhātasamaye divase'tha caturdaśe |

sametya rājakartāro bharataṃ vākyamabruvan || 1 ||

gato daśarathassvargaṃ yo no gurutaro guruḥ |

rāmaṃ pravrājya vai jyeṣṭhaṃ lakṣmaṇaṃ ca mahābalam || 2 ||

tvamadya bhava no rājā rājaputra mahāyaśaḥ |

saṅgatyā nāparādhnoti rājyametadanāyakam || 3 ||

abhiṣecanikaṃ sarvamidamādāya rāghava |

pratīkṣate tvāṃ svajanaśśreṇayaśca nṛpātmaja || 4 ||

rājyaṃ gṛhāṇa bharata pitṛpaitāmahaṃ dhruvam |

abhiṣecaya cātmānaṃ pāhi cāsmānnararṣabha || 5 ||

abhiṣecanikaṃ bhāṇḍaṃ kṛtvā sarvaṃ pradakṣiṇam |

bharatastaṃ janaṃ sarvaṃ pratyuvāca dhṛtavrataḥ || 6 ||

jyeṣṭhasya rājatā nityamucitā hi kulasya naḥ |

naivaṃ bhavanto māṃ vaktumarhanti kuśalā janāḥ || 7 ||

rāmaḥ pūrvo hi no bhrātā bhaviṣyati mahīpatiḥ |

ahaṃ tvaraṇye vatsyāmi varṣāṇi nava pañca ca || 8 ||

yujyatāṃ mahatī senā caturaṅgamahābalā |

ānayiṣyāmyahaṃ jyeṣṭhaṃ bhrātaraṃ rāghavaṃ vanāt || 9 ||

abhiṣecanikaṃ caiva sarvametadupaskṛtam |

puraskṛtya gamiṣyāmi rāmahetorvanaṃ prati || 10 ||

tatraivaṃ taṃ naravyāghramabhiṣicya puraskṛtam |

āneṣyāmi tu vai rāmaṃ havyavāhamivādhvarāt || 11 ||

na sakāmāṃ kariṣyāmi svāmimāṃ mātṛgandhinīm |

vane vatsyāmyahaṃ durge rāmo rājā bhaviṣyati || 12 ||

kriyatāṃ śilpibhiḥ panthā ssamāni viṣamāṇi ca |

rakṣiṇaścānusamyāntu pathi durgavicārakāḥ || 13 ||

evaṃ sambhāṣamāṇaṃ taṃ rāmahetornṛpātmajam |

pratyuvāca janassarva śśrīmadvākyamanuttamam || 14 ||

evaṃ te bhāṣamāṇasya padmā śrīrupatiṣṭhatāt |

yastvaṃ jyeṣṭhe nṛpasute pṛthivīṃ dātumicchasi || 15 ||

anuttamaṃ tadvacanaṃ nṛpātmajaprabhāṣitaṃ saṃśravaṇe niśamya ca |

praharṣajāstaṃ prati bāṣpabindavo nipeturāryānananetrasambhavāḥ || 16 ||

ūcuste vacanamidaṃ niśamya hṛṣṭā ssāmātyā ssapariṣado viyātaśokāḥ |

panthānaṃ naravara bhaktimān janaśca vyādiṣṭastava vacanācca śilpivargaḥ || 17 ||

ityārṣe śrīmadrāmāyaṇe vālmīkīya ādikāvye ayodhyākāṇḍe ekonāśītitamassargaḥ ||