2.43 Ayodhyakanda - Trichatvarimsha Sargah

ॐ

2.43 அயோத்யாகாண்ட - த்ரிசத்வாரிம்ஶ ஸர்கஃ

Valmiki Tamil

ஶ்ரீமத்வால்மீகீய ராமாயணே அயோத்யாகாண்டம் ।

அத த்ரிசத்வாரிம்ஶஸ்ஸர்கஃ ।

ததஃ ஸமீக்ஷ்ய ஶயநே ஸந்நம் ஶோகேந பார்திவம் ।

கௌஶல்யா புத்ரஶோகார்தா தமுவாச மஹீபதிம் ॥ 1 ॥

ராகவே நரஶார்தூலே விஷமுப்த்வாஹிஜிஹ்மகா ।

விசரிஷ்யதி கைகேயீ நிர்முக்தேவ ஹி பந்நகீ ॥ 2 ॥

விவாஸ்ய ராமம் ஸுபகா லப்தகாமா ஸமாஹிதா ।

த்ராஸயிஷ்யதி மாம் பூயோ துஷ்டாஹிரிவ வேஶ்மநி ॥ 3 ॥

அத ஸ்ம நகரே ராமஶ்சரந் பைக்ஷம் க்ரு'ஹே வஸேத் ।

காமகாரோ வரம் தாதுமபி தாஸம் மமாத்மஜம் ॥ 4 ॥

பாதயித்வா து கைகேய்யா ராமம் ஸ்தாநாத்யதேஷ்டதஃ ।

ப்ரதிஷ்டோ ரக்ஷஸாம் பாகஃ பர்வணீவாஹிதாக்நிநா ॥ 5 ॥

கஜராஜகதிர்வீரோ மஹாபாஹுர்தநுர்தரஃ ।

வநமாவிஶதே நூநம் ஸபார்ய ஸ்ஸஹ லக்ஷ்மணஃ ॥ 6 ॥

வநே த்வத்ரு'ஷ்டதுஃகாநாம் கேகய்யாநுமதே த்வயா ।

த்யக்தாநாம் வநவாஸாய காந்வவஸ்தா பவிஷ்யதி ॥ 7 ॥

தே ரத்நஹீநாஸ்தருணாஃ பலகாலே விவாஸிதாஃ ।

கதம் வத்ஸ்யந்தி க்ரு'பணாஃ பலமூலைஃ க்ரு'தாஶநாஃ ॥ 8 ॥

அபீதாநீம் ஸ காலஸ்ஸ்யாந்மம ஶோகக்ஷய ஶ்ஶிவஃ ।

ஸபார்யம் யத்ஸஹ ப்ராத்ரா பஶ்யேயமிஹ ராகவம் ॥ 9 ॥

ஶ்ர்ரு'த்வைவோபஸ்திதௌ வீரௌ கதாயோத்யா பவிஷ்யதி ।

யஶஸ்விநீ ஹ்ரு'ஷ்டஜநா ஸூச்ச்ரிதத்வஜமாலிநீ ॥ 10 ॥

கதா ப்ரேக்ஷ்ய நரவ்யாக்ராவரண்யாத்புநராகதௌ ।

நந்திஷ்யதி புரீ ஹ்ரு'ஷ்டா ஸமுத்ர இவ பர்வணி ॥ 11 ॥

கதாऽயோத்யாம் மஹாபாஹுஃ புரீம் வீரஃ ப்ரவேக்ஷ்யதி ।

புரஸ்க்ரு'த்ய ரதே ஸீதாம் வ்ரு'ஷபோ கோவதூமிவ ॥ 12 ॥

கதா ப்ராணிஸஹஸ்ராணி ராஜமார்கே மமாத்மஜௌ ।

லாஜைரவகிரிஷ்யந்தி ப்ரவிஶந்தாவரிந்தமௌ ॥ 13 ॥

ப்ரவிஶந்தௌ கதாऽயோத்யாம் த்ரக்ஷ்யாமி ஶுபகுண்டலௌ ।

உதக்ராயுதநிஸ்த்ரிம்ஶௌ ஸஶ்ர்ரு'ங்காவிவ பர்வதௌ ॥ 14 ॥

கதாஸுமநஸஃ கந்யாத்விஜாதீநாம் பலாநி ச ।

ப்ரதிஶந்தஃ புரீம் ஹ்ரு'ஷ்டாஃ கரிஷ்யந்தி ப்ரதக்ஷிணம் ॥ 15 ॥

கதா பரிணதோ புத்த்யா வயஸா சாமரப்ரபஃ ।

அப்யுபைஷ்யதி தர்மஜ்ஞஸ்த்ரிவர்ஷ இவ மாம் லலந் ॥ 16 ॥

நிஸ்ஸம்ஶயம் மயா மந்யே புரா வீர கதர்யயா ।

பாதுகாமேஷு வத்ஸேஷு மாத்ரு'ணாம் ஶாதிதாஸ்ஸ்தநாஃ ॥ 17 ॥

ஸாஹம் கௌரிவ ஸிம்ஹேந விவத்ஸா வத்ஸலா க்ரு'தா ।

கைகேய்யா புருஷவ்யாக்ர பாலவத்ஸேவ கௌர்பலாத் ॥ 18 ॥

ந ஹி தாவத்குணைர்ஜுஷ்டம் ஸர்வஶாஸ்த்ரவிஶாரதம் ।

ஏகபுத்ரா விநா புத்ரமஹம் ஜீவிதுமுத்ஸஹே ॥ 19 ॥

ந ஹி மே ஜீவிதே கிஞ்சித்ஸாமர்த்யமிஹ கல்ப்யதே ।

அபஶ்யந்த்யாஃ ப்ரியம் புத்ரம் மஹாபாஹும் மஹாபலம் ॥ 20 ॥

அயம் ஹி மாம் தீபயதே ஸமுத்திதஃ தநூஜஶோகப்ரபவோ ஹுதாஶநஃ ।

மஹீமிமாம் ரஶ்மிபிருத்ததப்ரபஃ யதா நிதாகே பகவாந் திவாகரஃ ॥ 21 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே அயோத்யாகாண்டே த்ரிசத்வாரிம்ஶஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe ayodhyākāṇḍam |

atha tricatvāriṃśassargaḥ |

tataḥ samīkṣya śayane sannaṃ śokena pārthivam |

kauśalyā putraśokārtā tamuvāca mahīpatim || 1 ||

rāghave naraśārdūle viṣamuptvāhijihmagā |

vicariṣyati kaikeyī nirmukteva hi pannagī || 2 ||

vivāsya rāmaṃ subhagā labdhakāmā samāhitā |

trāsayiṣyati māṃ bhūyo duṣṭāhiriva veśmani || 3 ||

atha sma nagare rāmaścaran bhaikṣaṃ gṛhe vaset |

kāmakāro varaṃ dātumapi dāsaṃ mamātmajam || 4 ||

pātayitvā tu kaikeyyā rāmaṃ sthānādyatheṣṭataḥ |

pradiṣṭo rakṣasāṃ bhāgaḥ parvaṇīvāhitāgninā || 5 ||

gajarājagatirvīro mahābāhurdhanurdharaḥ |

vanamāviśate nūnaṃ sabhārya ssaha lakṣmaṇaḥ || 6 ||

vane tvadṛṣṭaduḥkhānāṃ kekayyānumate tvayā |

tyaktānāṃ vanavāsāya kānvavasthā bhaviṣyati || 7 ||

te ratnahīnāstaruṇāḥ phalakāle vivāsitāḥ |

kathaṃ vatsyanti kṛpaṇāḥ phalamūlaiḥ kṛtāśanāḥ || 8 ||

apīdānīṃ sa kālassyānmama śokakṣaya śśivaḥ |

sabhāryaṃ yatsaha bhrātrā paśyeyamiha rāghavam || 9 ||

śrṛtvaivopasthitau vīrau kadāyodhyā bhaviṣyati |

yaśasvinī hṛṣṭajanā sūcchritadhvajamālinī || 10 ||

kadā prekṣya naravyāghrāvaraṇyātpunarāgatau |

nandiṣyati purī hṛṣṭā samudra iva parvaṇi || 11 ||

kadā'yodhyāṃ mahābāhuḥ purīṃ vīraḥ pravekṣyati |

puraskṛtya rathe sītāṃ vṛṣabho govadhūmiva || 12 ||

kadā prāṇisahasrāṇi rājamārge mamātmajau |

lājairavakiriṣyanti praviśantāvarindamau || 13 ||

praviśantau kadā'yodhyāṃ drakṣyāmi śubhakuṇḍalau |

udagrāyudhanistriṃśau saśrṛṅgāviva parvatau || 14 ||

kadāsumanasaḥ kanyādvijātīnāṃ phalāni ca |

pradiśantaḥ purīṃ hṛṣṭāḥ kariṣyanti pradakṣiṇam || 15 ||

kadā pariṇato buddhyā vayasā cāmaraprabhaḥ |

abhyupaiṣyati dharmajñastrivarṣa iva māṃ lalan || 16 ||

nissaṃśayaṃ mayā manye purā vīra kadaryayā |

pātukāmeṣu vatseṣu mātṛṇāṃ śātitāsstanāḥ || 17 ||

sāhaṃ gauriva siṃhena vivatsā vatsalā kṛtā |

kaikeyyā puruṣavyāghra bālavatseva gaurbalāt || 18 ||

na hi tāvadguṇairjuṣṭaṃ sarvaśāstraviśāradam |

ekaputrā vinā putramahaṃ jīvitumutsahe || 19 ||

na hi me jīvite kiñcitsāmarthyamiha kalpyate |

apaśyantyāḥ priyaṃ putraṃ mahābāhuṃ mahābalam || 20 ||

ayaṃ hi māṃ dīpayate samutthitaḥ tanūjaśokaprabhavo hutāśanaḥ |

mahīmimāṃ raśmibhiruddhataprabhaḥ yathā nidāghe bhagavān divākaraḥ || 21 ||

ityārṣe śrīmadrāmāyaṇe vālmīkīya ādikāvye ayodhyākāṇḍe tricatvāriṃśassargaḥ ||