1.75 Balakanda - Panchasaptatitama Sargah

ॐ

1.75 பாலகாண்ட - பஞ்சஸப்ததிதம ஸர்கஃ

Valmiki Tamil

ஶ்ரீமத்வால்மீகீய ராமாயணே பாலகாண்டம் ।

அத பஞ்சஸப்ததிதமஸ்ஸர்கஃ ।

ராம தாஶரதே ராம வீர்யம் தே ஶ்ரூயதேऽத்புதம் ।

தநுஷோ பேதநம் சைவ நிகிலேந மயா ஶ்ருதம் ॥ 1 ॥

ததத்புதமசிந்த்யம் ச பேதநம் தநுஷஸ்த்வயா ।

தச்ச்ருத்வாऽஹமநுப்ராப்தோ தநுர்க்ரு'ஹ்யாபரம் ஶுபம் ॥ 2 ॥

ததிதம் கோரஸங்காஶம் ஜாமதக்ந்யம் மஹத்தநுஃ ।

பூரயஸ்வ ஶரேணைவ ஸ்வபலம் தர்ஶயஸ்வ ச ॥ 3 ॥

ததஹம் தே பலம் த்ரு'ஷ்ட்வா தநுஷோऽஸ்ய ப்ரபூரணே ।

த்வந்த்வயுத்தம் ப்ரதாஸ்யாமி வீர்யஶ்லாக்யஸ்ய ராகவ ॥ 4 ॥

தஸ்ய தத்வசநம் ஶ்ருத்வா ராஜா தஶரதஸ்ததா ।

விஷண்ணவதநோ தீநஃ ப்ராஞ்ஜலிர்வாக்யமப்ரவீத் ॥ 5 ॥

க்ஷத்ரரோஷாத்ப்ரஶாந்தஸ்த்வம் ப்ராஹ்மணஶ்ச மஹாயஶாஃ ।

பாலாநாம் மம புத்ராணாமபயம் தாதுமர்ஹஸி ॥ 6 ॥

பார்கவாணாம் குலே ஜாதஃ ஸ்வாத்யாயவ்ரதஶாலிநாம் ।

ஸஹாஸ்ராக்ஷே ப்ரதிஜ்ஞாய ஶஸ்த்ரம் நிக்ஷிப்தவாநஸி ॥ 7 ॥

ஸ த்வம் தர்மபரோ பூத்வா காஶ்யபாய வஸுந்தராம் ।

தத்த்வா வநமுபாகம்ய மஹேந்த்ரக்ரு'தகேதநஃ ॥ 8 ॥

மம ஸர்வவிநாஶாய ஸம்ப்ராப்தஸ்த்வம் மஹாமுநே ।

ந சைகஸ்மிந் ஹதே ராமே ஸர்வே ஜீவாமஹே வயம் ॥ 9 ॥

ப்ருவத்யேவம் தஶரதே ஜாமதக்ந்யஃ ப்ரதாபவாந் ।

அநாத்ரு'த்யைவ தத்வாக்யம் ராமமேவாப்யபாஷத ॥ 10 ॥

இமே த்வே தநுஷீ ஶ்ரேஷ்டே திவ்யே லோகாபிவிஶ்ருதே ।

த்ரு'டே பலவதீ முக்யே ஸுக்ரு'தே விஶ்வகர்மணா ॥ 11 ॥

அதிஸ்ரு'ஷ்டம் ஸுரைரேகம் த்ர்யம்பகாய யுயுத்ஸவே ।

த்ரிபுரக்நம் நரஶ்ரேஷ்ட பக்நம் காகுத்ஸ்த யத்த்வயா ॥ 12 ॥

இதம் த்விதீயம் துர்தர்ஷம் விஷ்ணோர்தத்தம் ஸுரோத்தமைஃ ।

ததிதம் வைஷ்ணவம் ராம தநுஃ பரமபாஸ்வரம் ।

ஸமாநஸாரம் காகுத்ஸ்த ரௌத்ரேண தநுஷா த்விதம் ॥ 13 ॥

ததா து தேவதாஸ்ஸர்வாஃ ப்ரு'ச்சந்தி ஸ்ம பிதாமஹம் ।

ஶிதிகண்டஸ்ய விஷ்ணோஶ்ச பலாபலநிரீக்ஷயா ॥ 14 ॥

அபிப்ராயம் து விஜ்ஞாய தேவதாநாம் பிதாமஹஃ ।

விரோதம் ஜநயாமாஸ தயோ ஸ்ஸத்யவதாம் வரஃ ॥ 15 ॥

விரோதே ச மஹத்யுத்தமபவத்ரோமஹர்ஷணம் ।

ஶிதிகண்டஸ்ய விஷ்ணோஶ்ச பரஸ்பரஜிகீஷுணோஃ ॥ 16 ॥

ததா து ஜ்ரு'ம்பிதம் ஶைவம் தநுர்பீமபராக்ரமம் ।

ஹுங்காரேண மஹாதேவ ஸ்தம்பிதோऽத த்ரிலோசநஃ ॥ 17 ॥

தேவைஸ்ததா ஸமாகம்ய ஸர்ஷிஸகை ஸ்ஸசாரணைஃ ।

யாசிதௌ ப்ரஶமம் தத்ர ஜக்மதுஸ்தௌ ஸுரோத்தமௌ ॥ 18 ॥

ஜ்ரு'ம்பிதம் தத்தநுர்த்ர்ரு'ஷ்ட்வா ஶைவம் விஷ்ணுபராக்ரமைஃ ।

அதிகம் மேநிரே விஷ்ணும் தேவா ஸ்ஸர்ஷிகணாஸ்ததா ॥ 19 ॥

தநூ ருத்ரஸ்து ஸங்க்ரு'த்தோ விதேஹேஷு மஹாயஶாஃ ।

தேவராதஸ்ய ராஜர்ஷேர்ததௌ ஹஸ்தே ஸஸாயகம் ॥ 20 ॥

இதம் ச வைஷ்ணவம் ராம தநுஃ பரபுரஞ்ஜயம் ।

ரு'சீகே பார்கவே ப்ராதாத்விஷ்ணுஃ ஸ ந்யாஸமுத்தமம் ॥ 21 ॥

ரு'சீகஸ்து மஹாதேஜாஃ புத்ரஸ்யாப்ரதிகர்மணஃ ।

பிதுர்மம ததௌ திவ்யம் ஜமதக்நேர்மஹாத்மநஃ ॥ 22 ॥

ந்யஸ்தஶஸ்த்ரே பிதரி மே தபோபலஸமந்விதே ।

அர்ஜுநோ விததே ம்ரு'த்யும் ப்ராக்ரு'தாம் புத்திமாஸ்திதஃ ॥ 23 ॥

வதமப்ரதிரூபம் து பிது ஶ்ஶ்ரு'த்வா ஸுதாருணம் ।

க்ஷத்ரமுத்ஸாதயந்ரோஷாஜ்ஜாதம் ஜாதமநேகஶஃ ॥ 24 ॥

ப்ரு'திவீம் சாகிலாம் ப்ராப்ய காஶ்யபாய மஹாத்மநே ।

யஜ்ஞஸ்யாந்தே ததா ராம தக்ஷிணாம் புண்யகர்மணே ।

தத்த்வா மஹேந்த்ரநிலயஸ்தபோபலஸமந்விதஃ ॥ 25 ॥

அத்யதூத்தமவீர்யேண த்வயா ராம மஹாபல ।

ஶ்ருதவாந் தநுஷோ பேதம் ததோऽஹம் த்ருதமாகதஃ ॥ 26 ॥

ததிதம் வைஷ்ணவம் ராம பித்ரு'பைதாமஹம் மஹத் ।

க்ஷத்ரதர்மம் புரஸ்க்ரு'த்ய க்ரு'ஹ்ணீஷ்வ தநுருத்தமம் ॥ 27 ॥

யோஜயஸ்வ தநுஶ்ஶ்ரேஷ்டே ஶரம் பரபுரஞ்ஜயம் ।

யதி ஶக்நோஷி காகுத்ஸ்த த்வந்த்வம் தாஸ்யாமி தே ததஃ ॥ 28 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே பாலகாண்டே பஞ்சஸப்ததிதமஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe bālakāṇḍam |

atha pañcasaptatitamassargaḥ |

rāma dāśarathe rāma vīryaṃ te śrūyate'dbhutam |

dhanuṣo bhedanaṃ caiva nikhilena mayā śrutam || 1 ||

tadadbhutamacintyaṃ ca bhedanaṃ dhanuṣastvayā |

tacchrutvā'hamanuprāpto dhanurgṛhyāparaṃ śubham || 2 ||

tadidaṃ ghorasaṅkāśaṃ jāmadagnyaṃ mahaddhanuḥ |

pūrayasva śareṇaiva svabalaṃ darśayasva ca || 3 ||

tadahaṃ te balaṃ dṛṣṭvā dhanuṣo'sya prapūraṇe |

dvandvayuddhaṃ pradāsyāmi vīryaślāghyasya rāghava || 4 ||

tasya tadvacanaṃ śrutvā rājā daśarathastadā |

viṣaṇṇavadano dīnaḥ prāñjalirvākyamabravīt || 5 ||

kṣatraroṣātpraśāntastvaṃ brāhmaṇaśca mahāyaśāḥ |

bālānāṃ mama putrāṇāmabhayaṃ dātumarhasi || 6 ||

bhārgavāṇāṃ kule jātaḥ svādhyāyavrataśālinām |

sahāsrākṣe pratijñāya śastraṃ nikṣiptavānasi || 7 ||

sa tvaṃ dharmaparo bhūtvā kāśyapāya vasundharām |

dattvā vanamupāgamya mahendrakṛtaketanaḥ || 8 ||

mama sarvavināśāya samprāptastvaṃ mahāmune |

na caikasmin hate rāme sarve jīvāmahe vayam || 9 ||

bruvatyevaṃ daśarathe jāmadagnyaḥ pratāpavān |

anādṛtyaiva tadvākyaṃ rāmamevābhyabhāṣata || 10 ||

ime dve dhanuṣī śreṣṭhe divye lokābhiviśrute |

dṛḍhe balavatī mukhye sukṛte viśvakarmaṇā || 11 ||

atisṛṣṭaṃ surairekaṃ tryambakāya yuyutsave |

tripuraghnaṃ naraśreṣṭha bhagnaṃ kākutstha yattvayā || 12 ||

idaṃ dvitīyaṃ durdharṣaṃ viṣṇordattaṃ surottamaiḥ |

tadidaṃ vaiṣṇavaṃ rāma dhanuḥ paramabhāsvaram |

samānasāraṃ kākutstha raudreṇa dhanuṣā tvidam || 13 ||

tadā tu devatāssarvāḥ pṛcchanti sma pitāmaham |

śitikaṇṭhasya viṣṇośca balābalanirīkṣayā || 14 ||

abhiprāyaṃ tu vijñāya devatānāṃ pitāmahaḥ |

virodhaṃ janayāmāsa tayo ssatyavatāṃ varaḥ || 15 ||

virodhe ca mahadyuddhamabhavadromaharṣaṇam |

śitikaṇṭhasya viṣṇośca parasparajigīṣuṇoḥ || 16 ||

tadā tu jṛmbhitaṃ śaivaṃ dhanurbhīmaparākramam |

huṅkāreṇa mahādeva stambhito'tha trilocanaḥ || 17 ||

devaistadā samāgamya sarṣisaghai ssacāraṇaiḥ |

yācitau praśamaṃ tatra jagmatustau surottamau || 18 ||

jṛmbhitaṃ taddhanurdrṛṣṭvā śaivaṃ viṣṇuparākramaiḥ |

adhikaṃ menire viṣṇuṃ devā ssarṣigaṇāstadā || 19 ||

dhanū rudrastu saṅkṛddho videheṣu mahāyaśāḥ |

devarātasya rājarṣerdadau haste sasāyakam || 20 ||

idaṃ ca vaiṣṇavaṃ rāma dhanuḥ parapurañjayam |

ṛcīke bhārgave prādādviṣṇuḥ sa nyāsamuttamam || 21 ||

ṛcīkastu mahātejāḥ putrasyāpratikarmaṇaḥ |

piturmama dadau divyaṃ jamadagnermahātmanaḥ || 22 ||

nyastaśastre pitari me tapobalasamanvite |

arjuno vidadhe mṛtyuṃ prākṛtāṃ buddhimāsthitaḥ || 23 ||

vadhamapratirūpaṃ tu pitu śśṛtvā sudāruṇam |

kṣatramutsādayanroṣājjātaṃ jātamanekaśaḥ || 24 ||

pṛthivīṃ cākhilāṃ prāpya kāśyapāya mahātmane |

yajñasyānte tadā rāma dakṣiṇāṃ puṇyakarmaṇe |

dattvā mahendranilayastapobalasamanvitaḥ || 25 ||

adyatūttamavīryeṇa tvayā rāma mahābala |

śrutavān dhanuṣo bhedaṃ tato'haṃ drutamāgataḥ || 26 ||

tadidaṃ vaiṣṇavaṃ rāma pitṛpaitāmahaṃ mahat |

kṣatradharmaṃ puraskṛtya gṛhṇīṣva dhanuruttamam || 27 ||

yojayasva dhanuśśreṣṭhe śaraṃ parapurañjayam |

yadi śaknoṣi kākutstha dvandvaṃ dāsyāmi te tataḥ || 28 ||

ityārṣe śrīmadrāmāyaṇe vālmīkīya ādikāvye bālakāṇḍe pañcasaptatitamassargaḥ ||