1.61 Balakanda - Ekashashtitama Sargah

ॐ

1.61 பாலகாண்ட - ஏகஷஷ்டிதம ஸர்கஃ

Valmiki Tamil

ஶ்ரீமத்வால்மீகீய ராமாயணே பாலகாண்டம் ।

அத ஏகஷஷ்டிதமஸ்ஸர்கஃ ।

விஶ்வாமித்ரோ மஹாத்மாத ப்ரஸ்திதாந் ப்ரேக்ஷ்ய தாந்ரு'ஷீந் ।

அப்ரவீந்நரஶார்தூலஸ்ஸர்வாம்ஸ்தாந்வநவாஸிநஃ ॥ 1 ॥

மஹாந்விக்நஃ ப்ரவ்ரு'த்தோऽயம் தக்ஷிணாமாஸ்திதோ திஶம் ।

திஶமந்யாம் ப்ரபத்ஸ்யாமஸ்தத்ர தப்ஸ்யாமஹே தபஃ ॥ 2 ॥

பஶ்சிமாயாம் விஶாலாயாம் புஷ்கரேஷு மஹாத்மநஃ ।

ஸுகம் தபஶ்சரிஷ்யாமஃ பரம் தத்தி தபோவநம் ॥ 3 ॥

ஏவமுக்த்வா மஹாதேஜாஃ புஷ்கரேஷு மஹாமுநிஃ ।

தப உக்ரம் துராதர்ஷம் தேபே மூலபலாஶநஃ ॥ 4 ॥

ஏதஸ்மிந்நேவ காலே து அயோத்யாதிபதிர்ந்ரு'பஃ ।

அம்பரீஷ இதி க்யாதோ யஷ்டும் ஸமுபசக்ரமே ॥ 5 ॥

தஸ்ய வை யஜமாநஸ்ய பஶுமிந்த்ரோ ஜஹார ஹ ।

ப்ரணஷ்டே து பஶௌ விப்ரோ ராஜாநமிதமப்ரவீத் ॥ 6 ॥

பஶுரத்ய ஹ்ரு'தோ ராஜந் ப்ரணஷ்டஸ்தவ துர்நயாத் ।

அரக்ஷிதாரம் ராஜாநம் க்நந்தி தோஷா நரேஶ்வர ॥ 7 ॥

ப்ராயஶ்சித்தம் மஹத்த்யேதந்நரம் வா புருஷர்ஷப ।

ஆநயஸ்வ பஶும் ஶீக்ரம் யாவத்கர்ம ப்ரவர்ததே ॥ 8 ॥

உபாத்யாயவசஶ்ஶ்ருத்வா ஸ ராஜா புருஷர்ஷப ।

அந்வியேஷ மஹாபுத்திஃ பஶும் கோபிஸ்ஸஹஸ்ரஶஃ ॥ 9 ॥

தேஶாந் ஜநபதாம்ஸ்தாம் ஸ்தாந்நகராணி வநாநி ச ।

ஆஶ்ரமாணி ச புண்யாநி மார்கமாணோ மஹீபதிஃ ॥ 10 ॥

ஸ புத்ரஸஹிதம் தாத ஸபார்யம் ரகுநந்தந ।

ப்ரு'குதுந்தே ஸமாஸீநம்ரு'சீகம் ஸந்ததர்ஶ ஹ ॥ 11 ॥

தமுவாச மஹாதேஜாஃ ப்ரணம்யாபிப்ரஸாத்ய ச ।

ப்ரஹ்மர்ஷிம் தபஸா தீப்தம் ராஜர்ஷிரமிதப்ரபஃ ॥ 12 ॥

ப்ரு'ஷ்ட்வா ஸர்வத்ர குஶலம்ரு'சீகம் தமிதம் வசஃ ।

கவாம் ஶதஸஹஸ்ரேண விக்ரீணீஷே ஸுதம் யதி ॥ 13 ॥

பஶோரர்தே மஹாபாக க்ரு'தக்ரு'த்யோऽஸ்மி பார்கவ ।

ஸர்வே பரிஸ்ரு'தா தேஶா யாஜ்ஞீயம் ந லபே பஶும் ॥ 14 ॥

தாதுமர்ஹஸி மூல்யேந ஸுதமேகமிதோ மம ।

4 ஏவமுக்தோ மஹாதேஜா ரு'சீகஸ்த்வப்ரவீத்வசஃ ॥ 15 ॥

நாஹம் ஜ்யேஷ்டம் நரஶ்ரேஷ்ட விக்ரீணீயாம் கதஞ்சந ।

ரு'சீகஸ்ய வசஶ்ஶ்ருத்வா தேஷாம் மாதா மஹாத்மநாம் ॥ 16 ॥

உவாச நரஶார்தூலமம்பரீஷம் தபஸ்விநீ ।

அவிக்ரேயம் ஸுதம் ஜ்யேஷ்டம் பகவாநாஹ பார்கவஃ ॥ 17 ॥

மமாபி தயிதம் வித்தி கநிஷ்டம் ஶுநகம் ந்ரு'ப ।

தஸ்மாத்கநீயஸம் புத்ரம் ந தாஸ்யே தவ பார்திவ ॥ 18 ॥

ப்ராயேண ஹி நரஶ்ரேஷ்ட ஜ்யேஷ்டாஃ பித்ரு'ஷு வல்லபாஃ ।

மாத்ரு'ணாம் து கநீயாம்ஸஸ்தஸ்மாத்ரக்ஷே கநீயஸம் ॥ 19 ॥

உக்தவாக்யே முநௌ தஸ்மிந் முநிபத்ந்யாம் ததைவ ச ।

ஶுநஶ்ஶேபஸ்ஸ்வயம் ராம மத்யமோ வாக்யமப்ரவீத் ॥ 20 ॥

பிதா ஜ்யேஷ்டமவிக்ரேயம் மாதா சாஹ கநீயஸம் ।

விக்ரீதம் மத்யமம் மந்யே ராஜந் புத்ரம் நயஸ்வ மாம் ॥ 21 ॥

கவாம் ஶதஸஹஸ்ரேண ஶுநஶ்ஶேபம் நரேஶ்வரஃ ।

க்ரு'ஹீத்வா பரமப்ரீதோ ஜகாம ரகுநந்தந ॥ 22 ॥

அம்பரீஷஸ்து ராஜர்ஷீ ரதமாரோப்ய ஸத்வரஃ ।

ஶுநஶ்ஶேபம் மஹாதேஜா ஜகாமாஶு மஹாயஶாஃ ॥ 23 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே பாலகாண்டே ஏகஷஷ்டிதமஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe bālakāṇḍam |

atha ekaṣaṣṭitamassargaḥ |

viśvāmitro mahātmātha prasthitān prekṣya tānṛṣīn |

abravīnnaraśārdūlassarvāṃstānvanavāsinaḥ || 1 ||

mahānvighnaḥ pravṛtto'yaṃ dakṣiṇāmāsthito diśam |

diśamanyāṃ prapatsyāmastatra tapsyāmahe tapaḥ || 2 ||

paścimāyāṃ viśālāyāṃ puṣkareṣu mahātmanaḥ |

sukhaṃ tapaścariṣyāmaḥ paraṃ taddhi tapovanam || 3 ||

evamuktvā mahātejāḥ puṣkareṣu mahāmuniḥ |

tapa ugraṃ durādharṣaṃ tepe mūlaphalāśanaḥ || 4 ||

etasminneva kāle tu ayodhyādhipatirnṛpaḥ |

ambarīṣa iti khyāto yaṣṭuṃ samupacakrame || 5 ||

tasya vai yajamānasya paśumindro jahāra ha |

praṇaṣṭe tu paśau vipro rājānamidamabravīt || 6 ||

paśuradya hṛto rājan praṇaṣṭastava durnayāt |

arakṣitāraṃ rājānaṃ ghnanti doṣā nareśvara || 7 ||

prāyaścittaṃ mahaddhyetannaraṃ vā puruṣarṣabha |

ānayasva paśuṃ śīghraṃ yāvatkarma pravartate || 8 ||

upādhyāyavacaśśrutvā sa rājā puruṣarṣabha |

anviyeṣa mahābuddhiḥ paśuṃ gobhissahasraśaḥ || 9 ||

deśān janapadāṃstāṃ stānnagarāṇi vanāni ca |

āśramāṇi ca puṇyāni mārgamāṇo mahīpatiḥ || 10 ||

sa putrasahitaṃ tāta sabhāryaṃ raghunandana |

bhṛgutunde samāsīnamṛcīkaṃ sandadarśa ha || 11 ||

tamuvāca mahātejāḥ praṇamyābhiprasādya ca |

brahmarṣiṃ tapasā dīptaṃ rājarṣiramitaprabhaḥ || 12 ||

pṛṣṭvā sarvatra kuśalamṛcīkaṃ tamidaṃ vacaḥ |

gavāṃ śatasahasreṇa vikrīṇīṣe sutaṃ yadi || 13 ||

paśorarthe mahābhāga kṛtakṛtyo'smi bhārgava |

sarve parisṛtā deśā yājñīyaṃ na labhe paśum || 14 ||

dātumarhasi mūlyena sutamekamito mama |

4 evamukto mahātejā ṛcīkastvabravīdvacaḥ || 15 ||

nāhaṃ jyeṣṭhaṃ naraśreṣṭha vikrīṇīyāṃ kathañcana |

ṛcīkasya vacaśśrutvā teṣāṃ mātā mahātmanām || 16 ||

uvāca naraśārdūlamambarīṣaṃ tapasvinī |

avikreyaṃ sutaṃ jyeṣṭhaṃ bhagavānāha bhārgavaḥ || 17 ||

mamāpi dayitaṃ viddhi kaniṣṭhaṃ śunakaṃ nṛpa |

tasmātkanīyasaṃ putraṃ na dāsye tava pārthiva || 18 ||

prāyeṇa hi naraśreṣṭha jyeṣṭhāḥ pitṛṣu vallabhāḥ |

mātṛṇāṃ tu kanīyāṃsastasmādrakṣe kanīyasam || 19 ||

uktavākye munau tasmin munipatnyāṃ tathaiva ca |

śunaśśephassvayaṃ rāma madhyamo vākyamabravīt || 20 ||

pitā jyeṣṭhamavikreyaṃ mātā cāha kanīyasam |

vikrītaṃ madhyamaṃ manye rājan putraṃ nayasva mām || 21 ||

gavāṃ śatasahasreṇa śunaśśephaṃ nareśvaraḥ |

gṛhītvā paramaprīto jagāma raghunandana || 22 ||

ambarīṣastu rājarṣī rathamāropya satvaraḥ |

śunaśśephaṃ mahātejā jagāmāśu mahāyaśāḥ || 23 ||

ityārṣe śrīmadrāmāyaṇe vālmīkīya ādikāvye bālakāṇḍe ekaṣaṣṭitamassargaḥ ||