1.59 Balakanda - Ekonashashtitama Sargah

ॐ

1.59 பாலகாண்ட - ஏகோநஷஷ்டிதம ஸர்கஃ

Valmiki Tamil

ஶ்ரீமத்வால்மீகீய ராமாயணே பாலகாண்டம் ।

அத ஏகோநஷஷ்டிதமஸ்ஸர்கஃ ।

உக்தவாக்யம் து ராஜாநம் க்ரு'பயா குஶிகாத்மஜஃ ।

அப்ரவீந்மதுரம் வாக்யம் ஸாக்ஷாச்சண்டாலரூபிணம் ॥ 1 ॥

ஐக்ஷ்வாக ஸ்வாகதம் வத்ஸ ஜாநாமி த்வாம் ஸுதார்மிகம் ।

ஶரணம் தே பவிஷ்யாமி மா பைஷீர்ந்ரு'பபுங்கவ ॥ 2 ॥

அஹமாமந்த்ரயே ஸர்வாந்மஹர்ஷீந்புண்யகர்மணஃ ।

யஜ்ஞஸாஹ்யகராந் ராஜந் ததோ யக்ஷ்யஸி நிர்வ்ரு'தஃ ॥ 3 ॥

குருஶாபக்ரு'தம் ரூபம் யதிதம் த்வயி வர்ததே ।

அநேந ஸஹ ரூபேண ஸஶரீரோ கமிஷ்யஸி ॥ 4 ॥

ஹஸ்தப்ராப்தமஹம் மந்யே ஸ்வர்கம் தவ நராதிப ।

யஸ்த்வம் கௌஶிகமாகம்ய ஶரண்யம் ஶரணாகதஃ ॥ 5 ॥

ஏவமுக்த்வா மஹாதேஜாஃ புத்ராந் பரமதார்மிகாந் ।

வ்யாதிதேஶ மஹாப்ராஜ்ஞாந் யஜ்ஞஸம்பாரகாரணாத் ॥ 6 ॥

ஸர்வாந் ஶிஷ்யாந் ஸமாஹூய வாக்யமேததுவாச ஹ ।

ஸர்வாந்ரு'ஷிகணாந்வத்ஸா ஆநயத்வம் மமாஜ்ஞயா ।

ஸஶிஷ்யஸுஹ்ரு'தஶ்சைவ ஸர்த்விஜ ஸ்ஸபஹுஶ்ருதாந் ॥ 7 ॥

யதந்யோ வசநம் ப்ரூயாந்மத்வாக்யபலசோதிதஃ ।

தத்ஸர்வமகிலேநோக்தம் மமாக்யேயமநாத்ரு'தம் ॥ 8 ॥

தஸ்ய தத்வசநம் ஶ்ருத்வா திஶோ ஜக்முஸ்ததாஜ்ஞயா ।

ஆஜக்முரத தேஶேப்ய ஸ்ஸர்வேப்யோ ப்ரஹ்மவாதிநஃ ॥ 9 ॥

தே ச ஶிஷ்யாஃ ஸமாகம்ய முநிம் ஜ்வலிததேஜஸம் ।

ஊசுஶ்சவசநம் ஸர்வே ஸர்வேஷாம் ப்ரஹ்மவாதிநாம் ॥ 10 ॥

ஶ்ருத்வா தே வசநம் ஸர்வே ஸமாயாந்தி த்விஜாதயஃ ।

ஸர்வதேஶேஷு சாகச்சந் வர்ஜயித்வா மஹோதயம் ॥ 11 ॥

வாஸிஷ்டம் தச்சதம் ஸர்வம் க்ரோதபர்யாகுலாக்ஷரம் ।

யதாஹ வசநம் ஸர்வம் ஶ்ரு'ணு த்வம் முநிபுங்கவ ॥ 12 ॥

க்ஷத்ரியோ யாஜகோ யஸ்ய சண்டாலஸ்ய விஶேஷதஃ ।

கதம் ஸதஸி போக்தாரோ ஹவிஸ்தஸ்ய ஸுரர்ஷயஃ ॥ 13 ॥

ப்ராஹ்மணா வா மஹாத்மாநோ புக்த்வா சண்டாலபோஜநம் ।

கதம் ஸ்வர்கம் கமிஷ்யந்தி விஶ்வாமித்ரேண பாலிதாஃ ॥ 14 ॥

ஏதத்வசநநைஷ்டுர்யமூசு ஸ்ஸம்ரக்தலோசநாஃ ।

வாஸிஷ்டா முநிஶார்தூல ஸர்வே தே ஸமஹோதயாஃ ॥ 15 ॥

தேஷாம் தத்வசநம் ஶ்ருத்வா ஸர்வேஷாம் முநிபுங்கவஃ ।

க்ரோதஸம்ரக்தநயந ஸ்ஸரோஷமிதமப்ரவீத் ॥ 16 ॥

யே தூஷயந்த்யதுஷ்டம் மாம் தப உக்ரம் ஸமாஸ்திதம் ।

பஸ்மீபூதா துராத்மாநோ பவிஷ்யந்தி ந ஸம்ஶயஃ ॥ 17 ॥

அத்ய தே காலபாஶேந நீதா வைவஸ்வதக்ஷயம் ।

ஸப்தஜாதிஶதாந்யேவ ம்ரு'தபஸ்ஸந்து ஸர்வஶஃ ॥ 18 ॥

ஶ்வமாம்ஸநியதாஹாரா முஷ்டிகா நாம நிர்க்ரு'ணாஃ ।

விக்ரு'தாஶ்ச விரூபாஶ்ச லோகாநநுசரந்த்விமாந் ॥ 19 ॥

மஹோதயஸ்து துர்புத்திர்மாமதூஷ்யம் ஹ்யதூஷயத் ।

தூஷித ஸ்ஸர்வலோகேஷு நிஷாதத்வம் கமிஷ்யதி ॥ 20 ॥

ப்ராணாதிபாதநிரதோ நிரநுக்ரோஶதாம் கதஃ ।

தீர்ககாலம் மம க்ரோதாத்துர்கதிம் வர்தயிஷ்யதி ॥ 21 ॥

ஏதாவதுக்த்வா வசநம் விஶ்வாமித்ரோ மஹாதபாஃ ।

விரராம மஹாதேஜா ரு'ஷிமத்யே மஹாமுநிஃ ॥ 22 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே பாலகாண்டே ஏகோநஷஷ்டிதமஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe bālakāṇḍam |

atha ekonaṣaṣṭitamassargaḥ |

uktavākyaṃ tu rājānaṃ kṛpayā kuśikātmajaḥ |

abravīnmadhuraṃ vākyaṃ sākṣāccaṇḍālarūpiṇam || 1 ||

aikṣvāka svāgataṃ vatsa jānāmi tvāṃ sudhārmikam |

śaraṇaṃ te bhaviṣyāmi mā bhaiṣīrnṛpapuṅgava || 2 ||

ahamāmantraye sarvānmaharṣīnpuṇyakarmaṇaḥ |

yajñasāhyakarān rājan tato yakṣyasi nirvṛtaḥ || 3 ||

guruśāpakṛtaṃ rūpaṃ yadidaṃ tvayi vartate |

anena saha rūpeṇa saśarīro gamiṣyasi || 4 ||

hastaprāptamahaṃ manye svargaṃ tava narādhipa |

yastvaṃ kauśikamāgamya śaraṇyaṃ śaraṇāgataḥ || 5 ||

evamuktvā mahātejāḥ putrān paramadhārmikān |

vyādideśa mahāprājñān yajñasambhārakāraṇāt || 6 ||

sarvān śiṣyān samāhūya vākyametaduvāca ha |

sarvānṛṣigaṇānvatsā ānayadhvaṃ mamājñayā |

saśiṣyasuhṛdaścaiva sartvija ssabahuśrutān || 7 ||

yadanyo vacanaṃ brūyānmadvākyabalacoditaḥ |

tatsarvamakhilenoktaṃ mamākhyeyamanādṛtam || 8 ||

tasya tadvacanaṃ śrutvā diśo jagmustadājñayā |

ājagmuratha deśebhya ssarvebhyo brahmavādinaḥ || 9 ||

te ca śiṣyāḥ samāgamya muniṃ jvalitatejasam |

ūcuścavacanaṃ sarve sarveṣāṃ brahmavādinām || 10 ||

śrutvā te vacanaṃ sarve samāyānti dvijātayaḥ |

sarvadeśeṣu cāgacchan varjayitvā mahodayam || 11 ||

vāsiṣṭhaṃ tacchataṃ sarvaṃ krodhaparyākulākṣaram |

yadāha vacanaṃ sarvaṃ śṛṇu tvaṃ munipuṅgava || 12 ||

kṣatriyo yājako yasya caṇḍālasya viśeṣataḥ |

kathaṃ sadasi bhoktāro havistasya surarṣayaḥ || 13 ||

brāhmaṇā vā mahātmāno bhuktvā caṇḍālabhojanam |

kathaṃ svargaṃ gamiṣyanti viśvāmitreṇa pālitāḥ || 14 ||

etadvacananaiṣṭhuryamūcu ssaṃraktalocanāḥ |

vāsiṣṭhā muniśārdūla sarve te samahodayāḥ || 15 ||

teṣāṃ tadvacanaṃ śrutvā sarveṣāṃ munipuṅgavaḥ |

krodhasaṃraktanayana ssaroṣamidamabravīt || 16 ||

ye dūṣayantyaduṣṭaṃ māṃ tapa ugraṃ samāsthitam |

bhasmībhūtā durātmāno bhaviṣyanti na saṃśayaḥ || 17 ||

adya te kālapāśena nītā vaivasvatakṣayam |

saptajātiśatānyeva mṛtapassantu sarvaśaḥ || 18 ||

śvamāṃsaniyatāhārā muṣṭikā nāma nirghṛṇāḥ |

vikṛtāśca virūpāśca lokānanucarantvimān || 19 ||

mahodayastu durbuddhirmāmadūṣyaṃ hyadūṣayat |

dūṣita ssarvalokeṣu niṣādatvaṃ gamiṣyati || 20 ||

prāṇātipātanirato niranukrośatāṃ gataḥ |

dīrghakālaṃ mama krodhāddurgatiṃ vartayiṣyati || 21 ||

etāvaduktvā vacanaṃ viśvāmitro mahātapāḥ |

virarāma mahātejā ṛṣimadhye mahāmuniḥ || 22 ||

ityārṣe śrīmadrāmāyaṇe vālmīkīya ādikāvye bālakāṇḍe ekonaṣaṣṭitamassargaḥ ||