1.42 Balakanda - Dvichatvarimsha Sargah

ॐ

1.42 பாலகாண்ட - த்விசத்வாரிம்ஶ ஸர்கஃ

Valmiki Tamil

ஶ்ரீமத்வால்மீகீய ராமாயணே பாலகாண்டம் ।

அத த்விசத்வாரிம்ஶஸ்ஸர்கஃ ।

காலதர்மம் கதே ராம ஸகரே ப்ரக்ரு'தீஜநாஃ ।

ராஜாநம் ரோசயாமாஸுரம்ஶுமந்தம் ஸுதார்மிகம் ॥ 1 ॥

ஸ ராஜா ஸுமஹாநாஸீதம்ஶுமாந் ரகுநந்தந ।

தஸ்ய புத்ரோ மஹாநாஸீத்திலீப இதி விஶ்ருதஃ ॥ 2 ॥

தஸ்மிந் ராஜ்யம் ஸமாவேஶ்ய திலீபே ரகுநந்தந ।

ஹிமவச்சிகரே புண்யே தபஸ்தேபே ஸுதாருணம் ॥ 3 ॥

த்வாத்ரிம்ஶச்ச ஸஹஸ்ராணி வர்ஷாணி ஸுமஹாயஶாஃ ।

தபோவநம் கதோ ராம ஸ்வர்கம் லேபே தபோதநஃ ॥ 4 ॥

திலீபஸ்து மஹாதேஜாஶ்ஶ்ருத்வா பைதாமஹம் வதம் ।

துஃகோபஹதயா புத்த்யா நிஶ்சயம் நாத்யகச்சத ॥ 5 ॥

கதம் கங்காவதரணம் கதம் தேஷாம் ஜலக்ரியா ।

தாரயேயம் கதம் சைதாநிதி சிந்தாபரோऽபவத் ॥ 6 ॥

தஸ்ய சிந்தயதோ நித்யம் தர்மேண விதிதாத்மநஃ ।

புத்ரோ பகீரதோ நாம ஜஜ்ஞே பரமதார்மிகஃ ॥ 7 ॥

திலீபஸ்து மஹாதேஜா யஜ்ஞைர்பஹுபிரிஷ்டவாந் ।

த்ரிம்ஶத்வர்ஷஸஹஸ்ராணி ராஜா ராஜ்யமகாரயத் ॥ 8 ॥

அகத்வா நிஶ்சயம் ராஜா தேஷாமுத்தரணம் ப்ரதி ।

வ்யாதிநா நரஶார்தூல காலதர்மமுபேயிவாந் ॥ 9 ॥

இந்த்ரலோகம் கதோ ராஜா ஸ்வார்ஜிதேநைவ கர்மணா ।

ராஜ்யே பகீரதம் புத்ரமபிஷிச்ய நரர்ஷபஃ ॥ 10 ॥

பகீரதஸ்து ராஜர்ஷிர்தார்மிகோ ரகுநந்தந ।

அநபத்யோ மஹாதேஜாஃ ப்ரஜாகாமஸ்ஸ சாப்ரஜஃ ॥ 11 ॥

மந்த்ரிஷ்வாதாய தத்ராஜ்யம் கங்காவதரணே ரதஃ ।

ஸ தபோ தீர்கமாதிஷ்டத்கோகர்ணே ரகுநந்தந ॥ 12 ॥

ஊர்த்வபாஹுஃ பஞ்சதபா மாஸாஹாரோ ஜிதேந்த்ரியஃ ।

தஸ்ய வர்ஷஸஹஸ்ராணி கோரே தபஸி திஷ்டதஃ ॥ 13 ॥

அதீதாநி மஹாபாஹோ தஸ்ய ராஜ்ஞோ மஹாத்மநஃ ।

ஸுப்ரீதோ பகவாந் ப்ரஹ்மா ப்ரஜாநாம் பதிரீஶ்வரஃ ॥ 14 ॥

ததஸ்ஸுரகணைஸ்ஸார்தமுபாகம்ய பிதாமஹஃ ।

பகீரதம் மஹாத்மாநம் தப்யமாநமதாப்ரவீத் ॥ 15 ॥

பகீரத மஹாபாக ப்ரீதஸ்தேऽஹம் ஜநேஶ்வர ।

தபஸா ச ஸுதப்தேந வரம் வரய ஸுவ்ரத ॥ 16 ॥

தமுவாச மஹாதேஜாஃ ஸர்வலோகபிதாமஹம் ।

பகீரதோ மஹாபாகஃ க்ரு'தாஞ்ஜலிருபஸ்திதஃ ॥ 17 ॥

யதி மே பகவந் ப்ரீதோ யத்யஸ்தி தபஸஃ பலம் ।

ஸகரஸ்யாத்மஜாஸ்ஸர்வே மத்தஸ்ஸலிலமாப்நுயுஃ ॥ 18 ॥

கங்காயாஸ்ஸலிலக்லிந்நே பஸ்மந்யேஷாம் மஹாத்மநாம் ।

ஸ்வர்கம் கச்சேயுரத்யந்தம் ஸர்வே மே ப்ரபிதாமஹாஃ ॥ 19 ॥

தேயா ச ஸந்ததிர்தேவ நாவஸீதேத்குலம் ச நஃ ।

இக்ஷ்வாகூணாம் குலே தேவ ஏஷ மேऽஸ்து வரஃபரஃ ॥ 20 ॥

உக்தவாக்யம் து ராஜாநம் ஸர்வலோகபிதாமஹஃ ।

ப்ரத்யுவாச ஶுபாம் வாணீம் மதுராம் மதுராக்ஷராம் ॥ 21 ॥

மநோரதோ மஹாநேஷ பகீரத மஹாரத ।

ஏவம் பவது பத்ரம் தே இக்ஷ்வாகுகுலவர்தந ॥ 22 ॥

இயம் ஹைமவதீ கங்கா ஜ்யேஷ்டா ஹிமவதஸ்ஸுதா ।

தாம் வை தாரயிதும் ஶக்தோ ஹரஸ்தத்ர நியுஜ்யதாம் ॥ 23 ॥

கங்காயாஃ பதநம் ராஜந் ப்ரு'திவீ ந ஸஹிஷ்யதி ।

தாம் வை தாரயிதும் வீர நாந்யம் பஶ்யாமி ஶூலிநஃ ॥ 24 ॥

தமேவமுக்த்வா ராஜாநம் கங்காம் சாபாஷ்ய லோகக்ரு'த் ।

ஜகாம த்ரிதிவம் தேவஸ்ஸஹதேவைர்மருத்கணைஃ ॥ 25 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே பாலகாண்டே த்விசத்வாரிம்ஶஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe bālakāṇḍam |

atha dvicatvāriṃśassargaḥ |

kāladharmaṃ gate rāma sagare prakṛtījanāḥ |

rājānaṃ rocayāmāsuraṃśumantaṃ sudhārmikam || 1 ||

sa rājā sumahānāsīdaṃśumān raghunandana |

tasya putro mahānāsīddilīpa iti viśrutaḥ || 2 ||

tasmin rājyaṃ samāveśya dilīpe raghunandana |

himavacchikhare puṇye tapastepe sudāruṇam || 3 ||

dvātriṃśacca sahasrāṇi varṣāṇi sumahāyaśāḥ |

tapovanaṃ gato rāma svargaṃ lebhe tapodhanaḥ || 4 ||

dilīpastu mahātejāśśrutvā paitāmahaṃ vadham |

duḥkhopahatayā buddhyā niścayaṃ nādhyagacchata || 5 ||

kathaṃ gaṅgāvataraṇaṃ kathaṃ teṣāṃ jalakriyā |

tārayeyaṃ kathaṃ caitāniti cintāparo'bhavat || 6 ||

tasya cintayato nityaṃ dharmeṇa viditātmanaḥ |

putro bhagīratho nāma jajñe paramadhārmikaḥ || 7 ||

dilīpastu mahātejā yajñairbahubhiriṣṭavān |

triṃśadvarṣasahasrāṇi rājā rājyamakārayat || 8 ||

agatvā niścayaṃ rājā teṣāmuddharaṇaṃ prati |

vyādhinā naraśārdūla kāladharmamupeyivān || 9 ||

indralokaṃ gato rājā svārjitenaiva karmaṇā |

rājye bhagīrathaṃ putramabhiṣicya nararṣabhaḥ || 10 ||

bhagīrathastu rājarṣirdhārmiko raghunandana |

anapatyo mahātejāḥ prajākāmassa cāprajaḥ || 11 ||

mantriṣvādhāya tadrājyaṃ gaṅgāvataraṇe rataḥ |

sa tapo dīrghamātiṣṭhadgokarṇe raghunandana || 12 ||

ūrdhvabāhuḥ pañcatapā māsāhāro jitendriyaḥ |

tasya varṣasahasrāṇi ghore tapasi tiṣṭhataḥ || 13 ||

atītāni mahābāho tasya rājño mahātmanaḥ |

suprīto bhagavān brahmā prajānāṃ patirīśvaraḥ || 14 ||

tatassuragaṇaissārdhamupāgamya pitāmahaḥ |

bhagīrathaṃ mahātmānaṃ tapyamānamathābravīt || 15 ||

bhagīratha mahābhāga prītaste'haṃ janeśvara |

tapasā ca sutaptena varaṃ varaya suvrata || 16 ||

tamuvāca mahātejāḥ sarvalokapitāmaham |

bhagīratho mahābhāgaḥ kṛtāñjalirupasthitaḥ || 17 ||

yadi me bhagavan prīto yadyasti tapasaḥ phalam |

sagarasyātmajāssarve mattassalilamāpnuyuḥ || 18 ||

gaṅgāyāssalilaklinne bhasmanyeṣāṃ mahātmanām |

svargaṃ gaccheyuratyantaṃ sarve me prapitāmahāḥ || 19 ||

deyā ca santatirdeva nāvasīdetkulaṃ ca naḥ |

ikṣvākūṇāṃ kule deva eṣa me'stu varaḥparaḥ || 20 ||

uktavākyaṃ tu rājānaṃ sarvalokapitāmahaḥ |

pratyuvāca śubhāṃ vāṇīṃ madhurāṃ madhurākṣarām || 21 ||

manoratho mahāneṣa bhagīratha mahāratha |

evaṃ bhavatu bhadraṃ te ikṣvākukulavardhana || 22 ||

iyaṃ haimavatī gaṅgā jyeṣṭhā himavatassutā |

tāṃ vai dhārayituṃ śakto harastatra niyujyatām || 23 ||

gaṅgāyāḥ patanaṃ rājan pṛthivī na sahiṣyati |

tāṃ vai dhārayituṃ vīra nānyaṃ paśyāmi śūlinaḥ || 24 ||

tamevamuktvā rājānaṃ gaṅgāṃ cābhāṣya lokakṛt |

jagāma tridivaṃ devassahadevairmarudgaṇaiḥ || 25 ||

ityārṣe śrīmadrāmāyaṇe vālmīkīya ādikāvye bālakāṇḍe dvicatvāriṃśassargaḥ ||