📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
1.16 பாலகாண்ட - ஷோடஶ ஸர்கஃ
1.16 Balakanda - Shodasha Sargah
Valmiki Tamil
ஶ்ரீமத்வால்மீகீய ராமாயணே பாலகாண்டம் ।
அத ஷோடஶஸ்ஸர்கஃ ।
ததோ நாராயணோ தேவோ நியுக்தஸ்ஸுரஸத்தமைஃ ।
ஜாநந்நபி ஸுராநேவம் ஶ்லக்ஷ்ணம் வசநமப்ரவீத் ॥ 1 ॥
உபாயஃ கோ வதே தஸ்ய ராவணஸ்ய துராத்மநஃ ।
யமஹம் தம் ஸமாஸ்தாய நிஹந்யாம்ரு'ஷிகண்டகம் ॥ 2 ॥
ஏவமுக்தாஸ்ஸுராஸ்ஸர்வே ப்ரத்யூசுர்விஷ்ணுமவ்யயம் ।
மாநுஷீம் தநுமாஸ்தாய ராவணம் ஜஹி ஸம்யுகே ॥ 3 ॥
ஸ ஹி தேபே தபஸ்தீவ்ரம் தீர்ககாலமரிந்தம ।
யேந துஷ்டோऽபவத்ப்ரஹ்மா லோகக்ரு'ல்லோகபூர்வஜஃ ॥ 4 ॥
ஸந்துஷ்டஃ ப்ரததௌ தஸ்மை ராக்ஷஸாய வரம் ப்ரபுஃ ।
04 நாநாவிதேப்யோ பூதேப்யோ பயம் நாந்யத்ர மாநுஷாத் ॥ 5 ॥
அவஜ்ஞாதாஃ புரா தேந வரதாநே ஹி மாநவாஃ ।
105 ஏவம் பிதாமஹாத்தஸ்மாத்வரம் ப்ராப்ய ஸ தர்பிதஃ ॥ 6 ॥
உத்ஸாதயதி லோகாந்த்ரீந் ஸ்த்ரியஶ்சாப்யபகர்ஷதி ।
தஸ்மாத்தஸ்ய வதோ த்ரு'ஷ்டோ மாநுஷேப்யஃ பரந்தப ॥ 7 ॥
இத்யேதத்வசநம் ஶ்ருத்வா ஸுராணாம் விஷ்ணுராத்மவாந் ।
பிதரம் ரோசயாமாஸ ததா தஶரதம் ந்ரு'பம் ॥ 8 ॥
ஸ சாப்யபுத்ரோ ந்ரு'பதிஸ்தஸ்மிந்காலே மஹாத்யுதிஃ ।
அயஜத்புத்ரியாமிஷ்டிம் புத்ரேப்ஸுரரிஸூதநஃ ॥ 9 ॥
ஸ க்ரு'த்வா நிஶ்சயம் விஷ்ணுராமந்த்ர்ய ச பிதாமஹம் ।
அந்தர்தாநம் கதோ தேவைஃ பூஜ்யமாநோ மஹர்ஷிபிஃ ॥ 10 ॥
தோ வை யஜமாநஸ்ய பாவகாததுலப்ரபம் ।
ப்ராதுர்பூதம் மஹத்பூதம் மஹாவீர்யம் மஹாபலம் ॥ 11 ॥
க்ரு'ஷ்ணம் ரக்தாம்பரதரம் ரக்தாஸ்யம் துந்துபிஸ்வநம் ।
ஸ்நிக்தஹர்யக்ஷதநுஜஶ்மஶ்ருப்ரவரமூர்தஜம் ॥ 12 ॥
ஶுபலக்ஷணஸம்பந்நம் திவ்யாபரணபூஷிதம் ।
ஶைலஶ்ரு'ங்கஸமுத்ஸேதம் த்ரு'ப்தஶார்தூலவிக்ரமம் ॥ 13 ॥
திவாகரஸமாகாரம் தீப்தாநலஶிகோபமம் ।
தப்தஜாம்பூநதமயீம் ராஜதாந்தபரிச்சதாம் ॥ 14 ॥
திவ்யபாயஸஸம்பூர்ணாம் பாத்ரீம் பத்நீமிவ ப்ரியாம் ।
ப்ரக்ரு'ஹ்ய விபுலாம் தோர்ப்யாம் ஸ்வயம் மாயாமயீமிவ ॥ 15 ॥
ஸமவேக்ஷ்யாப்ரவீத்வாக்யமிதம் தஶரதம் ந்ரு'பம் ।
ப்ராஜாபத்யம் நரம் வித்தி மாமிஹாப்யாகதம் ந்ரு'ப ॥ 16 ॥
ததஃ பரம் ததா ராஜா ப்ரத்யுவாச க்ரு'தாஞ்ஜலிஃ ।
பகவந் ஸ்வாகதம் தேऽஸ்து கிமஹம் கரவாணி தே ॥ 17 ॥
அதோ புநரிதம் வாக்யம் ப்ராஜாபத்யோ நரோऽப்ரவீத் ।
ராஜந்நர்சயதா தேவாநத்ய ப்ராப்தமிதம் த்வயா ॥ 18 ॥
இதம் து ந்ரு'பஶார்தூல பாயஸம் தேவநிர்மிதம் ।
ப்ரஜாகரம் க்ரு'ஹாண த்வம் தந்யமாரோக்யவர்தநம் ॥ 19 ॥
பார்யாணாமநுரூபாணாமஶ்நீதேதி ப்ரயச்ச வை ।
தாஸு த்வம் ப்ராப்ஸ்யஸே புத்ராந்யதர்தம் யஜஸே ந்ரு'ப ॥ 20 ॥
ததேதி ந்ரு'பதிஃ ப்ரீதஶ்ஶிரஸா ப்ரதிக்ரு'ஹ்யதாம் ।
பாத்ரீம் தேவாந்நஸம்பூர்ணாம் தேவதத்தாம் ஹிரண்மயீம் ॥ 21 ॥
அபிவாத்ய ச தத்பூதமத்புதம் ப்ரியதர்ஶநம் ।
முதா பரமயா யுக்தஶ்சகாராபிப்ரதக்ஷிணம் ॥ 22 ॥
ததோ தஶரதஃ ப்ராப்ய பாயஸம் தேவநிர்மிதம் ।
பபூவ பரமப்ரீதஃ ப்ராப்ய வித்தமிவாதநஃ ॥ 23 ॥
ததஸ்ததத்புதப்ரக்யம் பூதம் பரமபாஸ்வரம் ।
ஸம்வர்தயித்வா தத்கர்ம தத்ரைவாந்தரதீயத ॥ 24 ॥
ஹர்ஷரஶ்மிபிருத்யோதம் தஸ்யாந்தஃபுரமாபபௌ ।
ஶாரதஸ்யாபிராமஸ்ய சந்த்ரஸ்யேவ நபோம்ऽஶுபிஃ ॥ 25 ॥
ஸோऽந்தஃபுரம் ப்ரவிஶ்யைவ கௌஸல்யாமிதமப்ரவீத் ।
பாயஸம் ப்ரதிக்ரு'ஹ்ணீஷ்வ புத்ரீயம் த்விதமாத்மநஃ ॥ 26 ॥
கௌஸல்யாயை நரபதிஃ பாயஸார்தம் ததௌ ததா ।
அர்தாதர்தம் ததௌ சாபி ஸுமித்ராயை நராதிபஃ ॥ 27 ॥
கைகேய்யை சாவஶிஷ்டார்தம் ததௌ புத்ரார்தகாரணாத் ।
ப்ரததௌ சாவஶிஷ்டார்தம் பாயஸஸ்யாம்ரு'தோபமம் ॥ 28 ॥
அநுசிந்த்ய ஸுமித்ராயை புநரேவ மஹீபதிஃ ।
ஏவம் தாஸாம் ததௌ ராஜா பார்யாணாம் பாயஸம் ப்ரு'தக் ॥ 29 ॥
தாஸ்த்வேதத்பாயஸம் ப்ராப்ய நரேந்த்ரஸ்யோத்தமாஸ்ஸ்த்ரயஃ ।
ஸம்மாநம் மேநிரே ஸர்வாம்ஃ ப்ரஹர்ஷோதிதசேதஸஃ ॥ 30 ॥
ததஸ்து தாஃ ப்ராஶ்ய ததுத்தமாஸ்த்ரியோ மஹீபதேருத்தமபாயஸம் ப்ரு'தக் ।
ஹுதாஶநாதித்யஸமாநதேஜஸோ ऽசிரேண கர்பாந்ப்ரதிபேதிரே ததா ॥ 31 ॥
ததஸ்து ராஜா ப்ரஸமீக்ஷ்ய தாஃ ஸ்த்ரியஃ ப்ரரூடகர்பாஃ ப்ரதிலப்தமாநஸஃ ।
பபூவ ஹ்ரு'ஷ்டஸ்த்ரிதிவே யதா ஹரிஃ ஸுரேந்த்ரஸித்தர்ஷிகணாபிபூஜிதஃ ॥ 32 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே பாலகாண்டே ஷோடஶஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha ṣoḍaśassargaḥ |
tato nārāyaṇo devo niyuktassurasattamaiḥ |
jānannapi surānevaṃ ślakṣṇaṃ vacanamabravīt || 1 ||
upāyaḥ ko vadhe tasya rāvaṇasya durātmanaḥ |
yamahaṃ taṃ samāsthāya nihanyāmṛṣikaṇṭakam || 2 ||
evamuktāssurāssarve pratyūcurviṣṇumavyayam |
mānuṣīṃ tanumāsthāya rāvaṇaṃ jahi saṃyuge || 3 ||
sa hi tepe tapastīvraṃ dīrghakālamarindama |
yena tuṣṭo'bhavadbrahmā lokakṛllokapūrvajaḥ || 4 ||
santuṣṭaḥ pradadau tasmai rākṣasāya varaṃ prabhuḥ |
04 nānāvidhebhyo bhūtebhyo bhayaṃ nānyatra mānuṣāt || 5 ||
avajñātāḥ purā tena varadāne hi mānavāḥ |
105 evaṃ pitāmahāttasmādvaraṃ prāpya sa darpitaḥ || 6 ||
utsādayati lokāntrīn striyaścāpyapakarṣati |
tasmāttasya vadho dṛṣṭo mānuṣebhyaḥ parantapa || 7 ||
ityetadvacanaṃ śrutvā surāṇāṃ viṣṇurātmavān |
pitaraṃ rocayāmāsa tadā daśarathaṃ nṛpam || 8 ||
sa cāpyaputro nṛpatistasminkāle mahādyutiḥ |
ayajatputriyāmiṣṭiṃ putrepsurarisūdanaḥ || 9 ||
sa kṛtvā niścayaṃ viṣṇurāmantrya ca pitāmaham |
antardhānaṃ gato devaiḥ pūjyamāno maharṣibhiḥ || 10 ||
to vai yajamānasya pāvakādatulaprabham |
prādurbhūtaṃ mahadbhūtaṃ mahāvīryaṃ mahābalam || 11 ||
kṛṣṇaṃ raktāmbaradharaṃ raktāsyaṃ dundubhisvanam |
snigdhaharyakṣatanujaśmaśrupravaramūrdhajam || 12 ||
śubhalakṣaṇasampannaṃ divyābharaṇabhūṣitam |
śailaśṛṅgasamutsethaṃ dṛptaśārdūlavikramam || 13 ||
divākarasamākāraṃ dīptānalaśikhopamam |
taptajāmbūnadamayīṃ rājatāntaparicchadām || 14 ||
divyapāyasasampūrṇāṃ pātrīṃ patnīmiva priyām |
pragṛhya vipulāṃ dorbhyāṃ svayaṃ māyāmayīmiva || 15 ||
samavekṣyābravīdvākyamidaṃ daśarathaṃ nṛpam |
prājāpatyaṃ naraṃ viddhi māmihābhyāgataṃ nṛpa || 16 ||
tataḥ paraṃ tadā rājā pratyuvāca kṛtāñjaliḥ |
bhagavan svāgataṃ te'stu kimahaṃ karavāṇi te || 17 ||
atho punaridaṃ vākyaṃ prājāpatyo naro'bravīt |
rājannarcayatā devānadya prāptamidaṃ tvayā || 18 ||
idaṃ tu nṛpaśārdūla pāyasaṃ devanirmitam |
prajākaraṃ gṛhāṇa tvaṃ dhanyamārogyavardhanam || 19 ||
bhāryāṇāmanurūpāṇāmaśnīteti prayaccha vai |
tāsu tvaṃ prāpsyase putrānyadarthaṃ yajase nṛpa || 20 ||
tatheti nṛpatiḥ prītaśśirasā pratigṛhyatām |
pātrīṃ devānnasampūrṇāṃ devadattāṃ hiraṇmayīm || 21 ||
abhivādya ca tadbhūtamadbhutaṃ priyadarśanam |
mudā paramayā yuktaścakārābhipradakṣiṇam || 22 ||
tato daśarathaḥ prāpya pāyasaṃ devanirmitam |
babhūva paramaprītaḥ prāpya vittamivādhanaḥ || 23 ||
tatastadadbhutaprakhyaṃ bhūtaṃ paramabhāsvaram |
saṃvartayitvā tatkarma tatraivāntaradhīyata || 24 ||
harṣaraśmibhirudyotaṃ tasyāntaḥpuramābabhau |
śāradasyābhirāmasya candrasyeva nabhoṃ'śubhiḥ || 25 ||
so'ntaḥpuraṃ praviśyaiva kausalyāmidamabravīt |
pāyasaṃ pratigṛhṇīṣva putrīyaṃ tvidamātmanaḥ || 26 ||
kausalyāyai narapatiḥ pāyasārdhaṃ dadau tadā |
ardhādardhaṃ dadau cāpi sumitrāyai narādhipaḥ || 27 ||
kaikeyyai cāvaśiṣṭārdhaṃ dadau putrārthakāraṇāt |
pradadau cāvaśiṣṭārdhaṃ pāyasasyāmṛtopamam || 28 ||
anucintya sumitrāyai punareva mahīpatiḥ |
evaṃ tāsāṃ dadau rājā bhāryāṇāṃ pāyasaṃ pṛthak || 29 ||
tāstvetatpāyasaṃ prāpya narendrasyottamāsstrayaḥ |
sammānaṃ menire sarvāṃḥ praharṣoditacetasaḥ || 30 ||
tatastu tāḥ prāśya taduttamāstriyo mahīpateruttamapāyasaṃ pṛthak |
hutāśanādityasamānatejaso 'cireṇa garbhānpratipedire tadā || 31 ||
tatastu rājā prasamīkṣya tāḥ striyaḥ prarūḍhagarbhāḥ pratilabdhamānasaḥ |
babhūva hṛṣṭastridive yathā hariḥ surendrasiddharṣigaṇābhipūjitaḥ || 32 ||
ityārṣe śrīmadrāmāyaṇe vālmīkīya ādikāvye bālakāṇḍe ṣoḍaśassargaḥ ||
InfoLyter.in — Sacred Vedic Knowledge Portal · Free forever