Uddhavagita - Asshtamo'dhyayah

ॐ

உத்தவகீதா - அஸ்ஶ்டமோऽத்யாயஃ

Gita Tamil

அதாஸ்ஶ்டமோऽத்யாயஃ ।

ஸுகம் ஐந்த்ரியகம் ராஜந் ஸ்வர்கே நரகஃ ஏவ ச ।

தேஹிநஃ யத் யதா துஃகம் தஸ்மாத் ந இச்சேத தத் புதாஃ ॥ 1॥

க்ராஸம் ஸும்ரு'ஷ்டம் விரஸம் மஹாந்தம் ஸ்தோகம் ஏவ வா ।

யத்ரு'ச்சயா ஏவ அபதிதம் க்ரஸேத் ஆஜகரஃ அக்ரியஃ ॥ 2॥

ஶயீத அஹாநி பூரீணி நிராஹாரஃ அநுபக்ரமஃ ।

யதி ந உபநமேத் க்ராஸஃ மஹாஹிஃ இவ திஷ்டபுக் ॥ 3॥

ஓஜஃ ஸஹோபலயுதம் பிப்ரத் தேஹம் அகர்மகம் ।

ஶயாநஃ வீதநித்ரஃ ச நேஹேத இந்த்ரியவாந் அபி ॥ 4॥

முநிஃ ப்ரஸந்நகம்பீரஃ துர்விகாஹ்யஃ துரத்யயஃ ।

அநந்தபாரஃ ஹி அக்ஷோப்யஃ ஸ்திமித உதஃ இவ அர்ணவஃ ॥ 5॥

ஸம்ரு'த்தகாமஃ ஹீநஃ வா நாராயணபரஃ முநிஃ ।

ந உத்ஸர்பேத ந ஶுஷ்யேத ஸரித்பிஃ இவ ஸாகரஃ ॥ 6॥

த்ரு'ஷ்ட்வா ஸ்த்ரியம் தேவமாயாம் தத் பாவைஃ அஜிதேந்த்ரியஃ ।

ப்ரலோபிதஃ பததி அந்தே தமஸி அக்நௌ பதங்கவத் ॥ 7॥

யோஷித் ஹிரண்ய ஆபரண அம்பராதி

த்ரவ்யேஷு மாயாரசிதேஷு மூடஃ ।

ப்ரலோபிதாத்மா ஹி உபபோகபுத்த்யா

பதங்கவத் நஶ்யதி நஷ்டத்ரு'ஷ்டிஃ ॥ 8॥

ஸ்தோகம் ஸ்தோகம் க்ரஸேத் க்ராஸம் தேஹஃ வர்தேத யாவதா ।

க்ரு'ஹாந் அஹிம்ஸத் ந ஆதிஷ்டேத் வ்ரு'த்திம் மாதுகரீம் முநிஃ ॥ 9॥

அணுப்யஃ ச மஹத்ப்யஃ ச ஶாஸ்த்ரேப்யஃ குஶலஃ நரஃ ।

ஸர்வதஃ ஸாரம் ஆதத்யாத் புஷ்பேப்யஃ இவ ஷட்பதஃ ॥ 10॥

ஸாயந்தநம் ஶ்வஸ்தநம் வா ந ஸங்க்ரு'ஹ்ணீத பிக்ஷிதம் ।

பாணிபாத்ர உதராமத்ரஃ மக்ஷிகா இவ ந ஸங்க்ரஹீ ॥ 11॥

ஸாயந்தநம் ஶ்வஸ்தநம் வா ந ஸங்க்ரு'ஹ்ணீத பிக்ஷுகஃ ।

மக்ஷிகாஃ இவ ஸங்க்ரு'ஹ்ணந் ஸஹ தேந விநஶ்யதி ॥ 12॥

பத அபி யுவதீம் பிக்ஷுஃ ந ஸ்ப்ரு'ஶேத் தாரவீம் அபி ।

ஸ்ப்ரு'ஶந் கரீவ பத்யேத கரிண்யா அங்கஸங்கதஃ ॥ 13॥

ந அதிகச்சேத் ஸ்த்ரியம் ப்ராஜ்ஞஃ கர்ஹிசித் ம்ரு'த்யும் ஆத்மநஃ ।

பல அதிகைஃ ஸ ஹந்யேத கஜைஃ அந்யைஃ கஜஃ யதா ॥ 14॥

ந தேயம் ந உபபோக்யம் ச லுப்தைஃ யத் துஃக ஸஞ்சிதம் ।

புங்க்தே தத் அபி தத் ச அந்யஃ மதுஹேவ அர்தவித் மது ॥ 15॥

ஸுக துஃக உபார்ஜிதைஃ வித்தைஃ ஆஶாஸாநாம் க்ரு'ஹ ஆஶிஷஃ ।

மதுஹேவ அக்ரதஃ புங்க்தே யதிஃ வை க்ரு'ஹமேதிநாம் ॥ 16॥

க்ராம்யகீதம் ந ஶ்ருணுயாத் யதிஃ வநசரஃ க்வசித் ।

ஶிகேத ஹரிணாத் வத்தாத் ம்ரு'கயோஃ கீதமோஹிதாத் ॥ 17॥

ந்ரு'த்யவாதித்ரகீதாநி ஜுஷந் க்ராம்யாணி யோஷிதாம் ।

ஆஸாம் க்ரீடநகஃ வஶ்யஃ ரு'ஷ்யஶ‍ரு'ங்கஃ ம்ரு'கீஸுதஃ ॥ 18॥

ஜிஹ்வயா அதிப்ரமாதிந்யா ஜநஃ ரஸவிமோஹிதஃ ।

ம்ரு'த்யும் ரு'ச்சதி அஸத் புத்திஃ மீநஃ து படிஶைஃ யதா ॥ 19॥

இந்த்ரியாணி ஜயந்தி ஆஶுஃ நிராஹாராஃ மநீஷிணஃ ।

வர்ஜயித்வா து ரஸநம் தத் நிரந்நஸ்ய வர்ததே ॥ 20॥

தாவத் ஜிதேந்த்ரியஃ ந ஸ்யாத் விஜிதாநி இந்த்ரியஃ புமாந் ।

ந ஜயேத் ரஸநம் யாவத் ஜிதம் ஸர்வம் ஜிதே ரஸே ॥ 21॥

பிங்கலா நாம வேஶ்யா ஆஸீத் விதேஹநகரே புரா ।

தஸ்யா மே ஶிக்ஷிதம் கிஞ்சித் நிபோத ந்ரு'பநந்தந ॥ 22॥

ஸா ஸ்வைரிண்யேகதா காந்தம் ஸங்கேத உபநேஷ்யதீ ।

அபூத்காலே பஹிர்த்வாரி பிப்ரதீ ரூபமுத்தமம் ॥ 23॥

மார்க ஆகச்சதோ வீக்ஷ்ய புருஷாந்புருஷர்ஷப ।

தாந் ஶுல்கதாந்வித்தவதஃ காந்தாந்மேநேऽர்தகாமுகா ॥ 24॥

ஆகதேஷ்வபயாதேஷு ஸா ஸங்கேதோபஜீவநீ ।

அப்யந்யோ வித்தவாந்கோऽபி மாமுபைஷ்யதி பூரிதஃ ॥ 25॥

ஏஅவம் துராஶயா த்வஸ்தநித்ரா த்வார்யவலம்பதீ ।

நிர்கச்சந்தீ ப்ரவிஶதீ நிஶீதம் ஸமபத்யத ॥ 26॥

தஸ்யா வித்தாஶயா ஶுஷ்யத்வக்த்ராயா தீநசேதஸஃ ।

நிர்வேதஃ பரமோ ஜஜ்ஞே சிந்தாஹேதுஃ ஸுகாவஹஃ ॥ 27॥

தஸ்யா நிர்விண்ணசித்தாயா கீதம் ஶ்ருணு யதா மம ।

நிர்வேத ஆஶாபாஶாநாம் புருஷஸ்ய யதா ஹ்யஸிஃ ॥ 28॥

ந ஹி அங்காஜாதநிர்வேதஃ தேஹபந்தம் ஜிஹாஸதி ।

யதா விஜ்ஞாநரஹிதஃ மநுஜஃ மமதாம் ந்ரு'ப ॥ 29॥

பிங்கலா உவாச ।

அஹோ மே மோஹவிததிம் பஶ்யத அவிஜித ஆத்மநஃ ।

யா காந்தாத் அஸதஃ காமம் காமயே யேந பாலிஶா ॥ 30॥

ஸந்தம் ஸமீபே ரமணம் ரதிப்ரதம்

வித்தப்ரதம் நித்யம் இமம் விஹாய ।

அகாமதம் துஃகபய ஆதி ஶோக

மோஹப்ரதம் துச்சம் அஹம் பஜே அஜ்ஞா ॥ 31॥

அஹோ மயாத்மா பரிதாபிதோ வ்ரு'தா

ஸாங்கேத்யவ்ரு'த்த்யாऽதிவிகர்ஹ்யவார்தயா ।

ஸ்த்ரைணாந்நராத்யாऽர்தத்ரு'ஷோऽநுஶோச்யா

த்க்ரீதேந வித்தம் ரதிமாத்மநேச்சதீ ॥ 32॥

யதஸ்திபிர்நிர்மிதவம்ஶவம்ஶ்ய

ஸ்தூணம் த்வசா ரோமநகைஃ பிநத்தம் ।

க்ஷரந்நவத்வாரமகாரமேதத்

விண்மூத்ரபூர்ணம் மதுபைதி காந்யா ॥ 33॥

விதேஹாநாம் புரே ஹ்யஸ்மிந்நஹமேகைவ மூடதீஃ ।

யாऽந்யஸ்மிச்சந்த்யஸத்யஸ்மாதாத்மதாத்காமமச்யுதாத் ॥ 34॥

ஸுஹ்ரு'த்ப்ரேஷ்டதமோ நாத ஆத்மா சாயம் ஶரீரிணாம் ।

தம் விக்ரீயாத்மநைவாஹம் ரமேऽநேந யதா ரமா ॥ 35॥

கியத்ப்ரியம் தே வ்யபஜந்காமா யே காமதா நராஃ ।

ஆத்யந்தவந்தோ பார்யாயா தேவா வா காலவித்ருதாஃ ॥ 36॥

நூநம் மே பகவாந் ப்ரீதஃ விஷ்ணுஃ கேந அபி கர்மணா ।

நிர்வேதஃ அயம் துராஶாயா யத் மே ஜாதஃ ஸுகாவஹஃ ॥ 37॥

மைவம் ஸ்யுர்மந்தபக்யாயாஃ க்லேஶா நிர்வேதஹேதவஃ ।

யேநாநுபந்தம் நிஹ்ரு'த்ய புருஷஃ ஶமம்ரு'ச்சதி ॥ 38॥

தேந உபக்ரு'தம் ஆதாய ஶிரஸா க்ராம்யஸங்கதாஃ ।

த்யக்த்வா துராஶாஃ ஶரணம் வ்ரஜாமி தம் அதீஶ்வரம் ॥ 39॥

ஸந்துஷ்டா ஶ்ரத்ததத்யேதத்யதாலாபேந ஜீவதீ ।

விஹராம்யமுநைவாஹமாத்மநா ரமணேந வை ॥ 40॥

ஸம்ஸாரகூபே பதிதம் விஷயைர்முஷிதேக்ஷணம் ।

க்ரஸ்தம் காலாஹிநாऽऽத்மாநம் கோऽந்யஸ்த்ராதுமதீஶ்வரஃ ॥ 41॥

ஆத்மா ஏவ ஹி ஆத்மநஃ கோப்தா நிர்வித்யேத யதாகிலாத் ।

அப்ரமத்தஃ இதம் பஶ்யத் க்ரஸ்தம் காலாஹிநா ஜகத் ॥ 42॥

ப்ராஹ்மண உவாச ।

ஏஅவம் வ்யவஸிதமதிர்துராஶாம் காந்ததர்ஷஜாம் ।

சித்வோபஶமமாஸ்தாய ஶய்யாமுபவிவேஶ ஸா ॥ 43॥

ஆஶா ஹி பரமம் துஃகம் நைராஶ்யம் பரமம் ஸுகம் ।

யதா ஸஞ்சித்ய காந்தாஶாம் ஸுகம் ஸுஷ்வாப பிங்கலா ॥ 44॥

இதி ஶ்ரீமத்பாகவதே மஹாபுராணே பாரமஹம்ஸ்யாம்

ஸம்ஹிதாயாமேகாதஶஸ்கந்தே பிங்கலோபாக்யாऽநேஷ்டமோऽத்யாயஃ ॥

Roman (IAST) Transliteration

athāsśṭamo'dhyāyaḥ |

sukhaṃ aindriyakaṃ rājan svarge narakaḥ eva ca |

dehinaḥ yat yathā duḥkhaṃ tasmāt na iccheta tat budhāḥ || 1||

grāsaṃ sumṛṣṭaṃ virasaṃ mahāntaṃ stokaṃ eva vā |

yadṛcchayā eva apatitaṃ graset ājagaraḥ akriyaḥ || 2||

śayīta ahāni bhūrīṇi nirāhāraḥ anupakramaḥ |

yadi na upanamet grāsaḥ mahāhiḥ iva diṣṭabhuk || 3||

ojaḥ sahobalayutaṃ bibhrat dehaṃ akarmakam |

śayānaḥ vītanidraḥ ca neheta indriyavān api || 4||

muniḥ prasannagambhīraḥ durvigāhyaḥ duratyayaḥ |

anantapāraḥ hi akṣobhyaḥ stimita udaḥ iva arṇavaḥ || 5||

samṛddhakāmaḥ hīnaḥ vā nārāyaṇaparaḥ muniḥ |

na utsarpeta na śuṣyeta saridbhiḥ iva sāgaraḥ || 6||

dṛṣṭvā striyaṃ devamāyāṃ tat bhāvaiḥ ajitendriyaḥ |

pralobhitaḥ patati andhe tamasi agnau pataṅgavat || 7||

yoṣit hiraṇya ābharaṇa ambarādi

dravyeṣu māyāraciteṣu mūḍhaḥ |

pralobhitātmā hi upabhogabuddhyā

pataṅgavat naśyati naṣṭadṛṣṭiḥ || 8||

stokaṃ stokaṃ graset grāsaṃ dehaḥ varteta yāvatā |

gṛhān ahiṃsat na ātiṣṭhet vṛttiṃ mādhukarīṃ muniḥ || 9||

aṇubhyaḥ ca mahadbhyaḥ ca śāstrebhyaḥ kuśalaḥ naraḥ |

sarvataḥ sāraṃ ādadyāt puṣpebhyaḥ iva ṣaṭpadaḥ || 10||

sāyantanaṃ śvastanaṃ vā na saṅgṛhṇīta bhikṣitam |

pāṇipātra udarāmatraḥ makṣikā iva na saṅgrahī || 11||

sāyantanaṃ śvastanaṃ vā na saṅgṛhṇīta bhikṣukaḥ |

makṣikāḥ iva saṅgṛhṇan saha tena vinaśyati || 12||

pada api yuvatīṃ bhikṣuḥ na spṛśet dāravīṃ api |

spṛśan karīva badhyeta kariṇyā aṅgasaṅgataḥ || 13||

na adhigacchet striyaṃ prājñaḥ karhicit mṛtyuṃ ātmanaḥ |

bala adhikaiḥ sa hanyeta gajaiḥ anyaiḥ gajaḥ yathā || 14||

na deyaṃ na upabhogyaṃ ca lubdhaiḥ yat duḥkha sañcitam |

bhuṅkte tat api tat ca anyaḥ madhuheva arthavit madhu || 15||

sukha duḥkha upārjitaiḥ vittaiḥ āśāsānāṃ gṛha āśiṣaḥ |

madhuheva agrataḥ bhuṅkte yatiḥ vai gṛhamedhinām || 16||

grāmyagītaṃ na śruṇuyāt yatiḥ vanacaraḥ kvacit |

śikheta hariṇāt vaddhāt mṛgayoḥ gītamohitāt || 17||

nṛtyavāditragītāni juṣan grāmyāṇi yoṣitām |

āsāṃ krīḍanakaḥ vaśyaḥ ṛṣyaśa‍ṛṅgaḥ mṛgīsutaḥ || 18||

jihvayā atipramāthinyā janaḥ rasavimohitaḥ |

mṛtyuṃ ṛcchati asat buddhiḥ mīnaḥ tu baḍiśaiḥ yathā || 19||

indriyāṇi jayanti āśuḥ nirāhārāḥ manīṣiṇaḥ |

varjayitvā tu rasanaṃ tat nirannasya vardhate || 20||

tāvat jitendriyaḥ na syāt vijitāni indriyaḥ pumān |

na jayet rasanaṃ yāvat jitaṃ sarvaṃ jite rase || 21||

piṅgalā nāma veśyā āsīt videhanagare purā |

tasyā me śikṣitaṃ kiñcit nibodha nṛpanandana || 22||

sā svairiṇyekadā kāntaṃ saṅketa upaneṣyatī |

abhūtkāle bahirdvāri bibhratī rūpamuttamam || 23||

mārga āgacchato vīkṣya puruṣānpuruṣarṣabha |

tān śulkadānvittavataḥ kāntānmene'rthakāmukā || 24||

āgateṣvapayāteṣu sā saṅketopajīvanī |

apyanyo vittavānko'pi māmupaiṣyati bhūridaḥ || 25||

eavaṃ durāśayā dhvastanidrā dvāryavalambatī |

nirgacchantī praviśatī niśīthaṃ samapadyata || 26||

tasyā vittāśayā śuṣyadvaktrāyā dīnacetasaḥ |

nirvedaḥ paramo jajñe cintāhetuḥ sukhāvahaḥ || 27||

tasyā nirviṇṇacittāyā gītaṃ śruṇu yathā mama |

nirveda āśāpāśānāṃ puruṣasya yathā hyasiḥ || 28||

na hi aṅgājātanirvedaḥ dehabandhaṃ jihāsati |

yathā vijñānarahitaḥ manujaḥ mamatāṃ nṛpa || 29||

piṅgalā uvāca |

aho me mohavitatiṃ paśyata avijita ātmanaḥ |

yā kāntāt asataḥ kāmaṃ kāmaye yena bāliśā || 30||

santaṃ samīpe ramaṇaṃ ratipradaṃ

vittapradaṃ nityaṃ imaṃ vihāya |

akāmadaṃ duḥkhabhaya ādi śoka

mohapradaṃ tucchaṃ ahaṃ bhaje ajñā || 31||

aho mayātmā paritāpito vṛthā

sāṅketyavṛttyā'tivigarhyavārtayā |

straiṇānnarādyā'rthatṛṣo'nuśocyā

tkrītena vittaṃ ratimātmanecchatī || 32||

yadasthibhirnirmitavaṃśavaṃśya

sthūṇaṃ tvacā romanakhaiḥ pinaddham |

kṣarannavadvāramagārametad

viṇmūtrapūrṇaṃ madupaiti kānyā || 33||

videhānāṃ pure hyasminnahamekaiva mūḍhadhīḥ |

yā'nyasmicchantyasatyasmādātmadātkāmamacyutāt || 34||

suhṛtpreṣṭhatamo nātha ātmā cāyaṃ śarīriṇām |

taṃ vikrīyātmanaivāhaṃ rame'nena yathā ramā || 35||

kiyatpriyaṃ te vyabhajankāmā ye kāmadā narāḥ |

ādyantavanto bhāryāyā devā vā kālavidrutāḥ || 36||

nūnaṃ me bhagavān prītaḥ viṣṇuḥ kena api karmaṇā |

nirvedaḥ ayaṃ durāśāyā yat me jātaḥ sukhāvahaḥ || 37||

maivaṃ syurmandabhagyāyāḥ kleśā nirvedahetavaḥ |

yenānubandhaṃ nihṛtya puruṣaḥ śamamṛcchati || 38||

tena upakṛtaṃ ādāya śirasā grāmyasaṅgatāḥ |

tyaktvā durāśāḥ śaraṇaṃ vrajāmi taṃ adhīśvaram || 39||

santuṣṭā śraddadhatyetadyathālābhena jīvatī |

viharāmyamunaivāhamātmanā ramaṇena vai || 40||

saṃsārakūpe patitaṃ viṣayairmuṣitekṣaṇam |

grastaṃ kālāhinā''tmānaṃ ko'nyastrātumadhīśvaraḥ || 41||

ātmā eva hi ātmanaḥ goptā nirvidyeta yadākhilāt |

apramattaḥ idaṃ paśyat grastaṃ kālāhinā jagat || 42||

brāhmaṇa uvāca |

eavaṃ vyavasitamatirdurāśāṃ kāntatarṣajām |

chitvopaśamamāsthāya śayyāmupaviveśa sā || 43||

āśā hi paramaṃ duḥkhaṃ nairāśyaṃ paramaṃ sukham |

yathā sañchidya kāntāśāṃ sukhaṃ suṣvāpa piṅgalā || 44||

iti śrīmadbhāgavate mahāpurāṇe pāramahaṃsyāṃ

saṃhitāyāmekādaśaskandhe piṅgalopākhyā'neṣṭamo'dhyāyaḥ ||