Uddhavagita - Shashtho'dhyayah

ॐ

உத்தவகீதா - ஷஷ்டோऽத்யாயஃ

Gita Tamil

அத ஷஷ்டோऽத்யாயஃ ।

ஶ்ரீஶுகஃ உவாச ।

அத ப்ரஹ்மா ஆத்மஜைஃ தேவைஃ ப்ரஜேஶைஃ ஆவ்ரு'தஃ அப்யகாத் ।

பவஃ ச பூதபவ்யீஶஃ யயௌ பூதகணைஃ வ்ரு'தஃ ॥ 1॥

இந்த்ரஃ மருத்பிஃ பகவாந் ஆதித்யாஃ வஸவஃ அஶ்விநௌ ।

ரு'பவஃ அங்கிரஸஃ ருத்ராஃ விஶ்வே ஸாத்யாஃ ச தேவதாஃ ॥ 2॥

கந்தர்வாப்ஸரஸஃ நாகாஃ ஸித்தசாரணகுஹ்யகாஃ ।

ரு'ஷயஃ பிதரஃ ச ஏவ ஸவித்யாதரகிந்நராஃ ॥ 3॥

த்வாரகாம் உபஸஞ்ஜக்முஃ ஸர்வே க்ரு'ஷ்ணாதித்ரு'க்ஷவஃ ।

வபுஷா யேந பகவாந் நரலோகமநோரமஃ ।

யஶஃ விதேநே லோகேஷு ஸர்வலோகமலாபஹம் ॥ 4॥

தஸ்யாம் விப்ராஜமாநாயாம் ஸம்ரு'த்தாயாம் மஹர்திபிஃ ।

வ்யசக்ஷத அவித்ரு'ப்தாக்ஷாஃ க்ரு'ஷ்ணம் அத்புததர்ஶநம் ॥

5॥

ஸ்வர்கௌத்யாநௌஅபகைஃ மால்யைஃ சாதயந்தஃ யது உத்தமம் ।

கீர்பிஃ சித்ரபதார்தாபிஃ துஷ்டுவுஃ ஜகத் ஈஶ்வரம் ॥6॥

தேவாஃ ஊசுஃ ।

நதாஃ ஸ்ம தே நாத பதாரவிந்தம்

புத்தீந்த்ரியப்ராணமநோவசோபிஃ ।

யத் சிந்த்யதே அந்தர்ஹ்ரு'தி பாவயுக்தைஃ

முமுக்ஷுபிஃ கர்மமய ஊருபாஶாத் ॥ 7॥

த்வம் மாயயா த்ரிகுணயா ஆத்மநி துர்விபாவ்யம்

வ்யக்தம் ஸ்ரு'ஜஸி அவஸி லும்பஸி தத் குணஸ்தஃ ।

ந ஏதைஃ பவாந் அஜித கர்மபிஃ அஜ்யதே வை

யத் ஸ்வே ஸுகே அவ்யவஹிதே அபிரதஃ அநவத்யஃ ॥ 8॥

ஶுத்திஃ ந்ரு'ணாம் ந து ததா ஈட்ய துராஶயாநாம்

வித்யாஶ்ருதாத்யயநதாநதபக்ரியாபிஃ ।

ஸத்த்வாத்மநாம் ரு'ஷப தே யஶஸி ப்ரவ்ரு'த்த

ஸத் ஶ்ரத்தயா ஶ்ரவணஸம்ப்ரு'தயா யதா ஸ்யாத் ॥ 9॥

ஸ்யாத் நஃ தவ அங்க்ரிஃ அஶுபாஶயதூமகேதுஃ

க்ஷேமாய யஃ முநிபிஃ ஆர்த்ரஹ்ரு'தௌஹ்யமாநஃ ।

யஃ ஸாத்வதைஃ ஸமவிபூதயஃ ஆத்மவத்பிஃ

வ்யூஹே அர்சிதஃ ஸவநஶஃ ஸ்வஃ அதிக்ரமாய ॥ 10॥

யஃ சிந்த்யதே ப்ரயதபாணிபிஃ அத்வராக்நௌ

த்ரய்யா நிருக்தவிதிநா ஈஶ ஹவிஃ க்ரு'ஹீத்வா ।

அத்யாத்மயோகஃ உத யோகிபிஃ ஆத்மமாயாம்

ஜிஜ்ஞாஸுபிஃ பரமபாகவதைஃ பரீஷ்டஃ ॥ 11॥

பர்யுஷ்டயா தவ விபோ வநமாலயா இயம்

ஸம்ஸ்பர்திநீ பகவதீ ப்ரதிபத்நிவத் ஶ்ரீஃ ।

யஃ ஸுப்ரணீதம் அமுயார்ஹணம் ஆதத் அந்நஃ

பூயாத் ஸதா அங்க்ரிஃ அஶுபாஶயதூமகேதுஃ ॥ 12॥

கேதுஃ த்ரிவிக்ரமயுதஃ த்ரிபத் பதாகஃ

யஃ தே பயாபயகரஃ அஸுரதேவசம்வோஃ ।

ஸ்வர்காய ஸாதுஷு கலு ஏஷு இதராய பூமந்

பாதஃ புநாது பகவந் பஜதாம் அதம் நஃ ॥ 13॥

நஸ்யோதகாவஃ இவ யஸ்ய வஶே பவந்தி

ப்ரஹ்மாதயஃ அநுப்ரு'தஃ மிதுரர்த்யமாநாஃ ।

காலஸ்ய தே ப்ரக்ரு'திபூருஷயோஃ பரஸ்ய

ஶம் நஃ தநோது சரணஃ புருஷோத்தமஸ்ய ॥ 14॥

அஸ்ய அஸி ஹேதுஃ உதயஸ்திதிஸம்யமாநாம்

அவ்யக்தஜீவமஹதாம் அபி காலம் ஆஹுஃ ।

ஸஃ அயம் த்ரிணாபிஃ அகில அபசயே ப்ரவ்ரு'த்தஃ

காலஃ கபீரரயஃ உத்தமபூருஷஃ த்வம் ॥ 15॥

த்வத்தஃ புமாந் ஸமதிகம்ய யயா ஸ்வவீர்ய

தத்தே மஹாந்தம் இவ கர்பம் அமோகவீர்யஃ ।

ஸஃ அயம் தயா அநுகதஃ ஆத்மநஃ ஆண்டகோஶம்

ஹைமம் ஸஸர்ஜ பஹிஃ ஆவரணைஃ உபேதம் ॥ 16॥

தத்தஸ்துஷஃ ச ஜகதஃ ச பவாந் அதீஶஃ

யத் மாயயா உத்தகுணவிக்ரியயா உபநீதாந் ।

அர்தாந் ஜுஷந் அபி ஹ்ரு'ஷீகபதே ந லிப்தஃ

யே அந்யே ஸ்வதஃ பரிஹ்ரு'தாத் அபி பிப்யதி ஸ்ம ॥ 17॥

ஸ்மாயா அவலோகலவதர்ஶிதபாவஹாரி

ப்ரூமண்டலப்ரஹிதஸௌரதமந்த்ரஶௌண்டைஃ ।

பத்ந்யஃ து ஷோடஶஸஹஸ்ரம் அநங்கபாணைஃ

யஸ்ய இந்த்ரியம் விமதிதும் கரணைஃ விப்வ்யஃ ॥ 18॥

விப்வ்யஃ தவ அம்ரு'தகதா உதவஹாஃ த்ரிலோக்யாஃ

பாதௌ அநேஜஸரிதஃ ஶமலாநி ஹந்தும் ।

ஆநுஶ்ரவம் ஶ்ருதிபிஃ அங்க்ரிஜம் அங்கஸங்கைஃ

தீர்தத்வயம் ஶுசிஷதஸ்தஃ உபஸ்ப்ரு'ஶந்தி ॥ 19॥

பாதராயணிஃ உவாச ।

இதி அபிஷ்டூய விபுதைஃ ஸேஶஃ ஶதத்ரு'திஃ ஹரிம் ।

அப்யபாஷத கோவிந்தம் ப்ரணம்ய அம்பரம் ஆஶ்ரிதஃ ॥ 20॥

ப்ரஹ்ம உவாச ।

பூமேஃ பார அவதாராய புரா விஜ்ஞாபிதஃ ப்ரபோ ।

த்வம் அஸ்மாபிஃ அஶேஷாத்மந் தத் ததா ஏவ உபபாதிதம் ॥ 21॥

தர்மஃ ச ஸ்தாபிதஃ ஸத்ஸு ஸத்யஸந்தேஷு வை த்வயா ।

கீர்திஃ ச திக்ஷு விக்ஷிப்தா ஸர்வலோகமலாபஹா ॥ 22॥

அவதீர்ய யதோஃ வம்ஶே பிப்ரத் ரூபம் அநுத்தமம் ।

கர்மாணி உத்தாமவ்ரு'த்தாநி ஹிதாய ஜகதஃ அக்ரு'தாஃ ॥ 23॥

யாநி தே சரிதாநி ஈஶ மநுஷ்யாஃ ஸாதவஃ கலௌ ।

ஶ‍ரு'ண்வந்தஃ கீர்தயந்தஃ ச தரிஷ்யந்தி அஞ்ஜஸா தமஃ ॥ 24॥

யதுவம்ஶே அவதீர்ணஸ்ய பவதஃ புருஷோத்தம ।

ஶரத் ஶதம் வ்யதீயாய பஞ்சவிம்ஶ அதிகம் ப்ரபோஃ ॥ 25॥

ந அதுநா தே அகில ஆதார தேவகார்ய அவஶேஷிதம் ।

குலம் ச விப்ரஶாபேந நஷ்டப்ராயம் அபூத் இதம் ॥ 26॥

ததஃ ஸ்வதாம பரமம் விஶஸ்வ யதி மந்யஸே ।

ஸலோகாந் லோகபாலாந் நஃ பாஹி வைகுண்டகிங்கராந் ॥ 27॥

ஶ்ரீ பகவாந் உவாச ।

அவதாரிதம் ஏதத் மே யதாத்த விபுதேஶ்வர ।

க்ரு'தம் வஃ கார்யம் அகிலம் பூமேஃ பாரஃ அவதாரிதஃ ॥ 28॥

தத் இதம் யாதவகுலம் வீர்யஶௌர்யஶ்ரியோத்ததம் ।

லோகம் ஜிக்ரு'க்ஷத் ருத்தம் மே வேலயா இவ மஹார்ணவஃ ॥ 29॥

யதி அஸம்ஹ்ரு'த்ய த்ரு'ப்தாநாம் யதுநாம் விபுலம் குலம் ।

கந்தாஸ்மி அநேந லோகஃ அயம் உத்வேலேந விநங்க்ஷ்யதி ॥ 30॥

இதாநீம் நாஶஃ ஆரப்தஃ குலஸ்ய த்விஜஶாபதஃ ।

யாஸ்யாமி பவநம் ப்ரஹ்மந் ந ஏதத் அந்தே தவ ஆநக ॥ 31॥

ஶ்ரீ ஶுகஃ உவாச ।

இதி உக்தஃ லோகநாதேந ஸ்வயம்பூஃ ப்ரணிபத்ய தம் ।

ஸஹ தேவகணைஃ தேவஃ ஸ்வதாம ஸமபத்யத ॥ 32॥

அத தஸ்யாம் மஹோத்பாதாந் த்வாரவத்யாம் ஸமுத்திதாந் ।

விலோக்ய பகவாந் ஆஹ யதுவ்ரு'த்தாந் ஸமாகதாந் ॥ 33॥

ஶ்ரீ பகவாந் உவாச ।

ஏதே வை ஸுமஹோத்பாதாஃ வ்யுத்திஷ்டந்தி இஹ ஸர்வதஃ ।

ஶாபஃ ச நஃ குலஸ்ய ஆஸீத் ப்ராஹ்மணேப்யஃ துரத்யயஃ ॥ 34॥

ந வஸ்தவ்யம் இஹ அஸ்மாபிஃ ஜிஜீவிஷுபிஃ ஆர்யகாஃ ।

ப்ரபாஸம் ஸுமஹத் புண்யம் யாஸ்யாமஃ அத்ய ஏவ மா சிரம் ॥ 35॥

யத்ர ஸ்நாத்வா தக்ஷஶாபாத் க்ரு'ஹீதஃ யக்ஷ்மணௌடுராட் ।

விமுக்தஃ கில்பிஷாத் ஸத்யஃ பேஜே பூயஃ கலோதயம் ॥ 36॥

வயம் ச தஸ்மிந் ஆப்லுத்ய தர்பயித்வா பித்ரூ'ந்ஸுராந் ।

போஜயித்வா உஶிஜஃ விப்ராந் நாநாகுணவதா அந்தஸா ॥ 37॥

தேஷு தாநாநி பாத்ரேஷு ஶ்ரத்தயா உப்த்வா மஹாந்தி வை ।

வ்ரு'ஜிநாநி தரிஷ்யாமஃ தாநைஃ நௌபிஃ இவ அர்ணவம் ॥ 38॥

ஶ்ரீ ஶுகஃ உவாச ।

ஏவம் பகவதா ஆதிஷ்டாஃ யாதவாஃ குலநந்தந ।

கந்தும் க்ரு'ததியஃ தீர்தம் ஸ்யந்தநாந் ஸமயூயுஜந் ॥ 39॥

தத் நிரீக்ஷ்ய உத்தவஃ ராஜந் ஶ்ருத்வா பகவதா உதிதம் ।

த்ரு'ஷ்ட்வா அரிஷ்டாநி கோராணி நித்யம் க்ரு'ஷ்ணம் அநுவ்ரதஃ ॥ 40॥

விவிக்தஃ உபஸங்கம்ய ஜகதாம் ஈஶ்வரேஶ்வரம் ।

ப்ரணம்ய ஶிரஸா பாதௌ ப்ராஞ்ஜலிஃ தம் அபாஷத ॥ 41॥

உத்தவஃ உவாச ।

தேவதேவேஶ யோகேஶ புண்யஶ்ரவணகீர்தந ।

ஸம்ஹ்ரு'த்ய ஏதத் குலம் நூநம் லோகம் ஸந்த்யக்ஷ்யதே பவாந் ।

விப்ரஶாபம் ஸமர்தஃ அபி ப்ரத்யஹந் ந யதி ஈஶ்வரஃ ॥ 42॥

ந அஹம் தவ அங்க்ரிகமலம் க்ஷணார்தம் அபி கேஶவ ।

த்யக்தும் ஸமுத்ஸஹே நாத ஸ்வதாம நய மாம் அபி ॥ 43॥

தவ விக்ரீடிதம் க்ரு'ஷ்ண ந்ரு'ணாம் பரமமங்கலம் ।

கர்ணபீயூஷம் ஆஸ்வாத்ய த்யஜதி அந்யஸ்ப்ரு'ஹாம் ஜநஃ ॥ 44॥

ஶய்யாஸநாடநஸ்தாநஸ்நாநக்ரீடாஶநாதிஷு ।

கதம் த்வாம் ப்ரியம் ஆத்மாநம் வயம் பக்தாஃ த்யஜேமஹி ॥ 45॥

த்வயா உபபுக்தஸ்ரக்கந்தவாஸஃ அலங்காரசர்சிதாஃ ।

உச்சிஷ்டபோஜிநஃ தாஸாஃ தவ மாயாம் ஜயேமஹி ॥ 46॥

வாதாஶநாஃ யஃ ரு'ஷயஃ ஶ்ரமணா ஊர்த்வமந்திநஃ ।

ப்ரஹ்மாக்யம் தாம தே யாந்தி ஶாந்தாஃ ஸந்ந்யாஸிநஃ அமலாஃ ॥

47॥

வயம் து இஹ மஹாயோகிந் ப்ரமந்தஃ கர்மவர்த்மஸு ।

த்வத் வார்தயா தரிஷ்யாமஃ தாவகைஃ துஸ்தரம் தமஃ ॥ 48॥

ஸ்மரந்தஃ கீர்தயந்தஃ தே க்ரு'தாநி கதிதாநி ச ।

கதிஉத்ஸ்மிதீக்ஷணக்ஷ்வேலி யத் ந்ரு'லோகவிடம்பநம் ॥ 49॥

ஶ்ரீ ஶுகஃ உவாச ।

ஏவம் விஜ்ஞாபிதஃ ராஜந் பகவாந் தேவகீஸுதஃ ।

ஏகாந்திநம் ப்ரியம் ப்ரு'த்யம் உத்தவம் ஸமபாஷத ॥ 50॥

இதி ஶ்ரீமத்பாகவதே மஹாபுராணே பாரமஹம்ஸ்யாம்

ஸம்ஹிதாயாமேகாதஶஸ்கந்தே தேவஸ்துத்யுத்த்வவிஜ்ஞாபநம் நாம

ஷஷ்டோऽத்யாயஃ ॥

Roman (IAST) Transliteration

atha ṣaṣṭho'dhyāyaḥ |

śrīśukaḥ uvāca |

atha brahmā ātmajaiḥ devaiḥ prajeśaiḥ āvṛtaḥ abhyagāt |

bhavaḥ ca bhūtabhavyīśaḥ yayau bhūtagaṇaiḥ vṛtaḥ || 1||

indraḥ marudbhiḥ bhagavān ādityāḥ vasavaḥ aśvinau |

ṛbhavaḥ aṅgirasaḥ rudrāḥ viśve sādhyāḥ ca devatāḥ || 2||

gandharvāpsarasaḥ nāgāḥ siddhacāraṇaguhyakāḥ |

ṛṣayaḥ pitaraḥ ca eva savidyādharakinnarāḥ || 3||

dvārakāṃ upasañjagmuḥ sarve kṛṣṇādidṛkṣavaḥ |

vapuṣā yena bhagavān naralokamanoramaḥ |

yaśaḥ vitene lokeṣu sarvalokamalāpaham || 4||

tasyāṃ vibhrājamānāyāṃ samṛddhāyāṃ mahardhibhiḥ |

vyacakṣata avitṛptākṣāḥ kṛṣṇaṃ adbhutadarśanam ||

5||

svargaudyānauapagaiḥ mālyaiḥ chādayantaḥ yadu uttamam |

gīrbhiḥ citrapadārthābhiḥ tuṣṭuvuḥ jagat īśvaram ||6||

devāḥ ūcuḥ |

natāḥ sma te nātha padāravindaṃ

buddhīndriyaprāṇamanovacobhiḥ |

yat cintyate antarhṛdi bhāvayuktaiḥ

mumukṣubhiḥ karmamaya ūrupāśāt || 7||

tvaṃ māyayā triguṇayā ātmani durvibhāvyaṃ

vyaktaṃ sṛjasi avasi lumpasi tat guṇasthaḥ |

na etaiḥ bhavān ajita karmabhiḥ ajyate vai

yat sve sukhe avyavahite abhirataḥ anavadyaḥ || 8||

śuddhiḥ nṛṇāṃ na tu tathā īḍya durāśayānāṃ

vidyāśrutādhyayanadānatapakriyābhiḥ |

sattvātmanāṃ ṛṣabha te yaśasi pravṛddha

sat śraddhayā śravaṇasambhṛtayā yathā syāt || 9||

syāt naḥ tava aṅghriḥ aśubhāśayadhūmaketuḥ

kṣemāya yaḥ munibhiḥ ārdrahṛdauhyamānaḥ |

yaḥ sātvataiḥ samavibhūtayaḥ ātmavadbhiḥ

vyūhe arcitaḥ savanaśaḥ svaḥ atikramāya || 10||

yaḥ cintyate prayatapāṇibhiḥ adhvarāgnau

trayyā niruktavidhinā īśa haviḥ gṛhītvā |

adhyātmayogaḥ uta yogibhiḥ ātmamāyāṃ

jijñāsubhiḥ paramabhāgavataiḥ parīṣṭaḥ || 11||

paryuṣṭayā tava vibho vanamālayā iyaṃ

saṃspardhinī bhagavatī pratipatnivat śrīḥ |

yaḥ supraṇītaṃ amuyārhaṇaṃ ādat annaḥ

bhūyāt sadā aṅghriḥ aśubhāśayadhūmaketuḥ || 12||

ketuḥ trivikramayutaḥ tripat patākaḥ

yaḥ te bhayābhayakaraḥ asuradevacamvoḥ |

svargāya sādhuṣu khalu eṣu itarāya bhūman

pādaḥ punātu bhagavan bhajatāṃ adhaṃ naḥ || 13||

nasyotagāvaḥ iva yasya vaśe bhavanti

brahmādayaḥ anubhṛtaḥ mithurardyamānāḥ |

kālasya te prakṛtipūruṣayoḥ parasya

śaṃ naḥ tanotu caraṇaḥ puruṣottamasya || 14||

asya asi hetuḥ udayasthitisaṃyamānāṃ

avyaktajīvamahatāṃ api kālaṃ āhuḥ |

saḥ ayaṃ triṇābhiḥ akhila apacaye pravṛttaḥ

kālaḥ gabhīrarayaḥ uttamapūruṣaḥ tvam || 15||

tvattaḥ pumān samadhigamya yayā svavīrya

dhatte mahāntaṃ iva garbhaṃ amoghavīryaḥ |

saḥ ayaṃ tayā anugataḥ ātmanaḥ āṇḍakośaṃ

haimaṃ sasarja bahiḥ āvaraṇaiḥ upetam || 16||

tattasthuṣaḥ ca jagataḥ ca bhavān adhīśaḥ

yat māyayā utthaguṇavikriyayā upanītān |

arthān juṣan api hṛṣīkapate na liptaḥ

ye anye svataḥ parihṛtāt api bibhyati sma || 17||

smāyā avalokalavadarśitabhāvahāri

bhrūmaṇḍalaprahitasauratamantraśauṇḍaiḥ |

patnyaḥ tu ṣoḍaśasahasraṃ anaṅgabāṇaiḥ

yasya indriyaṃ vimathituṃ karaṇaiḥ vibhvyaḥ || 18||

vibhvyaḥ tava amṛtakathā udavahāḥ trilokyāḥ

pādau anejasaritaḥ śamalāni hantum |

ānuśravaṃ śrutibhiḥ aṅghrijaṃ aṅgasaṅgaiḥ

tīrthadvayaṃ śuciṣadastaḥ upaspṛśanti || 19||

bādarāyaṇiḥ uvāca |

iti abhiṣṭūya vibudhaiḥ seśaḥ śatadhṛtiḥ harim |

abhyabhāṣata govindaṃ praṇamya ambaraṃ āśritaḥ || 20||

brahma uvāca |

bhūmeḥ bhāra avatārāya purā vijñāpitaḥ prabho |

tvaṃ asmābhiḥ aśeṣātman tat tathā eva upapāditam || 21||

dharmaḥ ca sthāpitaḥ satsu satyasandheṣu vai tvayā |

kīrtiḥ ca dikṣu vikṣiptā sarvalokamalāpahā || 22||

avatīrya yadoḥ vaṃśe bibhrat rūpaṃ anuttamam |

karmāṇi uddāmavṛttāni hitāya jagataḥ akṛthāḥ || 23||

yāni te caritāni īśa manuṣyāḥ sādhavaḥ kalau |

śa‍ṛṇvantaḥ kīrtayantaḥ ca tariṣyanti añjasā tamaḥ || 24||

yaduvaṃśe avatīrṇasya bhavataḥ puruṣottama |

śarat śataṃ vyatīyāya pañcaviṃśa adhikaṃ prabhoḥ || 25||

na adhunā te akhila ādhāra devakārya avaśeṣitam |

kulaṃ ca vipraśāpena naṣṭaprāyaṃ abhūt idam || 26||

tataḥ svadhāma paramaṃ viśasva yadi manyase |

salokān lokapālān naḥ pāhi vaikuṇṭhakiṅkarān || 27||

śrī bhagavān uvāca |

avadhāritaṃ etat me yadāttha vibudheśvara |

kṛtaṃ vaḥ kāryaṃ akhilaṃ bhūmeḥ bhāraḥ avatāritaḥ || 28||

tat idaṃ yādavakulaṃ vīryaśauryaśriyoddhatam |

lokaṃ jighṛkṣat ruddhaṃ me velayā iva mahārṇavaḥ || 29||

yadi asaṃhṛtya dṛptānāṃ yadunāṃ vipulaṃ kulam |

gantāsmi anena lokaḥ ayaṃ udvelena vinaṅkṣyati || 30||

idānīṃ nāśaḥ ārabdhaḥ kulasya dvijaśāpataḥ |

yāsyāmi bhavanaṃ brahman na etat ante tava ānagha || 31||

śrī śukaḥ uvāca |

iti uktaḥ lokanāthena svayambhūḥ praṇipatya tam |

saha devagaṇaiḥ devaḥ svadhāma samapadyata || 32||

atha tasyāṃ mahotpātān dvāravatyāṃ samutthitān |

vilokya bhagavān āha yaduvṛddhān samāgatān || 33||

śrī bhagavān uvāca |

ete vai sumahotpātāḥ vyuttiṣṭhanti iha sarvataḥ |

śāpaḥ ca naḥ kulasya āsīt brāhmaṇebhyaḥ duratyayaḥ || 34||

na vastavyaṃ iha asmābhiḥ jijīviṣubhiḥ āryakāḥ |

prabhāsaṃ sumahat puṇyaṃ yāsyāmaḥ adya eva mā ciram || 35||

yatra snātvā dakṣaśāpāt gṛhītaḥ yakṣmaṇauḍurāṭ |

vimuktaḥ kilbiṣāt sadyaḥ bheje bhūyaḥ kalodayam || 36||

vayaṃ ca tasmin āplutya tarpayitvā pitṝnsurān |

bhojayitvā uśijaḥ viprān nānāguṇavatā andhasā || 37||

teṣu dānāni pātreṣu śraddhayā uptvā mahānti vai |

vṛjināni tariṣyāmaḥ dānaiḥ naubhiḥ iva arṇavam || 38||

śrī śukaḥ uvāca |

evaṃ bhagavatā ādiṣṭāḥ yādavāḥ kulanandana |

gantuṃ kṛtadhiyaḥ tīrthaṃ syandanān samayūyujan || 39||

tat nirīkṣya uddhavaḥ rājan śrutvā bhagavatā uditam |

dṛṣṭvā ariṣṭāni ghorāṇi nityaṃ kṛṣṇaṃ anuvrataḥ || 40||

viviktaḥ upasaṅgamya jagatāṃ īśvareśvaram |

praṇamya śirasā pādau prāñjaliḥ taṃ abhāṣata || 41||

uddhavaḥ uvāca |

devadeveśa yogeśa puṇyaśravaṇakīrtana |

saṃhṛtya etat kulaṃ nūnaṃ lokaṃ santyakṣyate bhavān |

vipraśāpaṃ samarthaḥ api pratyahan na yadi īśvaraḥ || 42||

na ahaṃ tava aṅghrikamalaṃ kṣaṇārdhaṃ api keśava |

tyaktuṃ samutsahe nātha svadhāma naya māṃ api || 43||

tava vikrīḍitaṃ kṛṣṇa nṛṇāṃ paramamaṅgalam |

karṇapīyūṣaṃ āsvādya tyajati anyaspṛhāṃ janaḥ || 44||

śayyāsanāṭanasthānasnānakrīḍāśanādiṣu |

kathaṃ tvāṃ priyaṃ ātmānaṃ vayaṃ bhaktāḥ tyajemahi || 45||

tvayā upabhuktasrakgandhavāsaḥ alaṅkāracarcitāḥ |

ucchiṣṭabhojinaḥ dāsāḥ tava māyāṃ jayemahi || 46||

vātāśanāḥ yaḥ ṛṣayaḥ śramaṇā ūrdhvamanthinaḥ |

brahmākhyaṃ dhāma te yānti śāntāḥ sannyāsinaḥ amalāḥ ||

47||

vayaṃ tu iha mahāyogin bhramantaḥ karmavartmasu |

tvat vārtayā tariṣyāmaḥ tāvakaiḥ dustaraṃ tamaḥ || 48||

smarantaḥ kīrtayantaḥ te kṛtāni gaditāni ca |

gatiutsmitīkṣaṇakṣveli yat nṛlokaviḍambanam || 49||

śrī śukaḥ uvāca |

evaṃ vijñāpitaḥ rājan bhagavān devakīsutaḥ |

ekāntinaṃ priyaṃ bhṛtyaṃ uddhavaṃ samabhāṣata || 50||

iti śrīmadbhāgavate mahāpurāṇe pāramahaṃsyāṃ

saṃhitāyāmekādaśaskandhe devastutyuddhvavijñāpanaṃ nāma

ṣaṣṭho'dhyāyaḥ ||