Uddhavagita - Prathamo'dhyayah

ॐ

உத்தவகீதா - ப்ரதமோऽத்யாயஃ

Gita Tamil

ஶ்ரீராதாக்ரு'ஷ்ணாப்யாம் நமஃ ।

ஶ்ரீமத்பாகவதபுராணம் ।

ஏகாதஶஃ ஸ்கந்தஃ । உத்தவ கீதா ।

அத ப்ரதமோऽத்யாயஃ ।

ஶ்ரீபாதராயணிஃ உவாச ।

க்ரு'த்வா தைத்யவதம் க்ரு'ஷ்ணஃ ஸரமஃ யதுபிஃ வ்ரு'தஃ ।

புவஃ அவதாரவத் பாரம் ஜவிஷ்டந் ஜநயந் கலிம் ॥ 1॥

யே கோபிதாஃ ஸுபஹு பாண்டுஸுதாஃ ஸபத்நைஃ

துர்த்யூதஹேலநகசக்ரஹண ஆதிபிஃ தாந் ।

க்ரு'த்வா நிமித்தம் இதர இதரதஃ ஸமேதாந்

ஹத்வா ந்ரு'பாந் நிரஹரத் க்ஷிதிபாரம் ஈஶஃ ॥ 2॥

பூபாரராஜப்ரு'தநா யதுபிஃ நிரஸ்ய

குப்தைஃ ஸ்வபாஹுபிஃ அசிந்தயத் அப்ரமேயஃ ।

மந்யே அவநேஃ நநு கதஃ அபி அகதம் ஹி பாரம்

யத் யாதவம் குலம் அஹோ ஹி அவிஷஹ்யம் ஆஸ்தே ॥ 3॥

ந ஏவ அந்யதஃ பரிபவஃ அஸ்ய பவேத் கதஞ்சித்

மத் ஸம்ஶ்ரயஸ்ய விபவ உந்நஹந் அஸ்ய நித்யம் ।

அந்தஃகலிம் யதுகுலஸ்ய வித்ஹாய வேணுஃ

தம்பஸ்ய வஹ்நிம் இவ ஶாந்திம் உபைமி தாம ॥ 4॥

ஏவம் வ்யவஸிதஃ ராஜந் ஸத்யஸங்கல்பஃ ஈஶ்வரஃ ।

ஶாபவ்யாஜேந விப்ராணாம் ஸஞ்ஜஹ்வே ஸ்வகுலம் விபுஃ ॥ 5॥

ஸ்வமூர்த்யா லோகலாவண்யநிர்முக்த்யா லோசநம் ந்ரு'ணாம் ।

கீர்பிஃ தாஃ ஸ்மரதாம் சித்தம் பதைஃ தாந் ஈக்ஷதாம் க்ரியா ॥ 6॥

ஆச்சித்ய கீர்திம் ஸுஶ்லோகாம் விதத்ய ஹி அஞ்ஜஸா நு கௌ ।

தமஃ அநயா தரிஷ்யந்தி இதி அகாத் ஸ்வம் பதம் ஈஶ்வரஃ ॥ 7॥

ராஜா உவாச ।

ப்ரஹ்மண்யாநாம் வதாந்யாநாம் நித்யம் வ்ரு'த்தௌபஸேவிநாம் ।

விப்ரஶாபஃ கதம் அபூத் வ்ரு'ஷ்ணீநாம் க்ரு'ஷ்ணசேதஸாம் ॥ 8॥

யத் நிமித்தஃ ஸஃ வை ஶாபஃ யாத்ரு'ஶஃ த்விஜஸத்தம ।

கதம் ஏகாத்மநாம் பேதஃ ஏதத் ஸர்வம் வதஸ்வ மே ॥ 9॥

ஶ்ரீஶுகஃ உவாச ।

பிப்ரத் வபுஃ ஸகலஸுந்தரஸந்நிவேஶம்

கர்மாசரந் புவி ஸுமங்கலம் ஆப்தகாமஃ ।

ஆஸ்தாய தாம ரமமாணஃ உதாரகீர்திஃ

ஸம்ஹர்தும் ஐச்சத குலம் ஸ்திதக்ரு'த்யஶேஷஃ ॥ 10॥

கர்மாணி புண்யநிவஹாநி ஸுமங்கலாநி

காயத் ஜகத் கலிமலாபஹராணி க்ரு'த்வா ।

கால ஆத்மநா நிவஸதா யதுதேவகேஹே

பிண்டாரகம் ஸமகமந் முநயஃ நிஸ்ரு'ஷ்டாஃ ॥ 11॥

விஶ்வாமித்ரஃ அஸிதஃ கண்வஃ துர்வாஸாஃ ப்ரு'குஃ அங்கிராஃ ।

கஶ்யபஃ வாமதேவஃ அத்ரிஃ வஸிஷ்டஃ நாரத ஆதயஃ ॥ 12॥

க்ரீடந்தஃ தாந் உபவ்ரஜ்ய குமாராஃ யதுநந்தநாஃ ।

உபஸங்க்ரு'ஹ்ய பப்ரச்சுஃ அவிநீதா விநீதவத் ॥ 13॥

தே வேஷயித்வா ஸ்த்ரீவேஷைஃ ஸாம்பம் ஜாம்பவதீஸுதம் ।

ஏஷா ப்ரு'ச்சதி வஃ விப்ராஃ அந்தர்வத் ந்யஸித ஈக்ஷணா ॥ 14॥

ப்ரஷ்டும் விலஜ்ஜதி ஸாக்ஷாத் ப்ரப்ரூத அமோகதர்ஶநாஃ ।

ப்ரஸோஷ்யந்தி புத்ரகாமா கிம்ஸ்வித் ஸஞ்ஜநயிஷ்யதி ॥ 15॥

ஏவம் ப்ரலப்த்வா முநயஃ தாந் ஊசுஃ குபிதா ந்ரு'ப ।

ஜநயிஷ்யதி வஃ மந்தாஃ முஸலம் குலநாஶநம் ॥ 16॥

தத் ஶ‍ரு'த்வா தே அதிஸந்த்ரஸ்தாஃ விமுச்ய ஸஹஸோதரம் ।

ஸாம்பஸ்ய தத்ரு'ஶுஃ தஸ்மிந் முஸலம் கலு அயஸ்மயம் ॥ 17॥

கிம் க்ரு'தம் மந்தபாக்யைஃ கிம் வதிஷ்யந்தி நஃ ஜநாஃ ।

இதி விஹ்வலிதாஃ கேஹாந் ஆதாய முஸலம் யயுஃ ॥ 18॥

தத் ச உபநீய ஸதஸி பரிம்லாநமுகஶ்ரியஃ ।

ராஜ்ஞஃ ஆவேதயாந் சக்ருஃ ஸர்வயாதவஸந்நிதௌ ॥ 19॥

ஶ்ருத்வா அமோகம் விப்ரஶாபம் த்ரு'ஷ்ட்வா ச முஸலம் ந்ரு'ப ।

விஸ்மிதாஃ பயஸந்த்ரஸ்தாஃ பபூவுஃ த்வாரகௌகஸஃ ॥ 20॥

தத் சூர்ணயித்வா முஸலம் யதுராஜஃ ஸஃ ஆஹுகஃ ।

ஸமுத்ரஸலிலே ப்ராஸ்யத் லோஹம் ச அஸ்ய அவஶேஷிதம் ॥ 21॥

கஶ்சித் மத்ஸ்யஃ அக்ரஸீத் லோஹம் சூர்ணாநி தரலைஃ ததஃ ।

உஹ்யமாநாநி வேலாயாம் லக்நாநி ஆஸந் கில ஐரிகாஃ ॥ 22॥

மத்ஸ்யஃ க்ரு'ஹீதஃ மத்ஸ்யக்நைஃ ஜாலேந அந்யைஃ ஸஹ அர்ணவே ।

தஸ்ய உதரகதம் லோஹம் ஸஃ ஶல்யே லுப்தகஃ அகரோத் ॥ 23॥

பகவாந் ஜ்ஞாதஸர்வார்தஃ ஈஶ்வரஃ அபி ததந்யதா ।

கர்தும் ந ஐச்சத் விப்ரஶாபம் காலரூபீ அந்வமோதத ॥ 24॥

இதி ஶ்ரீமத்பாகவதே மஹாபுராணே பாரமஹம்ஸ்யாம்

ஸம்ஹிதாயாமேகாதஶஸ்கந்தே விப்ரஶாபோ நாம ப்ரதமோऽத்யாயஃ ॥

Roman (IAST) Transliteration

śrīrādhākṛṣṇābhyāṃ namaḥ |

śrīmadbhāgavatapurāṇam |

ekādaśaḥ skandhaḥ | uddhava gītā |

atha prathamo'dhyāyaḥ |

śrībādarāyaṇiḥ uvāca |

kṛtvā daityavadhaṃ kṛṣṇaḥ saramaḥ yadubhiḥ vṛtaḥ |

bhuvaḥ avatāravat bhāraṃ javiṣṭhan janayan kalim || 1||

ye kopitāḥ subahu pāṇḍusutāḥ sapatnaiḥ

durdyūtahelanakacagrahaṇa ādibhiḥ tān |

kṛtvā nimittaṃ itara itarataḥ sametān

hatvā nṛpān niraharat kṣitibhāraṃ īśaḥ || 2||

bhūbhārarājapṛtanā yadubhiḥ nirasya

guptaiḥ svabāhubhiḥ acintayat aprameyaḥ |

manye avaneḥ nanu gataḥ api agataṃ hi bhāram

yat yādavaṃ kulaṃ aho hi aviṣahyaṃ āste || 3||

na eva anyataḥ paribhavaḥ asya bhavet kathañcit

mat saṃśrayasya vibhava unnahan asya nityam |

antaḥkaliṃ yadukulasya vidhhāya veṇuḥ

tambasya vahniṃ iva śāntiṃ upaimi dhāma || 4||

evaṃ vyavasitaḥ rājan satyasaṅkalpaḥ īśvaraḥ |

śāpavyājena viprāṇāṃ sañjahve svakulaṃ vibhuḥ || 5||

svamūrtyā lokalāvaṇyanirmuktyā locanaṃ nṛṇām |

gīrbhiḥ tāḥ smaratāṃ cittaṃ padaiḥ tān īkṣatāṃ kriyā || 6||

ācchidya kīrtiṃ suślokāṃ vitatya hi añjasā nu kau |

tamaḥ anayā tariṣyanti iti agāt svaṃ padaṃ īśvaraḥ || 7||

rājā uvāca |

brahmaṇyānāṃ vadānyānāṃ nityaṃ vṛddhaupasevinām |

vipraśāpaḥ kathaṃ abhūt vṛṣṇīnāṃ kṛṣṇacetasām || 8||

yat nimittaḥ saḥ vai śāpaḥ yādṛśaḥ dvijasattama |

kathaṃ ekātmanāṃ bhedaḥ etat sarvaṃ vadasva me || 9||

śrīśukaḥ uvāca |

bibhrat vapuḥ sakalasundarasanniveśam

karmācaran bhuvi sumaṅgalaṃ āptakāmaḥ |

āsthāya dhāma ramamāṇaḥ udārakīrtiḥ

saṃhartuṃ aicchata kulaṃ sthitakṛtyaśeṣaḥ || 10||

karmāṇi puṇyanivahāni sumaṅgalāni

gāyat jagat kalimalāpaharāṇi kṛtvā |

kāla ātmanā nivasatā yadudevagehe

piṇḍārakaṃ samagaman munayaḥ nisṛṣṭāḥ || 11||

viśvāmitraḥ asitaḥ kaṇvaḥ durvāsāḥ bhṛguḥ aṅgirāḥ |

kaśyapaḥ vāmadevaḥ atriḥ vasiṣṭhaḥ nārada ādayaḥ || 12||

krīḍantaḥ tān upavrajya kumārāḥ yadunandanāḥ |

upasaṅgṛhya papracchuḥ avinītā vinītavat || 13||

te veṣayitvā strīveṣaiḥ sāmbaṃ jāmbavatīsutam |

eṣā pṛcchati vaḥ viprāḥ antarvat nyasita īkṣaṇā || 14||

praṣṭuṃ vilajjati sākṣāt prabrūta amoghadarśanāḥ |

prasoṣyanti putrakāmā kiṃsvit sañjanayiṣyati || 15||

evaṃ pralabdhvā munayaḥ tān ūcuḥ kupitā nṛpa |

janayiṣyati vaḥ mandāḥ musalaṃ kulanāśanam || 16||

tat śa‍ṛtvā te atisantrastāḥ vimucya sahasodaram |

sāmbasya dadṛśuḥ tasmin musalaṃ khalu ayasmayam || 17||

kiṃ kṛtaṃ mandabhāgyaiḥ kiṃ vadiṣyanti naḥ janāḥ |

iti vihvalitāḥ gehān ādāya musalaṃ yayuḥ || 18||

tat ca upanīya sadasi parimlānamukhaśriyaḥ |

rājñaḥ āvedayān cakruḥ sarvayādavasannidhau || 19||

śrutvā amoghaṃ vipraśāpaṃ dṛṣṭvā ca musalaṃ nṛpa |

vismitāḥ bhayasantrastāḥ babhūvuḥ dvārakaukasaḥ || 20||

tat cūrṇayitvā musalaṃ yadurājaḥ saḥ āhukaḥ |

samudrasalile prāsyat lohaṃ ca asya avaśeṣitam || 21||

kaścit matsyaḥ agrasīt lohaṃ cūrṇāni taralaiḥ tataḥ |

uhyamānāni velāyāṃ lagnāni āsan kila airikāḥ || 22||

matsyaḥ gṛhītaḥ matsyaghnaiḥ jālena anyaiḥ saha arṇave |

tasya udaragataṃ lohaṃ saḥ śalye lubdhakaḥ akarot || 23||

bhagavān jñātasarvārthaḥ īśvaraḥ api tadanyathā |

kartuṃ na aicchat vipraśāpaṃ kālarūpī anvamodata || 24||

iti śrīmadbhāgavate mahāpurāṇe pāramahaṃsyāṃ

saṃhitāyāmekādaśaskandhe vipraśāpo nāma prathamo'dhyāyaḥ ||