Shri Shitala Devi Ashtakam (shitalashtakam)

ॐ

ஶ்ரீ ஶீதலா தேவீ அஷ்டகம் (ஶீதலாஷ்டகம்)

Devi Ashtakam Tamil

அஸ்ய ஶ்ரீஶீதலாஸ்தோத்ரஸ்ய மஹாதேவ ரு'ஷிஃ அநுஷ்டுப் சந்தஃ ஶீதலா தேவதா லக்ஷ்மீர்பீஜம் பவாநீ ஶக்திஃ ஸர்வவிஸ்போடகநிவ்ரு'த்யர்தே ஜபே விநியோகஃ ॥

ஈஶ்வர உவாச ।

வந்தேऽஹம் ஶீதலாம் தேவீம் ராஸபஸ்தாம் திகம்பராம் ।

மார்ஜநீகலஶோபேதாம் ஶூர்பாலங்க்ரு'தமஸ்தகாம் ॥ 1 ॥

வந்தேऽஹம் ஶீதலாம் தேவீம் ஸர்வரோகபயாபஹாம் ।

யாமாஸாத்ய நிவர்தேத விஸ்போடகபயம் மஹத் ॥ 2 ॥

ஶீதலே ஶீதலே சேதி யோ ப்ரூயாத்தாஹபீடிதஃ ।

விஸ்போடகபயம் கோரம் க்ஷிப்ரம் தஸ்ய ப்ரணஶ்யதி ॥ 3 ॥

யஸ்த்வாமுதகமத்யே து த்யாத்வா ஸம்பூஜயேந்நரஃ ।

விஸ்போடகபயம் கோரம் க்ரு'ஹே தஸ்ய ந ஜாயதே ॥ 4 ॥

ஶீதலே ஜ்வரதக்தஸ்ய பூதிகந்தயுதஸ்ய ச ।

ப்ரணஷ்டசக்ஷுஷஃ பும்ஸஸ்த்வாமாஹுர்ஜீவநௌஷதம் ॥ 5 ॥

ஶீதலே தநுஜாந் ரோகாந் ந்ரு'ணாம் ஹரஸி துஸ்த்யஜாந் ।

விஸ்போடகவிதீர்ணாநாம் த்வமேகாऽம்ரு'தவர்ஷிணீ ॥ 6 ॥

கலகண்டக்ரஹா ரோகா யே சாந்யே தாருணா ந்ரு'ணாம் ।

த்வதநுத்யாநமாத்ரேண ஶீதலே யாந்தி ஸங்க்ஷயம் ॥ 7 ॥

ந மந்த்ரோ நௌஷதம் தஸ்ய பாபரோகஸ்ய வித்யதே ।

த்வாமேகாம் ஶீதலே தாத்ரீம் நாந்யாம் பஶ்யாமி தேவதாம் ॥ 8 ॥

ம்ரு'ணாலதந்துஸத்ரு'ஶீம் நாபிஹ்ரு'ந்மத்யஸம்ஸ்திதாம் ।

யஸ்த்வாம் ஸஞ்சிந்தயேத்தேவி தஸ்ய ம்ரு'த்யுர்ந ஜாயதே ॥ 9 ॥

அஷ்டகம் ஶீதலாதேவ்யா யோ நரஃ ப்ரபடேத்ஸதா ।

விஸ்போடகபயம் கோரம் க்ரு'ஹே தஸ்ய ந ஜாயதே ॥ 10 ॥

ஶ்ரோதவ்யம் படிதவ்யம் ச ஶ்ரத்தாபக்திஸமந்விதைஃ ।

உபஸர்கவிநாஶாய பரம் ஸ்வஸ்த்யயநம் மஹத் ॥ 11 ॥

ஶீதலே த்வம் ஜகந்மாதா ஶீதலே த்வம் ஜகத்பிதா ।

ஶீதலே த்வம் ஜகத்தாத்ரீ ஶீதலாயை நமோ நமஃ ॥ 12 ॥

ராஸபோ கர்தபஶ்சைவ கரோ வைஶாகநந்தநஃ ।

ஶீதலாவாஹநஶ்சைவ தூர்வாகந்தநிக்ரு'ந்தநஃ ॥ 13 ॥

ஏதாநி கரநாமாநி ஶீதலாக்ரே து யஃ படேத் ।

தஸ்ய கேஹே ஶிஶூநாம் ச ஶீதலாருங் ந ஜாயதே ॥ 14 ॥

ஶீதலாஷ்டகமேவேதம் ந தேயம் யஸ்யகஸ்யசித் ।

தாதவ்யம் ச ஸதா தஸ்மை ஶ்ரத்தாபக்தியுதாய வை ॥ 15 ॥

இதி ஶ்ரீஸ்காந்தபுராணே ஶீதலாஷ்டகம் ॥

Roman (IAST) Transliteration

asya śrīśītalāstotrasya mahādeva ṛṣiḥ anuṣṭup chandaḥ śītalā devatā lakṣmīrbījaṃ bhavānī śaktiḥ sarvavisphoṭakanivṛtyarthe jape viniyogaḥ ||

īśvara uvāca |

vande'haṃ śītalāṃ devīṃ rāsabhasthāṃ digambarām |

mārjanīkalaśopetāṃ śūrpālaṅkṛtamastakām || 1 ||

vande'haṃ śītalāṃ devīṃ sarvarogabhayāpahām |

yāmāsādya nivarteta visphoṭakabhayaṃ mahat || 2 ||

śītale śītale ceti yo brūyāddāhapīḍitaḥ |

visphoṭakabhayaṃ ghoraṃ kṣipraṃ tasya praṇaśyati || 3 ||

yastvāmudakamadhye tu dhyātvā sampūjayennaraḥ |

visphoṭakabhayaṃ ghoraṃ gṛhe tasya na jāyate || 4 ||

śītale jvaradagdhasya pūtigandhayutasya ca |

praṇaṣṭacakṣuṣaḥ puṃsastvāmāhurjīvanauṣadham || 5 ||

śītale tanujān rogān nṛṇāṃ harasi dustyajān |

visphoṭakavidīrṇānāṃ tvamekā'mṛtavarṣiṇī || 6 ||

galagaṇḍagrahā rogā ye cānye dāruṇā nṛṇām |

tvadanudhyānamātreṇa śītale yānti saṅkṣayam || 7 ||

na mantro nauṣadhaṃ tasya pāparogasya vidyate |

tvāmekāṃ śītale dhātrīṃ nānyāṃ paśyāmi devatām || 8 ||

mṛṇālatantusadṛśīṃ nābhihṛnmadhyasaṃsthitām |

yastvāṃ sañcintayeddevi tasya mṛtyurna jāyate || 9 ||

aṣṭakaṃ śītalādevyā yo naraḥ prapaṭhetsadā |

visphoṭakabhayaṃ ghoraṃ gṛhe tasya na jāyate || 10 ||

śrotavyaṃ paṭhitavyaṃ ca śraddhābhaktisamanvitaiḥ |

upasargavināśāya paraṃ svastyayanaṃ mahat || 11 ||

śītale tvaṃ jaganmātā śītale tvaṃ jagatpitā |

śītale tvaṃ jagaddhātrī śītalāyai namo namaḥ || 12 ||

rāsabho gardabhaścaiva kharo vaiśākhanandanaḥ |

śītalāvāhanaścaiva dūrvākandanikṛntanaḥ || 13 ||

etāni kharanāmāni śītalāgre tu yaḥ paṭhet |

tasya gehe śiśūnāṃ ca śītalāruṅ na jāyate || 14 ||

śītalāṣṭakamevedaṃ na deyaṃ yasyakasyacit |

dātavyaṃ ca sadā tasmai śraddhābhaktiyutāya vai || 15 ||

iti śrīskāndapurāṇe śītalāṣṭakam ||