Shri Krishna Sahasra Nama Stotram

ॐ

ஶ்ரீ க்ரு'ஷ்ண ஸஹஸ்ர நாம ஸ்தோத்ரம்

Krishna Stotram Tamil

ௐ அஸ்ய ஶ்ரீக்ரு'ஷ்ணஸஹஸ்ரநாமஸ்தோத்ரமந்த்ரஸ்ய பராஶர ரு'ஷிஃ, அநுஷ்டுப் சந்தஃ, ஶ்ரீக்ரு'ஷ்ணஃ பரமாத்மா தேவதா, ஶ்ரீக்ரு'ஷ்ணேதி பீஜம், ஶ்ரீவல்லபேதி ஶக்திஃ, ஶார்ங்கீதி கீலகம், ஶ்ரீக்ரு'ஷ்ணப்ரீத்யர்தே ஜபே விநியோகஃ ॥

ந்யாஸஃ

பராஶராய ரு'ஷயே நமஃ இதி ஶிரஸி,

அநுஷ்டுப் சந்தஸே நமஃ இதி முகே,

கோபாலக்ரு'ஷ்ணதேவதாயை நமஃ இதி ஹ்ரு'தயே,

ஶ்ரீக்ரு'ஷ்ணாய பீஜாய நமஃ இதி குஹ்யே,

ஶ்ரீவல்லபாய ஶக்த்யை நமஃ இதி பாதயோஃ,

ஶார்ங்கதராய கீலகாய நமஃ இதி ஸர்வாங்கே ॥

கரந்யாஸஃ

ஶ்ரீக்ரு'ஷ்ண இத்யாரப்ய ஶூரவம்ஶைகதீரித்யந்தாநி அங்குஷ்டாப்யாம் நமஃ ।

ஶௌரிரித்யாரப்ய ஸ்வபாஸோத்பாஸிதவ்ரஜ இத்யந்தாநி தர்ஜநீப்யாம் நமஃ ।

க்ரு'தாத்மவித்யாவிந்யாஸ இத்யாரப்ய ப்ரஸ்தாநஶகடாரூட இதி மத்யமாப்யாம் நமஃ,

ப்ரு'ந்தாவநக்ரு'தாலய இத்யாரப்ய மதுராஜநவீக்ஷித இத்யநாமிகாப்யாம் நமஃ,

ரஜகப்ரதிகாதக இத்யாரப்ய த்வாரகாபுரகல்பந இதி கநிஷ்டிகாப்யாம் நமஃ

த்வாரகாநிலய இத்யாரப்ய பராஶர இதி கரதலகரப்ரு'ஷ்டாப்யாம் நமஃ,

ஏவம் ஹ்ரு'தயாதிந்யாஸஃ ॥

த்யாநம்

கேஷாஞ்சித்ப்ரேமபும்ஸாம் விகலிதமநஸாம் பாலலீலாவிலாஸம்

கேஷாம் கோபாலலீலாங்கிதரஸிகதநுர்வேணுவாத்யேந தேவம் ।

கேஷாம் வாமாஸமாஜே ஜநிதமநஸிஜோ தைத்யதர்பாபஹைவம்

ஜ்ஞாத்வா பிந்நாபிலாஷம் ஸ ஜயதி ஜகதாமீஶ்வரஸ்தாத்ரு'ஶோऽபூத் ॥ 1 ॥

க்ஷீராப்தௌ க்ரு'தஸம்ஸ்தவஸ்ஸுரகணைர்ப்ரஹ்மாதிபிஃ பண்டிதைஃ

ப்ரோத்பூதோ வஸுதேவஸத்மநி முதா சிக்ரீட யோ கோகுலே ।

கம்ஸத்வம்ஸக்ரு'தே ஜகாம மதுராம் ஸாராமஸத்வாரகாம்

கோபாலோऽகிலகோபிகாஜநஸகஃ பாயாதபாயாத் ஸ நஃ ॥ 2 ॥

புல்லேந்தீவரகாந்திமிந்துவதநம் பர்ஹாவதம்ஸப்ரியம்

ஶ்ரீவத்ஸாங்கமுதாரகௌஸ்துபதரம் பீதாம்பரம் ஸுந்தரம் ।

கோபீநாம் நயநோத்பலார்சிததநும் கோகோபஸங்காவ்ரு'தம்

கோவிந்தம் கலவேணுவாதநரதம் திவ்யாங்கபூஷம் பஜே ॥ 3 ॥

ஓம் ।

க்ரு'ஷ்ணஃ ஶ்ரீவல்லபஃ ஶார்ங்கீ விஷ்வக்ஸேநஃ ஸ்வஸித்திதஃ ।

க்ஷீரோததாமா வ்யூஹேஶஃ ஶேஷஶாயீ ஜகந்மயஃ ॥ 1 ॥

பக்திகம்யஸ்த்ரயீமூர்திர்பாரார்தவஸுதாஸ்துதஃ ।

தேவதேவோ தயாஸிந்துர்தேவதேவஶிகாமணிஃ ॥ 2 ॥

ஸுகபாவஸ்ஸுகாதாரோ முகுந்தோ முதிதாஶயஃ ।

அவிக்ரியஃ க்ரியாமூர்திரத்யாத்மஸ்வஸ்வரூபவாந் ॥ 3 ॥

ஶிஷ்டாபிலக்ஷ்யோ பூதாத்மா தர்மத்ராணார்தசேஷ்டிதஃ ।

அந்தர்யாமீ கலாரூபஃ காலாவயவஸாக்ஷிகஃ ॥ 4 ॥

வஸுதாயாஸஹரணோ நாரதப்ரேரணோந்முகஃ ।

ப்ரபூஷ்ணுர்நாரதோத்கீதோ லோகரக்ஷாபராயணஃ ॥ 5 ॥

ரௌஹிணேயக்ரு'தாநந்தோ யோகஜ்ஞாநநியோஜகஃ ।

மஹாகுஹாந்தர்நிக்ஷிப்தஃ புராணவபுராத்மவாந் ॥ 6 ॥

ஶூரவம்ஶைகதீஶ்ஶௌரிஃ கம்ஸஶங்காவிஷாதக்ரு'த் ।

வஸுதேவோல்லஸச்சக்திர்தேவக்யஷ்டமகர்பகஃ ॥ 7 ॥

வஸுதேவஸுதஃ ஶ்ரீமாந்தேவகீநந்தநோ ஹரிஃ ।

ஆஶ்சர்யபாலஃ ஶ்ரீவத்ஸலக்ஷ்மவக்ஷாஶ்சதுர்புஜஃ ॥ 8 ॥

ஸ்வபாவோத்க்ரு'ஷ்டஸத்பாவஃ க்ரு'ஷ்ணாஷ்டம்யந்தஸம்பவஃ ।

ப்ராஜாபத்யர்க்ஷஸம்பூதோ நிஶீதஸமயோதிதஃ ॥ 9 ॥

ஶங்கசக்ரகதாபத்மபாணிஃ பத்மநிபேக்ஷணஃ ।

கிரீடீ கௌஸ்துபோரஸ்கஃ ஸ்புரந்மகரகுண்டலஃ ॥ 10 ॥

பீதவாஸா கநஶ்யாமஃ குஞ்சிதாஞ்சிதகுந்தலஃ ।

ஸுவ்யக்தவ்யக்தாபரணஃ ஸூதிகாக்ரு'ஹபூஷணஃ ॥ 11 ॥

காராகாராந்தகாரக்நஃ பித்ரு'ப்ராக்ஜந்மஸூசகஃ ।

வஸுதேவஸ்துதஃ ஸ்தோத்ரம் தாபத்ரயநிவாரணஃ ॥ 12 ॥

நிரவத்யஃ க்ரியாமூர்திர்ந்யாயவாக்யநியோஜகஃ ।

அத்ரு'ஷ்டசேஷ்டஃ கூடஸ்தோ த்ரு'தலௌகிகவிக்ரஹஃ ॥ 13 ॥

மஹர்ஷிமாநஸோல்லாஸோ மஹீமங்கலதாயகஃ ।

ஸந்தோஷிதஸுரவ்ராதஃ ஸாதுசித்தப்ரஸாதகஃ ॥ 14 ॥

ஜநகோபாயநிர்தேஷ்டா தேவகீநயநோத்ஸவஃ ।

பித்ரு'பாணிபரிஷ்காரோ மோஹிதாகாரரக்ஷகஃ ॥ 15 ॥

ஸ்வஶக்த்யுத்தாடிதாஶேஷகபாடஃ பித்ரு'வாஹகஃ ।

ஶேஷோரகபணாச்சத்ரஶ்ஶேஷோக்தாக்யாஸஹஸ்ரகஃ ॥ 16 ॥

யமுநாபூரவித்வம்ஸீ ஸ்வபாஸோத்பாஸிதவ்ரஜஃ ।

க்ரு'தாத்மவித்யாவிந்யாஸோ யோகமாயாக்ரஸம்பவஃ ॥ 17 ॥

துர்காநிவேதிதோத்பாவோ யஶோதாதல்பஶாயகஃ ।

நந்தகோபோத்ஸவஸ்பூர்திர்வ்ரஜாநந்தகரோதயஃ ॥ 18 ॥

ஸுஜாதஜாதகர்ம ஶ்ரீர்கோபீபத்ரோக்திநிர்வ்ரு'தஃ ।

அலீகநித்ரோபகமஃ பூதநாஸ்தநபீடநஃ ॥ 19 ॥

ஸ்தந்யாத்தபூதநாப்ராணஃ பூதநாக்ரோஶகாரகஃ ।

விந்யஸ்தரக்ஷாகோதூலிர்யஶோதாகரலாலிதஃ ॥ 20 ॥

நந்தாக்ராதஶிரோமத்யஃ பூதநாஸுகதிப்ரதஃ ।

பாலஃ பர்யங்கநித்ராலுர்முகார்பிதபதாங்குலிஃ ॥ 21 ॥

அஞ்ஜநஸ்நிக்தநயநஃ பர்யாயாங்குரிதஸ்மிதஃ ।

லீலாக்ஷஸ்தரலாலோகஶ்ஶகடாஸுரபஞ்ஜநஃ ॥ 22 ॥

த்விஜோதிதஸ்வஸ்த்யயநோ மந்த்ரபூதஜலாப்லுதஃ ।

யஶோதோத்ஸங்கபர்யங்கோ யஶோதாமுகவீக்ஷகஃ ॥ 23 ॥

யஶோதாஸ்தந்யமுதிதஸ்த்ரு'ணாவர்தாதிதுஸ்ஸஹஃ ।

த்ரு'ணாவர்தாஸுரத்வம்ஸீ மாத்ரு'விஸ்மயகாரகஃ ॥ 24 ॥

ப்ரஶஸ்தநாமகரணோ ஜாநுசங்க்ரமணோத்ஸுகஃ ।

வ்யாலம்பிசூலிகாரத்நோ கோஷகோபப்ரஹர்ஷணஃ ॥ 25 ॥

ஸ்வமுகப்ரதிபிம்பார்தீ க்ரீவாவ்யாக்ரநகோஜ்ஜ்வலஃ ।

பங்காநுலேபருசிரோ மாம்ஸலோருகடீதடஃ ॥ 26 ॥

க்ரு'ஷ்டஜாநுகரத்வந்த்வஃ ப்ரதிபிம்பாநுகாரக்ரு'த் ।

அவ்யக்தவர்ணவாக்வ்ரு'த்திஃ ஸ்மிதலக்ஷ்யரதோத்கமஃ ॥ 27 ॥

தாத்ரீகரஸமாலம்பீ ப்ரஸ்கலச்சித்ரசங்க்ரமஃ ।

அநுரூபவயஸ்யாட்யஶ்சாருகௌமாரசாபலஃ ॥ 28 ॥

வத்ஸபுச்சஸமாக்ரு'ஷ்டோ வத்ஸபுச்சவிகர்ஷணஃ ।

விஸ்மாரிதாந்யவ்யாபாரோ கோபகோபீமுதாவஹஃ ॥ 29 ॥

அகாலவத்ஸநிர்மோக்தா வ்ரஜவ்யாக்ரோஶஸுஸ்மிதஃ ।

நவநீதமஹாசோரோ தாரகாஹாரதாயகஃ ॥ 30 ॥

பீடோலூகலஸோபாநஃ க்ஷீரபாண்டவிபேதநஃ ।

ஶிக்யபாண்டஸமாகர்ஷீ த்வாந்தாகாரப்ரவேஶக்ரு'த் ॥ 31 ॥

பூஷாரத்நப்ரகாஶாட்யோ கோப்யுபாலம்பபர்த்ஸிதஃ ।

பராகதூஸராகாரோ ம்ரு'த்பக்ஷணக்ரு'தேக்ஷணஃ ॥ 32 ॥

பாலோக்தம்ரு'த்கதாரம்போ மித்ராந்தர்கூடவிக்ரஹஃ ।

க்ரு'தஸந்த்ராஸலோலாக்ஷோ ஜநநீப்ரத்யயாவஹஃ ॥ 33॥

மாத்ரு'த்ரு'ஶ்யாத்தவதநோ வக்த்ரலக்ஷ்யசராசரஃ ।

யஶோதாலாலிதஸ்வாத்மா ஸ்வயம் ஸ்வாச்சந்த்யமோஹநஃ ॥ 34 ॥

ஸவித்ரீஸ்நேஹஸம்ஶ்லிஷ்டஃ ஸவித்ரீஸ்தநலோலுபஃ ।

நவநீதார்தநாப்ரஹ்வோ நவநீதமஹாஶநஃ ॥ 35 ॥

ம்ரு'ஷாகோபப்ரகம்போஷ்டோ கோஷ்டாங்கணவிலோகநஃ ।

ததிமந்தகடீபேத்தா கிங்கிணீக்வாணஸூசிதஃ ॥ 36 ॥

ஹையங்கவீநரஸிகோ ம்ரு'ஷாஶ்ருஶ்சௌர்யஶங்கிதஃ ।

ஜநநீஶ்ரமவிஜ்ஞாதா தாமபந்தநியந்த்ரிதஃ ॥ 37 ॥

தாமாகல்பஶ்சலாபாங்கோ காடோலூகலபந்தநஃ ।

ஆக்ரு'ஷ்டோலூகலோऽநந்தஃ குபேரஸுதஶாபவித் ॥ । 38 ॥

நாரதோக்திபராமர்ஶீ யமலார்ஜுநபஞ்ஜநஃ ।

தநதாத்மஜஸங்குஷ்டோ நந்தமோசிதபந்தநஃ ॥ 39 ॥

பாலகோத்கீதநிரதோ பாஹுக்ஷேபோதிதப்ரியஃ ।

ஆத்மஜ்ஞோ மித்ரவஶகோ கோபீகீதகுணோதயஃ ॥ 40 ॥

ப்ரஸ்தாநஶகடாரூடோ ப்ரு'ந்தாவநக்ரு'தாலயஃ ।

கோவத்ஸபாலநைகாக்ரோ நாநாக்ரீடாபரிச்சதஃ ॥ 41 ॥

க்ஷேபணீக்ஷேபணப்ரீதோ வேணுவாத்யவிஶாரதஃ ।

வ்ரு'ஷவத்ஸாநுகரணோ வ்ரு'ஷத்வாநவிடம்பநஃ ॥ 42 ॥

நியுத்தலீலாஸம்ஹ்ரு'ஷ்டஃ கூஜாநுக்ரு'தகோகிலஃ ।

உபாத்தஹம்ஸகமநஸ்ஸர்வஜந்துருதாநுக்ரு'த் ॥ 43 ॥

ப்ரு'ங்காநுகாரீ தத்யந்நசோரோ வத்ஸபுரஸ்ஸரஃ ।

பலீ பகாஸுரக்ராஹீ பகதாலுப்ரதாஹகஃ ॥ 44 ॥

பீதகோபார்பகாஹூதோ பகசஞ்சுவிதாரணஃ ।

பகாஸுராரிர்கோபாலோ பாலோ பாலாத்புதாவஹஃ ॥ 45 ॥

பலபத்ரஸமாஶ்லிஷ்டஃ க்ரு'தக்ரீடாநிலாயநஃ ।

க்ரீடாஸேதுநிதாநஜ்ஞஃ ப்லவங்கோத்ப்லவநோऽத்புதஃ ॥ 46 ॥

கந்துகக்ரீடநோ லுப்தநந்தாதிபவவேதநஃ ।

ஸுமநோऽலங்க்ரு'தஶிராஃ ஸ்வாதுஸ்நிக்தாந்நஶிக்யப்ரு'த் ॥ 47 ॥

குஞ்ஜாப்ராலம்பநச்சந்நஃ பிஞ்சைரலகவேஷக்ரு'த் ।

வந்யாஶநப்ரியஃ ஶ்ரு'ங்கரவாகாரிதவத்ஸகஃ ॥ 48 ॥

மநோஜ்ஞபல்லவோத்தம்ஸபுஷ்பஸ்வேச்சாத்தஷட்பதஃ ।

மஞ்ஜுஶிஞ்ஜிதமஞ்ஜீரசரணஃ கரகங்கணஃ ॥ 49 ॥

அந்யோந்யஶாஸநஃ க்ரீடாபடுஃ பரமகைதவஃ ।

ப்ரதித்வாநப்ரமுதிதஃ ஶாகாசதுரசங்க்ரமஃ ॥ 50 ॥

அகதாநவஸம்ஹர்தா வ்ரஜவிக்நவிநாஶநஃ ।

வ்ரஜஸஞ்ஜீவநஃ ஶ்ரேயோநிதிர்தாநவமுக்திதஃ ॥ 51 ॥

காலிந்தீபுலிநாஸீநஸ்ஸஹபுக்தவ்ரஜார்பகஃ ।

கக்ஷாஜடரவிந்யஸ்தவேணுர்வல்லவசேஷ்டிதஃ ॥ 52 ॥

புஜஸந்த்யந்தரந்யஸ்தஶ்ரு'ங்கவேத்ரஃ ஶுசிஸ்மிதஃ ।

வாமபாணிஸ்ததத்யந்நகபலஃ கலபாஷணஃ ॥ 53 ॥

அங்குல்யந்தரவிந்யஸ்தபலஃ பரமபாவநஃ ।

அத்ரு'ஶ்யதர்ணகாந்வேஷீ வல்லவார்பகபீதிஹா ॥ 54 ॥

அத்ரு'ஷ்டவத்ஸபவ்ராதோ ப்ரஹ்மவிஜ்ஞாதவைபவஃ ।

கோவத்ஸவத்ஸபாந்வேஷீ விராட்-புருஷவிக்ரஹஃ ॥ 55 ॥

ஸ்வஸங்கல்பாநுரூபார்தோ வத்ஸவத்ஸபரூபத்ரு'க் ।

யதாவத்ஸக்ரியாரூபோ யதாஸ்தாநநிவேஶநஃ ॥ 56 ॥

யதாவ்ரஜார்பகாகாரோ கோகோபீஸ்தந்யபஸ்ஸுகீ ।

சிராத்வலோஹிதோ தாந்தோ ப்ரஹ்மவிஜ்ஞாதவைபவஃ ॥ 57 ॥

விசித்ரஶக்திர்வ்யாலீநஸ்ரு'ஷ்டகோவத்ஸவத்ஸபஃ ।

ப்ரஹ்மத்ரபாகரோ தாத்ரு'ஸ்துதஸ்ஸர்வார்தஸாதகஃ ॥ 58 ॥

ப்ரஹ்ம ப்ரஹ்மமயோऽவ்யக்தஸ்தேஜோரூபஸ்ஸுகாத்மகஃ ।

நிருக்தம் வ்யாக்ரு'திர்வ்யக்தோ நிராலம்பநபாவநஃ ॥ 59 ॥

ப்ரபவிஷ்ணுரதந்த்ரீகோ தேவபக்ஷார்தரூபத்ரு'க் ।

அகாமஸ்ஸர்வவேதாதிரணீயஸ்தூலரூபவாந் ॥ 60 ॥

வ்யாபீ வ்யாப்யஃ க்ரு'பாகர்தா விசித்ராசாரஸம்மதஃ ।

சந்தோமயஃ ப்ரதாநாத்மா மூர்தாமூர்தித்வயாக்ரு'திஃ ॥ 61 ॥

அநேகமூர்திரக்ரோதஃ பரஃ ப்ரக்ரு'திரக்ரமஃ ।

ஸகலாவரணோபேதஸ்ஸர்வதேவோ மஹேஶ்வரஃ ॥ 62 ॥

மஹாப்ரபாவநஃ பூர்வவத்ஸவத்ஸபதர்ஶகஃ ।

க்ரு'ஷ்ணயாதவகோபாலோ கோபாலோகநஹர்ஷிதஃ ॥ 63 ॥

ஸ்மிதேக்ஷாஹர்ஷிதப்ரஹ்மா பக்தவத்ஸலவாக்ப்ரியஃ ।

ப்ரஹ்மாநந்தாஶ்ருதௌதாங்க்ரிர்லீலாவைசித்ர்யகோவிதஃ ॥ 64 ॥

பலபத்ரைகஹ்ரு'தயோ நாமாகாரிதகோகுலஃ ।

கோபாலபாலகோ பவ்யோ ரஜ்ஜுயஜ்ஞோபவீதவாந் ॥ 65 ॥

வ்ரு'க்ஷச்சாயாஹதாஶாந்திர்கோபோத்ஸங்கோபபர்ஹணஃ ।

கோபஸம்வாஹிதபதோ கோபவ்யஜநவீஜிதஃ ॥ 66।

கோபகாநஸுகோந்நித்ரஃ ஶ்ரீதாமார்ஜிதஸௌஹ்ரு'தஃ ।

ஸுநந்தஸுஹ்ரு'தேகாத்மா ஸுபலப்ராணரஞ்ஜநஃ ॥ 67 ॥

தாலீவநக்ரு'தக்ரீடோ பலபாதிததேநுகஃ ।

கோபீஸௌபாக்யஸம்பாவ்யோ கோதூலிச்சுரிதாலகஃ ॥ 68 ॥

கோபீவிரஹஸந்தப்தோ கோபிகாக்ரு'தமஜ்ஜநஃ ।

ப்ரலம்பபாஹுருத்புல்லபுண்டரீகாவதம்ஸகஃ ॥ 69 ॥

விலாஸலலிதஸ்மேரகர்பலீலாவலோகநஃ ।

ஸ்ரக்பூஷணாநுலேபாட்யோ ஜநந்யுபஹ்ரு'தாந்நபுக் ॥ 70 ॥

வரஶய்யாஶயோ ராதாப்ரேமஸல்லாபநிர்வ்ரு'தஃ ।

யமுநாதடஸஞ்சாரீ விஷார்தவ்ரஜஹர்ஷதஃ ॥ 71 ॥

காலியக்ரோதஜநகஃ வ்ரு'த்தாஹிகுலவேஷ்டிதஃ ।

காலியாஹிபணாரங்கநடஃ காலியமர்தநஃ ॥ 72 ॥

நாகபத்நீஸ்துதிப்ரீதோ நாநாவேஷஸம்ரு'த்திக்ரு'த் ।

அவிஷ்வக்தத்ரு'காத்மேஶஃ ஸ்வத்ரு'காத்மஸ்துதிப்ரியஃ ॥ 73 ॥

ஸர்வேஶ்வரஸ்ஸர்வகுணஃ ப்ரஸித்தஸ்ஸர்வஸாத்வதஃ ।

அகுண்டதாமா சந்த்ரார்கத்ரு'ஷ்டிராகாஶநிர்மலஃ ॥ 74 ॥

அநிர்தேஶ்யகதிர்நாகவநிதாபதிபைக்ஷதஃ ।

ஸ்வாங்க்ரிமுத்ராங்கநாகேந்த்ரமூர்தா காலியஸம்ஸ்துதஃ ॥ 75 ॥

அபயோ விஶ்வதஶ்சக்ஷுஃ ஸ்துதோத்தமகுணஃ ப்ரபுஃ ।

அஹமாத்மா மருத்ப்ராணஃ பரமாத்மா த்யுஶீர்ஷவாந் ॥ 76 ॥

நாகோபாயநஹ்ரு'ஷ்டாத்மா ஹ்ரதோத்ஸாரிதகாலியஃ ।

பலபத்ரஸுகாலாபோ கோபாலிங்கநநிர்வ்ரு'தஃ ॥ 77 ॥

தாவாக்நிபீதகோபாலகோப்தா தாவாக்நிநாஶநஃ ।

நயநாச்சாதநக்ரீடாலம்படோ ந்ரு'பசேஷ்டிதஃ ॥ 78 ॥

காகபக்ஷதரஸ்ஸௌம்யோ பலவாஹககேலிமாந் ।

பலகாதிததுர்தர்ஷப்ரலம்போ பலவத்ஸலஃ ॥ 79 ॥

முஞ்ஜாடவ்யக்நிஶமநஃ ப்ராவ்ரு'ட்காலவிநோதவாந் ।

ஶிலாந்யஸ்தாந்நப்ரு'த்தைத்யஸம்ஹர்தா ஶாத்வலாஸநஃ ॥ 80 ॥

ஸதாப்தகோபிகோத்கீதஃ கர்ணிகாராவதம்ஸகஃ ।

நடவேஷதரஃ பத்மமாலாங்கோ கோபிகாவ்ரு'தஃ ॥ 81 ॥

கோபீமநோஹராபாங்கோ வேணுவாதநதத்பரஃ ।

விந்யஸ்தவதநாம்போஜஶ்சாருஶப்தக்ரு'தாநநஃ ॥ 82 ॥

பிம்பாதரார்பிதோதாரவேணுர்விஶ்வவிமோஹநஃ ।

வ்ரஜஸம்வர்ணிதஶ்ராவ்யவேணுநாதஃ ஶ்ருதிப்ரியஃ ॥ 83 ॥

கோகோபகோபீஜந்மேப்ஸுர்ப்ரஹ்மேந்த்ராத்யபிவந்திதஃ ।

கீதஸ்நுதிஸரித்பூரோ நாதநர்திதபர்ஹிணஃ ॥ 84 ॥

ராகபல்லவிதஸ்தாணுர்கீதாநமிதபாதபஃ ।

விஸ்மாரிதத்ரு'ணக்ராஸம்ரு'கோ ம்ரு'கவிலோபிதஃ ॥ 85 ॥

வ்யாக்ராதிஹிம்ஸ்ரஸஹஜவைரஹர்தா ஸுகாயநஃ ।

காடோதீரிதகோப்ரு'ந்தப்ரேமோத்கர்ணிததர்ணகஃ ॥ 86 ॥

நிஷ்பந்தயாநப்ரஹ்மாதிவீக்ஷிதோ விஶ்வவந்திதஃ ।

ஶாகோத்கர்ணஶகுந்தௌகஶ்சத்ராயிதபலாஹகஃ ॥ 87 ॥

ப்ரஸந்நஃ பரமாநந்தஶ்சித்ராயிதசராசரஃ ।

கோபிகாமதநோ கோபீகுசகுங்குமமுத்ரிதஃ ॥ 88 ॥

கோபிகந்யாஜலக்ரீடாஹ்ரு'ஷ்டோ கோப்யம்ஶுகாபஹ்ரு'த் ।

ஸ்கந்தாரோபிதகோபஸ்த்ரீவாஸாஃ குந்தநிபஸ்மிதஃ ॥ 89 ॥

கோபீநேத்ரோத்பலஶஶீ கோபிகாயாசிதாம்ஶுகஃ ।

கோபீநமஸ்க்ரியாதேஷ்டா கோப்யேககரவந்திதஃ ॥ 90 ॥

கோப்யஞ்ஜலிவிஶேஷார்தீ கோபக்ரீடாவிலோபிதஃ ।

ஶாந்தவாஸஸ்புரத்கோபீக்ரு'தாஞ்ஜலிரகாபஹஃ ॥ 91 ॥

கோபீகேலிவிலாஸார்தீ கோபீஸம்பூர்ணகாமதஃ ।

கோபஸ்த்ரீவஸ்த்ரதோ கோபீசித்தசோரஃ குதூஹலீ ॥ 92 ॥

ப்ரு'ந்தாவநப்ரியோ கோபபந்துர்யஜ்வாந்நயாசிதா ।

யஜ்ஞேஶோ யஜ்ஞபாவஜ்ஞோ யஜ்ஞபத்ந்யபிவாஞ்சிதஃ ॥ 93 ॥

முநிபத்நீவிதீர்ணாந்நத்ரு'ப்தோ முநிவதூப்ரியஃ ।

த்விஜபத்ந்யபிபாவஜ்ஞோ த்விஜபத்நீவரப்ரதஃ ॥ 94 ॥

ப்ரதிருத்தஸதீமோக்ஷப்ரதோ த்விஜவிமோஹிதா ।

முநிஜ்ஞாநப்ரதோ யஜ்வஸ்துதோ வாஸவயாகவித் ॥ 95 ॥

பித்ரு'ப்ரோக்தக்ரியாரூபஶக்ரயாகநிவாரணஃ ।

ஶக்ராऽமர்ஷகரஶ்ஶக்ரவ்ரு'ஷ்டிப்ரஶமநோந்முகஃ ॥ 96 ॥

கோவர்தநதரோ கோபகோப்ரு'ந்தத்ராணதத்பரஃ ।

கோவர்தநகிரிச்சத்ரசண்டதண்டபுஜார்கலஃ ॥ 97 ॥

ஸப்தாஹவித்ரு'தாத்ரீந்த்ரோ மேகவாஹநகர்வஹா ।

புஜாக்ரோபரிவிந்யஸ்தக்ஷ்மாதரக்ஷ்மாப்ரு'தச்யுதஃ ॥ 98 ॥

ஸ்வஸ்தாநஸ்தாபிதகிரிர்கோபீதத்யக்ஷதார்சிதஃ ।

ஸுமநஸ்ஸுமநோவ்ரு'ஷ்டிஹ்ரு'ஷ்டோ வாஸவவந்திதஃ ॥ 99 ॥

காமதேநுபயஃபூராபிஷிக்தஸ்ஸுரபிஸ்துதஃ ।

தராங்க்ரிரோஷதீரோமா தர்மகோப்தா மநோமயஃ ॥ 100 ॥

ஜ்ஞாநயஜ்ஞப்ரியஶ்ஶாஸ்த்ரநேத்ரஸ்ஸர்வார்தஸாரதிஃ ।

ஐராவதகராநீதவியத்கங்காப்லுதோ விபுஃ ॥ 101 ॥

ப்ரஹ்மாபிஷிக்தோ கோகோப்தா ஸர்வலோகஶுபங்கரஃ ।

ஸர்வவேதமயோ மக்நநந்தாந்வேஷிபித்ரு'ப்ரியஃ ॥ 102 ॥

வருணோதீரிதாத்மேக்ஷாகௌதுகோ வருணார்சிதஃ ।

வருணாநீதஜநகோ கோபஜ்ஞாதாத்மவைபவஃ ॥ 103 ॥

ஸ்வர்லோகாலோகஸம்ஹ்ரு'ஷ்டகோபவர்கத்ரிவர்கதஃ ।

ப்ரஹ்மஹ்ரு'த்கோபிதோ கோபத்ரஷ்டா ப்ரஹ்மபதப்ரதஃ ॥ 104 ॥

ஶரச்சந்த்ரவிஹாரோத்கஃ ஶ்ரீபதிர்வஶகோ க்ஷமஃ ।

பயாபஹோ பர்த்ரு'ருத்தகோபிகாத்யாநகோசரஃ ॥ 105 ॥

கோபிகாநயநாஸ்வாத்யோ கோபீநர்மோக்திநிர்வ்ரு'தஃ ।

கோபிகாமாநஹரணோ கோபிகாஶதயூதபஃ ॥ 106 ॥

வைஜயந்தீஸ்ரகாகல்போ கோபிகாமாநவர்தநஃ ।

கோபகாந்தாஸுநிர்தேஷ்டா காந்தோ மந்மதமந்மதஃ ॥ 107 ॥

ஸ்வாத்மாஸ்யதத்ததாம்பூலஃ பலிதோத்க்ரு'ஷ்டயௌவநஃ ।

வல்லவீஸ்தநஸக்தாக்ஷோ வல்லவீப்ரேமசாலிதஃ ॥ 108 ॥

கோபீசேலாஞ்சலாஸீநோ கோபீநேத்ராப்ஜஷட்பதஃ ।

ராஸக்ரீடாஸமாஸக்தோ கோபீமண்டலமண்டநஃ ॥ 109 ॥

கோபீஹேமமணிஶ்ரேணிமத்யேந்த்ரமணிருஜ்ஜ்வலஃ ।

வித்யாதரேந்துஶாபக்நஶ்ஶங்கசூடஶிரோஹரஃ ॥ 110 ॥

ஶங்கசூடஶிரோரத்நஸம்ப்ரீணிதபலோऽநகஃ ।

அரிஷ்டாரிஷ்டக்ரு'த்துஷ்டகேஶிதைத்யநிஷூதநஃ ॥ 111 ॥

ஸரஸஸ்ஸஸ்மிதமுகஸ்ஸுஸ்திரோ விரஹாகுலஃ ।

ஸங்கர்ஷணார்பிதப்ரீதிரக்ரூரத்யாநகோசரஃ ॥ 112 ॥

அக்ரூரஸம்ஸ்துதோ கூடோ குணவ்ரு'த்யுபலக்ஷிதஃ ।

ப்ரமாணகம்யஸ்தந்மாத்ராऽவயவீ புத்திதத்பரஃ ॥ 113 ॥

ஸர்வப்ரமாணப்ரமதீஸ்ஸர்வப்ரத்யயஸாதகஃ ।

புருஷஶ்ச ப்ரதாநாத்மா விபர்யாஸவிலோசநஃ ॥ 114 ॥

மதுராஜநஸம்வீக்ஷ்யோ ரஜகப்ரதிகாதகஃ ।

விசித்ராம்பரஸம்வீதோ மாலாகாரவரப்ரதஃ ॥ 115 ॥

குப்ஜாவக்ரத்வநிர்மோக்தா குப்ஜாயௌவநதாயகஃ ।

குப்ஜாங்கராகஸுரபிஃ கம்ஸகோதண்டகண்டநஃ ॥ 116 ॥

தீரஃ குவலயாபீடமர்தநஃ கம்ஸபீதிக்ரு'த் ।

தந்திதந்தாயுதோ ரங்கத்ராஸகோ மல்லயுத்தவித் ॥ 117 ॥

சாணூரஹந்தா கம்ஸாரிர்தேவகீஹர்ஷதாயகஃ ।

வஸுதேவபதாநம்ரஃ பித்ரு'பந்தவிமோசநஃ ॥ 118 ॥

உர்வீபயாபஹோ பூப உக்ரஸேநாதிபத்யதஃ ।

ஆஜ்ஞாஸ்திதஶசீநாதஸ்ஸுதர்மாநயநக்ஷமஃ ॥ 119 ॥

ஆத்யோ த்விஜாதிஸத்கர்தா ஶிஷ்டாசாரப்ரதர்ஶகஃ ।

ஸாந்தீபநிக்ரு'தாப்யஸ்தவித்யாப்யாஸைகதீஸ்ஸுதீஃ ॥ 120 ॥

குர்வபீஷ்டக்ரியாதக்ஷஃ பஶ்சிமோததிபூஜிதஃ ।

ஹதபஞ்சஜநப்ராப்தபாஞ்சஜந்யோ யமார்சிதஃ ॥ 121 ॥

தர்மராஜஜயாநீதகுருபுத்ர உருக்ரமஃ ।

குருபுத்ரப்ரதஶ்ஶாஸ்தா மதுராஜஸபாஸதஃ ॥ 122 ॥

ஜாமதக்ந்யஸமப்யர்ச்யோ கோமந்தகிரிஸஞ்சரஃ ।

கோமந்ததாவஶமநோ கருடாநீதபூஷணஃ ॥ 123 ॥

சக்ராத்யாயுதஸம்ஶோபீ ஜராஸந்தமதாபஹஃ ।

ஸ்ரு'காலாவநிபாலக்நஸ்ஸ்ரு'காலாத்மஜராஜ்யதஃ ॥ 124 ॥

வித்வஸ்தகாலயவநோ முசுகுந்தவரப்ரதஃ ।

ஆஜ்ஞாபிதமஹாம்போதிர்த்வாரகாபுரகல்பநஃ ॥ 125 ॥

த்வாரகாநிலயோ ருக்மிமாநஹந்தா யதூத்வஹஃ ।

ருசிரோ ருக்மிணீஜாநிஃ ப்ரத்யும்நஜநகஃ ப்ரபுஃ ॥ 126 ॥

அபாக்ரு'தத்ரிலோகார்திரநிருத்தபிதாமஹஃ ।

அநிருத்தபதாந்வேஷீ சக்ரீ கருடவாஹநஃ ॥ 127 ॥

பாணாஸுரபுரீரோத்தா ரக்ஷாஜ்வலநயந்த்ரஜித் ।

தூதப்ரமதஸம்ரம்போ ஜிதமாஹேஶ்வரஜ்வரஃ ॥ 128 ॥

ஷட்சக்ரஶக்திநிர்ஜேதா பூதவேதாலமோஹக்ரு'த் ।

ஶம்புத்ரிஶூலஜிச்சம்புஜ்ரு'ம்பணஶ்ஶம்புஸம்ஸ்துதஃ ॥ 129 ॥

இந்த்ரியாத்மேந்துஹ்ரு'தயஸ்ஸர்வயோகேஶ்வரேஶ்வரஃ ।

ஹிரண்யகர்பஹ்ரு'தயோ மோஹாவர்தநிவர்தநஃ ॥ 130 ॥

ஆத்மஜ்ஞாநநிதிர்மேதா கோஶஸ்தந்மாத்ரரூபவாந் ।

இந்த்ரோऽக்நிவதநஃ காலநாபஸ்ஸர்வாகமாத்வகஃ ॥ 131 ॥

துரீயஸர்வதீஸாக்ஷீ த்வந்த்வாராமாத்மதூரகஃ ।

அஜ்ஞாதபாரோ வஶ்யஶ்ரீரவ்யாக்ரு'தவிஹாரவாந் ॥ 132 ॥

ஆத்மப்ரதீபோ விஜ்ஞாநமாத்ராத்மா ஶ்ரீநிகேதநஃ ।

பாணபாஹுவநச்சேத்தா மஹேந்த்ரப்ரீதிவர்தநஃ ॥ 133 ॥

அநிருத்தநிரோதஜ்ஞோ ஜலேஶாஹ்ரு'தகோகுலஃ ।

ஜலேஶவிஜயீ வீரஸ்ஸத்ராஜித்ரத்நயாசகஃ ॥ 134 ॥

ப்ரஸேநாந்வேஷணோத்யுக்தோ ஜாம்பவத்த்ரு'தரத்நதஃ ।

ஜிதர்க்ஷராஜதநயாஹர்தா ஜாம்பவதீப்ரியஃ ॥ 135 ॥

ஸத்யபாமாப்ரியஃ காமஶ்ஶததந்வஶிரோஹரஃ ।

காலிந்தீபதிரக்ரூரபந்துரக்ரூரரத்நதஃ ॥ 136 ॥

கைகேயீரமணோ பத்ராபர்தா நாக்நஜிதீதவஃ ।

மாத்ரீமநோஹரஶ்ஶைப்யாப்ராணபந்துருருக்ரமஃ ॥ 137 ॥

ஸுஶீலாதயிதோ மித்ரவிந்தாநேத்ரமஹோத்ஸவஃ ।

லக்ஷ்மணாவல்லபோ ருத்தப்ராக்ஜ்யோதிஷமஹாபுரஃ ॥ 138 ॥

ஸுரபாஶாவ்ரு'திச்சேதீ முராரிஃ க்ரூரயுத்தவித் ।

ஹயக்ரீவஶிரோஹர்தா ஸர்வாத்மா ஸர்வதர்ஶநஃ ॥ 139 ॥

நரகாஸுரவிச்சேத்தா நரகாத்மஜராஜ்யதஃ।

ப்ரு'த்வீஸ்துதஃ ப்ரகாஶாத்மா ஹ்ரு'த்யோ யஜ்ஞபலப்ரதஃ ॥ 140 ॥

குணக்ராஹீ குணத்ரஷ்டா கூடஸ்வாத்மா விபூதிமாந் ।

கவிர்ஜகதுபத்ரஷ்டா பரமாக்ஷரவிக்ரஹஃ ॥ 141 ॥

ப்ரபந்நபாலநோ மாலீ மஹத்ப்ரஹ்மவிவர்தநஃ ।

வாச்யவாசகஶக்த்யர்தஸ்ஸர்வவ்யாக்ரு'தஸித்திதஃ ॥ 142 ॥

ஸ்வயம்ப்ரபுரநிர்வேத்யஸ்ஸ்வப்ரகாஶஶ்சிரந்தநஃ ।

நாதாத்மா மந்த்ரகோடீஶோ நாநாவாதநிரோதகஃ ॥ 143 ॥

கந்தர்பகோடிலாவண்யஃ பரார்தைகப்ரயோஜகஃ ।

அமரீக்ரு'ததேவௌகஃ கந்யகாபந்தமோசநஃ ॥ 144 ॥

ஷோடஶஸ்த்ரீஸஹஸ்ரேஶஃ காந்தஃ காந்தாமநோபவஃ ।

க்ரீடாரத்நாசலாஹர்தா வருணச்சத்ரஶோபிதஃ ॥ 145 ॥

ஶக்ராபிவந்திதஶ்ஶக்ரஜநநீகுண்டலப்ரதஃ ।

அதிதிப்ரஸ்துதஸ்தோத்ரோ ப்ராஹ்மணோத்குஷ்டசேஷ்டநஃ ॥ 146 ॥

புராணஸ்ஸம்யமீ ஜந்மாலிப்தஃ ஷட்விம்ஶகோऽர்ததஃ ।

யஶஸ்யநீதிராத்யந்தரஹிதஸ்ஸத்கதாப்ரியஃ ॥ 147 ॥

ப்ரஹ்மபோதஃ பராநந்தஃ பாரிஜாதாபஹாரகஃ ।

பௌண்ட்ரகப்ராணஹரணஃ காஶிராஜநிஷூதநஃ ॥ 148 ॥

க்ரு'த்யாகர்வப்ரஶமநோ விசக்ரவததீக்ஷிதஃ ।

கம்ஸவித்வம்ஸநஸ்ஸாம்பஜநகோ டிம்பகார்தநஃ ॥ 149 ॥

முநிர்கோப்தா பித்ரு'வரப்ரதஸ்ஸவநதீக்ஷிதஃ ।

ரதீ ஸாரத்யநிர்தேஷ்டா பால்குநஃ பால்குநிப்ரியஃ ॥ 150 ॥

ஸப்தாப்திஸ்தம்பநோத்பாதோ ஹரிஸ்ஸப்தாப்திபேதநஃ ।

ஆத்மப்ரகாஶஃ பூர்ணஶ்ரீராதிநாராயணேக்ஷிதஃ ॥ 151 ॥

விப்ரபுத்ரப்ரதஶ்சைவ ஸர்வமாத்ரு'ஸுதப்ரதஃ ।

பார்தவிஸ்மயக்ரு'த்பார்தப்ரணவார்தப்ரபோதநஃ ॥ 152 ॥

கைலாஸயாத்ராஸுமுகோ பதர்யாஶ்ரமபூஷணஃ ।

கண்டாகர்ணக்ரியாமௌட்யாத்தோஷிதோ பக்தவத்ஸலஃ ॥ 153 ॥

முநிப்ரு'ந்தாதிபிர்த்யேயோ கண்டாகர்ணவரப்ரதஃ ।

தபஶ்சர்யாபரஶ்சீரவாஸாஃ பிங்கஜடாதரஃ ॥ 154 ॥

ப்ரத்யக்ஷீக்ரு'தபூதேஶஶ்ஶிவஸ்தோதா ஶிவஸ்துதஃ ।

க்ரு'ஷ்ணாஸ்வயம்வராலோககௌதுகீ ஸர்வஸம்மதஃ ॥ 155 ॥

பலஸம்ரம்பஶமநோ பலதர்ஶிதபாண்டவஃ ।

யதிவேஷார்ஜுநாபீஷ்டதாயீ ஸர்வாத்மகோசரஃ ॥ 156 ॥

ஸுபத்ராபால்குநோத்வாஹகர்தா ப்ரீணிதபால்குநஃ ।

காண்டவப்ரீணிதார்சிஷ்மாந்மயதாநவமோசநஃ ॥ 157 ॥

ஸுலபோ ராஜஸூயார்ஹயுதிஷ்டிரநியோஜகஃ ।

பீமார்திதஜராஸந்தோ மாகதாத்மஜராஜ்யதஃ ॥ 158 ॥

ராஜபந்தநநிர்மோக்தா ராஜஸூயாக்ரபூஜநஃ ।

சைத்யாத்யஸஹநோ பீஷ்மஸ்துதஸ்ஸாத்வதபூர்வஜஃ ॥ 159 ॥

ஸர்வாத்மார்தஸமாஹர்தா மந்தராசலதாரகஃ ।

யஜ்ஞாவதாரஃ ப்ரஹ்லாதப்ரதிஜ்ஞாப்ரதிபாலகஃ ॥ 160 ॥

பலியஜ்ஞஸபாத்வம்ஸீ த்ரு'ப்தக்ஷத்ரகுலாந்தகஃ ।

தஶக்ரீவாந்தகோ ஜேதா ரேவதீப்ரேமவல்லபஃ ॥ 161 ॥

ஸர்வாவதாராதிஷ்டாதா வேதபாஹ்யவிமோஹநஃ ।

கலிதோஷநிராகர்தா தஶநாமா த்ரு'டவ்ரதஃ ॥ 162 ॥

அமேயாத்மா ஜகத்ஸ்வாமீ வாக்மீ சைத்யஶிரோஹரஃ ।

த்ரௌபதீரசிதஸ்தோத்ரஃ கேஶவஃ புருஷோத்தமஃ ॥ 163 ॥

நாராயணோ மதுபதிர்மாதவோ தோஷவர்ஜிதஃ ।

கோவிந்தஃ புண்டரீகாக்ஷோ விஷ்ணுஶ்ச மதுஸூதநஃ ॥ 164 ॥

த்ரிவிக்ரமஸ்த்ரிலோகேஶோ வாமநஃ ஶ்ரீதரஃ புமாந் ।

ஹ்ரு'ஷீகேஶோ வாஸுதேவஃ பத்மநாபோ மஹாஹ்ரதஃ ॥ 165 ॥

தாமோதரஶ்சதுர்வ்யூஹஃ பாஞ்சாலீமாநரக்ஷணஃ ।

ஸால்வக்நஸ்ஸமரஶ்லாகீ தந்தவக்த்ரநிபர்ஹணஃ ॥ 166 ॥

தாமோதரப்ரியஸகா ப்ரு'துகாஸ்வாதநப்ரியஃ ॥

க்ரு'ணீ தாமோதரஃ ஶ்ரீதோ கோபீபுநரவேக்ஷகஃ ॥ 167 ॥

கோபிகாமுக்திதோ யோகீ துர்வாஸஸ்த்ரு'ப்திகாரகஃ ।

அவிஜ்ஞாதவ்ரஜாகீர்ணபாண்டவாலோகநோ ஜயீ ॥ 168 ॥

பார்தஸாரத்யநிரதஃ ப்ராஜ்ஞஃ பாண்டவதூத்யக்ரு'த் ।

விதுராதித்யஸந்துஷ்டஃ குந்தீஸந்தோஷதாயகஃ ॥ 169 ॥

ஸுயோதநதிரஸ்கர்தா துர்யோதநவிகாரவித் ।

விதுராபிஷ்டுதோ நித்யோ வார்ஷ்ணேயோ மங்கலாத்மகஃ ॥ 170 ॥

பஞ்சவிம்ஶதிதத்த்வேஶஶ்சதுர்விம்ஶதிதேஹபாக் ।

ஸர்வாநுக்ராஹகஸ்ஸர்வதாஶார்ஹஸததார்சிதஃ ॥ 171 ॥

அசிந்த்யோ மதுராலாபஸ்ஸாதுதர்ஶீ துராஸதஃ ।

மநுஷ்யதர்மாநுகதஃ கௌரவேந்த்ரக்ஷயேக்ஷிதா ॥ 172 ॥

உபேந்த்ரோ தாநவாராதிருருகீதோ மஹாத்யுதிஃ ।

ப்ரஹ்மண்யதேவஃ ஶ்ருதிமாந் கோப்ராஹ்மணஹிதாஶயஃ ॥ 173 ॥

வரஶீலஶ்ஶிவாரம்பஸ்ஸுவிஜ்ஞாநவிமூர்திமாந் ।

ஸ்வபாவஶுத்தஸ்ஸந்மித்ரஸ்ஸுஶரண்யஸ்ஸுலக்ஷணஃ ॥ 174 ॥

த்ரு'தராஷ்ட்ரகதௌத்ரு'ஷ்டிப்ரதஃ கர்ணவிபேதநஃ ।

ப்ரதோதத்ரு'க்விஶ்வரூபவிஸ்மாரிததநஞ்ஜயஃ ॥ 175 ॥

ஸாமகாநப்ரியோ தர்மதேநுர்வர்ணோத்தமோऽவ்யயஃ ।

சதுர்யுகக்ரியாகர்தா விஶ்வரூபப்ரதர்ஶகஃ ॥ 176 ॥

ப்ரஹ்மபோதபரித்ராதபார்தோ பீஷ்மார்தசக்ரப்ரு'த் ।

அர்ஜுநாயாஸவித்வம்ஸீ காலதம்ஷ்ட்ராவிபூஷணஃ ॥ 177 ॥

ஸுஜாதாநந்தமஹிமா ஸ்வப்நவ்யாபாரிதார்ஜுநஃ ।

அகாலஸந்த்யாகடநஶ்சக்ராந்தரிதபாஸ்கரஃ ॥ 178 ॥

துஷ்டப்ரமதநஃ பார்தப்ரதிஜ்ஞாபரிபாலகஃ ।

ஸிந்துராஜஶிரஃபாதஸ்தாநவக்தா விவேகத்ரு'க் ॥ 179 ॥

ஸுபத்ராஶோகஹரணோ த்ரோணோத்ஸேகாதிவிஸ்மிதஃ ।

பார்தமந்யுநிராகர்தா பாண்டவோத்ஸவதாயகஃ ॥ 180 ॥

அங்குஷ்டாக்ராந்தகௌந்தேயரதஶ்ஶக்தோऽஹிஶீர்ஷஜித் ।

காலகோபப்ரஶமநோ பீமஸேநஜயப்ரதஃ ॥ 181 ॥

அஶ்வத்தாமவதாயாஸத்ராதபாண்டுஸுதஃ க்ரு'தீ ।

இஷீகாஸ்த்ரப்ரஶமநோ த்ரௌணிரக்ஷாவிசக்ஷணஃ ॥ 182 ॥

பார்தாபஹாரிதத்ரௌணிசூடாமணிரபங்குரஃ ।

த்ரு'தராஷ்ட்ரபராம்ரு'ஷ்டபீமப்ரதிக்ரு'திஸ்மயஃ ॥ 183 ॥

பீஷ்மபுத்திப்ரதஶ்ஶாந்தஶ்ஶரச்சந்த்ரநிபாநநஃ ।

கதாக்ரஜந்மா பாஞ்சாலீப்ரதிஜ்ஞாபரிபாலகஃ ॥ 184 ॥

காந்தாரீகோபத்ரு'க்குப்ததர்மஸூநுரநாமயஃ ।

ப்ரபந்நார்திபயச்சேத்தா பீஷ்மஶல்யவ்யதாவஹஃ ॥ 185 ॥

ஶாந்தஶ்ஶாந்தநவோதீர்ணஸர்வதர்மஸமாஹிதஃ ।

ஸ்மாரிதப்ரஹ்மவித்யார்தப்ரீதபார்தோ மஹாஸ்த்ரவித் ॥ 186 ॥

ப்ரஸாதபரமோதாரோ காங்கேயஸுகதிப்ரதஃ ।

விபக்ஷபக்ஷக்ஷயக்ரு'த்பரீக்ஷித்ப்ராணரக்ஷணஃ ॥ 187 ॥

ஜகத்குருர்தர்மஸூநோர்வாஜிமேதப்ரவர்தகஃ ।

விஹிதார்தாப்தஸத்காரோ மாஸகாத்பரிவர்ததஃ ॥ 188 ॥

உத்தங்கஹர்ஷதாத்மீயதிவ்யரூபப்ரதர்ஶகஃ ।

ஜநகாவகதஸ்வோக்தபாரதஸ்ஸர்வபாவநஃ ॥ 189 ॥

அஸோடயாதவோத்ரேகோ விஹிதாப்தாதிபூஜநஃ ॥

ஸமுத்ரஸ்தாபிதாஶ்சர்யமுஸலோ வ்ரு'ஷ்ணிவாஹகஃ ॥ 190 ॥

முநிஶாபாயுதஃ பத்மாஸநாதித்ரிதஶார்திதஃ ।

வ்ரு'ஷ்டிப்ரத்யவஹாரோத்கஸ்ஸ்வதாமகமநோத்ஸுகஃ ॥ 191 ॥

ப்ரபாஸாலோகநோத்யுக்தோ நாநாவிதநிமித்தக்ரு'த் ।

ஸர்வயாதவஸம்ஸேவ்யஸ்ஸர்வோத்க்ரு'ஷ்டபரிச்சதஃ ॥ 192 ॥

வேலாகாநநஸஞ்சாரீ வேலாநிலஹ்ரு'தஶ்ரமஃ ।

காலாத்மா யாதவோऽநந்தஸ்ஸ்துதிஸந்துஷ்டமாநஸஃ ॥ 193 ॥

த்விஜாலோகநஸந்துஷ்டஃ புண்யதீர்தமஹோத்ஸவஃ ।

ஸத்காராஹ்லாதிதாஶேஷபூஸுரஸ்ஸுரவல்லபஃ ॥ 194 ॥

புண்யதீர்தாப்லுதஃ புண்யஃ புண்யதஸ்தீர்தபாவநஃ ।

விப்ரஸாத்க்ரு'தகோகோடிஶ்ஶதகோடிஸுவர்ணதஃ ॥ 195 ॥

ஸ்வமாயாமோஹிதாऽஶேஷவ்ரு'ஷ்ணிவீரோ விஶேஷவித் ।

ஜலஜாயுதநிர்தேஷ்டா ஸ்வாத்மாவேஶிதயாதவஃ ॥ 196 ॥

தேவதாபீஷ்டவரதஃ க்ரு'தக்ரு'த்யஃ ப்ரஸந்நதீஃ ।

ஸ்திரஶேஷாயுதபலஸ்ஸஹஸ்ரபணிவீக்ஷணஃ ॥ 197 ॥

ப்ரஹ்மவ்ரு'க்ஷவரச்சாயாஸீநஃ பத்மாஸநஸ்திதஃ ।

ப்ரத்யகாத்மா ஸ்வபாவார்தஃ ப்ரணிதாநபராயணஃ ॥ 198 ॥

வ்யாதேஷுவித்தபூஜ்யாங்க்ரிர்நிஷாதபயமோசநஃ ।

புலிந்தஸ்துதிஸந்துஷ்டஃ புலிந்தஸுகதிப்ரதஃ ॥ 199 ॥

தாருகார்பிதபார்தாதிகரணீயோக்திரீஶிதா ।

திவ்யதுந்துபிஸம்யுக்தஃ புஷ்பவ்ரு'ஷ்டிப்ரபூஜிதஃ ॥ 200 ॥

புராணஃ பரமேஶாநஃ பூர்ணபூமா பரிஷ்டுதஃ ।

பதிராத்யஃ பரம் ப்ரஹ்ம பரமாத்மா பராத்பரஃ ॥ 201 ॥

ஶ்ரீபரமாத்மா பராத்பரஃ ௐ நமஃ இதி ।

பலஶ்ருதிஃ –

இதம் ஸஹஸ்ரம் க்ரு'ஷ்ணஸ்ய நாம்நாம் ஸர்வார்ததாயகம் ।

அநந்தரூபீ பகவாந் வ்யாக்யாதாதௌ ஸ்வயம்புவே ॥ 202 ॥

தேந ப்ரோக்தம் வஸிஷ்டாய ததோ லப்த்வா பராஶரஃ ।

வ்யாஸாய தேந ஸம்ப்ரோக்தம் ஶுகோ வ்யாஸாதவாப்தவாந் ॥ 203 ॥

தச்சிஷ்யைர்பஹுபிர்பூமௌ க்யாபிதம் த்வாபரே யுகே ।

க்ரு'ஷ்ணாஜ்ஞயா ஹரிஹரஃ கலௌ ப்ரக்யாபயத்விபுஃ ॥ 204 ॥

இதம் படதி பக்த்யா யஃ ஶ்ரு'ணோதி ச ஸமாஹிதஃ ।

ஸ்வஸித்த்யை ப்ரார்தயந்த்யேநம் தீர்தக்ஷேத்ராதிதேவதாஃ ॥ 205 ॥

ப்ராயஶ்சித்தாந்யஶேஷாணி நாலம் யாநி வ்யபோஹிதும் ।

தாநி பாபாநி நஶ்யந்தி ஸக்ரு'தஸ்ய ப்ரஶம்ஸநாத் ॥ 206 ॥

ரு'ணத்ரயவிமுக்தஸ்ய ஶ்ரௌதஸ்மார்தாநுவர்திநஃ ।

ரு'ஷேஸ்த்ரிமூர்திரூபஸ்ய பலம் விந்தேதிதம் படந் ॥ 207 ॥

இதம் நாமஸஹஸ்ரம் யஃ படத்யேதச்ச்ரு'ணோதி ச ।

ஶிவலிங்கஸஹஸ்ரஸ்ய ஸ ப்ரதிஷ்டாபலம் லபேத் ॥ 208 ॥

இதம் கிரீடீ ஸஞ்ஜப்ய ஜயீ பாஶுபதாஸ்த்ரபாக் ।

க்ரு'ஷ்ணஸ்ய ப்ராணபூதஸ்ஸந் க்ரு'ஷ்ணம் ஸாரதிமாப்தவாந் ॥ 209 ॥

த்ரௌபத்யா தமயந்த்யா ச ஸாவித்ர்யா ச ஸுஶீலயா ।

துரிதாநி ஜிதாந்யேதஜ்ஜபாதாப்தம் ச வாஞ்சிதம் ॥ 210 ॥

கிமிதம் பஹுநா ஶம்ஸந்மாநவோ மோதநிர்பரஃ ।

ப்ரஹ்மாநந்தமவாப்யாந்தே க்ரு'ஷ்ணஸாயூஜ்யமாப்நுயாத் ॥ 211 ॥

Roman (IAST) Transliteration

oṃ asya śrīkṛṣṇasahasranāmastotramantrasya parāśara ṛṣiḥ, anuṣṭup chandaḥ, śrīkṛṣṇaḥ paramātmā devatā, śrīkṛṣṇeti bījam, śrīvallabheti śaktiḥ, śārṅgīti kīlakaṃ, śrīkṛṣṇaprītyarthe jape viniyogaḥ ||

nyāsaḥ

parāśarāya ṛṣaye namaḥ iti śirasi,

anuṣṭup chandase namaḥ iti mukhe,

gopālakṛṣṇadevatāyai namaḥ iti hṛdaye,

śrīkṛṣṇāya bījāya namaḥ iti guhye,

śrīvallabhāya śaktyai namaḥ iti pādayoḥ,

śārṅgadharāya kīlakāya namaḥ iti sarvāṅge ||

karanyāsaḥ

śrīkṛṣṇa ityārabhya śūravaṃśaikadhīrityantāni aṅguṣṭhābhyāṃ namaḥ |

śaurirityārabhya svabhāsodbhāsitavraja ityantāni tarjanībhyāṃ namaḥ |

kṛtātmavidyāvinyāsa ityārabhya prasthānaśakaṭārūḍha iti madhyamābhyāṃ namaḥ,

bṛndāvanakṛtālaya ityārabhya madhurājanavīkṣita ityanāmikābhyāṃ namaḥ,

rajakapratighātaka ityārabhya dvārakāpurakalpana iti kaniṣṭhikābhyāṃ namaḥ

dvārakānilaya ityārabhya parāśara iti karatalakarapṛṣṭhābhyāṃ namaḥ,

evaṃ hṛdayādinyāsaḥ ||

dhyānam

keṣāñcitpremapuṃsāṃ vigalitamanasāṃ bālalīlāvilāsaṃ

keṣāṃ gopālalīlāṅkitarasikatanurveṇuvādyena devam |

keṣāṃ vāmāsamāje janitamanasijo daityadarpāpahaivaṃ

jñātvā bhinnābhilāṣaṃ sa jayati jagatāmīśvarastādṛśo'bhūt || 1 ||

kṣīrābdhau kṛtasaṃstavassuragaṇairbrahmādibhiḥ paṇḍitaiḥ

prodbhūto vasudevasadmani mudā cikrīḍa yo gokule |

kaṃsadhvaṃsakṛte jagāma madhurāṃ sārāmasadvārakāṃ

gopālo'khilagopikājanasakhaḥ pāyādapāyāt sa naḥ || 2 ||

phullendīvarakāntiminduvadanaṃ barhāvataṃsapriyaṃ

śrīvatsāṅkamudārakaustubhadharaṃ pītāmbaraṃ sundaram |

gopīnāṃ nayanotpalārcitatanuṃ gogopasaṅghāvṛtaṃ

govindaṃ kalaveṇuvādanarataṃ divyāṅgabhūṣaṃ bhaje || 3 ||

om |

kṛṣṇaḥ śrīvallabhaḥ śārṅgī viṣvaksenaḥ svasiddhidaḥ |

kṣīrodadhāmā vyūheśaḥ śeṣaśāyī jaganmayaḥ || 1 ||

bhaktigamyastrayīmūrtirbhārārtavasudhāstutaḥ |

devadevo dayāsindhurdevadevaśikhāmaṇiḥ || 2 ||

sukhabhāvassukhādhāro mukundo muditāśayaḥ |

avikriyaḥ kriyāmūrtiradhyātmasvasvarūpavān || 3 ||

śiṣṭābhilakṣyo bhūtātmā dharmatrāṇārthaceṣṭitaḥ |

antaryāmī kalārūpaḥ kālāvayavasākṣikaḥ || 4 ||

vasudhāyāsaharaṇo nāradapreraṇonmukhaḥ |

prabhūṣṇurnāradodgīto lokarakṣāparāyaṇaḥ || 5 ||

rauhiṇeyakṛtānando yogajñānaniyojakaḥ |

mahāguhāntarnikṣiptaḥ purāṇavapurātmavān || 6 ||

śūravaṃśaikadhīśśauriḥ kaṃsaśaṅkāviṣādakṛt |

vasudevollasacchaktirdevakyaṣṭamagarbhagaḥ || 7 ||

vasudevasutaḥ śrīmāndevakīnandano hariḥ |

āścaryabālaḥ śrīvatsalakṣmavakṣāścaturbhujaḥ || 8 ||

svabhāvotkṛṣṭasadbhāvaḥ kṛṣṇāṣṭamyantasambhavaḥ |

prājāpatyarkṣasambhūto niśīthasamayoditaḥ || 9 ||

śaṅkhacakragadāpadmapāṇiḥ padmanibhekṣaṇaḥ |

kirīṭī kaustubhoraskaḥ sphuranmakarakuṇḍalaḥ || 10 ||

pītavāsā ghanaśyāmaḥ kuñcitāñcitakuntalaḥ |

suvyaktavyaktābharaṇaḥ sūtikāgṛhabhūṣaṇaḥ || 11 ||

kārāgārāndhakāraghnaḥ pitṛprāgjanmasūcakaḥ |

vasudevastutaḥ stotraṃ tāpatrayanivāraṇaḥ || 12 ||

niravadyaḥ kriyāmūrtirnyāyavākyaniyojakaḥ |

adṛṣṭaceṣṭaḥ kūṭastho dhṛtalaukikavigrahaḥ || 13 ||

maharṣimānasollāso mahīmaṅgaladāyakaḥ |

santoṣitasuravrātaḥ sādhucittaprasādakaḥ || 14 ||

janakopāyanirdeṣṭā devakīnayanotsavaḥ |

pitṛpāṇipariṣkāro mohitāgārarakṣakaḥ || 15 ||

svaśaktyuddhāṭitāśeṣakapāṭaḥ pitṛvāhakaḥ |

śeṣoragaphaṇācchatraśśeṣoktākhyāsahasrakaḥ || 16 ||

yamunāpūravidhvaṃsī svabhāsodbhāsitavrajaḥ |

kṛtātmavidyāvinyāso yogamāyāgrasambhavaḥ || 17 ||

durgāniveditodbhāvo yaśodātalpaśāyakaḥ |

nandagopotsavasphūrtirvrajānandakarodayaḥ || 18 ||

sujātajātakarma śrīrgopībhadroktinirvṛtaḥ |

alīkanidropagamaḥ pūtanāstanapīḍanaḥ || 19 ||

stanyāttapūtanāprāṇaḥ pūtanākrośakārakaḥ |

vinyastarakṣāgodhūliryaśodākaralālitaḥ || 20 ||

nandāghrātaśiromadhyaḥ pūtanāsugatipradaḥ |

bālaḥ paryaṅkanidrālurmukhārpitapadāṅguliḥ || 21 ||

añjanasnigdhanayanaḥ paryāyāṅkuritasmitaḥ |

līlākṣastaralālokaśśakaṭāsurabhañjanaḥ || 22 ||

dvijoditasvastyayano mantrapūtajalāplutaḥ |

yaśodotsaṅgaparyaṅko yaśodāmukhavīkṣakaḥ || 23 ||

yaśodāstanyamuditastṛṇāvartādidussahaḥ |

tṛṇāvartāsuradhvaṃsī mātṛvismayakārakaḥ || 24 ||

praśastanāmakaraṇo jānucaṅkramaṇotsukaḥ |

vyālambicūlikāratno ghoṣagopapraharṣaṇaḥ || 25 ||

svamukhapratibimbārthī grīvāvyāghranakhojjvalaḥ |

paṅkānuleparuciro māṃsalorukaṭītaṭaḥ || 26 ||

ghṛṣṭajānukaradvandvaḥ pratibimbānukārakṛt |

avyaktavarṇavāgvṛttiḥ smitalakṣyaradodgamaḥ || 27 ||

dhātrīkarasamālambī praskhalaccitracaṅkramaḥ |

anurūpavayasyāḍhyaścārukaumāracāpalaḥ || 28 ||

vatsapucchasamākṛṣṭo vatsapucchavikarṣaṇaḥ |

vismāritānyavyāpāro gopagopīmudāvahaḥ || 29 ||

akālavatsanirmoktā vrajavyākrośasusmitaḥ |

navanītamahācoro dārakāhāradāyakaḥ || 30 ||

pīṭholūkhalasopānaḥ kṣīrabhāṇḍavibhedanaḥ |

śikyabhāṇḍasamākarṣī dhvāntāgārapraveśakṛt || 31 ||

bhūṣāratnaprakāśāḍhyo gopyupālambhabhartsitaḥ |

parāgadhūsarākāro mṛdbhakṣaṇakṛtekṣaṇaḥ || 32 ||

bāloktamṛtkathārambho mitrāntargūḍhavigrahaḥ |

kṛtasantrāsalolākṣo jananīpratyayāvahaḥ || 33||

mātṛdṛśyāttavadano vaktralakṣyacarācaraḥ |

yaśodālālitasvātmā svayaṃ svācchandyamohanaḥ || 34 ||

savitrīsnehasaṃśliṣṭaḥ savitrīstanalolupaḥ |

navanītārthanāprahvo navanītamahāśanaḥ || 35 ||

mṛṣākopaprakampoṣṭho goṣṭhāṅgaṇavilokanaḥ |

dadhimanthaghaṭībhettā kiṅkiṇīkvāṇasūcitaḥ || 36 ||

haiyaṅgavīnarasiko mṛṣāśruścauryaśaṅkitaḥ |

jananīśramavijñātā dāmabandhaniyantritaḥ || 37 ||

dāmākalpaścalāpāṅgo gāḍholūkhalabandhanaḥ |

ākṛṣṭolūkhalo'nantaḥ kuberasutaśāpavit || | 38 ||

nāradoktiparāmarśī yamalārjunabhañjanaḥ |

dhanadātmajasaṅghuṣṭo nandamocitabandhanaḥ || 39 ||

bālakodgītanirato bāhukṣepoditapriyaḥ |

ātmajño mitravaśago gopīgītaguṇodayaḥ || 40 ||

prasthānaśakaṭārūḍho bṛndāvanakṛtālayaḥ |

govatsapālanaikāgro nānākrīḍāparicchadaḥ || 41 ||

kṣepaṇīkṣepaṇaprīto veṇuvādyaviśāradaḥ |

vṛṣavatsānukaraṇo vṛṣadhvānaviḍambanaḥ || 42 ||

niyuddhalīlāsaṃhṛṣṭaḥ kūjānukṛtakokilaḥ |

upāttahaṃsagamanassarvajanturutānukṛt || 43 ||

bhṛṅgānukārī dadhyannacoro vatsapurassaraḥ |

balī bakāsuragrāhī bakatālupradāhakaḥ || 44 ||

bhītagopārbhakāhūto bakacañcuvidāraṇaḥ |

bakāsurārirgopālo bālo bālādbhutāvahaḥ || 45 ||

balabhadrasamāśliṣṭaḥ kṛtakrīḍānilāyanaḥ |

krīḍāsetunidhānajñaḥ plavaṅgotplavano'dbhutaḥ || 46 ||

kandukakrīḍano luptanandādibhavavedanaḥ |

sumano'laṅkṛtaśirāḥ svādusnigdhānnaśikyabhṛt || 47 ||

guñjāprālambanacchannaḥ piñchairalakaveṣakṛt |

vanyāśanapriyaḥ śṛṅgaravākāritavatsakaḥ || 48 ||

manojñapallavottaṃsapuṣpasvecchāttaṣaṭpadaḥ |

mañjuśiñjitamañjīracaraṇaḥ karakaṅkaṇaḥ || 49 ||

anyonyaśāsanaḥ krīḍāpaṭuḥ paramakaitavaḥ |

pratidhvānapramuditaḥ śākhācaturacaṅkramaḥ || 50 ||

aghadānavasaṃhartā vrajavighnavināśanaḥ |

vrajasañjīvanaḥ śreyonidhirdānavamuktidaḥ || 51 ||

kālindīpulināsīnassahabhuktavrajārbhakaḥ |

kakṣājaṭharavinyastaveṇurvallavaceṣṭitaḥ || 52 ||

bhujasandhyantaranyastaśṛṅgavetraḥ śucismitaḥ |

vāmapāṇisthadadhyannakabalaḥ kalabhāṣaṇaḥ || 53 ||

aṅgulyantaravinyastaphalaḥ paramapāvanaḥ |

adṛśyatarṇakānveṣī vallavārbhakabhītihā || 54 ||

adṛṣṭavatsapavrāto brahmavijñātavaibhavaḥ |

govatsavatsapānveṣī virāṭ-puruṣavigrahaḥ || 55 ||

svasaṅkalpānurūpārtho vatsavatsaparūpadhṛk |

yathāvatsakriyārūpo yathāsthānaniveśanaḥ || 56 ||

yathāvrajārbhakākāro gogopīstanyapassukhī |

cirādvalohito dānto brahmavijñātavaibhavaḥ || 57 ||

vicitraśaktirvyālīnasṛṣṭagovatsavatsapaḥ |

brahmatrapākaro dhātṛstutassarvārthasādhakaḥ || 58 ||

brahma brahmamayo'vyaktastejorūpassukhātmakaḥ |

niruktaṃ vyākṛtirvyakto nirālambanabhāvanaḥ || 59 ||

prabhaviṣṇuratantrīko devapakṣārtharūpadhṛk |

akāmassarvavedādiraṇīyasthūlarūpavān || 60 ||

vyāpī vyāpyaḥ kṛpākartā vicitrācārasammataḥ |

chandomayaḥ pradhānātmā mūrtāmūrtidvayākṛtiḥ || 61 ||

anekamūrtirakrodhaḥ paraḥ prakṛtirakramaḥ |

sakalāvaraṇopetassarvadevo maheśvaraḥ || 62 ||

mahāprabhāvanaḥ pūrvavatsavatsapadarśakaḥ |

kṛṣṇayādavagopālo gopālokanaharṣitaḥ || 63 ||

smitekṣāharṣitabrahmā bhaktavatsalavākpriyaḥ |

brahmānandāśrudhautāṅghrirlīlāvaicitryakovidaḥ || 64 ||

balabhadraikahṛdayo nāmākāritagokulaḥ |

gopālabālako bhavyo rajjuyajñopavītavān || 65 ||

vṛkṣacchāyāhatāśāntirgopotsaṅgopabarhaṇaḥ |

gopasaṃvāhitapado gopavyajanavījitaḥ || 66|

gopagānasukhonnidraḥ śrīdāmārjitasauhṛdaḥ |

sunandasuhṛdekātmā subalaprāṇarañjanaḥ || 67 ||

tālīvanakṛtakrīḍo balapātitadhenukaḥ |

gopīsaubhāgyasambhāvyo godhūlicchuritālakaḥ || 68 ||

gopīvirahasantapto gopikākṛtamajjanaḥ |

pralambabāhurutphullapuṇḍarīkāvataṃsakaḥ || 69 ||

vilāsalalitasmeragarbhalīlāvalokanaḥ |

sragbhūṣaṇānulepāḍhyo jananyupahṛtānnabhuk || 70 ||

varaśayyāśayo rādhāpremasallāpanirvṛtaḥ |

yamunātaṭasañcārī viṣārtavrajaharṣadaḥ || 71 ||

kāliyakrodhajanakaḥ vṛddhāhikulaveṣṭitaḥ |

kāliyāhiphaṇāraṅganaṭaḥ kāliyamardanaḥ || 72 ||

nāgapatnīstutiprīto nānāveṣasamṛddhikṛt |

aviṣvaktadṛgātmeśaḥ svadṛgātmastutipriyaḥ || 73 ||

sarveśvarassarvaguṇaḥ prasiddhassarvasātvataḥ |

akuṇṭhadhāmā candrārkadṛṣṭirākāśanirmalaḥ || 74 ||

anirdeśyagatirnāgavanitāpatibhaikṣadaḥ |

svāṅghrimudrāṅkanāgendramūrdhā kāliyasaṃstutaḥ || 75 ||

abhayo viśvataścakṣuḥ stutottamaguṇaḥ prabhuḥ |

ahamātmā marutprāṇaḥ paramātmā dyuśīrṣavān || 76 ||

nāgopāyanahṛṣṭātmā hradotsāritakāliyaḥ |

balabhadrasukhālāpo gopāliṅgananirvṛtaḥ || 77 ||

dāvāgnibhītagopālagoptā dāvāgnināśanaḥ |

nayanācchādanakrīḍālampaṭo nṛpaceṣṭitaḥ || 78 ||

kākapakṣadharassaumyo balavāhakakelimān |

balaghātitadurdharṣapralambo balavatsalaḥ || 79 ||

muñjāṭavyagniśamanaḥ prāvṛṭkālavinodavān |

śilānyastānnabhṛddaityasaṃhartā śādvalāsanaḥ || 80 ||

sadāptagopikodgītaḥ karṇikārāvataṃsakaḥ |

naṭaveṣadharaḥ padmamālāṅko gopikāvṛtaḥ || 81 ||

gopīmanoharāpāṅgo veṇuvādanatatparaḥ |

vinyastavadanāmbhojaścāruśabdakṛtānanaḥ || 82 ||

bimbādharārpitodāraveṇurviśvavimohanaḥ |

vrajasaṃvarṇitaśrāvyaveṇunādaḥ śrutipriyaḥ || 83 ||

gogopagopījanmepsurbrahmendrādyabhivanditaḥ |

gītasnutisaritpūro nādanartitabarhiṇaḥ || 84 ||

rāgapallavitasthāṇurgītānamitapādapaḥ |

vismāritatṛṇagrāsamṛgo mṛgavilobhitaḥ || 85 ||

vyāghrādihiṃsrasahajavairahartā sugāyanaḥ |

gāḍhodīritagobṛndapremotkarṇitatarṇakaḥ || 86 ||

niṣpandayānabrahmādivīkṣito viśvavanditaḥ |

śākhotkarṇaśakuntaughaśchatrāyitabalāhakaḥ || 87 ||

prasannaḥ paramānandaścitrāyitacarācaraḥ |

gopikāmadano gopīkucakuṅkumamudritaḥ || 88 ||

gopikanyājalakrīḍāhṛṣṭo gopyaṃśukāpahṛt |

skandhāropitagopastrīvāsāḥ kundanibhasmitaḥ || 89 ||

gopīnetrotpalaśaśī gopikāyācitāṃśukaḥ |

gopīnamaskriyādeṣṭā gopyekakaravanditaḥ || 90 ||

gopyañjaliviśeṣārthī gopakrīḍāvilobhitaḥ |

śāntavāsasphuradgopīkṛtāñjaliraghāpahaḥ || 91 ||

gopīkelivilāsārthī gopīsampūrṇakāmadaḥ |

gopastrīvastrado gopīcittacoraḥ kutūhalī || 92 ||

bṛndāvanapriyo gopabandhuryajvānnayācitā |

yajñeśo yajñabhāvajño yajñapatnyabhivāñchitaḥ || 93 ||

munipatnīvitīrṇānnatṛpto munivadhūpriyaḥ |

dvijapatnyabhibhāvajño dvijapatnīvarapradaḥ || 94 ||

pratiruddhasatīmokṣaprado dvijavimohitā |

munijñānaprado yajvastuto vāsavayāgavit || 95 ||

pitṛproktakriyārūpaśakrayāganivāraṇaḥ |

śakrā'marṣakaraśśakravṛṣṭipraśamanonmukhaḥ || 96 ||

govardhanadharo gopagobṛndatrāṇatatparaḥ |

govardhanagiricchatracaṇḍadaṇḍabhujārgalaḥ || 97 ||

saptāhavidhṛtādrīndro meghavāhanagarvahā |

bhujāgroparivinyastakṣmādharakṣmābhṛdacyutaḥ || 98 ||

svasthānasthāpitagirirgopīdadhyakṣatārcitaḥ |

sumanassumanovṛṣṭihṛṣṭo vāsavavanditaḥ || 99 ||

kāmadhenupayaḥpūrābhiṣiktassurabhistutaḥ |

dharāṅghriroṣadhīromā dharmagoptā manomayaḥ || 100 ||

jñānayajñapriyaśśāstranetrassarvārthasārathiḥ |

airāvatakarānītaviyadgaṅgāpluto vibhuḥ || 101 ||

brahmābhiṣikto gogoptā sarvalokaśubhaṅkaraḥ |

sarvavedamayo magnanandānveṣipitṛpriyaḥ || 102 ||

varuṇodīritātmekṣākautuko varuṇārcitaḥ |

varuṇānītajanako gopajñātātmavaibhavaḥ || 103 ||

svarlokālokasaṃhṛṣṭagopavargatrivargadaḥ |

brahmahṛdgopito gopadraṣṭā brahmapadapradaḥ || 104 ||

śaraccandravihārotkaḥ śrīpatirvaśako kṣamaḥ |

bhayāpaho bhartṛruddhagopikādhyānagocaraḥ || 105 ||

gopikānayanāsvādyo gopīnarmoktinirvṛtaḥ |

gopikāmānaharaṇo gopikāśatayūthapaḥ || 106 ||

vaijayantīsragākalpo gopikāmānavardhanaḥ |

gopakāntāsunirdeṣṭā kānto manmathamanmathaḥ || 107 ||

svātmāsyadattatāmbūlaḥ phalitotkṛṣṭayauvanaḥ |

vallavīstanasaktākṣo vallavīpremacālitaḥ || 108 ||

gopīcelāñcalāsīno gopīnetrābjaṣaṭpadaḥ |

rāsakrīḍāsamāsakto gopīmaṇḍalamaṇḍanaḥ || 109 ||

gopīhemamaṇiśreṇimadhyendramaṇirujjvalaḥ |

vidyādharenduśāpaghnaśśaṅkhacūḍaśiroharaḥ || 110 ||

śaṅkhacūḍaśiroratnasamprīṇitabalo'naghaḥ |

ariṣṭāriṣṭakṛdduṣṭakeśidaityaniṣūdanaḥ || 111 ||

sarasassasmitamukhassusthiro virahākulaḥ |

saṅkarṣaṇārpitaprītirakrūradhyānagocaraḥ || 112 ||

akrūrasaṃstuto gūḍho guṇavṛtyupalakṣitaḥ |

pramāṇagamyastanmātrā'vayavī buddhitatparaḥ || 113 ||

sarvapramāṇapramadhīssarvapratyayasādhakaḥ |

puruṣaśca pradhānātmā viparyāsavilocanaḥ || 114 ||

madhurājanasaṃvīkṣyo rajakapratighātakaḥ |

vicitrāmbarasaṃvīto mālākāravarapradaḥ || 115 ||

kubjāvakratvanirmoktā kubjāyauvanadāyakaḥ |

kubjāṅgarāgasurabhiḥ kaṃsakodaṇḍakhaṇḍanaḥ || 116 ||

dhīraḥ kuvalayāpīḍamardanaḥ kaṃsabhītikṛt |

dantidantāyudho raṅgatrāsako mallayuddhavit || 117 ||

cāṇūrahantā kaṃsārirdevakīharṣadāyakaḥ |

vasudevapadānamraḥ pitṛbandhavimocanaḥ || 118 ||

urvībhayāpaho bhūpa ugrasenādhipatyadaḥ |

ājñāsthitaśacīnāthassudharmānayanakṣamaḥ || 119 ||

ādyo dvijātisatkartā śiṣṭācārapradarśakaḥ |

sāndīpanikṛtābhyastavidyābhyāsaikadhīssudhīḥ || 120 ||

gurvabhīṣṭakriyādakṣaḥ paścimodadhipūjitaḥ |

hatapañcajanaprāptapāñcajanyo yamārcitaḥ || 121 ||

dharmarājajayānītaguruputra urukramaḥ |

guruputrapradaśśāstā madhurājasabhāsadaḥ || 122 ||

jāmadagnyasamabhyarcyo gomantagirisañcaraḥ |

gomantadāvaśamano garuḍānītabhūṣaṇaḥ || 123 ||

cakrādyāyudhasaṃśobhī jarāsandhamadāpahaḥ |

sṛgālāvanipālaghnassṛgālātmajarājyadaḥ || 124 ||

vidhvastakālayavano mucukundavarapradaḥ |

ājñāpitamahāmbhodhirdvārakāpurakalpanaḥ || 125 ||

dvārakānilayo rukmimānahantā yadūdvahaḥ |

ruciro rukmiṇījāniḥ pradyumnajanakaḥ prabhuḥ || 126 ||

apākṛtatrilokārtiraniruddhapitāmahaḥ |

aniruddhapadānveṣī cakrī garuḍavāhanaḥ || 127 ||

bāṇāsurapurīroddhā rakṣājvalanayantrajit |

dhūtapramathasaṃrambho jitamāheśvarajvaraḥ || 128 ||

ṣaṭcakraśaktinirjetā bhūtavetālamohakṛt |

śambhutriśūlajicchambhujṛmbhaṇaśśambhusaṃstutaḥ || 129 ||

indriyātmenduhṛdayassarvayogeśvareśvaraḥ |

hiraṇyagarbhahṛdayo mohāvartanivartanaḥ || 130 ||

ātmajñānanidhirmedhā kośastanmātrarūpavān |

indro'gnivadanaḥ kālanābhassarvāgamādhvagaḥ || 131 ||

turīyasarvadhīsākṣī dvandvārāmātmadūragaḥ |

ajñātapāro vaśyaśrīravyākṛtavihāravān || 132 ||

ātmapradīpo vijñānamātrātmā śrīniketanaḥ |

bāṇabāhuvanacchettā mahendraprītivardhanaḥ || 133 ||

aniruddhanirodhajño jaleśāhṛtagokulaḥ |

jaleśavijayī vīrassatrājidratnayācakaḥ || 134 ||

prasenānveṣaṇodyukto jāmbavaddhṛtaratnadaḥ |

jitarkṣarājatanayāhartā jāmbavatīpriyaḥ || 135 ||

satyabhāmāpriyaḥ kāmaśśatadhanvaśiroharaḥ |

kālindīpatirakrūrabandhurakrūraratnadaḥ || 136 ||

kaikeyīramaṇo bhadrābhartā nāgnajitīdhavaḥ |

mādrīmanoharaśśaibyāprāṇabandhururukramaḥ || 137 ||

suśīlādayito mitravindānetramahotsavaḥ |

lakṣmaṇāvallabho ruddhaprāgjyotiṣamahāpuraḥ || 138 ||

surapāśāvṛticchedī murāriḥ krūrayuddhavit |

hayagrīvaśirohartā sarvātmā sarvadarśanaḥ || 139 ||

narakāsuravicchettā narakātmajarājyadaḥ|

pṛthvīstutaḥ prakāśātmā hṛdyo yajñaphalapradaḥ || 140 ||

guṇagrāhī guṇadraṣṭā gūḍhasvātmā vibhūtimān |

kavirjagadupadraṣṭā paramākṣaravigrahaḥ || 141 ||

prapannapālano mālī mahadbrahmavivardhanaḥ |

vācyavācakaśaktyarthassarvavyākṛtasiddhidaḥ || 142 ||

svayamprabhuranirvedyassvaprakāśaścirantanaḥ |

nādātmā mantrakoṭīśo nānāvādanirodhakaḥ || 143 ||

kandarpakoṭilāvaṇyaḥ parārthaikaprayojakaḥ |

amarīkṛtadevaughaḥ kanyakābandhamocanaḥ || 144 ||

ṣoḍaśastrīsahasreśaḥ kāntaḥ kāntāmanobhavaḥ |

krīḍāratnācalāhartā varuṇacchatraśobhitaḥ || 145 ||

śakrābhivanditaśśakrajananīkuṇḍalapradaḥ |

aditiprastutastotro brāhmaṇodghuṣṭaceṣṭanaḥ || 146 ||

purāṇassaṃyamī janmāliptaḥ ṣaḍviṃśako'rthadaḥ |

yaśasyanītirādyantarahitassatkathāpriyaḥ || 147 ||

brahmabodhaḥ parānandaḥ pārijātāpahārakaḥ |

pauṇḍrakaprāṇaharaṇaḥ kāśirājaniṣūdanaḥ || 148 ||

kṛtyāgarvapraśamano vicakravadhadīkṣitaḥ |

kaṃsavidhvaṃsanassāmbajanako ḍimbhakārdanaḥ || 149 ||

munirgoptā pitṛvarapradassavanadīkṣitaḥ |

rathī sārathyanirdeṣṭā phālgunaḥ phālgunipriyaḥ || 150 ||

saptābdhistambhanodbhāto harissaptābdhibhedanaḥ |

ātmaprakāśaḥ pūrṇaśrīrādinārāyaṇekṣitaḥ || 151 ||

vipraputrapradaścaiva sarvamātṛsutapradaḥ |

pārthavismayakṛtpārthapraṇavārthaprabodhanaḥ || 152 ||

kailāsayātrāsumukho badaryāśramabhūṣaṇaḥ |

ghaṇṭākarṇakriyāmauḍhyāttoṣito bhaktavatsalaḥ || 153 ||

munibṛndādibhirdhyeyo ghaṇṭākarṇavarapradaḥ |

tapaścaryāparaścīravāsāḥ piṅgajaṭādharaḥ || 154 ||

pratyakṣīkṛtabhūteśaśśivastotā śivastutaḥ |

kṛṣṇāsvayaṃvarālokakautukī sarvasammataḥ || 155 ||

balasaṃrambhaśamano baladarśitapāṇḍavaḥ |

yativeṣārjunābhīṣṭadāyī sarvātmagocaraḥ || 156 ||

subhadrāphālgunodvāhakartā prīṇitaphālgunaḥ |

khāṇḍavaprīṇitārciṣmānmayadānavamocanaḥ || 157 ||

sulabho rājasūyārhayudhiṣṭhiraniyojakaḥ |

bhīmārditajarāsandho māgadhātmajarājyadaḥ || 158 ||

rājabandhananirmoktā rājasūyāgrapūjanaḥ |

caidyādyasahano bhīṣmastutassātvatapūrvajaḥ || 159 ||

sarvātmārthasamāhartā mandarācaladhārakaḥ |

yajñāvatāraḥ prahlādapratijñāpratipālakaḥ || 160 ||

baliyajñasabhādhvaṃsī dṛptakṣatrakulāntakaḥ |

daśagrīvāntako jetā revatīpremavallabhaḥ || 161 ||

sarvāvatārādhiṣṭhātā vedabāhyavimohanaḥ |

kalidoṣanirākartā daśanāmā dṛḍhavrataḥ || 162 ||

ameyātmā jagatsvāmī vāgmī caidyaśiroharaḥ |

draupadīracitastotraḥ keśavaḥ puruṣottamaḥ || 163 ||

nārāyaṇo madhupatirmādhavo doṣavarjitaḥ |

govindaḥ puṇḍarīkākṣo viṣṇuśca madhusūdanaḥ || 164 ||

trivikramastrilokeśo vāmanaḥ śrīdharaḥ pumān |

hṛṣīkeśo vāsudevaḥ padmanābho mahāhradaḥ || 165 ||

dāmodaraścaturvyūhaḥ pāñcālīmānarakṣaṇaḥ |

sālvaghnassamaraślāghī dantavaktranibarhaṇaḥ || 166 ||

dāmodarapriyasakhā pṛthukāsvādanapriyaḥ ||

ghṛṇī dāmodaraḥ śrīdo gopīpunaravekṣakaḥ || 167 ||

gopikāmuktido yogī durvāsastṛptikārakaḥ |

avijñātavrajākīrṇapāṇḍavālokano jayī || 168 ||

pārthasārathyanirataḥ prājñaḥ pāṇḍavadūtyakṛt |

vidurātithyasantuṣṭaḥ kuntīsantoṣadāyakaḥ || 169 ||

suyodhanatiraskartā duryodhanavikāravit |

vidurābhiṣṭhuto nityo vārṣṇeyo maṅgalātmakaḥ || 170 ||

pañcaviṃśatitattveśaścaturviṃśatidehabhāk |

sarvānugrāhakassarvadāśārhasatatārcitaḥ || 171 ||

acintyo madhurālāpassādhudarśī durāsadaḥ |

manuṣyadharmānugataḥ kauravendrakṣayekṣitā || 172 ||

upendro dānavārātirurugīto mahādyutiḥ |

brahmaṇyadevaḥ śrutimān gobrāhmaṇahitāśayaḥ || 173 ||

varaśīlaśśivārambhassuvijñānavimūrtimān |

svabhāvaśuddhassanmitrassuśaraṇyassulakṣaṇaḥ || 174 ||

dhṛtarāṣṭragataudṛṣṭipradaḥ karṇavibhedanaḥ |

pratodadhṛgviśvarūpavismāritadhanañjayaḥ || 175 ||

sāmagānapriyo dharmadhenurvarṇottamo'vyayaḥ |

caturyugakriyākartā viśvarūpapradarśakaḥ || 176 ||

brahmabodhaparitrātapārtho bhīṣmārthacakrabhṛt |

arjunāyāsavidhvaṃsī kāladaṃṣṭrāvibhūṣaṇaḥ || 177 ||

sujātānantamahimā svapnavyāpāritārjunaḥ |

akālasandhyāghaṭanaścakrāntaritabhāskaraḥ || 178 ||

duṣṭapramathanaḥ pārthapratijñāparipālakaḥ |

sindhurājaśiraḥpātasthānavaktā vivekadṛk || 179 ||

subhadrāśokaharaṇo droṇotsekādivismitaḥ |

pārthamanyunirākartā pāṇḍavotsavadāyakaḥ || 180 ||

aṅguṣṭhākrāntakaunteyarathaśśakto'hiśīrṣajit |

kālakopapraśamano bhīmasenajayapradaḥ || 181 ||

aśvatthāmavadhāyāsatrātapāṇḍusutaḥ kṛtī |

iṣīkāstrapraśamano drauṇirakṣāvicakṣaṇaḥ || 182 ||

pārthāpahāritadrauṇicūḍāmaṇirabhaṅguraḥ |

dhṛtarāṣṭraparāmṛṣṭabhīmapratikṛtismayaḥ || 183 ||

bhīṣmabuddhipradaśśāntaśśaraccandranibhānanaḥ |

gadāgrajanmā pāñcālīpratijñāparipālakaḥ || 184 ||

gāndhārīkopadṛgguptadharmasūnuranāmayaḥ |

prapannārtibhayacchettā bhīṣmaśalyavyadhāvahaḥ || 185 ||

śāntaśśāntanavodīrṇasarvadharmasamāhitaḥ |

smāritabrahmavidyārthaprītapārtho mahāstravit || 186 ||

prasādaparamodāro gāṅgeyasugatipradaḥ |

vipakṣapakṣakṣayakṛtparīkṣitprāṇarakṣaṇaḥ || 187 ||

jagadgururdharmasūnorvājimedhapravartakaḥ |

vihitārthāptasatkāro māsakātparivartadaḥ || 188 ||

uttaṅkaharṣadātmīyadivyarūpapradarśakaḥ |

janakāvagatasvoktabhāratassarvabhāvanaḥ || 189 ||

asoḍhayādavodreko vihitāptādipūjanaḥ ||

samudrasthāpitāścaryamusalo vṛṣṇivāhakaḥ || 190 ||

muniśāpāyudhaḥ padmāsanāditridaśārthitaḥ |

vṛṣṭipratyavahārotkassvadhāmagamanotsukaḥ || 191 ||

prabhāsālokanodyukto nānāvidhanimittakṛt |

sarvayādavasaṃsevyassarvotkṛṣṭaparicchadaḥ || 192 ||

velākānanasañcārī velānilahṛtaśramaḥ |

kālātmā yādavo'nantasstutisantuṣṭamānasaḥ || 193 ||

dvijālokanasantuṣṭaḥ puṇyatīrthamahotsavaḥ |

satkārāhlāditāśeṣabhūsurassuravallabhaḥ || 194 ||

puṇyatīrthāplutaḥ puṇyaḥ puṇyadastīrthapāvanaḥ |

viprasātkṛtagokoṭiśśatakoṭisuvarṇadaḥ || 195 ||

svamāyāmohitā'śeṣavṛṣṇivīro viśeṣavit |

jalajāyudhanirdeṣṭā svātmāveśitayādavaḥ || 196 ||

devatābhīṣṭavaradaḥ kṛtakṛtyaḥ prasannadhīḥ |

sthiraśeṣāyutabalassahasraphaṇivīkṣaṇaḥ || 197 ||

brahmavṛkṣavaracchāyāsīnaḥ padmāsanasthitaḥ |

pratyagātmā svabhāvārthaḥ praṇidhānaparāyaṇaḥ || 198 ||

vyādheṣuviddhapūjyāṅghrirniṣādabhayamocanaḥ |

pulindastutisantuṣṭaḥ pulindasugatipradaḥ || 199 ||

dārukārpitapārthādikaraṇīyoktirīśitā |

divyadundubhisaṃyuktaḥ puṣpavṛṣṭiprapūjitaḥ || 200 ||

purāṇaḥ parameśānaḥ pūrṇabhūmā pariṣṭutaḥ |

patirādyaḥ paraṃ brahma paramātmā parātparaḥ || 201 ||

śrīparamātmā parātparaḥ oṃ namaḥ iti |

phalaśrutiḥ –

idaṃ sahasraṃ kṛṣṇasya nāmnāṃ sarvārthadāyakam |

anantarūpī bhagavān vyākhyātādau svayambhuve || 202 ||

tena proktaṃ vasiṣṭhāya tato labdhvā parāśaraḥ |

vyāsāya tena samproktaṃ śuko vyāsādavāptavān || 203 ||

tacchiṣyairbahubhirbhūmau khyāpitaṃ dvāpare yuge |

kṛṣṇājñayā hariharaḥ kalau prakhyāpayadvibhuḥ || 204 ||

idaṃ paṭhati bhaktyā yaḥ śṛṇoti ca samāhitaḥ |

svasiddhyai prārthayantyenaṃ tīrthakṣetrādidevatāḥ || 205 ||

prāyaścittānyaśeṣāṇi nālaṃ yāni vyapohitum |

tāni pāpāni naśyanti sakṛdasya praśaṃsanāt || 206 ||

ṛṇatrayavimuktasya śrautasmārtānuvartinaḥ |

ṛṣestrimūrtirūpasya phalaṃ vindedidaṃ paṭhan || 207 ||

idaṃ nāmasahasraṃ yaḥ paṭhatyetacchṛṇoti ca |

śivaliṅgasahasrasya sa pratiṣṭhāphalaṃ labhet || 208 ||

idaṃ kirīṭī sañjapya jayī pāśupatāstrabhāk |

kṛṣṇasya prāṇabhūtassan kṛṣṇaṃ sārathimāptavān || 209 ||

draupadyā damayantyā ca sāvitryā ca suśīlayā |

duritāni jitānyetajjapādāptaṃ ca vāñchitam || 210 ||

kimidaṃ bahunā śaṃsanmānavo modanirbharaḥ |

brahmānandamavāpyānte kṛṣṇasāyūjyamāpnuyāt || 211 ||