Shri Krishna Kavacham (trailokya Mangala Kavacham)

ॐ

ஶ்ரீ க்ரு'ஷ்ண கவசம் (த்ரைலோக்ய மங்கல கவசம்)

Krishna Kavacham Tamil

ஶ்ரீ நாரத உவாச –

பகவந்ஸர்வதர்மஜ்ஞ கவசம் யத்ப்ரகாஶிதம் ।

த்ரைலோக்யமங்கலம் நாம க்ரு'பயா கதய ப்ரபோ ॥ 1 ॥

ஸநத்குமார உவாச –

ஶ்ரு'ணு வக்ஷ்யாமி விப்ரேந்த்ர கவசம் பரமாத்புதம் ।

நாராயணேந கதிதம் க்ரு'பயா ப்ரஹ்மணே புரா ॥ 2 ॥

ப்ரஹ்மணா கதிதம் மஹ்யம் பரம் ஸ்நேஹாத்வதாமி தே ।

அதி குஹ்யதரம் தத்த்வம் ப்ரஹ்மமந்த்ரௌகவிக்ரஹம் ॥ 3 ॥

யத்த்ரு'த்வா படநாத்ப்ரஹ்மா ஸ்ரு'ஷ்டிம் விதநுதே த்ருவம் ।

யத்த்ரு'த்வா படநாத்பாதி மஹாலக்ஷ்மீர்ஜகத்த்ரயம் ॥ 4 ॥

படநாத்தாரணாச்சம்புஃ ஸம்ஹர்தா ஸர்வமந்த்ரவித் ।

த்ரைலோக்யஜநநீ துர்கா மஹிஷாதிமஹாஸுராந் ॥ 5 ॥

வரத்ரு'ப்தாந் ஜகாநைவ படநாத்தாரணாத்யதஃ ।

ஏவமிந்த்ராதயஃ ஸர்வே ஸர்வைஶ்வர்யமவாப்நுயுஃ ॥ 6 ॥

இதம் கவசமத்யந்தகுப்தம் குத்ராபி நோ வதேத் ।

ஶிஷ்யாய பக்தியுக்தாய ஸாதகாய ப்ரகாஶயேத் ॥ 7 ॥

ஶடாய பரஶிஷ்யாய தத்வா ம்ரு'த்யுமவாப்நுயாத் ।

த்ரைலோக்யமங்கலஸ்யாऽஸ்ய கவசஸ்ய ப்ரஜாபதிஃ ॥ 8 ॥

ரு'ஷிஶ்சந்தஶ்ச காயத்ரீ தேவோ நாராயணஸ்ஸ்வயம் ।

தர்மார்தகாமமோக்ஷேஷு விநியோகஃ ப்ரகீர்திதஃ ॥ 9 ॥

ப்ரணவோ மே ஶிரஃ பாது நமோ நாராயணாய ச ।

பாலம் மே நேத்ரயுகலமஷ்டார்ணோ புக்திமுக்திதஃ ॥ 10 ॥

க்லீம் பாயாச்ச்ரோத்ரயுக்மம் சைகாக்ஷரஃ ஸர்வமோஹநஃ ।

க்லீம் க்ரு'ஷ்ணாய ஸதா க்ராணம் கோவிந்தாயேதி ஜிஹ்விகாம் ॥ 11 ॥

கோபீஜநபதவல்லபாய ஸ்வாஹாऽநநம் மம ।

அஷ்டாதஶாக்ஷரோ மந்த்ரஃ கண்டம் பாது தஶாக்ஷரஃ ॥ 12 ॥

கோபீஜநபதவல்லபாய ஸ்வாஹா புஜத்வயம் ।

க்லீம் க்லௌம் க்லீம் ஶ்யாமலாங்காய நமஃ ஸ்கந்தௌ ரக்ஷாக்ஷரஃ ॥ 13 ॥

க்லீம் க்ரு'ஷ்ணஃ க்லீம் கரௌ பாயாத் க்லீம் க்ரு'ஷ்ணாயாம் கதோऽவது ।

ஹ்ரு'தயம் புவநேஶாநஃ க்லீம் க்ரு'ஷ்ணஃ க்லீம் ஸ்தநௌ மம ॥ 14 ॥

கோபாலாயாக்நிஜாயாதம் குக்ஷியுக்மம் ஸதாऽவது ।

க்லீம் க்ரு'ஷ்ணாய ஸதா பாது பார்ஶ்வயுக்மமநுத்தமஃ ॥ 15 ॥

க்ரு'ஷ்ண கோவிந்தகௌ பாது ஸ்மராத்யௌஜேயுதௌ மநுஃ ।

அஷ்டாக்ஷரஃ பாது நாபிம் க்ரு'ஷ்ணேதி த்வ்யக்ஷரோऽவது ॥ 16 ॥

ப்ரு'ஷ்டம் க்லீம் க்ரு'ஷ்ணகம் கல்ல க்லீம் க்ரு'ஷ்ணாய த்விராந்தகஃ ।

ஸக்திநீ ஸததம் பாது ஶ்ரீம் ஹ்ரீம் க்லீம் க்ரு'ஷ்ணடத்வயம் ॥ 17 ॥

ஊரூ ஸப்தாக்ஷரம் பாயாத் த்ரயோதஶாக்ஷரோऽவது ।

ஶ்ரீம் ஹ்ரீம் க்லீம் பததோ கோபீஜநவல்லபபதம் ததஃ ॥ 18 ॥

ஶ்ரியா ஸ்வாஹேதி பாயூ வை க்லீம் ஹ்ரீம் ஶ்ரீம் ஸதஶார்ணகஃ ।

ஜாநுநீ ச ஸதா பாது க்லீம் ஹ்ரீம் ஶ்ரீம் ச தஶாக்ஷரஃ ॥ 19 ॥

த்ரயோதஶாக்ஷரஃ பாது ஜங்கே சக்ராத்யுதாயுதஃ ।

அஷ்டாதஶாக்ஷரோ ஹ்ரீம் ஶ்ரீம் பூர்வகோ விம்ஶதர்ணகஃ ॥ 20 ॥

ஸர்வாங்கம் மே ஸதா பாது த்வாரகாநாயகோ பலீ ।

நமோ பகவதே பஶ்சாத்வாஸுதேவாய தத்பரம் ॥ 21 ॥

தாராத்யோ த்வாதஶார்ணோऽயம் ப்ராச்யாம் மாம் ஸர்வதாऽவது ।

ஶ்ரீம் ஹ்ரீம் க்லீம் ச தஶார்ணஸ்து க்லீம் ஹ்ரீம் ஶ்ரீம் ஷோடஶார்ணகஃ ॥ 22 ॥

கதாத்யுதாயுதோ விஷ்ணுர்மாமக்நேர்திஶி ரக்ஷது ।

ஹ்ரீம் ஶ்ரீம் தஶாக்ஷரோ மந்த்ரோ தக்ஷிணே மாம் ஸதாऽவது ॥ 23 ॥

தாரோ நமோ பகவதே ருக்மிணீவல்லபாய ச ।

ஸ்வாஹேதி ஷோடஶார்ணோऽயம் நைர்ரு'த்யாம் திஶி ரக்ஷது ॥ 24 ॥

க்லீம் ஹ்ரு'ஷீகேஶ வம்ஶாய நமோ மாம் வாருணோऽவது ।

அஷ்டாதஶார்ணஃ காமாந்தோ வாயவ்யே மாம் ஸதாऽவது ॥ 25 ॥

ஶ்ரீம் மாயாகாமத்ரு'ஷ்ணாய கோவிந்தாய த்விகோ மநுஃ ।

த்வாதஶார்ணாத்மகோ விஷ்ணுருத்தரே மாம் ஸதாऽவது ॥ 26 ॥

வாக்பவம் காமக்ரு'ஷ்ணாய ஹ்ரீம் கோவிந்தாய தத்பரம் ।

ஶ்ரீம் கோபீஜநவல்லபாய ஸ்வாஹா ஹஸ்தௌ ததஃ பரம் ॥ 27 ॥

த்வாவிம்ஶத்யக்ஷரோ மந்த்ரோ மாமைஶாந்யே ஸதாऽவது ।

காலீயஸ்ய பணாமத்யே திவ்யம் ந்ரு'த்யம் கரோதி தம் ॥ 28 ॥

நமாமி தேவகீபுத்ரம் ந்ரு'த்யராஜாநமச்யுதம் ।

த்வாத்ரிம்ஶதக்ஷரோ மந்த்ரோऽப்யதோ மாம் ஸர்வதாऽவது ॥ 29 ॥

காமதேவாய வித்மஹே புஷ்பபாணாய தீமஹி ।

தந்நோऽநங்கஃ ப்ரசோதயாதேஷா மாம் பாதுசோர்த்வதஃ ॥ 30 ॥

இதி தே கதிதம் விப்ர ப்ரஹ்மமந்த்ரௌகவிக்ரஹம் ।

த்ரைலோக்யமங்கலம் நாம கவசம் ப்ரஹ்மரூபகம் ॥ 31 ॥

ப்ரஹ்மணா கதிதம் பூர்வம் நாராயணமுகாச்ச்ருதம் ।

தவ ஸ்நேஹாந்மயாऽக்யாதம் ப்ரவக்தவ்யம் ந கஸ்யசித் ॥ 32 ॥

குரும் ப்ரணம்ய விதிவத்கவசம் ப்ரபடேத்ததஃ ।

ஸக்ரு'த்த்விஸ்த்ரிர்யதாஜ்ஞாநம் ஸ ஹி ஸர்வதபோமயஃ ॥ 33 ॥

மந்த்ரேஷு ஸகலேஷ்வேவ தேஶிகோ நாத்ர ஸம்ஶயஃ ।

ஶதமஷ்டோத்தரம் சாஸ்ய புரஶ்சர்யா விதிஸ்ஸ்ம்ரு'தஃ ॥ 34 ॥

ஹவநாதீந்தஶாம்ஶேந க்ரு'த்வா தத்ஸாதயேத்த்ருவம் ।

யதி ஸ்யாத்ஸித்தகவசோ விஷ்ணுரேவ பவேத்ஸ்வயம் ॥ 35 ॥

மந்த்ரஸித்திர்பவேத்தஸ்ய புரஶ்சர்யா விதாநதஃ ।

ஸ்பர்தாமுத்தூய ஸததம் லக்ஷ்மீர்வாணீ வஸேத்ததஃ ॥ 36 ॥

புஷ்பாஞ்ஜல்யஷ்டகம் தத்வா மூலேநைவ படேத்ஸக்ரு'த் ।

தஶவர்ஷஸஹஸ்ராணி பூஜாயாஃ பலமாப்நுயாத் ॥ 37 ॥

பூர்ஜே விலிக்ய குலிகாம் ஸ்வர்ணஸ்தாம் தாரயேத்யதி ।

கண்டே வா தக்ஷிணே பாஹௌ ஸோऽபி விஷ்ணுர்ந ஸம்ஶயஃ ॥ 38 ॥

அஶ்வமேதஸஹஸ்ராணி வாஜபேயஶதாநி ச ।

மஹாதாநாநி யாந்யேவ ப்ராதக்ஷிண்யம் புவஸ்ததா ॥ 39 ॥

கலாம் நார்ஹந்தி தாந்யேவ ஸக்ரு'துச்சாரணாத்ததஃ ।

கவசஸ்ய ப்ரஸாதேந ஜீவந்முக்தோ பவேந்நரஃ ॥ 40 ॥

த்ரைலோக்யம் க்ஷோபயத்யேவ த்ரைலோக்யவிஜயீ ஸ ஹி ।

இதம் கவசமஜ்ஞாத்வா யஜேத்யஃ புருஷோத்தமம் ।

ஶதலக்ஷப்ரஜப்தோऽபி ந மந்த்ரஸ்தஸ்ய ஸித்த்யதி ॥ 41 ॥

இதி ஶ்ரீ நாரதபாஞ்சராத்ரே ஜ்ஞாநாம்ரு'தஸாரே த்ரைலோக்யமங்கலகவசம் ।

Roman (IAST) Transliteration

śrī nārada uvāca –

bhagavansarvadharmajña kavacaṃ yatprakāśitam |

trailokyamaṅgalaṃ nāma kṛpayā kathaya prabho || 1 ||

sanatkumāra uvāca –

śṛṇu vakṣyāmi viprendra kavacaṃ paramādbhutam |

nārāyaṇena kathitaṃ kṛpayā brahmaṇe purā || 2 ||

brahmaṇā kathitaṃ mahyaṃ paraṃ snehādvadāmi te |

ati guhyataraṃ tattvaṃ brahmamantraughavigraham || 3 ||

yaddhṛtvā paṭhanādbrahmā sṛṣṭiṃ vitanute dhruvam |

yaddhṛtvā paṭhanātpāti mahālakṣmīrjagattrayam || 4 ||

paṭhanāddhāraṇācchambhuḥ saṃhartā sarvamantravit |

trailokyajananī durgā mahiṣādimahāsurān || 5 ||

varatṛptān jaghānaiva paṭhanāddhāraṇādyataḥ |

evamindrādayaḥ sarve sarvaiśvaryamavāpnuyuḥ || 6 ||

idaṃ kavacamatyantaguptaṃ kutrāpi no vadet |

śiṣyāya bhaktiyuktāya sādhakāya prakāśayet || 7 ||

śaṭhāya paraśiṣyāya datvā mṛtyumavāpnuyāt |

trailokyamaṅgalasyā'sya kavacasya prajāpatiḥ || 8 ||

ṛṣiśchandaśca gāyatrī devo nārāyaṇassvayam |

dharmārthakāmamokṣeṣu viniyogaḥ prakīrtitaḥ || 9 ||

praṇavo me śiraḥ pātu namo nārāyaṇāya ca |

phālaṃ me netrayugalamaṣṭārṇo bhuktimuktidaḥ || 10 ||

klīṃ pāyācchrotrayugmaṃ caikākṣaraḥ sarvamohanaḥ |

klīṃ kṛṣṇāya sadā ghrāṇaṃ govindāyeti jihvikām || 11 ||

gopījanapadavallabhāya svāhā'nanaṃ mama |

aṣṭādaśākṣaro mantraḥ kaṇṭhaṃ pātu daśākṣaraḥ || 12 ||

gopījanapadavallabhāya svāhā bhujadvayam |

klīṃ glauṃ klīṃ śyāmalāṅgāya namaḥ skandhau rakṣākṣaraḥ || 13 ||

klīṃ kṛṣṇaḥ klīṃ karau pāyāt klīṃ kṛṣṇāyāṃ gato'vatu |

hṛdayaṃ bhuvaneśānaḥ klīṃ kṛṣṇaḥ klīṃ stanau mama || 14 ||

gopālāyāgnijāyātaṃ kukṣiyugmaṃ sadā'vatu |

klīṃ kṛṣṇāya sadā pātu pārśvayugmamanuttamaḥ || 15 ||

kṛṣṇa govindakau pātu smarādyaujeyutau manuḥ |

aṣṭākṣaraḥ pātu nābhiṃ kṛṣṇeti dvyakṣaro'vatu || 16 ||

pṛṣṭhaṃ klīṃ kṛṣṇakaṃ galla klīṃ kṛṣṇāya dvirāntakaḥ |

sakthinī satataṃ pātu śrīṃ hrīṃ klīṃ kṛṣṇaṭhadvayam || 17 ||

ūrū saptākṣaraṃ pāyāt trayodaśākṣaro'vatu |

śrīṃ hrīṃ klīṃ padato gopījanavallabhapadaṃ tataḥ || 18 ||

śriyā svāheti pāyū vai klīṃ hrīṃ śrīṃ sadaśārṇakaḥ |

jānunī ca sadā pātu klīṃ hrīṃ śrīṃ ca daśākṣaraḥ || 19 ||

trayodaśākṣaraḥ pātu jaṅghe cakrādyudāyudhaḥ |

aṣṭādaśākṣaro hrīṃ śrīṃ pūrvako viṃśadarṇakaḥ || 20 ||

sarvāṅgaṃ me sadā pātu dvārakānāyako balī |

namo bhagavate paścādvāsudevāya tatparam || 21 ||

tārādyo dvādaśārṇo'yaṃ prācyāṃ māṃ sarvadā'vatu |

śrīṃ hrīṃ klīṃ ca daśārṇastu klīṃ hrīṃ śrīṃ ṣoḍaśārṇakaḥ || 22 ||

gadādyudāyudho viṣṇurmāmagnerdiśi rakṣatu |

hrīṃ śrīṃ daśākṣaro mantro dakṣiṇe māṃ sadā'vatu || 23 ||

tāro namo bhagavate rukmiṇīvallabhāya ca |

svāheti ṣoḍaśārṇo'yaṃ nairṛtyāṃ diśi rakṣatu || 24 ||

klīṃ hṛṣīkeśa vaṃśāya namo māṃ vāruṇo'vatu |

aṣṭādaśārṇaḥ kāmānto vāyavye māṃ sadā'vatu || 25 ||

śrīṃ māyākāmatṛṣṇāya govindāya dviko manuḥ |

dvādaśārṇātmako viṣṇuruttare māṃ sadā'vatu || 26 ||

vāgbhavaṃ kāmakṛṣṇāya hrīṃ govindāya tatparam |

śrīṃ gopījanavallabhāya svāhā hastau tataḥ param || 27 ||

dvāviṃśatyakṣaro mantro māmaiśānye sadā'vatu |

kālīyasya phaṇāmadhye divyaṃ nṛtyaṃ karoti tam || 28 ||

namāmi devakīputraṃ nṛtyarājānamacyutam |

dvātriṃśadakṣaro mantro'pyadho māṃ sarvadā'vatu || 29 ||

kāmadevāya vidmahe puṣpabāṇāya dhīmahi |

tanno'naṅgaḥ pracodayādeṣā māṃ pātucordhvataḥ || 30 ||

iti te kathitaṃ vipra brahmamantraughavigraham |

trailokyamaṅgalaṃ nāma kavacaṃ brahmarūpakam || 31 ||

brahmaṇā kathitaṃ pūrvaṃ nārāyaṇamukhācchrutam |

tava snehānmayā'khyātaṃ pravaktavyaṃ na kasyacit || 32 ||

guruṃ praṇamya vidhivatkavacaṃ prapaṭhettataḥ |

sakṛddvistriryathājñānaṃ sa hi sarvatapomayaḥ || 33 ||

mantreṣu sakaleṣveva deśiko nātra saṃśayaḥ |

śatamaṣṭottaraṃ cāsya puraścaryā vidhissmṛtaḥ || 34 ||

havanādīndaśāṃśena kṛtvā tatsādhayeddhruvam |

yadi syātsiddhakavaco viṣṇureva bhavetsvayam || 35 ||

mantrasiddhirbhavettasya puraścaryā vidhānataḥ |

spardhāmuddhūya satataṃ lakṣmīrvāṇī vasettataḥ || 36 ||

puṣpāñjalyaṣṭakaṃ datvā mūlenaiva paṭhetsakṛt |

daśavarṣasahasrāṇi pūjāyāḥ phalamāpnuyāt || 37 ||

bhūrje vilikhya gulikāṃ svarṇasthāṃ dhārayedyadi |

kaṇṭhe vā dakṣiṇe bāhau so'pi viṣṇurna saṃśayaḥ || 38 ||

aśvamedhasahasrāṇi vājapeyaśatāni ca |

mahādānāni yānyeva prādakṣiṇyaṃ bhuvastathā || 39 ||

kalāṃ nārhanti tānyeva sakṛduccāraṇāttataḥ |

kavacasya prasādena jīvanmukto bhavennaraḥ || 40 ||

trailokyaṃ kṣobhayatyeva trailokyavijayī sa hi |

idaṃ kavacamajñātvā yajedyaḥ puruṣottamam |

śatalakṣaprajapto'pi na mantrastasya siddhyati || 41 ||

iti śrī nāradapāñcarātre jñānāmṛtasāre trailokyamaṅgalakavacam |