Shri Batuka Bhairava Kavacham

ॐ

ஶ்ரீ படுக பைரவ கவசம்

Shiva Kavacham Tamil

ஶ்ரீபைரவ உவாச ।

தேவேஶி தேஹரக்ஷார்தம் காரணம் கத்யதாம் த்ருவம் ।

ம்ரியந்தே ஸாதகா யேந விநா ஶ்மஶாநபூமிஷு ॥

ரணேஷு சாதிகோரேஷு மஹாவாயுஜலேஷு ச ।

ஶ்ரு'ங்கிமகரவஜ்ரேஷு ஜ்வராதிவ்யாதிவஹ்நிஷு ॥

ஶ்ரீதேவ்யுவாச ।

கதயாமி ஶ்ரு'ணு ப்ராஜ்ஞ படோஸ்து கவசம் ஶுபம் ।

கோபநீயம் ப்ரயத்நேந மாத்ரு'ஜாரோபமம் யதா ॥

தஸ்ய த்யாநம் த்ரிதா ப்ரோக்தம் ஸாத்த்விகாதிப்ரபேததஃ ।

ஸாத்த்விகம் ராஜஸம் சைவ தாமஸம் தேவ தத் ஶ்ரு'ணு ॥

த்யாநம் –

வந்தே பாலம் ஸ்படிகஸத்ரு'ஶம் குண்டலோத்பாஸிவக்த்ரம்

திவ்யாகல்பைர்நவமணிமயைஃ கிங்கிணீநூபுராத்யைஃ ।

தீப்தாகாரம் விஶதவதநம் ஸுப்ரஸந்நம் த்ரிநேத்ரம்

ஹஸ்தாப்ஜாப்யாம் படுகமநிஶம் ஶூலகட்கௌததாநம் ॥ 1 ॥

உத்யத்பாஸ்கரஸந்நிபம் த்ரிநயநம் ரக்தாங்கராகஸ்ரஜம்

ஸ்மேராஸ்யம் வரதம் கபாலமபயம் ஶூலம் ததாநம் கரைஃ ।

நீலக்ரீவமுதாரபூஷணஶதம் ஶீதாம்ஶுசூடோஜ்ஜ்வலம்

பந்தூகாருணவாஸஸம் பயஹரம் தேவம் ஸதா பாவயே ॥ 2 ॥

த்யாயேந்நீலாத்ரிகாந்தம் ஶஶிஶகலதரம் முண்டமாலம் மஹேஶம்

திக்வஸ்த்ரம் பிங்ககேஶம் டமருமத ஸ்ரு'ணிம் கட்கஶூலாபயாநி ।

நாகம் கண்டாம் கபாலம் கரஸரஸிருஹைர்விப்ரதம் பீமதம்ஷ்ட்ரம்

ஸர்பாகல்பம் த்ரிநேத்ரம் மணிமயவிலஸத்கிங்கிணீ நூபுராட்யம் ॥ 3 ॥

அஸ்ய வடுகபைரவகவசஸ்ய மஹாகால ரு'ஷிரநுஷ்டுப்சந்தஃ ஶ்ரீவடுகபைரவோ தேவதா பம் பீஜம் ஹ்ரீம் ஶக்திராபதுத்தாரணாயேதி கீலகம் மம ஸர்வாபீஷ்டஸித்த்யர்தே விநியோகஃ ।

கவசம் –

ௐ ஶிரோ மே பைரவஃ பாது லலாடம் பீஷணஸ்ததா ।

நேத்ரே ச பூதஹநநஃ ஸாரமேயாநுகோ ப்ருவௌ ॥ 1

பூதநாதஶ்ச மே கர்ணௌ கபோலௌ ப்ரேதவாஹநஃ ।

நாஸாபுடௌ ததோஷ்டௌ ச பஸ்மாங்கஃ ஸர்வபூஷணஃ ॥ 2

பீஷணாஸ்யோ மமாஸ்யம் ச ஶக்திஹஸ்தோ கலம் மம ।

ஸ்கந்தௌ தைத்யரிபுஃ பாது பாஹூ அதுலவிக்ரமஃ ॥ 3

பாணீ கபாலீ மே பாது முண்டமாலாதரோ ஹ்ரு'தம் ।

வக்ஷஃஸ்தலம் ததா ஶாந்தஃ காமசாரீ ஸ்தநம் மம ॥ 4

உதரம் ச ஸ மே துஷ்டஃ க்ஷேத்ரேஶஃ பார்ஶ்வதஸ்ததா ।

க்ஷேத்ரபாலஃ ப்ரு'ஷ்டதேஶம் க்ஷேத்ராக்யோ நாபிதஸ்ததா ॥ 5

கடிம் பாபௌகநாஶஶ்ச படுகோ லிங்கதேஶகம் ।

குதம் ரக்ஷாகரஃ பாது ஊரூ ரக்ஷாகரஃ ஸதா ॥ 6

ஜாநூ ச குர்குராராவோ ஜங்கே ரக்ஷது ரக்தபஃ ।

குல்பௌ ச பாதுகாஸித்தஃ பாதப்ரு'ஷ்டம் ஸுரேஶ்வரஃ ॥ 7

ஆபாதமஸ்தகம் சைவ ஆபதுத்தாரணஸ்ததா ।

ஸஹஸ்ராரே மஹாபத்மே கர்பூரதவலோ குருஃ ॥ 8

பாது மாம் வடுகோ தேவோ பைரவஃ ஸர்வகர்மஸு ।

பூர்வ ஸ்யாமஸிதாங்கோ மே திஶி ரக்ஷது ஸர்வதா ॥ 9

ஆக்நேய்யாம் ச ருருஃ பாது தக்ஷிணே சண்டபைரவஃ ।

நைர்ரு'த்யாம் க்ரோதநஃ பாது மாமுந்மத்தஸ்து பஶ்சிமே ॥ 10

வாயவ்யாம் மே கபாலீ ச நித்யம் பாயாத் ஸுரேஶ்வரஃ ।

பீஷணோ பைரவஃ பாதூத்தரஸ்யாம் திஶி ஸர்வதா ॥ 11

ஸம்ஹாரபைரவஃ பாது திஶ்யைஶாந்யாம் மஹேஶ்வரஃ ।

ஊர்த்வே பாது விதாதா வை பாதாலே நந்திகோ விபுஃ ॥ 12

ஸத்யோஜாதஸ்து மாம் பாயாத் ஸர்வதோ தேவஸேவிதஃ ।

வாமதேவோऽவது ப்ரீதோ ரணே கோரே ததாவது ॥ 13

ஜலே தத்புருஷஃ பாது ஸ்தலே பாது குருஃ ஸதா ।

டாகிநீபுத்ரகஃ பாது தாராம்ஸ்து லாகிநீஸுதஃ ॥ 14

பாது ஸாகலகோ ப்ராத்ரூ'ந் ஶ்ரியம் மே ஸததம் கிரஃ ।

லாகிநீபுத்ரகஃ பாது பஶூநஶ்வாநஜாம்ஸ்ததா ॥ 15

மஹாகாலோऽவது ச்சத்ரம் ஸைந்யம் வை காலபைரவஃ ।

ராஜ்யம் ராஜ்யஶ்ரியம் பாயாத் பைரவோ பீதிஹாரகஃ ॥ 16

ரக்ஷாஹீநந்து யத் ஸ்தாநம் வர்ஜிதம் கவசேந ச ।

தத் ஸர்வம் ரக்ஷ மே தேவ த்வம் யதஃ ஸர்வரக்ஷகஃ ॥ 17

ஏதத் கவசமீஶாந தவ ஸ்நேஹாத் ப்ரகாஶிதம் ।

நாக்யேயம் நரலோகேஷு ஸாரபூதம் ச ஸுஶ்ரியம் ॥ 18

யஸ்மை கஸ்மை ந தாதவ்யம் கவசேஶம் ஸுதுர்லபம் ।

ந தேயம் பரஶிஷ்யேப்யஃ க்ரு'பணேப்யஶ்ச ஶங்கர ॥ 19

யோ ததாதி நிஷித்தேப்யஃ ஸ வை ப்ரஷ்டோ பவேத்த்ருவம் ।

அநேந கவசேஶேந ரக்ஷாம் க்ரு'த்வா த்விஜோத்தமஃ ॥ 20

விசரந் யத்ர குத்ராபி விக்நௌகைஃ ப்ராப்யதே ந ஸஃ ।

மந்த்ரேண ம்ரியதே யோகீ கவசம் யந்ந ரக்ஷிதஃ ॥ 21

தஸ்மாத் ஸர்வப்ரயத்நேந துர்லபம் பாபசேதஸாம் ।

பூர்ஜே ரம்பாத்வசே வாபி லிகித்வா விதிவத் ப்ரபோ ॥ 22

தாரயேத் பாடயேத்வாபி ஸம்படேத்வாபி நித்யஶஃ ।

ஸம்ப்ராப்நோதி ப்ரபாவம் வை கவசஸ்யாஸ்ய வர்ணிதம் ॥ 23

நமோ பைரவதேவாய ஸாரபூதாய வை நமஃ ।

நமஸ்த்ரைலோக்யநாதாய நாதநாதாய வை நமஃ ॥ 24

இதி விஶ்வஸாரோத்தாரதந்த்ரே ஆபதுத்தாரகல்பே பைரவபைரவீஸம்வாதே வடுகபைரவகவசம் ஸமாப்தம் ॥

Roman (IAST) Transliteration

śrībhairava uvāca |

deveśi deharakṣārthaṃ kāraṇaṃ kathyatāṃ dhruvam |

mriyante sādhakā yena vinā śmaśānabhūmiṣu ||

raṇeṣu cātighoreṣu mahāvāyujaleṣu ca |

śṛṅgimakaravajreṣu jvarādivyādhivahniṣu ||

śrīdevyuvāca |

kathayāmi śṛṇu prājña baṭostu kavacaṃ śubham |

gopanīyaṃ prayatnena mātṛjāropamaṃ yathā ||

tasya dhyānaṃ tridhā proktaṃ sāttvikādiprabhedataḥ |

sāttvikaṃ rājasaṃ caiva tāmasaṃ deva tat śṛṇu ||

dhyānam –

vande bālaṃ sphaṭikasadṛśaṃ kuṇḍalodbhāsivaktraṃ

divyākalpairnavamaṇimayaiḥ kiṅkiṇīnūpurādyaiḥ |

dīptākāraṃ viśadavadanaṃ suprasannaṃ trinetraṃ

hastābjābhyāṃ baṭukamaniśaṃ śūlakhaḍgaudadhānam || 1 ||

udyadbhāskarasannibhaṃ trinayanaṃ raktāṅgarāgasrajaṃ

smerāsyaṃ varadaṃ kapālamabhayaṃ śūlaṃ dadhānaṃ karaiḥ |

nīlagrīvamudārabhūṣaṇaśataṃ śītāṃśucūḍojjvalaṃ

bandhūkāruṇavāsasaṃ bhayaharaṃ devaṃ sadā bhāvaye || 2 ||

dhyāyennīlādrikāntaṃ śaśiśakaladharaṃ muṇḍamālaṃ maheśaṃ

digvastraṃ piṅgakeśaṃ ḍamarumatha sṛṇiṃ khaḍgaśūlābhayāni |

nāgaṃ ghaṇṭāṃ kapālaṃ karasarasiruhairvibhrataṃ bhīmadaṃṣṭraṃ

sarpākalpaṃ trinetraṃ maṇimayavilasatkiṅkiṇī nūpurāḍhyam || 3 ||

asya vaṭukabhairavakavacasya mahākāla ṛṣiranuṣṭupchandaḥ śrīvaṭukabhairavo devatā baṃ bījaṃ hrīṃ śaktirāpaduddhāraṇāyeti kīlakaṃ mama sarvābhīṣṭasiddhyarthe viniyogaḥ |

kavacam –

oṃ śiro me bhairavaḥ pātu lalāṭaṃ bhīṣaṇastathā |

netre ca bhūtahananaḥ sārameyānugo bhruvau || 1

bhūtanāthaśca me karṇau kapolau pretavāhanaḥ |

nāsāpuṭau tathoṣṭhau ca bhasmāṅgaḥ sarvabhūṣaṇaḥ || 2

bhīṣaṇāsyo mamāsyaṃ ca śaktihasto galaṃ mama |

skandhau daityaripuḥ pātu bāhū atulavikramaḥ || 3

pāṇī kapālī me pātu muṇḍamālādharo hṛdam |

vakṣaḥsthalaṃ tathā śāntaḥ kāmacārī stanaṃ mama || 4

udaraṃ ca sa me tuṣṭaḥ kṣetreśaḥ pārśvatastathā |

kṣetrapālaḥ pṛṣṭhadeśaṃ kṣetrākhyo nābhitastathā || 5

kaṭiṃ pāpaughanāśaśca baṭuko liṅgadeśakam |

gudaṃ rakṣākaraḥ pātu ūrū rakṣākaraḥ sadā || 6

jānū ca ghurghurārāvo jaṅghe rakṣatu raktapaḥ |

gulphau ca pādukāsiddhaḥ pādapṛṣṭhaṃ sureśvaraḥ || 7

āpādamastakaṃ caiva āpaduddhāraṇastathā |

sahasrāre mahāpadme karpūradhavalo guruḥ || 8

pātu māṃ vaṭuko devo bhairavaḥ sarvakarmasu |

pūrva syāmasitāṅgo me diśi rakṣatu sarvadā || 9

āgneyyāṃ ca ruruḥ pātu dakṣiṇe caṇḍabhairavaḥ |

nairṛtyāṃ krodhanaḥ pātu māmunmattastu paścime || 10

vāyavyāṃ me kapālī ca nityaṃ pāyāt sureśvaraḥ |

bhīṣaṇo bhairavaḥ pātūttarasyāṃ diśi sarvadā || 11

saṃhārabhairavaḥ pātu diśyaiśānyāṃ maheśvaraḥ |

ūrdhve pātu vidhātā vai pātāle nandiko vibhuḥ || 12

sadyojātastu māṃ pāyāt sarvato devasevitaḥ |

vāmadevo'vatu prīto raṇe ghore tathāvatu || 13

jale tatpuruṣaḥ pātu sthale pātu guruḥ sadā |

ḍākinīputrakaḥ pātu dārāṃstu lākinīsutaḥ || 14

pātu sākalako bhrātṝn śriyaṃ me satataṃ giraḥ |

lākinīputrakaḥ pātu paśūnaśvānajāṃstathā || 15

mahākālo'vatu cchatraṃ sainyaṃ vai kālabhairavaḥ |

rājyaṃ rājyaśriyaṃ pāyāt bhairavo bhītihārakaḥ || 16

rakṣāhīnantu yat sthānaṃ varjitaṃ kavacena ca |

tat sarvaṃ rakṣa me deva tvaṃ yataḥ sarvarakṣakaḥ || 17

etat kavacamīśāna tava snehāt prakāśitam |

nākhyeyaṃ naralokeṣu sārabhūtaṃ ca suśriyam || 18

yasmai kasmai na dātavyaṃ kavaceśaṃ sudurlabham |

na deyaṃ paraśiṣyebhyaḥ kṛpaṇebhyaśca śaṅkara || 19

yo dadāti niṣiddhebhyaḥ sa vai bhraṣṭo bhaveddhruvam |

anena kavaceśena rakṣāṃ kṛtvā dvijottamaḥ || 20

vicaran yatra kutrāpi vighnaughaiḥ prāpyate na saḥ |

mantreṇa mriyate yogī kavacaṃ yanna rakṣitaḥ || 21

tasmāt sarvaprayatnena durlabhaṃ pāpacetasām |

bhūrje rambhātvace vāpi likhitvā vidhivat prabho || 22

dhārayet pāṭhayedvāpi sampaṭhedvāpi nityaśaḥ |

samprāpnoti prabhāvaṃ vai kavacasyāsya varṇitam || 23

namo bhairavadevāya sārabhūtāya vai namaḥ |

namastrailokyanāthāya nāthanāthāya vai namaḥ || 24

iti viśvasāroddhāratantre āpaduddhārakalpe bhairavabhairavīsaṃvāde vaṭukabhairavakavacaṃ samāptam ||