📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ஶ்ரீ ஆத்ய காலீ ஸ்தோத்ரம்
Shri Adya Kali Stotram
Kali Stotram Tamil
ப்ரஹ்மோவாச
ஶ்ரு'ணு வத்ஸ ப்ரவக்ஷ்யாமி ஆத்யாஸ்தோத்ரம் மஹாபலம் ।
யஃ படேத் ஸததம் பக்த்யா ஸ ஏவ விஷ்ணுவல்லபஃ ॥ 1 ॥
ம்ரு'த்யுர்வ்யாதிபயம் தஸ்ய நாஸ்தி கிஞ்சித் கலௌ யுகே ।
அபுத்ரா லபதே புத்ரம் த்ரிபக்ஷம் ஶ்ரவணம் யதி ॥ 2 ॥
த்வௌ மாஸௌ பந்தநாந்முக்தி விப்ரவக்த்ராத் ஶ்ருதம் யதி ।
ம்ரு'தவத்ஸா ஜீவவத்ஸா ஷண்மாஸம் ஶ்ரவணம் யதி ॥ 3 ॥
நௌகாயாம் ஸங்கடே யுத்தே படநாஜ்ஜயமாப்நுயாத் ।
லிகித்வா ஸ்தாபயேத்கேஹே நாக்நிசௌரபயம் க்வசித் ॥ 4 ॥
ராஜஸ்தாநே ஜயீ நித்யம் ப்ரஸந்நாஃ ஸர்வதேவதா ।
ௐ ஹ்ரீம் ।
ப்ரஹ்மாணீ ப்ரஹ்மலோகே ச வைகுண்டே ஸர்வமங்கலா ॥ 5 ॥
இந்த்ராணீ அமராவத்யாமம்பிகா வருணாலயே ।
யமாலயே காலரூபா குபேரபவநே ஶுபா ॥ 6 ॥
மஹாநந்தாக்நிகோணே ச வாயவ்யாம் ம்ரு'கவாஹிநீ ।
நைர்ரு'த்யாம் ரக்ததந்தா ச ஐஶாந்யாம் ஶூலதாரிணீ ॥ 7 ॥
பாதாலே வைஷ்ணவீரூபா ஸிம்ஹலே தேவமோஹிநீ ।
ஸுரஸா ச மணித்விபே லங்காயாம் பத்ரகாலிகா ॥ 8 ॥
ராமேஶ்வரீ ஸேதுபந்தே விமலா புருஷோத்தமே ।
விரஜா ஔட்ரதேஶே ச காமாக்ஷ்யா நீலபர்வதே ॥ 9 ॥
காலிகா வங்கதேஶே ச அயோத்யாயாம் மஹேஶ்வரீ ।
வாராணஸ்யாமந்நபூர்ணா கயாக்ஷேத்ரே கயேஶ்வரீ ॥ 10 ॥
குருக்ஷேத்ரே பத்ரகாலீ வ்ரஜே காத்யாயநீ பரா ।
த்வாரகாயாம் மஹாமாயா மதுராயாம் மஹேஶ்வரீ ॥ 11 ॥
க்ஷுதா த்வம் ஸர்வபூதாநாம் வேலா த்வம் ஸாகரஸ்ய ச ।
நவமீ ஶுக்லபக்ஷஸ்ய க்ரு'ஷ்ணஸ்யைகாதஶீ பரா ॥ 12 ॥
தக்ஷஸா துஹிதா தேவீ தக்ஷயஜ்ஞவிநாஶிநீ ।
ராமஸ்ய ஜாநகீ த்வம் ஹி ராவணத்வம்ஸகாரிணீ ॥ 13 ॥
சண்டமுண்டவதே தேவீ ரக்தபீஜவிநாஶிநீ ।
நிஶும்பஶும்பமதிநீ மதுகைடபகாதிநீ ॥ 14 ॥
விஷ்ணுபக்திப்ரதா துர்கா ஸுகதா மோக்ஷதா ஸதா ।
ஆத்யாஸ்தவமிமம் புண்யம் யஃ படேத் ஸததம் நரஃ ॥ 15 ॥
ஸர்வஜ்வரபயம் ந ஸ்யாத் ஸர்வவ்யாதிவிநாஶநம் ।
கோடிதீர்தபலம் தஸ்ய லபதே நாத்ர ஸம்ஶயஃ ॥ 16 ॥
ஜயா மே சாக்ரதஃ பாது விஜயா பாது ப்ரு'ஷ்டதஃ ।
நாராயணீ ஶீர்ஷதேஶே ஸர்வாங்கே ஸிம்ஹவாஹிநீ ॥ 17 ॥
ஶிவதூதீ உக்ரசண்டா ப்ரத்யங்கே பரமேஶ்வரீ ।
விஶாலாக்ஷீ மஹாமாயா கௌமாரீ ஶங்கிநீ ஶிவா ॥ 18 ॥
சக்ரிணீ ஜயதாத்ரீ ச ரணமத்தா ரணப்ரியா ।
துர்கா ஜயந்தீ காலீ ச பத்ரகாலீ மஹோதரீ ॥ 19 ॥
நாரஸிம்ஹீ ச வாராஹீ ஸித்திதாத்ரீ ஸுகப்ரதா ।
பயங்கரீ மஹாரௌத்ரீ மஹாபயவிநாஶிநீ ॥ 20 ॥
இதி ஶ்ரீப்ரஹ்மயாமலே ப்ரஹ்மநாரதஸம்வாதே ஶ்ரீ ஆத்யா ஸ்தோத்ரம் ॥
Roman (IAST) Transliteration
brahmovāca
śṛṇu vatsa pravakṣyāmi ādyāstotraṃ mahāphalam |
yaḥ paṭhet satataṃ bhaktyā sa eva viṣṇuvallabhaḥ || 1 ||
mṛtyurvyādhibhayaṃ tasya nāsti kiñcit kalau yuge |
aputrā labhate putraṃ tripakṣaṃ śravaṇaṃ yadi || 2 ||
dvau māsau bandhanānmukti vipravaktrāt śrutaṃ yadi |
mṛtavatsā jīvavatsā ṣaṇmāsaṃ śravaṇaṃ yadi || 3 ||
naukāyāṃ saṅkaṭe yuddhe paṭhanājjayamāpnuyāt |
likhitvā sthāpayedgehe nāgnicaurabhayaṃ kvacit || 4 ||
rājasthāne jayī nityaṃ prasannāḥ sarvadevatā |
oṃ hrīm |
brahmāṇī brahmaloke ca vaikuṇṭhe sarvamaṅgalā || 5 ||
indrāṇī amarāvatyāmambikā varuṇālaye |
yamālaye kālarūpā kuberabhavane śubhā || 6 ||
mahānandāgnikoṇe ca vāyavyāṃ mṛgavāhinī |
nairṛtyāṃ raktadantā ca aiśānyāṃ śūladhāriṇī || 7 ||
pātāle vaiṣṇavīrūpā siṃhale devamohinī |
surasā ca maṇidvipe laṅkāyāṃ bhadrakālikā || 8 ||
rāmeśvarī setubandhe vimalā puruṣottame |
virajā auḍradeśe ca kāmākṣyā nīlaparvate || 9 ||
kālikā vaṅgadeśe ca ayodhyāyāṃ maheśvarī |
vārāṇasyāmannapūrṇā gayākṣetre gayeśvarī || 10 ||
kurukṣetre bhadrakālī vraje kātyāyanī parā |
dvārakāyāṃ mahāmāyā mathurāyāṃ maheśvarī || 11 ||
kṣudhā tvaṃ sarvabhūtānāṃ velā tvaṃ sāgarasya ca |
navamī śuklapakṣasya kṛṣṇasyaikādaśī parā || 12 ||
dakṣasā duhitā devī dakṣayajñavināśinī |
rāmasya jānakī tvaṃ hi rāvaṇadhvaṃsakāriṇī || 13 ||
caṇḍamuṇḍavadhe devī raktabījavināśinī |
niśumbhaśumbhamathinī madhukaiṭabhaghātinī || 14 ||
viṣṇubhaktipradā durgā sukhadā mokṣadā sadā |
ādyāstavamimaṃ puṇyaṃ yaḥ paṭhet satataṃ naraḥ || 15 ||
sarvajvarabhayaṃ na syāt sarvavyādhivināśanam |
koṭitīrthaphalaṃ tasya labhate nātra saṃśayaḥ || 16 ||
jayā me cāgrataḥ pātu vijayā pātu pṛṣṭhataḥ |
nārāyaṇī śīrṣadeśe sarvāṅge siṃhavāhinī || 17 ||
śivadūtī ugracaṇḍā pratyaṅge parameśvarī |
viśālākṣī mahāmāyā kaumārī śaṅkhinī śivā || 18 ||
cakriṇī jayadātrī ca raṇamattā raṇapriyā |
durgā jayantī kālī ca bhadrakālī mahodarī || 19 ||
nārasiṃhī ca vārāhī siddhidātrī sukhapradā |
bhayaṅkarī mahāraudrī mahābhayavināśinī || 20 ||
iti śrībrahmayāmale brahmanāradasaṃvāde śrī ādyā stotram ||
InfoLyter.in — Sacred Vedic Knowledge Portal · Free forever