Shiva Padadi Keshanta Varnana Stotram

ॐ

ஶிவ பாதாதி கேஶாந்த வர்ணந ஸ்தோத்ரம்

Shiva Stotram Tamil

கல்யாணம் நோ விதத்தாம் கடகதடலஸத்கல்பவாடீநிகுஞ்ஜ-

-க்ரீடாஸம்ஸக்தவித்யாதரநிகரவதூகீதருத்ராபதாநஃ ।

தாரைர்ஹேரம்பநாதைஸ்தரலிதநிநதத்தாரகாராதிகேகீ

கைலாஸஃ ஶர்வநிர்வ்ரு'த்யபிஜநகபதஃ ஸர்வதா பர்வதேந்த்ரஃ ॥ 1 ॥

யஸ்ய ப்ராஹுஃ ஸ்வரூபம் ஸகலதிவிஷதாம் ஸாரஸர்வஸ்வயோகம்

யஸ்யேஷுஃ ஶார்‍ங்கதந்வா ஸமஜநி ஜகதாம் ரக்ஷணே ஜாகரூகஃ ।

மௌர்வீ தர்வீகராணாமபி ச பரிப்ரு'டஃ பூஸ்த்ரயீ ஸா ச லக்ஷ்யம்

ஸோऽவ்யாதவ்யாஜமஸ்மாநஶிவபிதநிஶம் நாகிநாம் ஶ்ரீபிநாகஃ ॥ 2 ॥

ஆதங்காவேகஹாரீ ஸகலதிவிஷதாமங்க்ரிபத்மாஶ்ரயாணாம்

மாதங்காத்யுக்ரதைத்யப்ரகரதநுகலத்ரக்ததாராக்ததாரஃ ।

க்ரூரஃ ஸூராயுதாநாமபி ச பரிபவம் ஸ்வீயபாஸா விதந்வ-

-ந்கோராகாரஃ குடாரோ த்ரு'டதரதுரிதாக்யாடவீம் பாடயேந்நஃ ॥ 3 ॥

காலாராதேஃ கராக்ரே க்ரு'தவஸதிருரஃஶாணஶாதோ ரிபூணாம்

காலே காலே குலாத்ரிப்ரவரதநயயா கல்பிதஸ்நேஹலேபஃ ।

பாயாந்நஃ பாவகார்சிஃப்ரஸரஸகமுகஃ பாபஹந்தா நிதாந்தம்

ஶூலஃ ஶ்ரீபாதஸேவாபஜநரஸஜுஷாம் பாலநைகாந்தஶீலஃ ॥ 4 ॥

தேவஸ்யாங்காஶ்ரயாயாஃ குலகிரிதுஹிதுர்நேத்ரகோணப்ரசார-

-ப்ரஸ்தாராநத்யுதாராந்பிபடிஷுரிவ யோ நித்யமத்யாதரேண ।

ஆதத்தே பங்கிதுங்கைரநிஶமவயவைரந்தரங்கம் ஸமோதம்

ஸோமாபீடஸ்ய ஸோऽயம் ப்ரதிஶது குஶலம் பாணிரங்கஃ குரங்கஃ ॥ 5 ॥

கண்டப்ராந்தாவஸஜ்ஜத்கநகமயமஹாகண்டிகாகோரகோஷைஃ

கண்டாராவைரகுண்டைரபி பரிதஜகச்சக்ரவாலாந்தராலஃ ।

சண்டஃ ப்ரோத்தண்டஶ்ரு'ங்கஃ ககுதகபலிதோத்துங்ககைலாஸஶ்ரு'ங்கஃ

கண்டேகாலஸ்ய வாஹஃ ஶமயது ஶமலம் ஶாஶ்வதஃ ஶாக்வரேந்த்ரஃ ॥ 6 ॥

நிர்யத்தாநாம்புதாராபரிமலதரலீபூதரோலம்பபாலீ-

-சங்காரைஃ ஶங்கராத்ரேஃ ஶிகரஶததரீஃ பூரயந்பூரிகோஷைஃ ।

ஶார்வஃ ஸௌவர்ணஶைலப்ரதிமப்ரு'துவபுஃ ஸர்வவிக்நாபஹர்தா

ஶர்வாண்யாஃ பூர்வஸூநுஃ ஸ பவது பவதாம் ஸ்வஸ்திதோ ஹஸ்திவக்த்ரஃ ॥ 7 ॥

யஃ புண்யைர்தேவதாநாம் ஸமஜநி ஶிவயோஃ ஶ்லாக்யவீர்யைகமத்யா-

-த்யந்நாம்நி ஶ்ரூயமாணே திதிஜபடகடா பீதிபாரம் பஜந்தே ।

பூயாத்ஸோऽயம் விபூத்யை நிஶிதஶரஶிகாபாடிதக்ரௌஞ்சஶைலஃ

ஸம்ஸாராகாதகூபோதரபதிதஸமுத்தாரகஸ்தாரகாரிஃ ॥ 8 ॥

ஆரூடஃ ப்ரௌடவேகப்ரவிஜிதபவநம் துங்கதுங்கம் துரங்கம்

சேலம் நீலம் வஸாநஃ கரதலவிலஸத்காண்டகோதண்டதண்டஃ ।

ராகத்வேஷாதிநாநாவிதம்ரு'கபடலீபீதிக்ரு'த்பூதபர்தா

குர்வந்நாகேடலீலாம் பரிலஸது மநஃகாநநே மாமகீநே ॥ 9 ॥

அம்போஜாப்யாம் ச ரம்பாரதசரணலதாத்வந்த்வகும்பீந்த்ரகும்பை-

-ர்பிம்பேநேந்தோஶ்ச கம்போருபரி விலஸதா வித்ருமேணோத்பலாப்யாம் ।

அம்போதேநாபி ஸம்பாவிதமுபஜநிதாடம்பரம் ஶம்பராரேஃ

ஶம்போஃ ஸம்போகயோக்யம் கிமபி தநமிதம் ஸம்பவேத்ஸம்பதே நஃ ॥ 10 ॥

வேணீஸௌபாக்யவிஸ்மாபிததபநஸுதாசாருவேணீவிலாஸா-

-ந்வாணீநிர்தூதவாணீகரதலவித்ரு'தோதாரவீணாவிராவாந் ।

ஏணீநேத்ராந்தபங்கீநிரஸநநிபுணாபாங்ககோணாநுபாஸே

ஶோணாந்ப்ராணாநுதூடப்ரதிநவஸுஷமாகந்தலாநிந்துமௌலேஃ ॥ 11 ॥

ந்ரு'த்தாரம்பேஷு ஹஸ்தாஹதமுரஜதிமித்திங்க்ரு'தைரத்யுதாரை-

-ஶ்சித்தாநந்தம் விதத்தே ஸதஸி பகவதஃ ஸந்ததம் யஃ ஸ நந்தீ ।

சண்டீஶாத்யாஸ்ததாந்யே சதுரகுணகணப்ரீணிதஸ்வாமிஸத்கா-

-ரோத்கர்ஷோத்யத்ப்ரஸாதாஃ ப்ரமதபரிப்ரு'டாஃ பாந்து ஸந்தோஷிணோ நஃ ॥ 12 ॥

முக்தாமாணிக்யஜாலைஃ பரிகலிதமஹாஸாலமாலோகநீயம்

ப்ரத்யுப்தாநர்கரத்நைர்திஶி திஶி பவநைஃ கல்பிதைர்திக்பதீநாம் ।

உத்யாநைரத்ரிகந்யாபரிஜநவநிதாமாநநீயைஃ பரீதம்

ஹ்ரு'த்யம் ஹ்ரு'த்யஸ்து நித்யம் மம புவநபதேர்தாம ஸோமார்தமௌலேஃ ॥ 13 ॥

ஸ்தம்பைர்ஜம்பாரிரத்நப்ரவரவிரசிதைஃ ஸம்ப்ரு'தோபாந்தபாகம்

ஶும்பத்ஸோபாநமார்கம் ஶுசிமணிநிசயைர்கும்பிதாநல்பஶில்பம் ।

கும்பைஃ ஸம்பூர்ணஶோபம் ஶிரஸி ஸுகடிதைஃ ஶாதகும்பைரபங்கைஃ

ஶம்போஃ ஸம்பாவநீயம் ஸகலமுநிஜநைஃ ஸ்வஸ்திதம் ஸ்யாத்ஸதோ நஃ ॥ 14 ॥

ந்யஸ்தோ மத்யே ஸபாயாஃ பரிஸரவிலஸத்பாதபீடாபிராமோ

ஹ்ரு'த்யஃ பாதைஶ்சதுர்பிஃ கநகமணிமயைருச்சகைருஜ்ஜ்வலாத்மா ॥

வாஸோரத்நேந கேநாப்யதிகம்ரு'துதரேணாஸ்த்ரு'தோ விஸ்த்ரு'தஶ்ரீஃ

பீடஃ பீடாபரம் நஃ ஶமயது ஶிவயோஃ ஸ்வைரஸம்வாஸயோக்யஃ ॥ 15 ॥

ஆஸீநஸ்யாதிபீடம் த்ரிஜகததிபதேரங்க்ரிபீடாநுஷக்தௌ

பாதோஜாபோகபாஜௌ பரிம்ரு'துலதலோல்லாஸிபத்மாதிரேகௌ ।

பாதாம் பாதாவுபௌ தௌ நமதமரகிரீடோல்லஸச்சாருஹீர-

-ஶ்ரேணீஶோணாயமாநோந்நதநகதஶகோத்பாஸமாநௌ ஸமாநௌ ॥ 16 ॥

யந்நாதோ வேதவாசாம் நிகததி நிகிலம் லக்ஷணம் பக்ஷிகேது-

-ர்லக்ஷ்மீஸம்போகஸௌக்யம் விரசயதி யயோஶ்சாபரே ரூபபேதே ।

ஶம்போஃ ஸம்பாவநீயே பதகமலஸமாஸங்கதஸ்துங்கஶோபே

மாங்கல்யம் நஃ ஸமக்ரம் ஸகலஸுககரே நூபுரே பூரயேதாம் ॥ 17 ॥

அங்கே ஶ்ரு'ங்காரயோநேஃ ஸபதி ஶலபதாம் நேத்ரவஹ்நௌ ப்ரயாதே

ஶத்ரோருத்த்ரு'த்ய தஸ்மாதிஷுதியுகமதோ ந்யஸ்தமக்ரே கிமேதத் ।

ஶங்காமித்தம் நதாநாமமரபரிஷதாமந்தரங்கூரயத்த-

-த்ஸங்காதம் சாரு ஜங்காயுகமகிலபதேரம்ஹஸாம் ஸம்ஹரேந்நஃ ॥ 18 ॥

ஜாநுத்வந்த்வேந மீநத்வஜந்ரு'வரஸமுத்ரோபமாநேந ஸாகம்

ராஜந்தௌ ராஜரம்பாகரிகரகநகஸ்தம்பஸம்பாவநீயௌ ।

ஊரூ கௌரீகராம்போருஹஸரஸஸமாமர்தநாநந்தபாஜௌ

சாரூ தூரீக்ரியாஸ்தாம் துரிதமுபசிதம் ஜந்மஜந்மாந்தரே நஃ ॥ 19 ॥

ஆமுக்தாநர்கரத்நப்ரகரகரபரிஷ்வக்தகல்யாணகாஞ்சீ-

-தாம்நா பத்தேந துக்தத்யுதிநிசயமுஷா சீநபட்டாம்பரேண ।

ஸம்வீதே ஶைலகந்யாஸுசரிதபரிபாகாயமாணே நிதம்பே

நித்யம் நர்நர்து சித்தம் மம நிகிலஜகத்ஸ்வாமிநஃ ஸோமமௌலேஃ ॥ 20 ॥

ஸந்த்யாகாலாநுரஜ்யத்திநகரஸருசா காலதௌதேந காடம்

வ்யாநத்தஃ ஸ்நிக்தமுக்தஃ ஸரஸமுதரபந்தேந வீதோபமேந ।

உத்தீப்தைஃ ஸ்வப்ரகாஶைருபசிதமஹிமா மந்மதாரேருதாரோ

மத்யோ மித்யார்தஸத்ர்யங்மம திஶது ஸதா ஸங்கதிம் மங்கலாநாம் ॥ 21 ॥

நாபீசக்ராலவாலாந்நவநவஸுஷமாதோஹதஶ்ரீபரீதா-

-துத்கச்சந்தீ புரஸ்தாதுதரபதமதிக்ரம்ய வக்ஷஃ ப்ரயாந்தி ।

ஶ்யாமா காமாகமார்தப்ரகதநலிபிவத்பாஸதே யா நிகாமம்

ஸா மா ஸோமார்தமௌலேஃ ஸுகயது ஸததம் ரோமவல்லீமதல்லீ ॥ 22 ॥

ஆஶ்லேஷேஷ்வத்ரிஜாயாஃ கடிநகுசதடீலிப்தகாஶ்மீரபங்க-

-வ்யாஸங்காதுத்யதர்கத்யுதிபிருபசிதஸ்பர்தமுத்தாமஹ்ரு'த்யம் ।

தக்ஷாராதேருதூடப்ரதிநவமணிமாலாவலீபாஸமாநம்

வக்ஷோ விக்ஷோபிதாகம் ஸததநதிஜுஷாம் ரக்ஷதாதக்ஷதம் நஃ ॥ 23 ॥

வாமாங்கே விஸ்புரந்த்யாஃ கரதலவிலஸச்சாருரக்தோத்பலாயாஃ

காந்தாயா வாமவக்ஷோருஹபரஶிகரோந்மர்தநவ்யக்ரமேகம் ।

அந்யாம்ஸ்த்ரீநப்யுதாராந்வரபரஶும்ரு'காலங்க்ரு'தாநிந்துமௌலே-

-ர்பாஹூநாபத்தஹேமாங்கதமணிகடகாநந்தராலோகயாமஃ ॥ 24 ॥

ஸம்ப்ராந்தாயாஃ ஶிவாயாஃ பதிவிலயபியா ஸர்வலோகோபதாபா-

-த்ஸம்விக்நஸ்யாபி விஷ்ணோஃ ஸரபஸமுபயோர்வாரணப்ரேரணாப்யாம் ।

மத்யே த்ரைஶங்கவீயாமநுபவதி தஶாம் யத்ர ஹாலாஹலோஷ்மா

ஸோऽயம் ஸர்வாபதாம் நஃ ஶமயது நிசயம் நீலகண்டஸ்ய கண்டஃ ॥ 25 ॥

ஹ்ரு'த்யைரத்ரீந்த்ரகந்யாம்ரு'துதஶநபதைர்முத்ரிதோ வித்ருமஶ்ரீ-

-ருத்த்யோதந்த்யா நிதாந்தம் தவலதவலயா மிஶ்ரிதோ தந்தகாந்த்யா ।

முக்தாமாணிக்யஜாலவ்யதிகரஸத்ரு'ஶா தேஜஸா பாஸமாநஃ

ஸத்யோஜாதஸ்ய தத்யாததரமணிரஸௌ ஸம்பதாம் ஸஞ்சயம் நஃ ॥ 26 ॥

கர்ணாலங்காரநாநாமணிநிகரருசாம் ஸஞ்சயைரஞ்சிதாயாம்

வர்ண்யாயாம் ஸ்வர்ணபத்மோதரபரிவிலஸத்கர்ணிகாஸந்நிபாயாம் ।

பத்தத்யாம் ப்ராணவாயோஃ ப்ரணதஜநஹ்ரு'தம்போஜவாஸஸ்ய ஶம்போ-

-ர்நித்யம் நஶ்சித்தமேதத்விரசயது ஸுகேநாஸிகாம் நாஸிகாயாம் ॥ 27 ॥

அத்யந்தம் பாஸமாநே ருசிரதரருசாம் ஸங்கமாத்ஸந்மணீநா-

-முத்யச்சண்டாம்ஶுதாமப்ரஸரநிரஸநஸ்பஷ்டத்ரு'ஷ்டாபதாநே ।

பூயாஸ்தாம் பூதயே நஃ கரிவரஜயிநஃ கர்ணபாஶாவலம்பே

பக்தாலீபாலஸஜ்ஜஜ்ஜநிமரணலிபேஃ குண்டலே குண்டலே தே ॥ 28 ॥

யாப்யாம் காலவ்யவஸ்தா பவதி தநுமதாம் யோ முகம் தேவதாநாம்

யேஷாமாஹுஃ ஸ்வரூபம் ஜகதி முநிவரா தேவதாநாம் த்ரயீம் தாம் ।

ருத்ராணீவக்த்ரபங்கேருஹஸததவிஹாரோத்ஸுகேந்திந்திரேப்ய-

-ஸ்தேப்யஸ்த்ரிப்யஃ ப்ரணாமாஞ்ஜலிமுபரசயே த்ரீக்ஷணஸ்யேக்ஷணேப்யஃ ॥ 29 ॥

வாமம் வாமாங்ககாயா வதநஸரஸிஜே வ்யாவலத்வல்லபாயா

வ்யாநம்ரேஷ்வந்யதந்யத்புநரலிகபவம் வீதநிஃஶேஷரௌக்ஷ்யம் ।

பூயோ பூயோபி மோதாந்நிபதததிதயாஶீதலம் சூதபாணே

தக்ஷாரேரீக்ஷணாநாம் த்ரயமபஹரதாதாஶு தாபத்ரயம் நஃ ॥ 30 ॥

யஸ்மிந்நர்தேந்துமுக்தத்யுதிநிசயதிரஸ்காரநிஸ்தந்த்ரகாந்தௌ

காஶ்மீரக்ஷோதஸங்கல்பதமிவ ருசிரம் சித்ரகம் பாதி நேத்ரம் ।

தஸ்மிந்நுல்லீலசில்லீநடவரதருணீலாஸ்யரங்காயமாணே

காலாரேஃ பாலதேஶே விஹரது ஹ்ரு'தயம் வீதசிந்தாந்தரம் நஃ ॥ 31 ॥

ஸ்வாமிந்கங்காமிவாங்கீகுரு தவ ஶிரஸா மாமபீத்யர்தயந்தீம்

தந்யாம் கந்யாம் கராம்ஶோஃ ஶிரஸி வஹதி கிம் ந்வேஷ காருண்யஶாலீ ।

இத்தம் ஶங்காம் ஜநாநாம் ஜநயததிகநம் கைஶிகம் காலமேக-

-ச்சாயம் பூயாதுதாரம் த்ரிபுரவிஜயிநஃ ஶ்ரேயஸே பூயஸே நஃ ॥ 32 ॥

ஶ்ரு'ங்காராகல்பயோக்யைஃ ஶிகரிவரஸுதாஸத்ஸகீஹஸ்தலூநைஃ

ஸூநைராபத்தமாலாவலிபரிவிலஸத்ஸௌரபாக்ரு'ஷ்டப்ரு'ங்கம் ।

துங்கம் மாணிக்யகாந்த்யா பரிஹஸிதஸுராவாஸஶைலேந்த்ரஶ்ரு'ங்கம்

ஸங்கம் நஃ ஸங்கடாநாம் விகடயது ஸதா காங்கடீகம் கிரீடம் ॥ 33 ॥

வக்ராகாரஃ கலங்கீ ஜடதநுரஹமப்யங்க்ரிஸேவாநுபாவா-

-துத்தம்ஸத்வம் ப்ரயாதஃ ஸுலபதரக்ரு'ணாஸ்யந்திநஶ்சந்த்ரமௌலேஃ ।

தத்ஸேவந்தாம் ஜநௌகாஃ ஶிவமிதி நிஜயாவஸ்தயைவ ப்ருவாணம்

வந்தே தேவஸ்ய ஶம்போர்முகுடஸுகடிதம் முக்தபீயூஷபாநும் ॥ 34 ॥

காந்த்யா ஸம்புல்லமல்லீகுஸுமதவலயா வ்யாப்ய விஶ்வம் விராஜ-

-ந்வ்ரு'த்தாகாரோ விதந்வந்முஹுரபி ச பராம் நிர்வ்ரு'திம் பாதபாஜாம் ।

ஸாநந்தம் நந்திதோஷ்ணா மணிகடகவதா வாஹ்யமாநஃ புராரேஃ

ஶ்வேதச்சத்ராக்யஶீதத்யுதிரபஹரதாதாபதஸ்தாபதா நஃ ॥ 35 ॥

திவ்யாகல்போஜ்ஜ்வலாநாம் ஶிவகிரிஸுதயோஃ பார்ஶ்வயோராஶ்ரிதாநாம்

ருத்ராணீஸத்ஸகீநாம் மததரலகடாக்ஷாஞ்சலைரஞ்சிதாநாம் ।

உத்வேல்லத்பாஹுவல்லீவிலஸநஸமயே சாமராந்தோலநீநா-

-முத்பூதஃ கங்கணாலீவலயகலகலோ வாரயேதாபதோ நஃ ॥ 36 ॥

ஸ்வர்கௌகஃஸுந்தரீணாம் ஸுலலிதவபுஷாம் ஸ்வாமிஸேவாபராணாம்

வல்கத்பூஷாணி வக்ராம்புஜபரிவிகலந்முக்தகீதாம்ரு'தாநி ।

நித்யம் ந்ரு'த்தாந்யுபாஸே புஜவிதுதிபதந்யாஸபாவாவலோக-

-ப்ரத்யுத்யத்ப்ரீதிமாத்யத்ப்ரமதநடநடீதத்தஸம்பாவநாநி ॥ 37 ॥

ஸ்தாநப்ராப்த்யா ஸ்வராணாம் கிமபி விஶததாம் வ்யஞ்ஜயந்மஞ்ஜுவீணா-

-ஸ்வாநாவச்சிந்நதாலக்ரமமம்ரு'தமிவாஸ்வாத்யமாநம் ஶிவாப்யாம் ।

நாநாராகாதிஹ்ரு'த்யம் நவரஸமதுரஸ்தோத்ரஜாதாநுவித்தம்

காநம் வீணாமஹர்ஷேஃ கலமதிலலிதம் கர்ணபூரயதாம் நஃ ॥ 38 ॥

சேதோ ஜாதப்ரமோதம் ஸபதி விதததீ ப்ராணிநாம் வாணிநீநாம்

பாணித்வந்த்வாக்ரஜாக்ரத்ஸுலலிதரணிதஸ்வர்ணதாலாநுகூலா ।

ஸ்வீயாராவேண பாதோதரரவபடுநா நாதயந்தீ மயூரீம்

மாயூரீ மந்தபாவம் மணிமுரஜபவா மார்ஜநா மார்ஜயேந்நஃ ॥ 39 ॥

தேவேப்யோ தாநவேப்யஃ பித்ரு'முநிபரிஷத்ஸித்தவித்யாதரேப்யஃ

ஸாத்யேப்யஶ்சாரணேப்யோ மநுஜபஶுபதஜ்ஜாதிகீடாதிகேப்யஃ ।

ஶ்ரீகைலாஸப்ரரூடாஸ்த்ரு'ணவிடபிமுகாஶ்சாபி யே ஸந்தி தேப்யஃ

ஸர்வேப்யோ நிர்விசாரம் நதிமுபரசயே ஶர்வபாதாஶ்ரயேப்யஃ ॥ 40 ॥

த்யாயந்நித்தம் ப்ரபாதே ப்ரதிதிவஸமிதம் ஸ்தோத்ரரத்நம் படேத்யஃ

கிம் வா ப்ரூமஸ்ததீயம் ஸுசரிதமதவா கீர்தயாமஃ ஸமாஸாத் ।

ஸம்பஜ்ஜாதம் ஸமக்ரம் ஸதஸி பஹுமதிம் ஸர்வலோகப்ரியத்வம்

ஸம்ப்ராப்யாயுஃஶதாந்தே பதமயதி பரப்ரஹ்மணோ மந்மதாரேஃ ॥ 41 ॥

இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோவிந்தபகவத்பூஜ்யபாதஶிஷ்யஸ்ய ஶ்ரீமச்சங்கரபகவதஃ க்ரு'தௌ ஶ்ரீ ஶிவ பாதாதிகேஶாந்தவர்ணந ஸ்தோத்ரம் ॥

Roman (IAST) Transliteration

kalyāṇaṃ no vidhattāṃ kaṭakataṭalasatkalpavāṭīnikuñja-

-krīḍāsaṃsaktavidyādharanikaravadhūgītarudrāpadānaḥ |

tārairherambanādaistaralitaninadattārakārātikekī

kailāsaḥ śarvanirvṛtyabhijanakapadaḥ sarvadā parvatendraḥ || 1 ||

yasya prāhuḥ svarūpaṃ sakaladiviṣadāṃ sārasarvasvayogaṃ

yasyeṣuḥ śār‍ṅgadhanvā samajani jagatāṃ rakṣaṇe jāgarūkaḥ |

maurvī darvīkarāṇāmapi ca paribṛḍhaḥ pūstrayī sā ca lakṣyaṃ

so'vyādavyājamasmānaśivabhidaniśaṃ nākināṃ śrīpinākaḥ || 2 ||

ātaṅkāvegahārī sakaladiviṣadāmaṅghripadmāśrayāṇāṃ

mātaṅgādyugradaityaprakaratanugaladraktadhārāktadhāraḥ |

krūraḥ sūrāyutānāmapi ca paribhavaṃ svīyabhāsā vitanva-

-nghorākāraḥ kuṭhāro dṛḍhataraduritākhyāṭavīṃ pāṭayennaḥ || 3 ||

kālārāteḥ karāgre kṛtavasatiruraḥśāṇaśāto ripūṇāṃ

kāle kāle kulādripravaratanayayā kalpitasnehalepaḥ |

pāyānnaḥ pāvakārciḥprasarasakhamukhaḥ pāpahantā nitāntaṃ

śūlaḥ śrīpādasevābhajanarasajuṣāṃ pālanaikāntaśīlaḥ || 4 ||

devasyāṅkāśrayāyāḥ kulagiriduhiturnetrakoṇapracāra-

-prastārānatyudārānpipaṭhiṣuriva yo nityamatyādareṇa |

ādhatte bhaṅgituṅgairaniśamavayavairantaraṅgaṃ samodaṃ

somāpīḍasya so'yaṃ pradiśatu kuśalaṃ pāṇiraṅgaḥ kuraṅgaḥ || 5 ||

kaṇṭhaprāntāvasajjatkanakamayamahāghaṇṭikāghoraghoṣaiḥ

kaṇṭhārāvairakuṇṭhairapi bharitajagaccakravālāntarālaḥ |

caṇḍaḥ proddaṇḍaśṛṅgaḥ kakudakabalitottuṅgakailāsaśṛṅgaḥ

kaṇṭhekālasya vāhaḥ śamayatu śamalaṃ śāśvataḥ śākvarendraḥ || 6 ||

niryaddānāmbudhārāparimalataralībhūtarolambapālī-

-jhaṅkāraiḥ śaṅkarādreḥ śikharaśatadarīḥ pūrayanbhūrighoṣaiḥ |

śārvaḥ sauvarṇaśailapratimapṛthuvapuḥ sarvavighnāpahartā

śarvāṇyāḥ pūrvasūnuḥ sa bhavatu bhavatāṃ svastido hastivaktraḥ || 7 ||

yaḥ puṇyairdevatānāṃ samajani śivayoḥ ślāghyavīryaikamatyā-

-dyannāmni śrūyamāṇe ditijabhaṭaghaṭā bhītibhāraṃ bhajante |

bhūyātso'yaṃ vibhūtyai niśitaśaraśikhāpāṭitakrauñcaśailaḥ

saṃsārāgādhakūpodarapatitasamuttārakastārakāriḥ || 8 ||

ārūḍhaḥ prauḍhavegapravijitapavanaṃ tuṅgatuṅgaṃ turaṅgaṃ

celaṃ nīlaṃ vasānaḥ karatalavilasatkāṇḍakodaṇḍadaṇḍaḥ |

rāgadveṣādinānāvidhamṛgapaṭalībhītikṛdbhūtabhartā

kurvannākheṭalīlāṃ parilasatu manaḥkānane māmakīne || 9 ||

ambhojābhyāṃ ca rambhārathacaraṇalatādvandvakumbhīndrakumbhai-

-rbimbenendośca kamborupari vilasatā vidrumeṇotpalābhyām |

ambhodenāpi sambhāvitamupajanitāḍambaraṃ śambarāreḥ

śambhoḥ sambhogayogyaṃ kimapi dhanamidaṃ sambhavetsampade naḥ || 10 ||

veṇīsaubhāgyavismāpitatapanasutācāruveṇīvilāsā-

-nvāṇīnirdhūtavāṇīkaratalavidhṛtodāravīṇāvirāvān |

eṇīnetrāntabhaṅgīnirasananipuṇāpāṅgakoṇānupāse

śoṇānprāṇānudūḍhapratinavasuṣamākandalānindumauleḥ || 11 ||

nṛttārambheṣu hastāhatamurajadhimiddhiṅkṛtairatyudārai-

-ścittānandaṃ vidhatte sadasi bhagavataḥ santataṃ yaḥ sa nandī |

caṇḍīśādyāstathānye caturaguṇagaṇaprīṇitasvāmisatkā-

-rotkarṣodyatprasādāḥ pramathaparibṛḍhāḥ pāntu santoṣiṇo naḥ || 12 ||

muktāmāṇikyajālaiḥ parikalitamahāsālamālokanīyaṃ

pratyuptānargharatnairdiśi diśi bhavanaiḥ kalpitairdikpatīnām |

udyānairadrikanyāparijanavanitāmānanīyaiḥ parītaṃ

hṛdyaṃ hṛdyastu nityaṃ mama bhuvanapaterdhāma somārdhamauleḥ || 13 ||

stambhairjambhāriratnapravaraviracitaiḥ sambhṛtopāntabhāgaṃ

śumbhatsopānamārgaṃ śucimaṇinicayairgumbhitānalpaśilpam |

kumbhaiḥ sampūrṇaśobhaṃ śirasi sughaṭitaiḥ śātakumbhairapaṅkaiḥ

śambhoḥ sambhāvanīyaṃ sakalamunijanaiḥ svastidaṃ syātsado naḥ || 14 ||

nyasto madhye sabhāyāḥ parisaravilasatpādapīṭhābhirāmo

hṛdyaḥ pādaiścaturbhiḥ kanakamaṇimayairuccakairujjvalātmā ||

vāsoratnena kenāpyadhikamṛdutareṇāstṛto vistṛtaśrīḥ

pīṭhaḥ pīḍābharaṃ naḥ śamayatu śivayoḥ svairasaṃvāsayogyaḥ || 15 ||

āsīnasyādhipīṭhaṃ trijagadadhipateraṅghripīṭhānuṣaktau

pāthojābhogabhājau parimṛdulatalollāsipadmādirekhau |

pātāṃ pādāvubhau tau namadamarakirīṭollasaccāruhīra-

-śreṇīśoṇāyamānonnatanakhadaśakodbhāsamānau samānau || 16 ||

yannādo vedavācāṃ nigadati nikhilaṃ lakṣaṇaṃ pakṣiketu-

-rlakṣmīsambhogasaukhyaṃ viracayati yayoścāpare rūpabhede |

śambhoḥ sambhāvanīye padakamalasamāsaṅgatastuṅgaśobhe

māṅgalyaṃ naḥ samagraṃ sakalasukhakare nūpure pūrayetām || 17 ||

aṅge śṛṅgārayoneḥ sapadi śalabhatāṃ netravahnau prayāte

śatroruddhṛtya tasmādiṣudhiyugamadho nyastamagre kimetat |

śaṅkāmitthaṃ natānāmamarapariṣadāmantaraṅkūrayatta-

-tsaṅghātaṃ cāru jaṅghāyugamakhilapateraṃhasāṃ saṃharennaḥ || 18 ||

jānudvandvena mīnadhvajanṛvarasamudropamānena sākaṃ

rājantau rājarambhākarikarakanakastambhasambhāvanīyau |

ūrū gaurīkarāmbhoruhasarasasamāmardanānandabhājau

cārū dūrīkriyāstāṃ duritamupacitaṃ janmajanmāntare naḥ || 19 ||

āmuktānargharatnaprakarakarapariṣvaktakalyāṇakāñcī-

-dāmnā baddena dugdhadyutinicayamuṣā cīnapaṭṭāmbareṇa |

saṃvīte śailakanyāsucaritaparipākāyamāṇe nitambe

nityaṃ narnartu cittaṃ mama nikhilajagatsvāminaḥ somamauleḥ || 20 ||

sandhyākālānurajyaddinakarasarucā kāladhautena gāḍhaṃ

vyānaddhaḥ snigdhamugdhaḥ sarasamudarabandhena vītopamena |

uddīptaiḥ svaprakāśairupacitamahimā manmathārerudāro

madhyo mithyārthasadhryaṅmama diśatu sadā saṅgatiṃ maṅgalānām || 21 ||

nābhīcakrālavālānnavanavasuṣamādohadaśrīparītā-

-dudgacchantī purastādudarapathamatikramya vakṣaḥ prayānti |

śyāmā kāmāgamārthaprakathanalipivadbhāsate yā nikāmaṃ

sā mā somārdhamauleḥ sukhayatu satataṃ romavallīmatallī || 22 ||

āśleṣeṣvadrijāyāḥ kaṭhinakucataṭīliptakāśmīrapaṅka-

-vyāsaṅgādudyadarkadyutibhirupacitaspardhamuddāmahṛdyam |

dakṣārāterudūḍhapratinavamaṇimālāvalībhāsamānaṃ

vakṣo vikṣobhitāghaṃ satatanatijuṣāṃ rakṣatādakṣataṃ naḥ || 23 ||

vāmāṅke visphurantyāḥ karatalavilasaccāruraktotpalāyāḥ

kāntāyā vāmavakṣoruhabharaśikharonmardanavyagramekam |

anyāṃstrīnapyudārānvaraparaśumṛgālaṅkṛtānindumaule-

-rbāhūnābaddhahemāṅgadamaṇikaṭakānantarālokayāmaḥ || 24 ||

sambhrāntāyāḥ śivāyāḥ pativilayabhiyā sarvalokopatāpā-

-tsaṃvignasyāpi viṣṇoḥ sarabhasamubhayorvāraṇapreraṇābhyām |

madhye traiśaṅkavīyāmanubhavati daśāṃ yatra hālāhaloṣmā

so'yaṃ sarvāpadāṃ naḥ śamayatu nicayaṃ nīlakaṇṭhasya kaṇṭhaḥ || 25 ||

hṛdyairadrīndrakanyāmṛdudaśanapadairmudrito vidrumaśrī-

-ruddyotantyā nitāntaṃ dhavaladhavalayā miśrito dantakāntyā |

muktāmāṇikyajālavyatikarasadṛśā tejasā bhāsamānaḥ

sadyojātasya dadyādadharamaṇirasau sampadāṃ sañcayaṃ naḥ || 26 ||

karṇālaṅkāranānāmaṇinikararucāṃ sañcayairañcitāyāṃ

varṇyāyāṃ svarṇapadmodaraparivilasatkarṇikāsannibhāyām |

paddhatyāṃ prāṇavāyoḥ praṇatajanahṛdambhojavāsasya śambho-

-rnityaṃ naścittametadviracayatu sukhenāsikāṃ nāsikāyām || 27 ||

atyantaṃ bhāsamāne ruciratararucāṃ saṅgamātsanmaṇīnā-

-mudyaccaṇḍāṃśudhāmaprasaranirasanaspaṣṭadṛṣṭāpadāne |

bhūyāstāṃ bhūtaye naḥ karivarajayinaḥ karṇapāśāvalambe

bhaktālībhālasajjajjanimaraṇalipeḥ kuṇḍale kuṇḍale te || 28 ||

yābhyāṃ kālavyavasthā bhavati tanumatāṃ yo mukhaṃ devatānāṃ

yeṣāmāhuḥ svarūpaṃ jagati munivarā devatānāṃ trayīṃ tām |

rudrāṇīvaktrapaṅkeruhasatatavihārotsukendindirebhya-

-stebhyastribhyaḥ praṇāmāñjalimuparacaye trīkṣaṇasyekṣaṇebhyaḥ || 29 ||

vāmaṃ vāmāṅkagāyā vadanasarasije vyāvaladvallabhāyā

vyānamreṣvanyadanyatpunaralikabhavaṃ vītaniḥśeṣaraukṣyam |

bhūyo bhūyopi modānnipatadatidayāśītalaṃ cūtabāṇe

dakṣārerīkṣaṇānāṃ trayamapaharatādāśu tāpatrayaṃ naḥ || 30 ||

yasminnardhendumugdhadyutinicayatiraskāranistandrakāntau

kāśmīrakṣodasaṅkalpatamiva ruciraṃ citrakaṃ bhāti netram |

tasminnullīlacillīnaṭavarataruṇīlāsyaraṅgāyamāṇe

kālāreḥ phāladeśe viharatu hṛdayaṃ vītacintāntaraṃ naḥ || 31 ||

svāmingaṅgāmivāṅgīkuru tava śirasā māmapītyarthayantīṃ

dhanyāṃ kanyāṃ kharāṃśoḥ śirasi vahati kiṃ nveṣa kāruṇyaśālī |

itthaṃ śaṅkāṃ janānāṃ janayadatighanaṃ kaiśikaṃ kālamegha-

-cchāyaṃ bhūyādudāraṃ tripuravijayinaḥ śreyase bhūyase naḥ || 32 ||

śṛṅgārākalpayogyaiḥ śikharivarasutāsatsakhīhastalūnaiḥ

sūnairābaddhamālāvaliparivilasatsaurabhākṛṣṭabhṛṅgam |

tuṅgaṃ māṇikyakāntyā parihasitasurāvāsaśailendraśṛṅgaṃ

saṅghaṃ naḥ saṅkaṭānāṃ vighaṭayatu sadā kāṅkaṭīkaṃ kirīṭam || 33 ||

vakrākāraḥ kalaṅkī jaḍatanurahamapyaṅghrisevānubhāvā-

-duttaṃsatvaṃ prayātaḥ sulabhataraghṛṇāsyandinaścandramauleḥ |

tatsevantāṃ janaughāḥ śivamiti nijayāvasthayaiva bruvāṇaṃ

vande devasya śambhormukuṭasughaṭitaṃ mugdhapīyūṣabhānum || 34 ||

kāntyā samphullamallīkusumadhavalayā vyāpya viśvaṃ virāja-

-nvṛttākāro vitanvanmuhurapi ca parāṃ nirvṛtiṃ pādabhājām |

sānandaṃ nandidoṣṇā maṇikaṭakavatā vāhyamānaḥ purāreḥ

śvetacchatrākhyaśītadyutirapaharatādāpadastāpadā naḥ || 35 ||

divyākalpojjvalānāṃ śivagirisutayoḥ pārśvayorāśritānāṃ

rudrāṇīsatsakhīnāṃ madataralakaṭākṣāñcalairañcitānām |

udvelladbāhuvallīvilasanasamaye cāmarāndolanīnā-

-mudbhūtaḥ kaṅkaṇālīvalayakalakalo vārayedāpado naḥ || 36 ||

svargaukaḥsundarīṇāṃ sulalitavapuṣāṃ svāmisevāparāṇāṃ

valgadbhūṣāṇi vakrāmbujaparivigalanmugdhagītāmṛtāni |

nityaṃ nṛttānyupāse bhujavidhutipadanyāsabhāvāvaloka-

-pratyudyatprītimādyatpramathanaṭanaṭīdattasambhāvanāni || 37 ||

sthānaprāptyā svarāṇāṃ kimapi viśadatāṃ vyañjayanmañjuvīṇā-

-svānāvacchinnatālakramamamṛtamivāsvādyamānaṃ śivābhyām |

nānārāgātihṛdyaṃ navarasamadhurastotrajātānuviddhaṃ

gānaṃ vīṇāmaharṣeḥ kalamatilalitaṃ karṇapūrayatāṃ naḥ || 38 ||

ceto jātapramodaṃ sapadi vidadhatī prāṇināṃ vāṇinīnāṃ

pāṇidvandvāgrajāgratsulalitaraṇitasvarṇatālānukūlā |

svīyārāveṇa pāthodhararavapaṭunā nādayantī mayūrīṃ

māyūrī mandabhāvaṃ maṇimurajabhavā mārjanā mārjayennaḥ || 39 ||

devebhyo dānavebhyaḥ pitṛmunipariṣatsiddhavidyādharebhyaḥ

sādhyebhyaścāraṇebhyo manujapaśupatajjātikīṭādikebhyaḥ |

śrīkailāsaprarūḍhāstṛṇaviṭapimukhāścāpi ye santi tebhyaḥ

sarvebhyo nirvicāraṃ natimuparacaye śarvapādāśrayebhyaḥ || 40 ||

dhyāyannitthaṃ prabhāte pratidivasamidaṃ stotraratnaṃ paṭhedyaḥ

kiṃ vā brūmastadīyaṃ sucaritamathavā kīrtayāmaḥ samāsāt |

sampajjātaṃ samagraṃ sadasi bahumatiṃ sarvalokapriyatvaṃ

samprāpyāyuḥśatānte padamayati parabrahmaṇo manmathāreḥ || 41 ||

iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau śrī śiva pādādikeśāntavarṇana stotram ||