Narayaniyam Dashaka 13 - Hiranyakshavadham

ॐ

நாராயணீயம் தஶக 13 - ஹிரண்யாக்ஷவதம்

Vishnu Tamil

ஹிரண்யாக்ஷம் தாவத்வரத பவதந்வேஷணபரம்

சரந்தம் ஸாம்வர்தே பயஸி நிஜஜங்காபரிமிதே ।

பவத்பக்தோ கத்வா கபடபடுதீர்நாரதமுநிஃ

ஶநைரூசே நந்தந் தநுஜமபி நிந்தம்ஸ்தவ பலம் ॥1॥

ஸ மாயாவீ விஷ்ணுர்ஹரதி பவதீயாம் வஸுமதீம்

ப்ரபோ கஷ்டம் கஷ்டம் கிமிதமிதி தேநாபிகதிதஃ ।

நதந் க்வாஸௌ க்வாஸவிதி ஸ முநிநா தர்ஶிதபதோ

பவந்தம் ஸம்ப்ராபத்தரணிதரமுத்யந்தமுதகாத் ॥2॥

அஹோ ஆரண்யோऽயம் ம்ரு'க இதி ஹஸந்தம் பஹுதரை-

ர்துருக்தைர்வித்யந்தம் திதிஸுதமவஜ்ஞாய பகவந் ।

மஹீம் த்ரு'ஷ்ட்வா தம்ஷ்ட்ராஶிரஸி சகிதாம் ஸ்வேந மஹஸா

பயோதாவாதாய ப்ரஸபமுதயுங்க்தா ம்ரு'தவிதௌ ॥3॥

கதாபாணௌ தைத்யே த்வமபி ஹி க்ரு'ஹீதோந்நதகதோ

நியுத்தேந க்ரீடந் கடகடரவோத்குஷ்டவியதா ।

ரணாலோகௌத்ஸுக்யாந்மிலதி ஸுரஸங்கே த்ருதமமும்

நிருந்த்யாஃ ஸந்த்யாதஃ ப்ரதமமிதி தாத்ரா ஜகதிஷே ॥4॥

கதோந்மர்தே தஸ்மிம்ஸ்தவ கலு கதாயாம் திதிபுவோ

கதாகாதாத்பூமௌ சடிதி பதிதாயாமஹஹ! போஃ ।

ம்ரு'துஸ்மேராஸ்யஸ்த்வம் தநுஜகுலநிர்மூலநசணம்

மஹாசக்ரம் ஸ்ம்ரு'த்வா கரபுவி ததாநோ ருருசிஷே ॥5॥

ததஃ ஶூலம் காலப்ரதிமருஷி தைத்யே விஸ்ரு'ஜதி

த்வயி சிந்தத்யேநத் கரகலிதசக்ரப்ரஹரணாத் ।

ஸமாருஷ்டோ முஷ்ட்யா ஸ கலு விதுதம்ஸ்த்வாம் ஸமதநோத்

கலந்மாயே மாயாஸ்த்வயி கில ஜகந்மோஹநகரீஃ ॥6॥

பவச்சக்ரஜ்யோதிஷ்கணலவநிபாதேந விதுதே

ததோ மாயாசக்ரே விததகநரோஷாந்தமநஸம் ।

கரிஷ்டாபிர்முஷ்டிப்ரஹ்ரு'திபிரபிக்நந்தமஸுரம்

ஸ்வபாதாங்குஷ்டேந ஶ்ரவணபதமூலே நிரவதீஃ ॥7॥

மஹாகாயஃ ஸோ॓ऽயம் தவ சரணபாதப்ரமதிதோ

கலத்ரக்தோ வக்த்ராதபதத்ரு'ஷிபிஃ ஶ்லாகிதஹதிஃ ।

ததா த்வாமுத்தாமப்ரமதபரவித்யோதிஹ்ரு'தயா

முநீந்த்ராஃ ஸாந்த்ராபிஃ ஸ்துதிபிரநுவந்நத்வரதநும் ॥8॥

த்வசி சந்தோ ரோமஸ்வபி குஶகணஶ்சக்ஷுஷி க்ரு'தம்

சதுர்ஹோதாரோऽங்க்ரௌ ஸ்ருகபி வதநே சோதர இடா ।

க்ரஹா ஜிஹ்வாயாம் தே பரபுருஷ கர்ணே ச சமஸா

விபோ ஸோமோ வீர்யம் வரத கலதேஶேऽப்யுபஸதஃ ॥9॥

முநீந்த்ரைரித்யாதிஸ்தவநமுகரைர்மோதிதமநா

மஹீயஸ்யா மூர்த்யா விமலதரகீர்த்யா ச விலஸந் ।

ஸ்வதிஷ்ண்யம் ஸம்ப்ராப்தஃ ஸுகரஸவிஹாரீ மதுரிபோ

நிருந்த்யா ரோகம் மே ஸகலமபி வாதாலயபதே ॥10॥

Roman (IAST) Transliteration

hiraṇyākṣaṃ tāvadvarada bhavadanveṣaṇaparaṃ

carantaṃ sāṃvarte payasi nijajaṅghāparimite |

bhavadbhakto gatvā kapaṭapaṭudhīrnāradamuniḥ

śanairūce nandan danujamapi nindaṃstava balam ||1||

sa māyāvī viṣṇurharati bhavadīyāṃ vasumatīṃ

prabho kaṣṭaṃ kaṣṭaṃ kimidamiti tenābhigaditaḥ |

nadan kvāsau kvāsaviti sa muninā darśitapatho

bhavantaṃ samprāpaddharaṇidharamudyantamudakāt ||2||

aho āraṇyo'yaṃ mṛga iti hasantaṃ bahutarai-

rduruktairvidhyantaṃ ditisutamavajñāya bhagavan |

mahīṃ dṛṣṭvā daṃṣṭrāśirasi cakitāṃ svena mahasā

payodhāvādhāya prasabhamudayuṅkthā mṛdhavidhau ||3||

gadāpāṇau daitye tvamapi hi gṛhītonnatagado

niyuddhena krīḍan ghaṭaghaṭaravodghuṣṭaviyatā |

raṇālokautsukyānmilati surasaṅghe drutamamuṃ

nirundhyāḥ sandhyātaḥ prathamamiti dhātrā jagadiṣe ||4||

gadonmarde tasmiṃstava khalu gadāyāṃ ditibhuvo

gadāghātādbhūmau jhaṭiti patitāyāmahaha! bhoḥ |

mṛdusmerāsyastvaṃ danujakulanirmūlanacaṇaṃ

mahācakraṃ smṛtvā karabhuvi dadhāno ruruciṣe ||5||

tataḥ śūlaṃ kālapratimaruṣi daitye visṛjati

tvayi chindatyenat karakalitacakrapraharaṇāt |

samāruṣṭo muṣṭyā sa khalu vitudaṃstvāṃ samatanot

galanmāye māyāstvayi kila jaganmohanakarīḥ ||6||

bhavaccakrajyotiṣkaṇalavanipātena vidhute

tato māyācakre vitataghanaroṣāndhamanasam |

gariṣṭhābhirmuṣṭiprahṛtibhirabhighnantamasuraṃ

svapādāṅguṣṭhena śravaṇapadamūle niravadhīḥ ||7||

mahākāyaḥ so॓'yaṃ tava caraṇapātapramathito

galadrakto vaktrādapatadṛṣibhiḥ ślāghitahatiḥ |

tadā tvāmuddāmapramadabharavidyotihṛdayā

munīndrāḥ sāndrābhiḥ stutibhiranuvannadhvaratanum ||8||

tvaci chando romasvapi kuśagaṇaścakṣuṣi ghṛtaṃ

caturhotāro'ṅghrau srugapi vadane codara iḍā |

grahā jihvāyāṃ te parapuruṣa karṇe ca camasā

vibho somo vīryaṃ varada galadeśe'pyupasadaḥ ||9||

munīndrairityādistavanamukharairmoditamanā

mahīyasyā mūrtyā vimalatarakīrtyā ca vilasan |

svadhiṣṇyaṃ samprāptaḥ sukharasavihārī madhuripo

nirundhyā rogaṃ me sakalamapi vātālayapate ||10||