📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
நாராயண கவசம்
Narayana Kavacham
Vishnu Kavacham Tamil
ந்யாஸஃ
அங்கந்யாஸஃ
ௐ ௐ பாதயோஃ நமஃ ।
ௐ நம் ஜாநுநோஃ நமஃ ।
ௐ மோம் ஊர்வோஃ நமஃ ।
ௐ நாம் உதரே நமஃ ।
ௐ ராம் ஹ்ரு'தி நமஃ ।
ௐ யம் உரஸி நமஃ ।
ௐ ணாம் முகே நமஃ ।
ௐ யம் ஶிரஸி நமஃ ।
கரந்யாஸஃ
ௐ ௐ தக்ஷிணதர்ஜந்யாம் நமஃ ।
ௐ நம் தக்ஷிணமத்யமாயாம் நமஃ ।
ௐ மோம் தக்ஷிணாநாமிகாயாம் நமஃ ।
ௐ பம் தக்ஷிணகநிஷ்டிகாயாம் நமஃ ।
ௐ கம் வாமகநிஷ்டிகாயாம் நமஃ ।
ௐ வம் வாமாநிகாயாம் நமஃ ।
ௐ தேம் வாமமத்யமாயாம் நமஃ ।
ௐ வாம் வாமதர்ஜந்யாம் நமஃ ।
ௐ ஸும் தக்ஷிணாங்குஷ்டோர்த்வபர்வணி நமஃ ।
ௐ தேம் தக்ஷிணாங்குஷ்டாதஃ பர்வணி நமஃ ।
ௐ வாம் வாமாங்குஷ்டோர்த்வபர்வணி நமஃ ।
ௐ யம் வாமாங்குஷ்டாதஃ பர்வணி நமஃ ।
விஷ்ணுஷடக்ஷரந்யாஸஃ
ௐ ௐ ஹ்ரு'தயே நமஃ ।
ௐ விம் மூர்த்நை நமஃ ।
ௐ ஷம் ப்ருர்வோர்மத்யே நமஃ ।
ௐ ணம் ஶிகாயாம் நமஃ ।
ௐ வேம் நேத்ரயோஃ நமஃ ।
ௐ நம் ஸர்வஸந்திஷு நமஃ ।
ௐ மஃ ப்ராச்யாம் அஸ்த்ராய பட் ।
ௐ மஃ ஆக்நேய்யாம் அஸ்த்ராய பட் ।
ௐ மஃ தக்ஷிணஸ்யாம் அஸ்த்ராய பட் ।
ௐ மஃ நைரு'த்யே அஸ்த்ராய பட் ।
ௐ மஃ ப்ரதீச்யாம் அஸ்த்ராய பட் ।
ௐ மஃ வாயவ்யே அஸ்த்ராய பட் ।
ௐ மஃ உதீச்யாம் அஸ்த்ராய பட் ।
ௐ மஃ ஐஶாந்யாம் அஸ்த்ராய பட் ।
ௐ மஃ ஊர்த்வாயாம் அஸ்த்ராய பட் ।
ௐ மஃ அதராயாம் அஸ்த்ராய பட் ।
ஶ்ரீ ஹரிஃ
அத ஶ்ரீநாராயணகவச
ராஜோவாச
யயா குப்தஃ ஸஹஸ்ராக்ஷஃ ஸவாஹாந் ரிபுஸைநிகாந் ।
க்ரீடந்நிவ விநிர்ஜித்ய த்ரிலோக்யா புபுஜே ஶ்ரியம் ॥ 1 ॥
பகவம்ஸ்தந்மமாக்யாஹி வர்ம நாராயணாத்மகம் ।
யதாऽऽததாயிநஃ ஶத்ரூந் யேந குப்தோऽஜயந்ம்ரு'தே ॥ 2 ॥
ஶ்ரீ ஶுக உவாச
வ்ரு'தஃ புரோஹிதஸ்த்வாஷ்ட்ரோ மஹேந்த்ராயாநுப்ரு'ச்சதே ।
நாராயணாக்யம் வர்மாஹ ததிஹைகமநாஃ ஶ்ரு'ணு ॥ 3 ॥
ஶ்ரீவிஶ்வரூப உவாச
தௌதாங்க்ரிபாணிராசம்ய ஸபவித்ர உதங்முகஃ ।
க்ரு'தஸ்வாங்ககரந்யாஸோ மந்த்ராப்யாம் வாக்யதஃ ஶுசிஃ ॥ 4 ॥
நாராயணமயம் வர்ம ஸந்நஹ்யேத்பய ஆகதே ।
தைவபூதாத்மகர்மப்யோ நாராயணமயஃ புமாந் ॥ 5 ॥
பாதயோர்ஜாநுநோரூர்வோருதரே ஹ்ரு'த்யதோரஸி ।
முகே ஶிரஸ்யாநுபூர்வ்யாதோங்காராதீநி விந்யஸேத் ॥ 6 ॥
ௐ நமோ நாராயணாயேதி விபர்யயமதாபி வா ।
கரந்யாஸம் ததஃ குர்யாத்த்வாதஶாக்ஷரவித்யயா ॥ 7 ॥
ப்ரணவாதியகாராந்தமங்குல்யங்குஷ்டபர்வஸு ।
ந்யஸேத்த்ரு'தய ஓங்காரம் விகாரமநு மூர்தநி ॥ 8 ॥
ஷகாரம் து ப்ருவோர்மத்யே ணகாரம் ஶிகயா ந்யஸேத் ।
வேகாரம் நேத்ரயோர்யுஞ்ஜ்யாந்நகாரம் ஸர்வஸந்திஷு ॥ 9 ॥
மகாரமஸ்த்ரமுத்திஶ்ய மந்த்ரமூர்திர்பவேத்புதஃ ।
ஸவிஸர்கம் படந்தம் தத்ஸர்வதிக்ஷு விநிர்திஶேத் ॥ 10 ॥
ௐ விஷ்ணவே நமஃ ॥
இத்யாத்மாநம் பரம் த்யாயேத்த்யேயம் ஷட்சக்திபிர்யுதம் ।
வித்யாதேஜஸ்தபோமூர்திமிமம் மந்த்ரமுதாஹரேத் ॥ 11 ॥
ௐ ஹரிர்விதத்யாந்மம ஸர்வரக்ஷாம்
ந்யஸ்தாங்க்ரிபத்மஃ பதகேந்த்ர ப்ரு'ஷ்டே ।
தராரிசர்மாஸிகதேஷுசாப-
-பாஶாந்ததாநோऽஷ்டகுணோऽஷ்டபாஹுஃ ॥ 12 ॥
ஜலேஷு மாம் ரக்ஷது மத்ஸ்யமூர்தி-
-ர்யாதோகணேப்யோ வருணஸ்ய பாஶாத் ।
ஸ்தலேஷு மாயாவடுவாமநோऽவ்யா-
-த்த்ரிவிக்ரமஃ கேऽவது விஶ்வரூபஃ ॥ 13 ॥
துர்கேஷ்வடவ்யாஜிமுகாதிஷு ப்ரபுஃ
பாயாந்ந்ரு'ஸிம்ஹோऽஸுரயூதபாரிஃ ।
விமுஞ்சதோ யஸ்ய மஹாட்டஹாஸம்
திஶோ விநேதுர்ந்யபதம்ஶ்ச கர்பாஃ ॥ 14 ॥
ரக்ஷத்வஸௌ மாத்வநி யஜ்ஞகல்பஃ
ஸ்வதம்ஷ்ட்ரயோந்நீததரோ வராஹஃ ।
ராமோऽத்ரிகூடேஷ்வத விப்ரவாஸே
ஸலக்ஷ்மணோऽவ்யாத்பரதாக்ரஜோऽஸ்மாந் ॥ 15 ॥
மாமுக்ரதர்மாதகிலாத்ப்ரமாதா-
-ந்நாராயணஃ பாது நரஶ்ச ஹாஸாத் ।
தத்தஸ்த்வயோகாதத யோகநாதஃ
பாயாத்குணேஶஃ கபிலஃ கர்மபந்தாத் ॥ 16 ॥
ஸநத்குமாரோऽவது காமதேவா-
-த்தயாநநோ மாம் பதி தேவஹேலநாத் ।
தேவர்ஷிவர்யஃ புருஷார்சநாந்தரா-
-த்கூர்மோ ஹரிர்மாம் நிரயாதஶேஷாத் ॥ 17 ॥
தந்வந்தரிர்பகவாந்பாத்வபத்யா-
-த்த்வந்த்வாத்பயாத்ரு'ஷபோ நிர்ஜிதாத்மா ।
யஜ்ஞஶ்ச லோகாதவதாஜ்ஜநாந்தா-
-த்பலோ கணாத்க்ரோதவஶாதஹீந்த்ரஃ ॥ 18 ॥
த்வைபாயநோ பகவாநப்ரபோதா-
-த்புத்தஸ்து பாஷண்டகணாத்ப்ரமாதாத் ।
கல்கிஃ கலேஃ காலமலாத்ப்ரபாது
தர்மாவநாயோருக்ரு'தாவதாரஃ ॥ 19 ॥
மாம் கேஶவோ கதயா ப்ராதரவ்யா-
-த்கோவிந்த ஆஸங்கவமாத்தவேணுஃ ।
நாராயணஃ ப்ராஹ்ண உதாத்தஶக்தி-
-ர்மத்யந்திநே விஷ்ணுரரீந்த்ரபாணிஃ ॥ 20 ॥
தேவோऽபராஹ்ணே மதுஹோக்ரதந்வா
ஸாயம் த்ரிதாமாவது மாதவோ மாம் ।
தோஷே ஹ்ரு'ஷீகேஶ உதார்தராத்ரே
நிஶீத ஏகோऽவது பத்மநாபஃ ॥ 21 ॥
ஶ்ரீவத்ஸதாமா¶ராத்ர ஈஶஃ
ப்ரத்யுஷ ஈஶோऽஸிதரோ ஜநார்தநஃ ।
தாமோதரோऽவ்யாதநுஸந்த்யம் ப்ரபாதே
விஶ்வேஶ்வரோ பகவாந்காலமூர்திஃ ॥ 22 ॥
சக்ரம் யுகாந்தாநலதிக்மநேமி
ப்ரமத்ஸமந்தாத்பகவத்ப்ரயுக்தம் ।
தந்தக்தி தந்தக்த்யரிஸைந்யமாஶு
கக்ஷம் யதா வாதஸகோ ஹுதாஶஃ ॥ 23 ॥
கதேऽஶநிஸ்பர்ஶநவிஸ்புலிங்கே
நிஷ்பிண்டி நிஷ்பிண்ட்யஜிதப்ரியாஸி ।
கூஷ்மாண்டவைநாயகயக்ஷரக்ஷோ
பூதக்ரஹாம்ஶ்சூர்ணய சூர்ணயாரீந் ॥ 24 ॥
த்வம் யாதுதாநப்ரமதப்ரேதமாத்ரு'-
-பிஶாசவிப்ரக்ரஹகோரத்ரு'ஷ்டீந் ।
தரேந்த்ர வித்ராவய க்ரு'ஷ்ணபூரிதோ
பீமஸ்வநோऽரேர்ஹ்ரு'தயாநி கம்பயந் ॥ 25 ॥
த்வம் திக்மதாராஸிவராரிஸைந்ய-
-மீஶப்ரயுக்தோ மம சிந்தி சிந்தி ।
சக்ஷூம்ஷி சர்மந் ஶதசந்த்ர சாதய
த்விஷாமகோநாம் ஹர பாபசக்ஷுஷாம் ॥ 26 ॥
யந்நோ பயம் க்ரஹேப்யோऽபூத்கேதுப்யோ ந்ரு'ப்ய ஏவ ச ।
ஸரீஸ்ரு'பேப்யோ தம்ஷ்ட்ரிப்யோ பூதேப்யோऽகேப்ய ஏவ ச ॥ 27 ॥
ஸர்வாண்யேதாநி பகவந்நாமரூபாஸ்த்ரகீர்தநாத் ।
ப்ரயாந்து ஸங்க்ஷயம் ஸத்யோ யே நஃ ஶ்ரேயஃப்ரதீபகாஃ ॥ 28 ॥
கருடோ பகவாந் ஸ்தோத்ரஸ்தோமஶ்சந்தோமயஃ ப்ரபுஃ ।
ரக்ஷத்வஶேஷக்ரு'ச்ச்ரேப்யோ விஷ்வக்ஸேநஃ ஸ்வநாமபிஃ ॥ 29 ॥
ஸர்வாபத்ப்யோ ஹரேர்நாமரூபயாநாயுதாநி நஃ ।
புத்தீந்த்ரியமநஃப்ராணாந்பாந்து பார்ஷதபூஷணாஃ ॥ 30 ॥
யதா ஹி பகவாநேவ வஸ்துதஃ ஸதஸச்ச யத் ।
ஸத்யேநாநேந நஃ ஸர்வே யாந்து நாஶமுபத்ரவாஃ ॥ 31 ॥
யதைகாத்ம்யாநுபாவாநாம் விகல்பரஹிதஃ ஸ்வயம் ।
பூஷணாயுதலிங்காக்யா தத்தே ஶக்தீஃ ஸ்வமாயயா ॥ 32 ॥
தேநைவ ஸத்யமாநேந ஸர்வஜ்ஞோ பகவாந் ஹரிஃ ।
பாது ஸர்வைஃ ஸ்வரூபைர்நஃ ஸதா ஸர்வத்ர ஸர்வகஃ ॥ 33 ॥
விதிக்ஷு திக்ஷூர்த்வமதஃ ஸமந்தா-
-தந்தர்பஹிர்பகவாந்நாரஸிம்ஹஃ ।
ப்ரஹாபயँல்லோகபயம் ஸ்வநேந
ஸ்வதேஜஸா க்ரஸ்தஸமஸ்ததேஜாஃ ॥ 34 ॥
மகவந்நிதமாக்யாதம் வர்ம நாராயணாத்மகம் ।
விஜேஷ்யஸ்யஞ்ஜஸா யேந தம்ஶிதோऽஸுரயூதபாந் ॥ 35 ॥
ஏதத்தாரயமாணஸ்து யம் யம் பஶ்யதி சக்ஷுஷா ।
பதா வா ஸம்ஸ்ப்ரு'ஶேத்ஸத்யஃ ஸாத்வஸாத்ஸ விமுச்யதே ॥ 36 ॥
ந குதஶ்சித்பயம் தஸ்ய வித்யாம் தாரயதோ பவேத் ।
ராஜதஸ்யுக்ரஹாதிப்யோ வ்யாத்யாதிப்யஶ்ச கர்ஹிசித் ॥ 37 ॥
இமாம் வித்யாம் புரா கஶ்சித்கௌஶிகோ தாரயந் த்விஜஃ ।
யோகதாரணயா ஸ்வாங்கம் ஜஹௌ ஸ மருதந்வநி ॥ 38 ॥
தஸ்யோபரி விமாநேந கந்தர்வபதிரேகதா ।
யயௌ சித்ரரதஃ ஸ்த்ரீபிர்வ்ரு'தோ யத்ர த்விஜக்ஷயஃ ॥ 39 ॥
ககநாந்ந்யபதத்ஸத்யஃ ஸவிமாநோ ஹ்யவாக்சிராஃ ।
ஸ வாலகில்யவசநாதஸ்தீந்யாதாய விஸ்மிதஃ ।
ப்ராப்ய ப்ராச்யாம் ஸரஸ்வத்யாம் ஸ்நாத்வா தாம ஸ்வமந்வகாத் ॥ 40 ॥
ஶ்ரீ ஶுக உவாச
ய இதம் ஶ்ரு'ணுயாத்காலே யோ தாரயதி சாத்ரு'தஃ ।
தம் நமஸ்யந்தி பூதாநி முச்யதே ஸர்வதோ பயாத் ॥ 41 ॥
ஏதாம் வித்யாமதிகதோ விஶ்வரூபாச்சதக்ரதுஃ ।
த்ரைலோக்யலக்ஷ்மீம் புபுஜே விநிர்ஜித்ய ம்ரு'தேऽஸுராந் ॥ 42 ॥
இதி ஶ்ரீமத்பாகவதே மஹாபுராணே ஷஷ்டஸ்கந்தே நாராயணவர்மோபதேஶோ நாமாஷ்டமோऽத்யாயஃ ।
Roman (IAST) Transliteration
nyāsaḥ
aṅganyāsaḥ
oṃ oṃ pādayoḥ namaḥ |
oṃ naṃ jānunoḥ namaḥ |
oṃ moṃ ūrvoḥ namaḥ |
oṃ nāṃ udare namaḥ |
oṃ rāṃ hṛdi namaḥ |
oṃ yaṃ urasi namaḥ |
oṃ ṇāṃ mukhe namaḥ |
oṃ yaṃ śirasi namaḥ |
karanyāsaḥ
oṃ oṃ dakṣiṇatarjanyāṃ namaḥ |
oṃ naṃ dakṣiṇamadhyamāyāṃ namaḥ |
oṃ moṃ dakṣiṇānāmikāyāṃ namaḥ |
oṃ bhaṃ dakṣiṇakaniṣṭhikāyāṃ namaḥ |
oṃ gaṃ vāmakaniṣṭhikāyāṃ namaḥ |
oṃ vaṃ vāmānikāyāṃ namaḥ |
oṃ teṃ vāmamadhyamāyāṃ namaḥ |
oṃ vāṃ vāmatarjanyāṃ namaḥ |
oṃ suṃ dakṣiṇāṅguṣṭhordhvaparvaṇi namaḥ |
oṃ deṃ dakṣiṇāṅguṣṭhādhaḥ parvaṇi namaḥ |
oṃ vāṃ vāmāṅguṣṭhordhvaparvaṇi namaḥ |
oṃ yaṃ vāmāṅguṣṭhādhaḥ parvaṇi namaḥ |
viṣṇuṣaḍakṣaranyāsaḥ
oṃ oṃ hṛdaye namaḥ |
oṃ viṃ mūrdhnai namaḥ |
oṃ ṣaṃ bhrurvormadhye namaḥ |
oṃ ṇaṃ śikhāyāṃ namaḥ |
oṃ veṃ netrayoḥ namaḥ |
oṃ naṃ sarvasandhiṣu namaḥ |
oṃ maḥ prācyāṃ astrāya phaṭ |
oṃ maḥ āgneyyāṃ astrāya phaṭ |
oṃ maḥ dakṣiṇasyāṃ astrāya phaṭ |
oṃ maḥ naiṛtye astrāya phaṭ |
oṃ maḥ pratīcyāṃ astrāya phaṭ |
oṃ maḥ vāyavye astrāya phaṭ |
oṃ maḥ udīcyāṃ astrāya phaṭ |
oṃ maḥ aiśānyāṃ astrāya phaṭ |
oṃ maḥ ūrdhvāyāṃ astrāya phaṭ |
oṃ maḥ adharāyāṃ astrāya phaṭ |
śrī hariḥ
atha śrīnārāyaṇakavaca
rājovāca
yayā guptaḥ sahasrākṣaḥ savāhān ripusainikān |
krīḍanniva vinirjitya trilokyā bubhuje śriyam || 1 ||
bhagavaṃstanmamākhyāhi varma nārāyaṇātmakam |
yathā''tatāyinaḥ śatrūn yena gupto'jayanmṛdhe || 2 ||
śrī śuka uvāca
vṛtaḥ purohitastvāṣṭro mahendrāyānupṛcchate |
nārāyaṇākhyaṃ varmāha tadihaikamanāḥ śṛṇu || 3 ||
śrīviśvarūpa uvāca
dhautāṅghripāṇirācamya sapavitra udaṅmukhaḥ |
kṛtasvāṅgakaranyāso mantrābhyāṃ vāgyataḥ śuciḥ || 4 ||
nārāyaṇamayaṃ varma sannahyedbhaya āgate |
daivabhūtātmakarmabhyo nārāyaṇamayaḥ pumān || 5 ||
pādayorjānunorūrvorudare hṛdyathorasi |
mukhe śirasyānupūrvyādoṅkārādīni vinyaset || 6 ||
oṃ namo nārāyaṇāyeti viparyayamathāpi vā |
karanyāsaṃ tataḥ kuryāddvādaśākṣaravidyayā || 7 ||
praṇavādiyakārāntamaṅgulyaṅguṣṭhaparvasu |
nyaseddhṛdaya oṅkāraṃ vikāramanu mūrdhani || 8 ||
ṣakāraṃ tu bhruvormadhye ṇakāraṃ śikhayā nyaset |
vekāraṃ netrayoryuñjyānnakāraṃ sarvasandhiṣu || 9 ||
makāramastramuddiśya mantramūrtirbhavedbudhaḥ |
savisargaṃ phaḍantaṃ tatsarvadikṣu vinirdiśet || 10 ||
oṃ viṣṇave namaḥ ||
ityātmānaṃ paraṃ dhyāyeddhyeyaṃ ṣaṭchaktibhiryutam |
vidyātejastapomūrtimimaṃ mantramudāharet || 11 ||
oṃ harirvidadhyānmama sarvarakṣāṃ
nyastāṅghripadmaḥ patagendra pṛṣṭhe |
darāricarmāsigadeṣucāpa-
-pāśāndadhāno'ṣṭaguṇo'ṣṭabāhuḥ || 12 ||
jaleṣu māṃ rakṣatu matsyamūrti-
-ryādogaṇebhyo varuṇasya pāśāt |
sthaleṣu māyāvaṭuvāmano'vyā-
-ttrivikramaḥ khe'vatu viśvarūpaḥ || 13 ||
durgeṣvaṭavyājimukhādiṣu prabhuḥ
pāyānnṛsiṃho'surayūthapāriḥ |
vimuñcato yasya mahāṭṭahāsaṃ
diśo vinedurnyapataṃśca garbhāḥ || 14 ||
rakṣatvasau mādhvani yajñakalpaḥ
svadaṃṣṭrayonnītadharo varāhaḥ |
rāmo'drikūṭeṣvatha vipravāse
salakṣmaṇo'vyādbharatāgrajo'smān || 15 ||
māmugradharmādakhilātpramādā-
-nnārāyaṇaḥ pātu naraśca hāsāt |
dattastvayogādatha yoganāthaḥ
pāyādguṇeśaḥ kapilaḥ karmabandhāt || 16 ||
sanatkumāro'vatu kāmadevā-
-ddhayānano māṃ pathi devahelanāt |
devarṣivaryaḥ puruṣārcanāntarā-
-tkūrmo harirmāṃ nirayādaśeṣāt || 17 ||
dhanvantarirbhagavānpātvapathyā-
-ddvandvādbhayādṛṣabho nirjitātmā |
yajñaśca lokādavatājjanāntā-
-dbalo gaṇātkrodhavaśādahīndraḥ || 18 ||
dvaipāyano bhagavānaprabodhā-
-dbuddhastu pāṣaṇḍagaṇātpramādāt |
kalkiḥ kaleḥ kālamalātprapātu
dharmāvanāyorukṛtāvatāraḥ || 19 ||
māṃ keśavo gadayā prātaravyā-
-dgovinda āsaṅgavamāttaveṇuḥ |
nārāyaṇaḥ prāhṇa udāttaśakti-
-rmadhyandine viṣṇurarīndrapāṇiḥ || 20 ||
devo'parāhṇe madhuhogradhanvā
sāyaṃ tridhāmāvatu mādhavo mām |
doṣe hṛṣīkeśa utārdharātre
niśītha eko'vatu padmanābhaḥ || 21 ||
śrīvatsadhāmā¶rātra īśaḥ
pratyuṣa īśo'sidharo janārdanaḥ |
dāmodaro'vyādanusandhyaṃ prabhāte
viśveśvaro bhagavānkālamūrtiḥ || 22 ||
cakraṃ yugāntānalatigmanemi
bhramatsamantādbhagavatprayuktam |
dandagdhi dandagdhyarisainyamāśu
kakṣaṃ yathā vātasakho hutāśaḥ || 23 ||
gade'śanisparśanavisphuliṅge
niṣpiṇḍhi niṣpiṇḍhyajitapriyāsi |
kūṣmāṇḍavaināyakayakṣarakṣo
bhūtagrahāṃścūrṇaya cūrṇayārīn || 24 ||
tvaṃ yātudhānapramathapretamātṛ-
-piśācavipragrahaghoradṛṣṭīn |
darendra vidrāvaya kṛṣṇapūrito
bhīmasvano'rerhṛdayāni kampayan || 25 ||
tvaṃ tigmadhārāsivarārisainya-
-mīśaprayukto mama chindhi chindhi |
cakṣūṃṣi carman śatacandra chādaya
dviṣāmaghonāṃ hara pāpacakṣuṣām || 26 ||
yanno bhayaṃ grahebhyo'bhūtketubhyo nṛbhya eva ca |
sarīsṛpebhyo daṃṣṭribhyo bhūtebhyo'ghebhya eva ca || 27 ||
sarvāṇyetāni bhagavannāmarūpāstrakīrtanāt |
prayāntu saṅkṣayaṃ sadyo ye naḥ śreyaḥpratīpakāḥ || 28 ||
garuḍo bhagavān stotrastomaśchandomayaḥ prabhuḥ |
rakṣatvaśeṣakṛcchrebhyo viṣvaksenaḥ svanāmabhiḥ || 29 ||
sarvāpadbhyo harernāmarūpayānāyudhāni naḥ |
buddhīndriyamanaḥprāṇānpāntu pārṣadabhūṣaṇāḥ || 30 ||
yathā hi bhagavāneva vastutaḥ sadasacca yat |
satyenānena naḥ sarve yāntu nāśamupadravāḥ || 31 ||
yathaikātmyānubhāvānāṃ vikalparahitaḥ svayam |
bhūṣaṇāyudhaliṅgākhyā dhatte śaktīḥ svamāyayā || 32 ||
tenaiva satyamānena sarvajño bhagavān hariḥ |
pātu sarvaiḥ svarūpairnaḥ sadā sarvatra sarvagaḥ || 33 ||
vidikṣu dikṣūrdhvamadhaḥ samantā-
-dantarbahirbhagavānnārasiṃhaḥ |
prahāpaya~llokabhayaṃ svanena
svatejasā grastasamastatejāḥ || 34 ||
maghavannidamākhyātaṃ varma nārāyaṇātmakam |
vijeṣyasyañjasā yena daṃśito'surayūthapān || 35 ||
etaddhārayamāṇastu yaṃ yaṃ paśyati cakṣuṣā |
padā vā saṃspṛśetsadyaḥ sādhvasātsa vimucyate || 36 ||
na kutaścidbhayaṃ tasya vidyāṃ dhārayato bhavet |
rājadasyugrahādibhyo vyādhyādibhyaśca karhicit || 37 ||
imāṃ vidyāṃ purā kaścitkauśiko dhārayan dvijaḥ |
yogadhāraṇayā svāṅgaṃ jahau sa marudhanvani || 38 ||
tasyopari vimānena gandharvapatirekadā |
yayau citrarathaḥ strībhirvṛto yatra dvijakṣayaḥ || 39 ||
gaganānnyapatatsadyaḥ savimāno hyavākchirāḥ |
sa vālakhilyavacanādasthīnyādāya vismitaḥ |
prāpya prācyāṃ sarasvatyāṃ snātvā dhāma svamanvagāt || 40 ||
śrī śuka uvāca
ya idaṃ śṛṇuyātkāle yo dhārayati cādṛtaḥ |
taṃ namasyanti bhūtāni mucyate sarvato bhayāt || 41 ||
etāṃ vidyāmadhigato viśvarūpācchatakratuḥ |
trailokyalakṣmīṃ bubhuje vinirjitya mṛdhe'surān || 42 ||
iti śrīmadbhāgavate mahāpurāṇe ṣaṣṭhaskandhe nārāyaṇavarmopadeśo nāmāṣṭamo'dhyāyaḥ |
InfoLyter.in — Sacred Vedic Knowledge Portal · Free forever