Muka Pancha Shati 1 - Arya Shatakam

ॐ

மூக பஞ்ச ஶதி 1 - ஆர்ய ஶதகம்

Shatakam Mooka Kavi Tamil

காரணபரசித்ரூபா காஞ்சீபுரஸீம்நி காமபீடகதா ।

காசந விஹரதி கருணா காஶ்மீரஸ்தபககோமலாங்கலதா ॥1॥

கஞ்சந காஞ்சீநிலயம் கரத்ரு'தகோதண்டபாணஸ்ரு'ணிபாஶம் ।

கடிநஸ்தநபரநம்ரம் கைவல்யாநந்தகந்தமவலம்பே ॥2॥

சிந்திதபலபரிபோஷணசிந்தாமணிரேவ காஞ்சிநிலயா மே ।

சிரதரஸுசரிதஸுலபா சித்தம் ஶிஶிரயது சித்ஸுகாதாரா ॥3॥

குடிலகசம் கடிநகுசம் குந்தஸ்மிதகாந்தி குங்குமச்சாயம் ।

குருதே விஹ்ரு'திம் காஞ்ச்யாம் குலபர்வதஸார்வபௌமஸர்வஸ்வம் ॥4॥

பஞ்சஶரஶாஸ்த்ரபோதநபரமாசார்யேண த்ரு'ஷ்டிபாதேந ।

காஞ்சீஸீம்நி குமாரீ காசந மோஹயதி காமஜேதாரம் ॥5॥

பரயா காஞ்சீபுரயா பர்வதபர்யாயபீநகுசபரயா ।

பரதந்த்ரா வயமநயா பங்கஜஸப்ரஹ்மசாரிலோசநயா ॥6॥

ஐஶ்வர்யமிந்துமௌலேரைகத்ம்யப்ரக்ரு'தி காஞ்சிமத்யகதம் ।

ஐந்தவகிஶோரஶேகரமைதம்பர்யம் சகாஸ்தி நிகமாநாம் ॥7॥

ஶ்ரிதகம்பஸீமாநம் ஶிதிலிதபரமஶிவதைர்யமஹிமாநம் ।

கலயே படலிமாநம் கஞ்சந கஞ்சுகிதபுவநபூமாநம் ॥8॥

ஆத்ரு'தகாஞ்சீநிலயமாத்யாமாரூடயௌவநாடோபாம் ।

ஆகமவதம்ஸகலிகாமாநந்தாத்வைதகந்தலீம் வந்தே ॥9॥

துங்காபிராமகுசபரஶ்ரு'ங்காரிதமாஶ்ரயாமி காஞ்சிகதம் ।

கங்காதரபரதந்த்ரம் ஶ்ரு'ங்காராத்வைததந்த்ரஸித்தாந்தம் ॥10॥

காஞ்சீரத்நவிபூஷாம் காமபி கந்தர்பஸூதிகாபாங்கீம் ।

பரமாம் கலாமுபாஸே பரஶிவவாமாங்கபீடிகாஸீநாம் ॥11॥

கம்பாதீசராணாம் கருணாகோரகிதத்ரு'ஷ்டிபாதாநாம் ।

கேலீவநம் மநோ மே கேஷாஞ்சித்பவது சித்விலாஸாநாம் ॥12॥

ஆம்ரதருமூலவஸதேராதிமபுருஷஸ்ய நயநபீயூஷம் ।

ஆரப்தயௌவநோத்ஸவமாம்நாயரஹஸ்யமந்தரவலம்பே ॥13॥

அதிகாஞ்சி பரமயோகிபிராதிமபரபீடஸீம்நி த்ரு'ஶ்யேந ।

அநுபத்தம் மம மாநஸமருணிமஸர்வஸ்வஸம்ப்ரதாயேந ॥14॥

அங்கிதஶங்கரதேஹாமங்குரிதோரோஜகங்கணாஶ்லேஷைஃ ।

அதிகாஞ்சி நித்யதருணீமத்ராக்ஷம் காஞ்சிதத்புதாம் பாலாம் ॥15॥

மதுரதநுஷா மஹீதரஜநுஷா நந்தாமி ஸுரபிபாணஜுஷா ।

சித்வபுஷா காஞ்சிபுரே கேலிஜுஷா பந்துஜீவகாந்திமுஷா ॥16॥

மதுரஸ்மிதேந ரமதே மாம்ஸலகுசபாரமந்தகமநேந ।

மத்யேகாஞ்சி மநோ மே மநஸிஜஸாம்ராஜ்யகர்வபீஜேந ॥17॥

தரணிமயீம் தரணிமயீம் பவநமயீம் ககநதஹநஹோத்ரு'மயீம் ।

அம்புமயீமிந்துமயீமம்பாமநுகம்பமாதிமாமீக்ஷே ॥18॥

லீநஸ்திதி முநிஹ்ரு'தயே த்யாநஸ்திமிதம் தபஸ்யதுபகம்பம் ।

பீநஸ்தநபரமீடே மீநத்வஜதந்த்ரபரமதாத்பர்யம் ॥19॥

ஶ்வேதா மந்தரஹஸிதே ஶாதா மத்யே ச வாட்பநோऽதீதா ।

ஶீதா லோசநபாதே ஸ்பீதா குசஸீம்நி ஶாஶ்வதீ மாதா ॥20॥

புரதஃ கதா ந கரவை புரவைரிவிமர்தபுலகிதாங்கலதாம் ।

புநதீம் காஞ்சீதேஶம் புஷ்பாயுதவீர்யஸரஸபரிபாடீம் ॥21॥

புண்யா காऽபி புரந்த்ரீ புங்கிதகந்தர்பஸம்பதா வபுஷா ।

புலிநசரீ கம்பாயாஃ புரமதநம் புலகநிசுலிதம் குருதே ॥22॥

தநிமாத்வைதவலக்நம் தருணாருணஸம்ப்ரதாயதநுலேகம் ।

தடஸீமநி கம்பாயாஸ்தருணிமஸர்வஸ்வமாத்யமத்ராக்ஷம் ॥23॥

பௌஷ்டிககர்மவிபாகம் பௌஷ்பஶரம் ஸவிதஸீம்நி கம்பாயாஃ ।

அத்ராக்ஷமாத்தயௌவநமப்யுதயம் கஞ்சிதர்தஶஶிமௌலைஃ ॥24॥

ஸம்ஶ்ரிதகாஞ்சீதேஶே ஸரஸிஜதௌர்பாக்யஜாக்ரதுத்தம்ஸே ।

ஸம்விந்மயே விலீயே ஸாரஸ்வதபுருஷகாரஸாம்ராஜ்யே ॥25॥

மோதிதமதுகரவிஶிகம் ஸ்வாதிமஸமுதாயஸாரகோதண்டம் ।

ஆத்ரு'தகாஞ்சீகேலநமாதிமமாருண்யபேதமாகலயே ॥26॥

உரரீக்ரு'தகாஞ்சிபுரீமுபநிஷதரவிந்தகுஹரமதுதாராம் ।

உந்நம்ரஸ்தநகலஶீமுத்ஸவலஹரீமுபாஸ்மஹே ஶம்போஃ ॥27॥

ஏணஶிஶுதீர்கலோசநமேநஃபரிபந்தி ஸந்ததம் பஜதாம் ।

ஏகாம்ரநாதஜீவிதமேவம்பததூரமேகமவலம்பே ॥28॥

ஸ்மயமாநமுகம் காஞ்சீபயமாநம் கமபி தேவதாபேதம் ।

தயமாநம் வீக்ஷ்ய முஹுர்வயமாநந்தாம்ரு'தாம்புதௌ மக்நாஃ ॥29॥

குதுகஜுஷி காஞ்சிதேஶே குமுததபோராஶிபாகஶேகரிதே ।

குருதே மநோவிஹாரம் குலகிரிபரிப்ரு'டகுலைகமணிதீபே ॥30॥

வீக்ஷேமஹி காஞ்சிபுரே விபுலஸ்தநகலஶகரிமபரவஶிதம் ।

வித்ருமஸஹசரதேஹம் விப்ரமஸமவாயஸாரஸந்நாஹம் ॥31॥

குருவிந்தகோத்ரகாத்ரம் கூலசரம் கமபி நௌமி கம்பாயாஃ ।

கூலங்கஷகுசகும்பம் குஸுமாயுதவீர்யஸாரஸம்ரம்பம் ॥32॥

குடூமலிதகுசகிஶோரைஃ குர்வாணைஃ காஞ்சிதேஶஸௌஹார்தம் ।

குங்குமஶோணைர்நிசிதம் குஶலபதம் ஶம்புஸுக்ரு'தஸம்பாரைஃ ॥33॥

அங்கிதகசேந கேநசிதந்தங்கரணௌஷதேந கமலாநாம் ।

அந்தஃபுரேண ஶம்போரலங்க்ரியா காऽபி கல்ப்யதே காஞ்ச்யாம் ॥34॥

ஊரீகரோமி ஸந்ததமூஷ்மலபாலேந லலிதம் பும்ஸா ।

உபகம்பமுசிதகேலநமுர்வீதரவம்ஶஸம்பதுந்மேஷம் ॥35॥

அங்குரிதஸ்தநகோரகமங்காலங்காரமேகசூதபதேஃ ।

ஆலோகேமஹி கோமலமாகமஸம்லாபஸாரயாதார்த்யம் ॥36॥

புஞ்ஜிதகருணமுதஞ்சிதஶிஞ்ஜிதமணிகாஞ்சி கிமபி காஞ்சிபுரே ।

மஞ்ஜரிதம்ரு'துலஹாஸம் பிஞ்ஜரதநுருசி பிநாகிமூலதநம் ॥37॥

லோலஹ்ரு'தயோऽஸ்தி ஶம்போர்லோசநயுகலேந லேஹ்யமாநாயாம் ।

லலிதபரமஶிவாயாம் லாவண்யாம்ரு'ததரங்கமாலாயாம் ॥38॥

மதுகரஸஹசரசிகுரைர்மதநாகமஸமயதீக்ஷிதகடாக்ஷைஃ ।

மண்டிதகம்பாதீரைர்மங்கலகந்தைர்மமாஸ்து ஸாரூப்யம் ॥39॥

வதநாரவிந்தவக்ஷோவாமாங்கதடீவஶம்வதீபூதா ।

பூருஷத்ரிதயே த்ரேதா புரந்த்ரிரூபா த்வமேவ காமாக்ஷி ॥40॥

பாதாகரீம் பவாப்தேராதாராத்யம்புஜேஷு விசரந்தீம் ।

ஆதாரீக்ரு'தகாஞ்சீ போதாம்ரு'தவீசிமேவ விம்ரு'ஶாமஃ ॥41॥

கலயாம்யந்தஃ ஶஶதரகலயாऽங்கிதமௌலிமமலசித்வலயாம் ।

அலயாமாகமபீடீநிலயாம் வலயாங்கஸுந்தரீமம்பாம் ॥42॥

ஶர்வாதிபரமஸாதககுர்வாநீதாய காமபீடஜுஷே ।

ஸர்வாக்ரு'தயே ஶோணிமகர்வாயாஸ்மை ஸமர்ப்யதே ஹ்ரு'தயம் ॥43॥

ஸமயா ஸாந்த்யமயூகைஃ ஸமயா புத்தயா ஸதைவ ஶீலிதயா ।

உமயா காஞ்சீரதயா ந மயா லப்யதே கிம் நு தாதாத்ம்யம் ॥44॥

ஜந்தோஸ்தவ பதபூஜநஸந்தோஷதரங்கிதஸ்ய காமாக்ஷி ।

வந்தோ யதி பவதி புநஃ ஸிந்தோரம்பஸ்ஸு பம்ப்ரமீதி ஶிலா ॥45॥

குண்டலி குமாரி குடிலே சண்டி சராசரஸவித்ரி சாமுண்டே ।

குணிநி குஹாரிணி குஹ்யே குருமூர்தே த்வாம் நமாமி காமாக்ஷி ॥46॥

அபிதாக்ரு'திர்பிதாக்ரு'திரசிதாக்ரு'திரபி சிதாக்ரு'திர்மாதஃ ।

அநஹந்தா த்வமஹந்தா ப்ரமயஸி காமாக்ஷி ஶாஶ்வதீ விஶ்வம் ॥47॥

ஶிவ ஶிவ பஶ்யந்தி ஸமம் ஶ்ரீகாமாக்ஷீகடாக்ஷிதாஃ புருஷாஃ ।

விபிநம் பவநமமித்ரம் மித்ரம் லோஷ்டம் ச யுவதிபிம்போஷ்டம் ॥48॥

காமபரிபந்திகாமிநி காமேஶ்வரி காமபீடமத்யகதே ।

காமதுகா பவ கமலே காமகலே காமகோடி காமாக்ஷி ॥49॥

மத்யேஹ்ரு'தயம் மத்யேநிடிலம் மத்யேஶிரோऽபி வாஸ்தவ்யாம் ।

சண்டகரஶக்ரகார்முகசந்த்ரஸமாபாம் நமாமி காமாக்ஷீம் ॥50॥

அதிகாஞ்சி கேலிலோலைரகிலாகமயந்த்ரதந்த்ரமயைஃ ।

அதிஶீதம் மம மாநஸமஸமஶரத்ரோஹிஜீவநோபாயைஃ ॥51॥

நந்ததி மம ஹ்ரு'தி காசந மந்திரயந்தீ நிரந்தரம் காஞ்சீம் ।

இந்துரவிமண்டலகுசா பிந்துவியந்நாதபரிணதா தருணீ ॥52॥

ஶம்பாலதாஸவர்ணம் ஸம்பாதயிதும் பவஜ்வரசிகித்ஸாம் ।

லிம்பாமி மநஸி கிஞ்சந கம்பாதடரோஹி ஸித்தபைஷஜ்யம் ॥53॥

அநுமிதகுசகாடிந்யாமதிவக்ஷஃபீடமங்கஜந்மரிபோஃ ।

ஆநந்ததாம் பஜே தாமாநங்கப்ரஹ்மதத்வபோதஸிராம் ॥54॥

ஐக்ஷிஷி பாஶாங்குஶதரஹஸ்தாந்தம் விஸ்மயார்ஹவ்ரு'த்தாந்தம் ।

அதிகாஞ்சி நிகமவாசாம் ஸித்தாந்தம் ஶூலபாணிஶுத்தாந்தம் ॥55॥

ஆஹிதவிலாஸபங்கீமாப்ரஹ்மஸ்தம்பஶில்பகல்பநயா ।

ஆஶ்ரிதகாஞ்சீமதுலாமாத்யாம் விஸ்பூர்திமாத்ரியே வித்யாம் ॥56॥

மூகோऽபி ஜடிலதுர்கதிஶோகோऽபி ஸ்மரதி யஃ க்ஷணம் பவதீம் ।

ஏகோ பவதி ஸ ஜந்துர்லோகோத்தரகீர்திரேவ காமாக்ஷி ॥57॥

பஞ்சதஶவர்ணரூபம் கஞ்சந காஞ்சீவிஹாரதௌரேயம் ।

பஞ்சஶரீயம் ஶம்போர்வஞ்சநவைதக்த்யமூலமவலம்பே ॥58॥

பரிணதிமதீம் சதுர்தா பதவீம் ஸுதியாம் ஸமேத்ய ஸௌஷும்நீம் ।

பஞ்சாஶதர்ணகல்பிதமதஶில்பாம் த்வாம் நமாமி காமாக்ஷி ॥59॥

ஆதிக்ஷந்மம குருராடாதிக்ஷாந்தாக்ஷராத்மிகாம் வித்யாம் ।

ஸ்வாதிஷ்டசாபதண்டாம் நேதிஷ்டாமேவ காமபீடகதாம் ॥60॥

துஷ்யாமி ஹர்ஷிதஸ்மரஶாஸநயா காஞ்சிபுரக்ரு'தாஸநயா ।

ஸ்வாஸநயா ஸகலஜகத்பாஸநயா கலிதஶம்பராஸநயா ॥61॥

ப்ரேமவதீ கம்பாயாம் ஸ்தேமவதீ யதிமநஸ்ஸு பூமவதீ ।

ஸாமவதீ நித்யகிரா ஸோமவதீ ஶிரஸி பாதி ஹைமவதீ ॥62॥

கௌதுகிநா கம்பாயாம் கௌஸுமசாபேந கீலிதேநாந்தஃ ।

குலதைவதேந மஹதா குட்மலமுத்ராம் துநோது நஃப்ரதிபா ॥63॥

யூநா கேநாபி மிலத்தேஹா ஸ்வாஹாஸஹாயதிலகேந ।

ஸஹகாரமூலதேஶே ஸம்வித்ரூபா குடும்பிநீ ரமதே ॥64॥

குஸுமஶரகர்வஸம்பத்கோஶக்ரு'ஹம் பாதி காஞ்சிதேஶகதம் ।

ஸ்தாபிதமஸ்மிந்கதமபி கோபிதமந்தர்மயா மநோரத்நம் ॥65॥

தக்தஷடத்வாரண்யம் தரதலிதகுஸும்பஸம்ப்ரு'தாருண்யம் ।

கலயே நவதாருண்யம் கம்பாதடஸீம்நி கிமபி காருண்யம் ॥66॥

அதிகாஞ்சி வர்தமாநாமதுலாம் கரவாணி பாரணாமக்ஷ்ணோஃ ।

ஆநந்தபாகபேதாமருணிமபரிணாமகர்வபல்லவிதாம் ॥67॥

பாணஸ்ரு'ணிபாஶகார்முகபாணிமமும் கமபி காமபீடகதம் ।

ஏணதரகோணசூடம் ஶோணிமபரிபாகபேதமாகலயே ॥68॥

கிம் வா பலதி மமாந்யௌர்பிம்பாதரசும்பிமந்தஹாஸமுகீ ।

ஸம்பாதகரீ தமஸாமம்பா ஜாகர்தி மநஸி காமாக்ஷீ ॥69॥

மஞ்சே ஸதாஶிவமயே பரிஶிவமயலலிதபௌஷ்பபர்யங்கே ।

அதிசக்ரமத்யமாஸ்தே காமாக்ஷீ நாம கிமபி மம பாக்யம் ॥70॥

ரக்ஷ்யோऽஸ்மி காமபீடீலாஸிகயா கநக்ரு'பாம்புராஶிகயா ।

ஶ்ருதியுவதிகுந்தலீமணிமாலிகயா துஹிநஶைலபாலிகயா ॥71॥

லீயே புரஹரஜாயே மாயே தவ தருணபல்லவச்சாயே ।

சரணே சந்த்ராபரணே காஞ்சீஶரணே நதார்திஸம்ஹரணே ॥72॥

மூர்திமதி முக்திபீஜே மூர்த்நி ஸ்தபகிதசகோரஸாம்ராஜ்யே ।

மோதிதகம்பாகூலே முஹுர்முஹுர்மநஸி முமுதிஷாऽஸ்மாகம் ॥73॥

வேதமயீம் நாதமயீம் பிந்துமயீம் பரபதோத்யதிந்துமயீம் ।

மந்த்ரமயீம் தந்த்ரமயீம் ப்ரக்ரு'திமயீம் நௌமி விஶ்வவிக்ரு'திமயீம் ॥74॥

புரமதநபுண்யகோடீ புஞ்ஜிதகவிலோகஸூக்திரஸதாடீ ।

மநஸி மம காமகோடீ விஹரது கருணாவிபாகபரிபாடீ ॥75॥

குடிலம் சடுலம் ப்ரு'துலம் ம்ரு'துலம் கசநயநஜகநசரணேஷு ।

அவலோகிதமவலம்பிதமதிகம்பாதடமமேயமஸ்மாபிஃ ॥76॥

ப்ரத்யங்முக்யா த்ரு'ஷ்டயா ப்ரஸாததீபாங்குரேண காமாக்ஷ்யாஃ ।

பஶ்யாமி நிஸ்துலமஹோ பசேலிமம் கமபி பரஶிவோல்லாஸம் ॥77॥

வித்யே விதாத்ரு'விஷயே காத்யாயநி காலி காமகோடிகலே ।

பாரதி பைரவி பத்ரே ஶாகிநி ஶாம்பவி ஶிவே ஸ்துவே பவதீம் ॥78॥

மாலிநி மஹேஶசாலிநி காஞ்சீகேலிநி விபக்ஷகாலிநி தே ।

ஶூலிநி வித்ருமஶாலிநி ஸுரஜநபாலிநி கபாலிநி நமோऽஸ்து ॥79॥

தேஶிக இதி கிம் ஶங்கே தத்தாத்ரு'க்தவ நு தருணிமோந்மேஷஃ ।

காமாக்ஷி ஶூலபாணேஃ காமாகமஸமயதீக்ஷாயாம் ॥80॥

வேதண்டகும்படம்பரவைதண்டிககுசபரார்தமத்யாய ।

குங்குமருசே நமஸ்யாம் ஶங்கரநயநாம்ரு'தாய ரசயாமஃ ॥81॥

அதிகாஞ்சிதமணிகாஞ்சநகாஞ்சீமதிகாஞ்சி காஞ்சிதத்ராக்ஷம் ।

அவநதஜநாநுகம்பாமநுகம்பாகூலமஸ்மதநுகூலாம் ॥82॥

பரிசிதகம்பாதீரம் பர்வதராஜந்யஸுக்ரு'தஸந்நாஹம் ।

பரகுருக்ரு'பயா வீக்ஷே பரமஶிவோத்ஸங்கமங்கலாபரணம் ॥83॥

தக்தமதநஸ்ய ஶம்போஃ ப்ரதீயஸீம் ப்ரஹ்மசர்யவைதக்தீம் ।

தவ தேவி தருணிமஶ்ரீசதுரிமபாகோ ந சக்ஷமே மாதஃ ॥84॥

மதஜலதமாலபத்ரா வஸநிதபத்ரா கராத்ரு'தகாநித்ரா ।

விஹரதி புலிந்தயோஷா குஞ்ஜாபூஷா பணீந்த்ரக்ரு'தவேஷா ॥85॥

அங்கே ஶுகிநீ கீதே கௌதுகிநீ பரிஸரே ச காயகிநீ ।

ஜயஸி ஸவிதேऽம்ப பைரவமண்டலிநீ ஶ்ரவஸி ஶங்ககுந்டலிநீ ॥86॥

ப்ரணதஜநதாபவர்கா க்ரு'தபஹுஸர்கா ஸஸிம்ஹஸம்ஸர்கா ।

காமாக்ஷி முதிதபர்கா ஹதரிபுவர்கா த்வமேவ ஸா துர்கா ॥87॥

ஶ்ரவணசலத்வேதண்டா ஸமரோத்தண்டா துதாஸுரஶிகண்டா ।

தேவி கலிதாந்த்ரஷண்டா த்ரு'தநரமுண்டா த்வமேவ சாமுண்டா ॥88॥

உர்வீதரேந்த்ரகந்யே தர்வீபரிதேந பக்தபூரேண ।

குர்வீமகிஞ்சநார்தி கர்வீகுருஷே த்வமேவ காமாக்ஷி ॥89॥

தாடிதரிபுபரிபீடநபயஹரண நிபுணஹலமுஸலா ।

க்ரோடபதிபீஷணமுகீ க்ரீடஸி ஜகதி த்வமேவ காமாக்ஷி ॥90॥

ஸ்மரமதநவரணலோலா மந்மதஹேலாவிலாஸமணிஶாலா ।

கநகருசிசௌர்யஶீலா த்வமம்ப பாலா கராப்ஜத்ரு'தமாலா ॥91॥

விமலபடீ கமலகுடீ புஸ்தகருத்ராக்ஷஶஸ்தஹஸ்தபுடீ ।

காமாக்ஷி பக்ஷ்மலாக்ஷீ கலிதவிபஞ்சீ விபாஸி வைரிஞ்சீ ॥92॥

குங்குமருசிபிங்கமஸ்ரு'க்பங்கிலமுண்டாலிமண்டிதம் மாதஃ ।

ஶ்ரீகாமாக்ஷி ததீயஸங்கமகலாமந்தீபவத்கௌதுகஃ

ஜயதி தவ ரூபதேயம் ஜபபடபுஸ்தகவராபயகராப்ஜம் ॥93॥

கநகமணிகலிதபூஷாம் காலாயஸகலஹஶீலகாந்திகலாம் ।

காமாக்ஷி ஶீலயே த்வாம் கபாலஶூலாபிராமகரகமலாம் ॥94॥

லோஹிதிமபுஞ்ஜமத்யே மோஹிதபுவநே முதா நிரீக்ஷந்தே ।

வதநம் தவ குவயுகலம் காஞ்சீஸீமாம் ச கேऽபி காமாக்ஷி ॥95॥

ஜலதித்விகுணிதஹுதபஹதிஶாதிநேஶ்வரகலாஶ்விநேயதலைஃ ।

நலிநைர்மஹேஶி கச்சஸி ஸர்வோத்தரகரகமலதலமமலம் ॥96॥

ஸத்க்ரு'ததேஶிகசரணாஃ ஸபீஜநிர்பீஜயோகநிஶ்ரேண்யா ।

அபவர்கஸௌதவலபீமாரோஹந்த்யம்ப கேऽபி தவ க்ரு'பயா ॥97॥

அந்தரபி பஹிரபி த்வம் ஜந்துததேரந்தகாந்தக்ரு'தஹந்தே ।

சிந்திதஸந்தாநவதாம் ஸந்ததமபி தந்தநீஷி மஹிமாநம் ॥98॥

கலமஞ்ஜுலவாகநுமிதகலபஞ்ஜரகதஶுகக்ரஹௌத்கண்ட்யாத் ।

அம்ப ரதநாம்பரம் தே பிம்பபலம் ஶம்பராரிணா ந்யஸ்தம் ॥99॥

ஜய ஜய ஜகதம்ப ஶிவே ஜய ஜய காமாக்ஷி ஜய ஜயாத்ரிஸுதே ।

ஜய ஜய மஹேஶதயிதே ஜய ஜய சித்ககநகௌமுதீதாரே ॥100॥

ஆர்யாஶதகம் பக்த்யா படதாமார்யாகடாக்ஷேண ।

நிஸ்ஸரதி வதநகமலாத்வாணீ பீயூஷதோரணீ திவ்யா ॥101॥

॥ இதி ஆர்யாஶதகம் ஸம்பூர்ணம் ॥

Roman (IAST) Transliteration

kāraṇaparacidrūpā kāñcīpurasīmni kāmapīṭhagatā |

kācana viharati karuṇā kāśmīrastabakakomalāṅgalatā ||1||

kañcana kāñcīnilayaṃ karadhṛtakodaṇḍabāṇasṛṇipāśam |

kaṭhinastanabharanamraṃ kaivalyānandakandamavalambe ||2||

cintitaphalaparipoṣaṇacintāmaṇireva kāñcinilayā me |

ciratarasucaritasulabhā cittaṃ śiśirayatu citsukhādhārā ||3||

kuṭilakacaṃ kaṭhinakucaṃ kundasmitakānti kuṅkumacchāyam |

kurute vihṛtiṃ kāñcyāṃ kulaparvatasārvabhaumasarvasvam ||4||

pañcaśaraśāstrabodhanaparamācāryeṇa dṛṣṭipātena |

kāñcīsīmni kumārī kācana mohayati kāmajetāram ||5||

parayā kāñcīpurayā parvataparyāyapīnakucabharayā |

paratantrā vayamanayā paṅkajasabrahmacārilocanayā ||6||

aiśvaryamindumauleraikatmyaprakṛti kāñcimadhyagatam |

aindavakiśoraśekharamaidamparyaṃ cakāsti nigamānām ||7||

śritakampasīmānaṃ śithilitaparamaśivadhairyamahimānam |

kalaye paṭalimānaṃ kañcana kañcukitabhuvanabhūmānam ||8||

ādṛtakāñcīnilayamādyāmārūḍhayauvanāṭopām |

āgamavataṃsakalikāmānandādvaitakandalīṃ vande ||9||

tuṅgābhirāmakucabharaśṛṅgāritamāśrayāmi kāñcigatam |

gaṅgādharaparatantraṃ śṛṅgārādvaitatantrasiddhāntam ||10||

kāñcīratnavibhūṣāṃ kāmapi kandarpasūtikāpāṅgīm |

paramāṃ kalāmupāse paraśivavāmāṅkapīṭhikāsīnām ||11||

kampātīcarāṇāṃ karuṇākorakitadṛṣṭipātānām |

kelīvanaṃ mano me keṣāñcidbhavatu cidvilāsānām ||12||

āmratarumūlavasaterādimapuruṣasya nayanapīyūṣam |

ārabdhayauvanotsavamāmnāyarahasyamantaravalambe ||13||

adhikāñci paramayogibhirādimaparapīṭhasīmni dṛśyena |

anubaddhaṃ mama mānasamaruṇimasarvasvasampradāyena ||14||

aṅkitaśaṅkaradehāmaṅkuritorojakaṅkaṇāśleṣaiḥ |

adhikāñci nityataruṇīmadrākṣaṃ kāñcidadbhutāṃ bālām ||15||

madhuradhanuṣā mahīdharajanuṣā nandāmi surabhibāṇajuṣā |

cidvapuṣā kāñcipure kelijuṣā bandhujīvakāntimuṣā ||16||

madhurasmitena ramate māṃsalakucabhāramandagamanena |

madhyekāñci mano me manasijasāmrājyagarvabījena ||17||

dharaṇimayīṃ taraṇimayīṃ pavanamayīṃ gaganadahanahotṛmayīm |

ambumayīmindumayīmambāmanukampamādimāmīkṣe ||18||

līnasthiti munihṛdaye dhyānastimitaṃ tapasyadupakampam |

pīnastanabharamīḍe mīnadhvajatantraparamatātparyam ||19||

śvetā mantharahasite śātā madhye ca vāḍbhano'tītā |

śītā locanapāte sphītā kucasīmni śāśvatī mātā ||20||

purataḥ kadā na karavai puravairivimardapulakitāṅgalatām |

punatīṃ kāñcīdeśaṃ puṣpāyudhavīryasarasaparipāṭīm ||21||

puṇyā kā'pi purandhrī puṅkhitakandarpasampadā vapuṣā |

pulinacarī kampāyāḥ puramathanaṃ pulakaniculitaṃ kurute ||22||

tanimādvaitavalagnaṃ taruṇāruṇasampradāyatanulekham |

taṭasīmani kampāyāstaruṇimasarvasvamādyamadrākṣam ||23||

pauṣṭikakarmavipākaṃ pauṣpaśaraṃ savidhasīmni kampāyāḥ |

adrākṣamāttayauvanamabhyudayaṃ kañcidardhaśaśimaulaiḥ ||24||

saṃśritakāñcīdeśe sarasijadaurbhāgyajāgraduttaṃse |

saṃvinmaye vilīye sārasvatapuruṣakārasāmrājye ||25||

moditamadhukaraviśikhaṃ svādimasamudāyasārakodaṇḍam |

ādṛtakāñcīkhelanamādimamāruṇyabhedamākalaye ||26||

urarīkṛtakāñcipurīmupaniṣadaravindakuharamadhudhārām |

unnamrastanakalaśīmutsavalaharīmupāsmahe śambhoḥ ||27||

eṇaśiśudīrghalocanamenaḥparipanthi santataṃ bhajatām |

ekāmranāthajīvitamevampadadūramekamavalambe ||28||

smayamānamukhaṃ kāñcībhayamānaṃ kamapi devatābhedam |

dayamānaṃ vīkṣya muhurvayamānandāmṛtāmbudhau magnāḥ ||29||

kutukajuṣi kāñcideśe kumudataporāśipākaśekharite |

kurute manovihāraṃ kulagiriparibṛḍhakulaikamaṇidīpe ||30||

vīkṣemahi kāñcipure vipulastanakalaśagarimaparavaśitam |

vidrumasahacaradehaṃ vibhramasamavāyasārasannāham ||31||

kuruvindagotragātraṃ kūlacaraṃ kamapi naumi kampāyāḥ |

kūlaṅkaṣakucakumbhaṃ kusumāyudhavīryasārasaṃrambham ||32||

kuḍūmalitakucakiśoraiḥ kurvāṇaiḥ kāñcideśasauhārdam |

kuṅkumaśoṇairnicitaṃ kuśalapathaṃ śambhusukṛtasambhāraiḥ ||33||

aṅkitakacena kenacidandhaṅkaraṇauṣadhena kamalānām |

antaḥpureṇa śambhoralaṅkriyā kā'pi kalpyate kāñcyām ||34||

ūrīkaromi santatamūṣmalaphālena lalitaṃ puṃsā |

upakampamucitakhelanamurvīdharavaṃśasampadunmeṣam ||35||

aṅkuritastanakorakamaṅkālaṅkāramekacūtapateḥ |

ālokemahi komalamāgamasaṃlāpasārayāthārthyam ||36||

puñjitakaruṇamudañcitaśiñjitamaṇikāñci kimapi kāñcipure |

mañjaritamṛdulahāsaṃ piñjaratanuruci pinākimūladhanam ||37||

lolahṛdayo'sti śambhorlocanayugalena lehyamānāyām |

lalitaparamaśivāyāṃ lāvaṇyāmṛtataraṅgamālāyām ||38||

madhukarasahacaracikurairmadanāgamasamayadīkṣitakaṭākṣaiḥ |

maṇḍitakampātīrairmaṅgalakandairmamāstu sārūpyam ||39||

vadanāravindavakṣovāmāṅkataṭīvaśaṃvadībhūtā |

pūruṣatritaye tredhā purandhrirūpā tvameva kāmākṣi ||40||

bādhākarīṃ bhavābdherādhārādyambujeṣu vicarantīm |

ādhārīkṛtakāñcī bodhāmṛtavīcimeva vimṛśāmaḥ ||41||

kalayāmyantaḥ śaśadharakalayā'ṅkitamaulimamalacidvalayām |

alayāmāgamapīṭhīnilayāṃ valayāṅkasundarīmambām ||42||

śarvādiparamasādhakagurvānītāya kāmapīṭhajuṣe |

sarvākṛtaye śoṇimagarvāyāsmai samarpyate hṛdayam ||43||

samayā sāndhyamayūkhaiḥ samayā buddhayā sadaiva śīlitayā |

umayā kāñcīratayā na mayā labhyate kiṃ nu tādātmyam ||44||

jantostava padapūjanasantoṣataraṅgitasya kāmākṣi |

vandho yadi bhavati punaḥ sindhorambhassu bambhramīti śilā ||45||

kuṇḍali kumāri kuṭile caṇḍi carācarasavitri cāmuṇḍe |

guṇini guhāriṇi guhye gurumūrte tvāṃ namāmi kāmākṣi ||46||

abhidākṛtirbhidākṛtiracidākṛtirapi cidākṛtirmātaḥ |

anahantā tvamahantā bhramayasi kāmākṣi śāśvatī viśvam ||47||

śiva śiva paśyanti samaṃ śrīkāmākṣīkaṭākṣitāḥ puruṣāḥ |

vipinaṃ bhavanamamitraṃ mitraṃ loṣṭaṃ ca yuvatibimboṣṭham ||48||

kāmaparipanthikāmini kāmeśvari kāmapīṭhamadhyagate |

kāmadughā bhava kamale kāmakale kāmakoṭi kāmākṣi ||49||

madhyehṛdayaṃ madhyeniṭilaṃ madhyeśiro'pi vāstavyām |

caṇḍakaraśakrakārmukacandrasamābhāṃ namāmi kāmākṣīm ||50||

adhikāñci kelilolairakhilāgamayantratantramayaiḥ |

atiśītaṃ mama mānasamasamaśaradrohijīvanopāyaiḥ ||51||

nandati mama hṛdi kācana mandirayantī nirantaraṃ kāñcīm |

induravimaṇḍalakucā binduviyannādapariṇatā taruṇī ||52||

śampālatāsavarṇaṃ sampādayituṃ bhavajvaracikitsām |

limpāmi manasi kiñcana kampātaṭarohi siddhabhaiṣajyam ||53||

anumitakucakāṭhinyāmadhivakṣaḥpīṭhamaṅgajanmaripoḥ |

ānandadāṃ bhaje tāmānaṅgabrahmatatvabodhasirām ||54||

aikṣiṣi pāśāṅkuśadharahastāntaṃ vismayārhavṛttāntam |

adhikāñci nigamavācāṃ siddhāntaṃ śūlapāṇiśuddhāntam ||55||

āhitavilāsabhaṅgīmābrahmastambaśilpakalpanayā |

āśritakāñcīmatulāmādyāṃ visphūrtimādriye vidyām ||56||

mūko'pi jaṭiladurgatiśoko'pi smarati yaḥ kṣaṇaṃ bhavatīm |

eko bhavati sa janturlokottarakīrtireva kāmākṣi ||57||

pañcadaśavarṇarūpaṃ kañcana kāñcīvihāradhaureyam |

pañcaśarīyaṃ śambhorvañcanavaidagdhyamūlamavalambe ||58||

pariṇatimatīṃ caturdhā padavīṃ sudhiyāṃ sametya sauṣumnīm |

pañcāśadarṇakalpitamadaśilpāṃ tvāṃ namāmi kāmākṣi ||59||

ādikṣanmama gururāḍādikṣāntākṣarātmikāṃ vidyām |

svādiṣṭhacāpadaṇḍāṃ nediṣṭhāmeva kāmapīṭhagatām ||60||

tuṣyāmi harṣitasmaraśāsanayā kāñcipurakṛtāsanayā |

svāsanayā sakalajagadbhāsanayā kalitaśambarāsanayā ||61||

premavatī kampāyāṃ sthemavatī yatimanassu bhūmavatī |

sāmavatī nityagirā somavatī śirasi bhāti haimavatī ||62||

kautukinā kampāyāṃ kausumacāpena kīlitenāntaḥ |

kuladaivatena mahatā kuḍmalamudrāṃ dhunotu naḥpratibhā ||63||

yūnā kenāpi miladdehā svāhāsahāyatilakena |

sahakāramūladeśe saṃvidrūpā kuṭumbinī ramate ||64||

kusumaśaragarvasampatkośagṛhaṃ bhāti kāñcideśagatam |

sthāpitamasminkathamapi gopitamantarmayā manoratnam ||65||

dagdhaṣaḍadhvāraṇyaṃ daradalitakusumbhasambhṛtāruṇyam |

kalaye navatāruṇyaṃ kampātaṭasīmni kimapi kāruṇyam ||66||

adhikāñci vardhamānāmatulāṃ karavāṇi pāraṇāmakṣṇoḥ |

ānandapākabhedāmaruṇimapariṇāmagarvapallavitām ||67||

bāṇasṛṇipāśakārmukapāṇimamuṃ kamapi kāmapīṭhagatam |

eṇadharakoṇacūḍaṃ śoṇimaparipākabhedamākalaye ||68||

kiṃ vā phalati mamānyaurbimbādharacumbimandahāsamukhī |

sambādhakarī tamasāmambā jāgarti manasi kāmākṣī ||69||

mañce sadāśivamaye pariśivamayalalitapauṣpaparyaṅke |

adhicakramadhyamāste kāmākṣī nāma kimapi mama bhāgyam ||70||

rakṣyo'smi kāmapīṭhīlāsikayā ghanakṛpāmburāśikayā |

śrutiyuvatikuntalīmaṇimālikayā tuhinaśailabālikayā ||71||

līye puraharajāye māye tava taruṇapallavacchāye |

caraṇe candrābharaṇe kāñcīśaraṇe natārtisaṃharaṇe ||72||

mūrtimati muktibīje mūrdhni stabakitacakorasāmrājye |

moditakampākūle muhurmuhurmanasi mumudiṣā'smākam ||73||

vedamayīṃ nādamayīṃ bindumayīṃ parapadodyadindumayīm |

mantramayīṃ tantramayīṃ prakṛtimayīṃ naumi viśvavikṛtimayīm ||74||

puramathanapuṇyakoṭī puñjitakavilokasūktirasadhāṭī |

manasi mama kāmakoṭī viharatu karuṇāvipākaparipāṭī ||75||

kuṭilaṃ caṭulaṃ pṛthulaṃ mṛdulaṃ kacanayanajaghanacaraṇeṣu |

avalokitamavalambitamadhikampātaṭamameyamasmābhiḥ ||76||

pratyaṅmukhyā dṛṣṭayā prasādadīpāṅkureṇa kāmākṣyāḥ |

paśyāmi nistulamaho pacelimaṃ kamapi paraśivollāsam ||77||

vidye vidhātṛviṣaye kātyāyani kāli kāmakoṭikale |

bhārati bhairavi bhadre śākini śāmbhavi śive stuve bhavatīm ||78||

mālini maheśacālini kāñcīkhelini vipakṣakālini te |

śūlini vidrumaśālini surajanapālini kapālini namo'stu ||79||

deśika iti kiṃ śaṅke tattādṛktava nu taruṇimonmeṣaḥ |

kāmākṣi śūlapāṇeḥ kāmāgamasamayadīkṣāyām ||80||

vetaṇḍakumbhaḍambaravaitaṇḍikakucabharārtamadhyāya |

kuṅkumaruce namasyāṃ śaṅkaranayanāmṛtāya racayāmaḥ ||81||

adhikāñcitamaṇikāñcanakāñcīmadhikāñci kāñcidadrākṣam |

avanatajanānukampāmanukampākūlamasmadanukūlām ||82||

paricitakampātīraṃ parvatarājanyasukṛtasannāham |

paragurukṛpayā vīkṣe paramaśivotsaṅgamaṅgalābharaṇam ||83||

dagdhamadanasya śambhoḥ prathīyasīṃ brahmacaryavaidagdhīm |

tava devi taruṇimaśrīcaturimapāko na cakṣame mātaḥ ||84||

madajalatamālapatrā vasanitapatrā karādṛtakhānitrā |

viharati pulindayoṣā guñjābhūṣā phaṇīndrakṛtaveṣā ||85||

aṅke śukinī gīte kautukinī parisare ca gāyakinī |

jayasi savidhe'mba bhairavamaṇḍalinī śravasi śaṅkhakunḍalinī ||86||

praṇatajanatāpavargā kṛtabahusargā sasiṃhasaṃsargā |

kāmākṣi muditabhargā hataripuvargā tvameva sā durgā ||87||

śravaṇacaladvetaṇḍā samaroddaṇḍā dhutāsuraśikhaṇḍā |

devi kalitāntraṣaṇḍā dhṛtanaramuṇḍā tvameva cāmuṇḍā ||88||

urvīdharendrakanye darvībharitena bhaktapūreṇa |

gurvīmakiñcanārti kharvīkuruṣe tvameva kāmākṣi ||89||

tāḍitaripuparipīḍanabhayaharaṇa nipuṇahalamusalā |

kroḍapatibhīṣaṇamukhī krīḍasi jagati tvameva kāmākṣi ||90||

smaramathanavaraṇalolā manmathahelāvilāsamaṇiśālā |

kanakarucicauryaśīlā tvamamba bālā karābjadhṛtamālā ||91||

vimalapaṭī kamalakuṭī pustakarudrākṣaśastahastapuṭī |

kāmākṣi pakṣmalākṣī kalitavipañcī vibhāsi vairiñcī ||92||

kuṅkumarucipiṅgamasṛkpaṅkilamuṇḍālimaṇḍitaṃ mātaḥ |

śrīkāmākṣi tadīyasaṅgamakalāmandībhavatkautukaḥ

jayati tava rūpadheyaṃ japapaṭapustakavarābhayakarābjam ||93||

kanakamaṇikalitabhūṣāṃ kālāyasakalahaśīlakāntikalām |

kāmākṣi śīlaye tvāṃ kapālaśūlābhirāmakarakamalām ||94||

lohitimapuñjamadhye mohitabhuvane mudā nirīkṣante |

vadanaṃ tava kuvayugalaṃ kāñcīsīmāṃ ca ke'pi kāmākṣi ||95||

jaladhidviguṇitahutabahadiśādineśvarakalāśvineyadalaiḥ |

nalinairmaheśi gacchasi sarvottarakarakamaladalamamalam ||96||

satkṛtadeśikacaraṇāḥ sabījanirbījayoganiśreṇyā |

apavargasaudhavalabhīmārohantyamba ke'pi tava kṛpayā ||97||

antarapi bahirapi tvaṃ jantutaterantakāntakṛdahante |

cintitasantānavatāṃ santatamapi tantanīṣi mahimānam ||98||

kalamañjulavāganumitagalapañjaragataśukagrahautkaṇṭhyāt |

amba radanāmbaraṃ te bimbaphalaṃ śambarāriṇā nyastam ||99||

jaya jaya jagadamba śive jaya jaya kāmākṣi jaya jayādrisute |

jaya jaya maheśadayite jaya jaya cidgaganakaumudīdhāre ||100||

āryāśatakaṃ bhaktyā paṭhatāmāryākaṭākṣeṇa |

nissarati vadanakamalādvāṇī pīyūṣadhoraṇī divyā ||101||

|| iti āryāśatakaṃ sampūrṇam ||