Manidvipa Varnana - 3 (devi Bhagavatam)

ॐ

மணித்வீப வர்ணந - 3 (தேவீ பாகவதம்)

Devi Vyasa Tamil

(ஶ்ரீதேவீபாகவதம், த்வாதஶ ஸ்கந்தம், த்வாதஶோऽத்யாயஃ, மணித்வீப வர்ணந - 3)

வ்யாஸ உவாச ।

ததேவ தேவீஸதநம் மத்யபாகே விராஜதே ।

ஸஹஸ்ர ஸ்தம்பஸம்யுக்தாஶ்சத்வாரஸ்தேஷு மண்டபாஃ ॥ 1 ॥

ஶ்ரு'ங்காரமண்டபஶ்சைகோ முக்திமண்டப ஏவ ச ।

ஜ்ஞாநமண்டப ஸஞ்ஜ்ஞஸ்து த்ரு'தீயஃ பரிகீர்திதஃ ॥ 2 ॥

ஏகாந்தமண்டபஶ்சைவ சதுர்தஃ பரிகீர்திதஃ ।

நாநா விதாநஸம்யுக்தா நாநா தூபைஸ்து தூபிதாஃ ॥ 3 ॥

கோடிஸூர்யஸமாஃ காந்த்யா ப்ராஞ்ஜந்தே மண்டபாஃ ஶுபாஃ ।

தந்மண்டபாநாம் பரிதஃ காஶ்மீரவநிகா ஸ்ம்ரு'தா ॥ 4 ॥

மல்லிகாகுந்தவநிகா யத்ர புஷ்கலகாஃ ஸ்திதாஃ ।

அஸங்க்யாதா ம்ரு'கமதைஃ பூரிதாஸ்தத்ஸ்ரவா ந்ரு'ப ॥ 5 ॥

மஹாபத்மாடவீ தத்வத்ரத்நஸோபாநநிர்மிதா ।

ஸுதாரஸேநஸம்பூர்ணா குஞ்ஜந்மத்தமதுவ்ரதா ॥ 6 ॥

ஹம்ஸகாரண்டவாகீர்ணா கந்தபூரித திக்தடா ।

வநிகாநாம் ஸுகந்தைஸ்து மணித்வீபம் ஸுவாஸிதம் ॥ 7 ॥

ஶ்ரு'ங்காரமண்டபே தேவ்யோ காயந்தி விவிதைஃ ஸ்வரைஃ ।

ஸபாஸதோ தேவவஶா மத்யே ஶ்ரீஜகதம்பிகா ॥ 8 ॥

முக்திமண்டபமத்யே து மோசயத்யநிஶம் ஶிவா ।

ஜ்ஞாநோபதேஶம் குருதே த்ரு'தீயே ந்ரு'ப மண்டபே ॥ 9 ॥

சதுர்தமண்டபே சைவ ஜகத்ரக்ஷா விசிந்தநம் ।

மந்த்ரிணீ ஸஹிதா நித்யம் கரோதி ஜகதம்பிகா ॥ 10 ॥

சிந்தாமணிக்ரு'ஹே ராஜஞ்சக்தி தத்த்வாத்மகைஃ பரைஃ ।

ஸோபாநைர்தஶபிர்யுக்தோ மஞ்சகோப்யதிராஜதே ॥ 11 ॥

ப்ரஹ்மா விஷ்ணுஶ்ச ருத்ரஶ்ச ஈஶ்வரஶ்ச ஸதாஶிவஃ ।

ஏதே மஞ்சகுராஃ ப்ரோக்தாஃ பலகஸ்து ஸதாஶிவஃ ॥ 12 ॥

தஸ்யோபரி மஹாதேவோ புவநேஶோ விராஜதே ।

யா தேவீ நிஜலீலார்தம் த்விதாபூதா பபூவஹ ॥ 13 ॥

ஸ்ரு'ஷ்ட்யாதௌ து ஸ ஏவாயம் ததர்தாங்கோ மஹேஶ்வரஃ ।

கந்தர்ப தர்பநாஶோத்யத்கோடி கந்தர்பஸுந்தரஃ ॥ 14 ॥

பஞ்சவக்த்ரஸ்த்ரிநேத்ரஶ்ச மணிபூஷண பூஷிதஃ ।

ஹரிணாபீதிபரஶூந்வரம் ச நிஜபாஹுபிஃ ॥ 15 ॥

ததாநஃ ஷோடஶாப்தோऽஸௌ தேவஃ ஸர்வேஶ்வரோ மஹாந் ।

கோடிஸூர்ய ப்ரதீகாஶஶ்சந்த்ரகோடி ஸுஶீதலஃ ॥ 16 ॥

ஶுத்தஸ்படிக ஸங்காஶஸ்த்ரிநேத்ரஃ ஶீதல த்யுதிஃ ।

வாமாங்கே ஸந்நிஷண்ணாऽஸ்ய தேவீ ஶ்ரீபுவநேஶ்வரீ ॥ 17 ॥

நவரத்நகணாகீர்ண காஞ்சீதாம விராஜிதா ।

தப்தகாஞ்சநஸந்நத்த வைதூர்யாங்கதபூஷணா ॥ 18 ॥

கநச்ச்ரீசக்ரதாடங்க விடங்க வதநாம்புஜா ।

லலாடகாந்தி விபவ விஜிதார்தஸுதாகரா ॥ 19 ॥

பிம்பகாந்தி திரஸ்காரிரதச்சத விராஜிதா ।

லஸத்குங்குமகஸ்தூரீதிலகோத்பாஸிதாநநா ॥ 20 ॥

திவ்ய சூடாமணி ஸ்பார சஞ்சச்சந்த்ரகஸூர்யகா ।

உத்யத்கவிஸமஸ்வச்ச நாஸாபரண பாஸுரா ॥ 21 ॥

சிந்தாகலம்பிதஸ்வச்ச முக்தாகுச்ச விராஜிதா ।

பாடீர பங்க கர்பூர குங்குமாலங்க்ரு'த ஸ்தநீ ॥ 22 ॥

விசித்ர விவிதா கல்பா கம்புஸங்காஶ கந்தரா ।

தாடிமீபலபீஜாப தந்தபங்க்தி விராஜிதா ॥ 23 ॥

அநர்க்ய ரத்நகடித முகுடாஞ்சித மஸ்தகா ।

மத்தாலிமாலாவிலஸதலகாட்ய முகாம்புஜா ॥ 24 ॥

கலங்ககார்ஶ்யநிர்முக்த ஶரச்சந்த்ரநிபாநநா ।

ஜாஹ்நவீஸலிலாவர்த ஶோபிநாபிவிபூஷிதா ॥ 25 ॥

மாணிக்ய ஶகலாபத்த முத்ரிகாங்குலிபூஷிதா ।

புண்டரீகதலாகார நயநத்ரயஸுந்தரீ ॥ 26 ॥

கல்பிதாச்ச மஹாராக பத்மராகோஜ்ஜ்வலப்ரபா ।

ரத்நகிங்கிணிகாயுக்த ரத்நகங்கணஶோபிதா ॥ 27 ॥

மணிமுக்தாஸராபார லஸத்பதகஸந்ததிஃ ।

ரத்நாங்குலிப்ரவிதத ப்ரபாஜாலலஸத்கரா ॥ 28 ॥

கஞ்சுகீகும்பிதாபார நாநா ரத்நததித்யுதிஃ ।

மல்லிகாமோதி தம்மில்ல மல்லிகாலிஸராவ்ரு'தா ॥ 29 ॥

ஸுவ்ரு'த்தநிபிடோத்துங்க குசபாராலஸா ஶிவா ।

வரபாஶாங்குஶாபீதி லஸத்பாஹு சதுஷ்டயா ॥ 30 ॥

ஸர்வஶ்ரு'ங்காரவேஷாட்யா ஸுகுமாராங்கவல்லரீ ।

ஸௌந்தர்யதாராஸர்வஸ்வா நிர்வ்யாஜகருணாமயீ ॥ 31 ॥

நிஜஸம்லாபமாதுர்ய விநிர்பர்த்ஸிதகச்சபீ ।

கோடிகோடிரவீந்தூநாம் காந்திம் யா பிப்ரதீ பரா ॥ 32 ॥

நாநா ஸகீபிர்தாஸீபிஸ்ததா தேவாங்கநாதிபிஃ ।

ஸர்வாபிர்தேவதாபிஸ்து ஸமந்தாத்பரிவேஷ்டிதா ॥ 33 ॥

இச்சாஶக்த்யா ஜ்ஞாநஶக்த்யா க்ரியாஶக்த்யா ஸமந்விதா ।

லஜ்ஜா துஷ்டிஸ்ததா புஷ்டிஃ கீர்திஃ காந்திஃ க்ஷமா தயா ॥ 34 ॥

புத்திர்மேதாஸ்ம்ரு'திர்லக்ஷ்மீர்மூர்திமத்யோங்கநாஃ ஸ்ம்ரு'தாஃ ।

ஜயா ச விஜயா சைவாப்யஜிதா சாபராஜிதா ॥ 35 ॥

நித்யா விலாஸிநீ தோக்த்ரீ த்வகோரா மங்கலா நவா ।

பீடஶக்தய ஏதாஸ்து ஸேவந்தே யாம் பராம்பிகாம் ॥ 36 ॥

யஸ்யாஸ்து பார்ஶ்வபாகேஸ்தோநிதீதௌ ஶங்கபத்மகௌ ।

நவரத்ந வஹாநத்யஸ்ததா வை காஞ்சநஸ்ரவாஃ ॥ 37 ॥

ஸப்ததாதுவஹாநத்யோ நிதிப்யாம் து விநிர்கதாஃ ।

ஸுதாஸிந்த்வந்தகாமிந்யஸ்தாஃ ஸர்வா ந்ரு'பஸத்தம ॥ 38 ॥

ஸா தேவீ புவநேஶாநீ தத்வாமாங்கே விராஜதே ।

ஸர்வேஶ த்வம் மஹேஶஸ்ய யத்ஸங்கா தேவ நாந்யதா ॥ 39 ॥

சிந்தாமணி க்ரு'ஹஸ்யாऽஸ்ய ப்ரமாணம் ஶ்ரு'ணு பூமிப ।

ஸஹஸ்ரயோஜநாயாமம் மஹாந்தஸ்தத்ப்ரசக்ஷதே ॥ 40 ॥

ததுத்தரே மஹாஶாலாஃ பூர்வஸ்மாத் த்விகுணாஃ ஸ்ம்ரு'தாஃ ।

அந்தரிக்ஷகதம் த்வேதந்நிராதாரம் விராஜதே ॥ 41 ॥

ஸங்கோசஶ்ச விகாஶஶ்ச ஜாயதேऽஸ்ய நிரந்தரம் ।

படவத்கார்யவஶதஃ ப்ரலயே ஸர்ஜநே ததா ॥ 42 ॥

ஶாலாநாம் சைவ ஸர்வேஷாம் ஸர்வகாந்திபராவதி ।

சிந்தாமணிக்ரு'ஹம் ப்ரோக்தம் யத்ர தேவீ மஹோமயீ ॥ 43 ॥

யேயே உபாஸகாஃ ஸந்தி ப்ரதிப்ரஹ்மாண்டவர்திநஃ ।

தேவேஷு நாகலோகேஷு மநுஷ்யேஷ்விதரேஷு ச ॥ 44 ॥

ஶ்ரீதேவ்யாஸ்தே ச ஸர்வேபி வ்ரஜந்த்யத்ரைவ பூமிப ।

தேவீக்ஷேத்ரே யே த்யஜந்தி ப்ராணாந்தேவ்யர்சநே ரதாஃ ॥ 45 ॥

தே ஸர்வே யாந்தி தத்ரைவ யத்ர தேவீ மஹோத்ஸவா ।

க்ரு'தகுல்யா துக்தகுல்யா ததிகுல்யா மதுஸ்ரவாஃ ॥ 46 ॥

ஸ்யந்தந்தி ஸரிதஃ ஸர்வாஸ்ததாம்ரு'தவஹாஃ பராஃ ।

த்ராக்ஷாரஸவஹாஃ காஶ்சிஜ்ஜம்பூரஸவஹாஃ பராஃ ॥ 47 ॥

ஆம்ரேக்ஷுரஸவாஹிந்யோ நத்யஸ்தாஸ்து ஸஹஸ்ரஶஃ ।

மநோரதபலாவ்ரு'க்ஷாவாப்யஃ கூபாஸ்ததைவ ச ॥ 48 ॥

யதேஷ்டபாநபலதாந ந்யூநம் கிஞ்சிதஸ்தி ஹி ।

ந ரோகபலிதம் வாபி ஜரா வாபி கதாசந ॥ 49 ॥

ந சிந்தா ந ச மாத்ஸர்யம் காமக்ரோதாதிகம் ததா ।

ஸர்வே யுவாநஃ ஸஸ்த்ரீகாஃ ஸஹஸ்ராதித்யவர்சஸஃ ॥ 50 ॥

பஜந்தி ஸததம் தேவீம் தத்ர ஶ்ரீபுவநேஶ்வரீம் ।

கேசித்ஸலோகதாபந்நாஃ கேசித்ஸாமீப்யதாம் கதாஃ ॥ 51 ॥

ஸரூபதாம் கதாஃ கேசித்ஸார்ஷ்டிதாம் ச பரேகதாஃ ।

யாயாஸ்து தேவதாஸ்தத்ர ப்ரதிப்ரஹ்மாண்டவர்திநாம் ॥ 52 ॥

ஸமஷ்டயஃ ஸ்திதாஸ்தாஸ்து ஸேவந்தே ஜகதீஶ்வரீம் ।

ஸப்தகோடிமஹாமந்த்ரா மூர்திமந்த உபாஸதே ॥ 53 ॥

மஹாவித்யாஶ்ச ஸகலாஃ ஸாம்யாவஸ்தாத்மிகாம் ஶிவாம் ।

காரணப்ரஹ்மரூபாம் தாம் மாயா ஶபலவிக்ரஹாம் ॥ 54 ॥

இத்தம் ராஜந்மயா ப்ரோக்தம் மணித்வீபம் மஹத்தரம் ।

ந ஸூர்யசந்த்ரௌ நோ வித்யுத்கோடயோக்நிஸ்ததைவ ச ॥ 55 ॥

ஏதஸ்ய பாஸா கோட்யம்ஶ கோட்யம்ஶோ நாபி தே ஸமாஃ ।

க்வசித்வித்ருமஸங்காஶம் க்வசிந்மரகதச்சவி ॥ 56 ॥

வித்யுத்பாநுஸமச்சாயம் மத்யஸூர்யஸமம் க்வசித் ।

வித்யுத்கோடிமஹாதாரா ஸாரகாந்திததம் க்வசித் ॥ 57 ॥

க்வசித்ஸிந்தூர நீலேந்த்ரம் மாணிக்ய ஸத்ரு'ஶச்சவி ।

ஹீரஸார மஹாகர்ப தகத்தகித திக்தடம் ॥ 58 ॥

காந்த்யா தாவாநலஸமம் தப்தகாஞ்சந ஸந்நிபம் ।

க்வசிச்சந்த்ரோபலோத்காரம் ஸூர்யோத்காரம் ச குத்ர சித் ॥ 59 ॥

ரத்நஶ்ரு'ங்கி ஸமாயுக்தம் ரத்நப்ராகார கோபுரம் ।

ரத்நபத்ரை ரத்நபலைர்வ்ரு'க்ஷைஶ்ச பரிமண்டிதம் ॥ 60 ॥

ந்ரு'த்யந்மயூரஸங்கைஶ்ச கபோதரணிதோஜ்ஜ்வலம் ।

கோகிலாகாகலீலாபைஃ ஶுகலாபைஶ்ச ஶோபிதம் ॥ 61 ॥

ஸுரம்ய ரமணீயாம்பு லக்ஷாவதி ஸரோவ்ரு'தம் ।

தந்மத்யபாக விலஸத்விகசத்ரத்ந பங்கஜைஃ ॥ 62 ॥

ஸுகந்திபிஃ ஸமந்தாத்து வாஸிதம் ஶதயோஜநம் ।

மந்தமாருத ஸம்பிந்ந சலத்த்ரும ஸமாகுலம் ॥ 63 ॥

சிந்தாமணி ஸமூஹாநாம் ஜ்யோதிஷா விததாம்பரம் ।

ரத்நப்ரபாபிரபிதோ தகத்தகித திக்தடம் ॥ 64 ॥

வ்ரு'க்ஷவ்ராத மஹாகந்தவாதவ்ராத ஸுபூரிதம் ।

தூபதூபாயிதம் ராஜந்மணிதீபாயுதோஜ்ஜ்வலம் ॥ 65 ॥

மணிஜாலக ஸச்சித்ர தரலோதரகாந்திபிஃ ।

திங்மோஹஜநகம் சைதத்தர்பணோதர ஸம்யுதம் ॥ 66 ॥

ஐஶ்வர்யஸ்ய ஸமக்ரஸ்ய ஶ்ரு'ங்காரஸ்யாகிலஸ்ய ச ।

ஸர்வஜ்ஞதாயாஃ ஸர்வாயாஸ்தேஜஸஶ்சாகிலஸ்ய ச ॥ 67 ॥

பராக்ரமஸ்ய ஸர்வஸ்ய ஸர்வோத்தமகுணஸ்ய ச ।

ஸகலா யா தயாயாஶ்ச ஸமாப்திரிஹ பூபதே ॥ 68 ॥

ராஜ்ஞ ஆநந்தமாரப்ய ப்ரஹ்மலோகாந்த பூமிஷு ।

ஆநந்தா யே ஸ்திதாஃ ஸர்வே தேऽத்ரைவாந்தர்பவந்தி ஹி ॥ 69 ॥

இதி தே வர்ணிதம் ராஜந்மணித்வீபம் மஹத்தரம் ।

மஹாதேவ்யாஃ பரம்ஸ்தாநம் ஸர்வலோகோத்தமோத்தமம் ॥ 70 ॥

ஏதஸ்ய ஸ்மரணாத்ஸத்யஃ ஸர்வபாபம் விநஶ்யதி ।

ப்ராணோத்க்ரமணஸந்தௌ து ஸ்ம்ரு'த்வா தத்ரைவ கச்சதி ॥ 71 ॥

அத்யாய பஞ்சகம் த்வேதத்படேந்நித்யம் ஸமாஹிதஃ ।

பூதப்ரேதபிஶாசாதி பாதா தத்ர பவேந்ந ஹி ॥ 72 ॥

நவீந க்ரு'ஹ நிர்மாணே வாஸ்துயாகே ததைவ ச ।

படிதவ்யம் ப்ரயத்நேந கல்யாணம் தேந ஜாயதே ॥ 73 ॥

இதி ஶ்ரீதேவீபாகவதே மஹாபுராணே த்வாதஶஸ்கந்தே த்வாதஶோத்யாயஃ ॥

Roman (IAST) Transliteration

(śrīdevībhāgavataṃ, dvādaśa skandhaṃ, dvādaśo'dhyāyaḥ, maṇidvīpa varṇana - 3)

vyāsa uvāca |

tadeva devīsadanaṃ madhyabhāge virājate |

sahasra stambhasaṃyuktāścatvārasteṣu maṇḍapāḥ || 1 ||

śṛṅgāramaṇḍapaścaiko muktimaṇḍapa eva ca |

jñānamaṇḍapa sañjñastu tṛtīyaḥ parikīrtitaḥ || 2 ||

ekāntamaṇḍapaścaiva caturthaḥ parikīrtitaḥ |

nānā vitānasaṃyuktā nānā dhūpaistu dhūpitāḥ || 3 ||

koṭisūryasamāḥ kāntyā bhrāñjante maṇḍapāḥ śubhāḥ |

tanmaṇḍapānāṃ paritaḥ kāśmīravanikā smṛtā || 4 ||

mallikākundavanikā yatra puṣkalakāḥ sthitāḥ |

asaṅkhyātā mṛgamadaiḥ pūritāstatsravā nṛpa || 5 ||

mahāpadmāṭavī tadvadratnasopānanirmitā |

sudhārasenasampūrṇā guñjanmattamadhuvratā || 6 ||

haṃsakāraṇḍavākīrṇā gandhapūrita diktaṭā |

vanikānāṃ sugandhaistu maṇidvīpaṃ suvāsitam || 7 ||

śṛṅgāramaṇḍape devyo gāyanti vividhaiḥ svaraiḥ |

sabhāsado devavaśā madhye śrījagadambikā || 8 ||

muktimaṇḍapamadhye tu mocayatyaniśaṃ śivā |

jñānopadeśaṃ kurute tṛtīye nṛpa maṇḍape || 9 ||

caturthamaṇḍape caiva jagadrakṣā vicintanam |

mantriṇī sahitā nityaṃ karoti jagadambikā || 10 ||

cintāmaṇigṛhe rājañchakti tattvātmakaiḥ paraiḥ |

sopānairdaśabhiryukto mañcakopyadhirājate || 11 ||

brahmā viṣṇuśca rudraśca īśvaraśca sadāśivaḥ |

ete mañcakhurāḥ proktāḥ phalakastu sadāśivaḥ || 12 ||

tasyopari mahādevo bhuvaneśo virājate |

yā devī nijalīlārthaṃ dvidhābhūtā babhūvaha || 13 ||

sṛṣṭyādau tu sa evāyaṃ tadardhāṅgo maheśvaraḥ |

kandarpa darpanāśodyatkoṭi kandarpasundaraḥ || 14 ||

pañcavaktrastrinetraśca maṇibhūṣaṇa bhūṣitaḥ |

hariṇābhītiparaśūnvaraṃ ca nijabāhubhiḥ || 15 ||

dadhānaḥ ṣoḍaśābdo'sau devaḥ sarveśvaro mahān |

koṭisūrya pratīkāśaścandrakoṭi suśītalaḥ || 16 ||

śuddhasphaṭika saṅkāśastrinetraḥ śītala dyutiḥ |

vāmāṅke sanniṣaṇṇā'sya devī śrībhuvaneśvarī || 17 ||

navaratnagaṇākīrṇa kāñcīdāma virājitā |

taptakāñcanasannaddha vaidūryāṅgadabhūṣaṇā || 18 ||

kanacchrīcakratāṭaṅka viṭaṅka vadanāmbujā |

lalāṭakānti vibhava vijitārdhasudhākarā || 19 ||

bimbakānti tiraskāriradacchada virājitā |

lasatkuṅkumakastūrītilakodbhāsitānanā || 20 ||

divya cūḍāmaṇi sphāra cañcaccandrakasūryakā |

udyatkavisamasvaccha nāsābharaṇa bhāsurā || 21 ||

cintākalambitasvaccha muktāguccha virājitā |

pāṭīra paṅka karpūra kuṅkumālaṅkṛta stanī || 22 ||

vicitra vividhā kalpā kambusaṅkāśa kandharā |

dāḍimīphalabījābha dantapaṅkti virājitā || 23 ||

anarghya ratnaghaṭita mukuṭāñcita mastakā |

mattālimālāvilasadalakāḍhya mukhāmbujā || 24 ||

kalaṅkakārśyanirmukta śaraccandranibhānanā |

jāhnavīsalilāvarta śobhinābhivibhūṣitā || 25 ||

māṇikya śakalābaddha mudrikāṅgulibhūṣitā |

puṇḍarīkadalākāra nayanatrayasundarī || 26 ||

kalpitāccha mahārāga padmarāgojjvalaprabhā |

ratnakiṅkiṇikāyukta ratnakaṅkaṇaśobhitā || 27 ||

maṇimuktāsarāpāra lasatpadakasantatiḥ |

ratnāṅgulipravitata prabhājālalasatkarā || 28 ||

kañcukīgumphitāpāra nānā ratnatatidyutiḥ |

mallikāmodi dhammilla mallikālisarāvṛtā || 29 ||

suvṛttanibiḍottuṅga kucabhārālasā śivā |

varapāśāṅkuśābhīti lasadbāhu catuṣṭayā || 30 ||

sarvaśṛṅgāraveṣāḍhyā sukumārāṅgavallarī |

saundaryadhārāsarvasvā nirvyājakaruṇāmayī || 31 ||

nijasaṃlāpamādhurya vinirbhartsitakacchapī |

koṭikoṭiravīndūnāṃ kāntiṃ yā bibhratī parā || 32 ||

nānā sakhībhirdāsībhistathā devāṅganādibhiḥ |

sarvābhirdevatābhistu samantātpariveṣṭitā || 33 ||

icchāśaktyā jñānaśaktyā kriyāśaktyā samanvitā |

lajjā tuṣṭistathā puṣṭiḥ kīrtiḥ kāntiḥ kṣamā dayā || 34 ||

buddhirmedhāsmṛtirlakṣmīrmūrtimatyoṅganāḥ smṛtāḥ |

jayā ca vijayā caivāpyajitā cāparājitā || 35 ||

nityā vilāsinī dogdhrī tvaghorā maṅgalā navā |

pīṭhaśaktaya etāstu sevante yāṃ parāmbikām || 36 ||

yasyāstu pārśvabhāgestonidhītau śaṅkhapadmakau |

navaratna vahānadyastathā vai kāñcanasravāḥ || 37 ||

saptadhātuvahānadyo nidhibhyāṃ tu vinirgatāḥ |

sudhāsindhvantagāminyastāḥ sarvā nṛpasattama || 38 ||

sā devī bhuvaneśānī tadvāmāṅke virājate |

sarveśa tvaṃ maheśasya yatsaṅgā deva nānyathā || 39 ||

cintāmaṇi gṛhasyā'sya pramāṇaṃ śṛṇu bhūmipa |

sahasrayojanāyāmaṃ mahāntastatpracakṣate || 40 ||

taduttare mahāśālāḥ pūrvasmād dviguṇāḥ smṛtāḥ |

antarikṣagataṃ tvetannirādhāraṃ virājate || 41 ||

saṅkocaśca vikāśaśca jāyate'sya nirantaram |

paṭavatkāryavaśataḥ pralaye sarjane tathā || 42 ||

śālānāṃ caiva sarveṣāṃ sarvakāntiparāvadhi |

cintāmaṇigṛhaṃ proktaṃ yatra devī mahomayī || 43 ||

yeye upāsakāḥ santi pratibrahmāṇḍavartinaḥ |

deveṣu nāgalokeṣu manuṣyeṣvitareṣu ca || 44 ||

śrīdevyāste ca sarvepi vrajantyatraiva bhūmipa |

devīkṣetre ye tyajanti prāṇāndevyarcane ratāḥ || 45 ||

te sarve yānti tatraiva yatra devī mahotsavā |

ghṛtakulyā dugdhakulyā dadhikulyā madhusravāḥ || 46 ||

syandanti saritaḥ sarvāstathāmṛtavahāḥ parāḥ |

drākṣārasavahāḥ kāścijjambūrasavahāḥ parāḥ || 47 ||

āmrekṣurasavāhinyo nadyastāstu sahasraśaḥ |

manorathaphalāvṛkṣāvāpyaḥ kūpāstathaiva ca || 48 ||

yatheṣṭapānaphaladāna nyūnaṃ kiñcidasti hi |

na rogapalitaṃ vāpi jarā vāpi kadācana || 49 ||

na cintā na ca mātsaryaṃ kāmakrodhādikaṃ tathā |

sarve yuvānaḥ sastrīkāḥ sahasrādityavarcasaḥ || 50 ||

bhajanti satataṃ devīṃ tatra śrībhuvaneśvarīm |

kecitsalokatāpannāḥ kecitsāmīpyatāṃ gatāḥ || 51 ||

sarūpatāṃ gatāḥ kecitsārṣṭitāṃ ca paregatāḥ |

yāyāstu devatāstatra pratibrahmāṇḍavartinām || 52 ||

samaṣṭayaḥ sthitāstāstu sevante jagadīśvarīm |

saptakoṭimahāmantrā mūrtimanta upāsate || 53 ||

mahāvidyāśca sakalāḥ sāmyāvasthātmikāṃ śivām |

kāraṇabrahmarūpāṃ tāṃ māyā śabalavigrahām || 54 ||

itthaṃ rājanmayā proktaṃ maṇidvīpaṃ mahattaram |

na sūryacandrau no vidyutkoṭayognistathaiva ca || 55 ||

etasya bhāsā koṭyaṃśa koṭyaṃśo nāpi te samāḥ |

kvacidvidrumasaṅkāśaṃ kvacinmarakatacchavi || 56 ||

vidyudbhānusamacchāyaṃ madhyasūryasamaṃ kvacit |

vidyutkoṭimahādhārā sārakāntitataṃ kvacit || 57 ||

kvacitsindūra nīlendraṃ māṇikya sadṛśacchavi |

hīrasāra mahāgarbha dhagaddhagita diktaṭam || 58 ||

kāntyā dāvānalasamaṃ taptakāñcana sannibham |

kvaciccandropalodgāraṃ sūryodgāraṃ ca kutra cit || 59 ||

ratnaśṛṅgi samāyuktaṃ ratnaprākāra gopuram |

ratnapatrai ratnaphalairvṛkṣaiśca parimaṇḍitam || 60 ||

nṛtyanmayūrasaṅghaiśca kapotaraṇitojjvalam |

kokilākākalīlāpaiḥ śukalāpaiśca śobhitam || 61 ||

suramya ramaṇīyāmbu lakṣāvadhi sarovṛtam |

tanmadhyabhāga vilasadvikacadratna paṅkajaiḥ || 62 ||

sugandhibhiḥ samantāttu vāsitaṃ śatayojanam |

mandamāruta sambhinna caladdruma samākulam || 63 ||

cintāmaṇi samūhānāṃ jyotiṣā vitatāmbaram |

ratnaprabhābhirabhito dhagaddhagita diktaṭam || 64 ||

vṛkṣavrāta mahāgandhavātavrāta supūritam |

dhūpadhūpāyitaṃ rājanmaṇidīpāyutojjvalam || 65 ||

maṇijālaka sacchidra taralodarakāntibhiḥ |

diṅmohajanakaṃ caitaddarpaṇodara saṃyutam || 66 ||

aiśvaryasya samagrasya śṛṅgārasyākhilasya ca |

sarvajñatāyāḥ sarvāyāstejasaścākhilasya ca || 67 ||

parākramasya sarvasya sarvottamaguṇasya ca |

sakalā yā dayāyāśca samāptiriha bhūpate || 68 ||

rājña ānandamārabhya brahmalokānta bhūmiṣu |

ānandā ye sthitāḥ sarve te'traivāntarbhavanti hi || 69 ||

iti te varṇitaṃ rājanmaṇidvīpaṃ mahattaram |

mahādevyāḥ paraṃsthānaṃ sarvalokottamottamam || 70 ||

etasya smaraṇātsadyaḥ sarvapāpaṃ vinaśyati |

prāṇotkramaṇasandhau tu smṛtvā tatraiva gacchati || 71 ||

adhyāya pañcakaṃ tvetatpaṭhennityaṃ samāhitaḥ |

bhūtapretapiśācādi bādhā tatra bhavenna hi || 72 ||

navīna gṛha nirmāṇe vāstuyāge tathaiva ca |

paṭhitavyaṃ prayatnena kalyāṇaṃ tena jāyate || 73 ||

iti śrīdevībhāgavate mahāpurāṇe dvādaśaskandhe dvādaśodhyāyaḥ ||