Kalyanavrishti Stavah — InfoLyter.in

ॐ

கல்யாணவ்ரு'ஷ்டி ஸ்தவஃ

Kalyanavrishti Stavah

Tamil

கல்யாணவ்ரு'ஷ்டிபிரிவாம்ரு'தபூரிதாபி-

-ர்லக்ஷ்மீஸ்வயம்வரணமங்கலதீபிகாபிஃ ।

ஸேவாபிரம்ப தவ பாதஸரோஜமூலே

நாகாரி கிம் மநஸி பாக்யவதாம் ஜநாநாம் ॥ 1 ॥

ஏதாவதேவ ஜநநி ஸ்ப்ரு'ஹணீயமாஸ்தே

த்வத்வந்தநேஷு ஸலிலஸ்தகிதே ச நேத்ரே ।

ஸாந்நித்யமுத்யதருணாயுதஸோதரஸ்ய

த்வத்விக்ரஹஸ்ய பரயா ஸுதயாப்லுதஸ்ய ॥ 2 ॥

ஈஶத்வநாமகலுஷாஃ கதி வா ந ஸந்தி

ப்ரஹ்மாதயஃ ப்ரதிபவம் ப்ரலயாபிபூதாஃ ।

ஏகஃ ஸ ஏவ ஜநநி ஸ்திரஸித்திராஸ்தே

யஃ பாதயோஸ்தவ ஸக்ரு'த்ப்ரணதிம் கரோதி ॥ 3 ॥

லப்த்வா ஸக்ரு'த்த்ரிபுரஸுந்தரி தாவகீநம்

காருண்யகந்தலிதகாந்திபரம் கடாக்ஷம் ।

கந்தர்பகோடிஸுபகாஸ்த்வயி பக்திபாஜஃ

ஸம்மோஹயந்தி தருணீர்புவநத்ரயேऽபி ॥ 4 ॥

ஹ்ரீம்‍காரமேவ தவ நாம க்ரு'ணந்தி வேதா

மாதஸ்த்ரிகோணநிலயே த்ரிபுரே த்ரிநேத்ரே ।

த்வத்ஸம்ஸ்ம்ரு'தௌ யமபடாபிபவம் விஹாய

தீவ்யந்தி நந்தநவநே ஸஹ லோகபாலைஃ ॥ 5 ॥

ஹந்துஃ புராமதிகலம் பரிபீயமாநஃ

க்ரூரஃ கதம் ந பவிதா கரலஸ்ய வேகஃ ।

நாஶ்வாஸநாய யதி மாதரிதம் தவார்தம்

தேஹஸ்ய ஶஶ்வதம்ரு'தாப்லுதஶீதலஸ்ய ॥ 6 ॥

ஸர்வஜ்ஞதாம் ஸதஸி வாக்படுதாம் ப்ரஸூதே

தேவி த்வதங்க்ரிஸரஸீருஹயோஃ ப்ரணாமஃ ।

கிம் ச ஸ்புரந்மகுடமுஜ்ஜ்வலமாதபத்ரம்

த்வே சாமரே ச மஹதீம் வஸுதாம் ததாதி ॥ 7 ॥

கல்பத்ருமைரபிமதப்ரதிபாதநேஷு

காருண்யவாரிதிபிரம்ப பவாத்கடாக்ஷைஃ ।

ஆலோகய த்ரிபுரஸுந்தரி மாமநாதம்

த்வய்யேவ பக்திபரிதம் த்வயி பத்தத்ரு'ஷ்ணம் ॥ 8 ॥

ஹந்தேதரேஷ்வபி மநாம்ஸி நிதாய சாந்யே

பக்திம் வஹந்தி கில பாமரதைவதேஷு ।

த்வாமேவ தேவி மநஸா ஸமநுஸ்மராமி

த்வாமேவ நௌமி ஶரணம் ஜநநி த்வமேவ ॥ 9 ॥

லக்ஷ்யேஷு ஸத்ஸ்வபி கடாக்ஷநிரீக்ஷணாநா-

-மாலோகய த்ரிபுரஸுந்தரி மாம் கதாசித் ।

நூநம் மயா து ஸத்ரு'ஶஃ கருணைகபாத்ரம்

ஜாதோ ஜநிஷ்யதி ஜநோ ந ச ஜாயதே வா ॥ 10 ॥

ஹ்ரீம் ஹ்ரீமிதி ப்ரதிதிநம் ஜபதாம் தவாக்யாம்

கிம் நாம துர்லபமிஹ த்ரிபுராதிவாஸே ।

மாலாகிரீடமதவாரணமாநநீயா

தாந்ஸேவதே வஸுமதீ ஸ்வயமேவ லக்ஷ்மீஃ ॥ 11 ॥

ஸம்பத்கராணி ஸகலேந்த்ரியநந்தநாநி

ஸாம்ராஜ்யதாநநிரதாநி ஸரோருஹாக்ஷி ।

த்வத்வந்தநாநி துரிதாஹரணோத்யதாநி

மாமேவ மாதரநிஶம் கலயந்து நாந்யம் ॥ 12 ॥

கல்போபஸம்ஹ்ரு'திஷு கல்பிததாண்டவஸ்ய

தேவஸ்ய கண்டபரஶோஃ பரபைரவஸ்ய ।

பாஶாங்குஶைக்ஷவஶராஸநபுஷ்பபாணா

ஸா ஸாக்ஷிணீ விஜயதே தவ மூர்திரேகா ॥ 13 ॥

லக்நம் ஸதா பவது மாதரிதம் தவார்தம்

தேஜஃ பரம் பஹுலகுங்குமபங்கஶோணம் ।

பாஸ்வத்கிரீடமம்ரு'தாம்ஶுகலாவதம்ஸம்

மத்யே த்ரிகோணநிலயம் பரமாம்ரு'தார்த்ரம் ॥ 14 ॥

ஹ்ரீம்‍காரமேவ தவ நாம ததேவ ரூபம்

த்வந்நாம துர்லபமிஹ த்ரிபுரே க்ரு'ணந்தி ।

த்வத்தேஜஸா பரிணதம் வியதாதிபூதம்

ஸௌக்யம் தநோதி ஸரஸீருஹஸம்பவாதேஃ ॥ 15 ॥

ஹ்ரீம்‍காரத்ரயஸம்புடேந மஹதா மந்த்ரேண ஸந்தீபிதம்

ஸ்தோத்ரம் யஃ ப்ரதிவாஸரம் தவ புரோ மாதர்ஜபேந்மந்த்ரவித் ।

தஸ்ய க்ஷோணிபுஜோ பவந்தி வஶகா லக்ஷ்மீஶ்சிரஸ்தாயிநீ

வாணீ நிர்மலஸூக்திபாரபாரிதா ஜாகர்தி தீர்கம் வயஃ ॥ 16 ॥

இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோவிந்தபகவத்பூஜ்யபாதஶிஷ்யஸ்ய ஶ்ரீமச்சங்கரபகவதஃ க்ரு'தௌ கல்யாணவ்ரு'ஷ்டி ஸ்தவஃ ।

Roman (IAST) Transliteration

kalyāṇavṛṣṭibhirivāmṛtapūritābhi-

-rlakṣmīsvayaṃvaraṇamaṅgaladīpikābhiḥ |

sevābhiramba tava pādasarojamūle

nākāri kiṃ manasi bhāgyavatāṃ janānām || 1 ||

etāvadeva janani spṛhaṇīyamāste

tvadvandaneṣu salilasthagite ca netre |

sānnidhyamudyadaruṇāyutasodarasya

tvadvigrahasya parayā sudhayāplutasya || 2 ||

īśatvanāmakaluṣāḥ kati vā na santi

brahmādayaḥ pratibhavaṃ pralayābhibhūtāḥ |

ekaḥ sa eva janani sthirasiddhirāste

yaḥ pādayostava sakṛtpraṇatiṃ karoti || 3 ||

labdhvā sakṛttripurasundari tāvakīnaṃ

kāruṇyakandalitakāntibharaṃ kaṭākṣam |

kandarpakoṭisubhagāstvayi bhaktibhājaḥ

sammohayanti taruṇīrbhuvanatraye'pi || 4 ||

hrīṃ‍kārameva tava nāma gṛṇanti vedā

mātastrikoṇanilaye tripure trinetre |

tvatsaṃsmṛtau yamabhaṭābhibhavaṃ vihāya

dīvyanti nandanavane saha lokapālaiḥ || 5 ||

hantuḥ purāmadhigalaṃ paripīyamānaḥ

krūraḥ kathaṃ na bhavitā garalasya vegaḥ |

nāśvāsanāya yadi mātaridaṃ tavārthaṃ

dehasya śaśvadamṛtāplutaśītalasya || 6 ||

sarvajñatāṃ sadasi vākpaṭutāṃ prasūte

devi tvadaṅghrisarasīruhayoḥ praṇāmaḥ |

kiṃ ca sphuranmakuṭamujjvalamātapatraṃ

dve cāmare ca mahatīṃ vasudhāṃ dadāti || 7 ||

kalpadrumairabhimatapratipādaneṣu

kāruṇyavāridhibhiramba bhavātkaṭākṣaiḥ |

ālokaya tripurasundari māmanāthaṃ

tvayyeva bhaktibharitaṃ tvayi baddhatṛṣṇam || 8 ||

hantetareṣvapi manāṃsi nidhāya cānye

bhaktiṃ vahanti kila pāmaradaivateṣu |

tvāmeva devi manasā samanusmarāmi

tvāmeva naumi śaraṇaṃ janani tvameva || 9 ||

lakṣyeṣu satsvapi kaṭākṣanirīkṣaṇānā-

-mālokaya tripurasundari māṃ kadācit |

nūnaṃ mayā tu sadṛśaḥ karuṇaikapātraṃ

jāto janiṣyati jano na ca jāyate vā || 10 ||

hrīṃ hrīmiti pratidinaṃ japatāṃ tavākhyāṃ

kiṃ nāma durlabhamiha tripurādhivāse |

mālākirīṭamadavāraṇamānanīyā

tānsevate vasumatī svayameva lakṣmīḥ || 11 ||

sampatkarāṇi sakalendriyanandanāni

sāmrājyadānaniratāni saroruhākṣi |

tvadvandanāni duritāharaṇodyatāni

māmeva mātaraniśaṃ kalayantu nānyam || 12 ||

kalpopasaṃhṛtiṣu kalpitatāṇḍavasya

devasya khaṇḍaparaśoḥ parabhairavasya |

pāśāṅkuśaikṣavaśarāsanapuṣpabāṇā

sā sākṣiṇī vijayate tava mūrtirekā || 13 ||

lagnaṃ sadā bhavatu mātaridaṃ tavārdhaṃ

tejaḥ paraṃ bahulakuṅkumapaṅkaśoṇam |

bhāsvatkirīṭamamṛtāṃśukalāvataṃsaṃ

madhye trikoṇanilayaṃ paramāmṛtārdram || 14 ||

hrīṃ‍kārameva tava nāma tadeva rūpaṃ

tvannāma durlabhamiha tripure gṛṇanti |

tvattejasā pariṇataṃ viyadādibhūtaṃ

saukhyaṃ tanoti sarasīruhasambhavādeḥ || 15 ||

hrīṃ‍kāratrayasampuṭena mahatā mantreṇa sandīpitaṃ

stotraṃ yaḥ prativāsaraṃ tava puro mātarjapenmantravit |

tasya kṣoṇibhujo bhavanti vaśagā lakṣmīścirasthāyinī

vāṇī nirmalasūktibhārabhāritā jāgarti dīrghaṃ vayaḥ || 16 ||

iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau kalyāṇavṛṣṭi stavaḥ |