Gitagovindam Dashamah Sargah - Chatura Chaturbhujah

ॐ

கீதகோவிந்தம் தஶமஃ ஸர்கஃ - சதுர சதுர்புஜஃ

Vishnu Gita Jayadeva Tamil

॥ தஶமஃ ஸர்கஃ ॥

॥ சதுரசதுர்புஜஃ ॥

அத்ராந்தரே மஸ்ரு'ணரோஷவஶாமஸீம்-நிஃஶ்வாஸநிஃஸஹமுகீம் ஸுமுகீமுபேத்ய ।

ஸவ்ரீடமீக்ஷிதஸகீவதநாம் திநாந்தே ஸாநந்தகத்கதபதம் ஹரிரித்யுவாச ॥ 53 ॥

॥ கீதம் 19 ॥

வதஸி யதி கிஞ்சிதபி தந்தருசிகௌமுதீ ஹரதி தரதிமிரமதிகோரம் ।

ஸ்புரததரஸீதவே தவ வதநசந்த்ரமா ரோசயது லோசநசகோரம் ॥

ப்ரியே சாருஶீலே முஞ்ச மயி மாநமநிதாநம் ஸபதி மதநாநலோ தஹதி மம மாநஸம் தேஹி முககமலமதுபாநம் ॥ 1 ॥

ஸத்யமேவாஸி யதி ஸுததி மயி கோபிநீ தேஹி கரநகஶரகாதம் ।

கடய புஜபந்தநம் ஜநய ரதகண்டநம் யேந வா பவதி ஸுகஜாதம் ॥ 2 ॥

த்வமஸி மம பூஷணம் த்வமஸி மம ஜீவநம் த்வமஸி பவஜலதிரத்நம் ।

பவது பவதீஹ மயி ஸததமநோரோதிநி தத்ர மம ஹ்ரு'தயமதிரத்நம் ॥ 3 ॥

நீலநலிநாபமபி தந்வி தவ லோசநம் தாரயதி கோகநதரூபம் ।

குஸுமஶரபாணபாவேந யதி ரஞ்ஜயஸி க்ரு'ஷ்ணமிதமேததநுரூபம் ॥ 4 ॥

ஸ்புரது குசகும்பயோருபரி மணிமஞ்ஜரீ ரஞ்ஜயது தவ ஹ்ரு'தயதேஶம் ।

ரஸது ரஶநாபி தவ கநஜகநமண்டலே கோஷயது மந்மதநிதேஶம் ॥ 5 ॥

ஸ்தலகமலகஞ்ஜநம் மம ஹ்ரு'தயரஞ்ஜநம் ஜநிதரதிரங்கபரபாகம் ।

பண மஸ்ரு'ணவாணி கரவாணி பதபங்கஜம் ஸரஸலஸதலக்தகராகம் ॥ 6 ॥

ஸ்மரகரலகண்டநம் மம ஶிரஸி மண்டநம் தேஹி பதபல்லவமுதாரம் ।

ஜ்வலதி மயி தாருணோ மதநகதநாருணோ ஹரது ததுபாஹிதவிகாரம் ॥ 7 ॥

இதி சடுலசாடுபடுசாரு முரவைரிணோ ராதிகாமதி வசநஜாதம் ।

ஜயதி பத்மாவதீரமணஜயதேவகவி-பாரதீபணிதமதிஶாதம் ॥ 8 ॥

பரிஹர க்ரு'தாதங்கே ஶங்காம் த்வயா ஸததம் கந-ஸ்தநஜகநயாக்ராந்தே ஸ்வாந்தே பராநவகாஶிநி ।

விஶதி விதநோரந்யோ தந்யோ ந கோऽபி மமாந்தரம் ஸ்தநபரபரீரம்பாரம்பே விதேஹி விதேயதாம் ॥ 54 ॥

முக்தே விதேஹி மயி நிர்தயதந்ததம்ஶ-தோர்வல்லிபந்தநிபிடஸ்தநபீடநாநி ।

சண்டி த்வமேவ முதமஞ்ச ந பஞ்சபாண-சண்டாலகாண்டதலநாதஸவஃ ப்ரயாந்து ॥ 55 ॥

வ்யதயதி வ்ரு'தா மௌநம் தந்வி ப்ரபஞ்சய பஞ்சமம் தருணீ மதுராலாபைஸ்தாபம் விநோதய த்ரு'ஷ்டிபிஃ ।

ஸுமுகி விமுகீபாவம் தாவத்விமுஞ்ச ந முஞ்ச மாம் ஸ்வயமதிஶயஸ்நிக்தோ முக்தே ப்ரியிऽஹமுபஸ்திதஃ ॥ 56 ॥

பந்தூகத்யுதிபாந்தவோऽயமதரஃ ஸ்நிக்தோ மதூகச்சவி-ர்கண்டஶ்சண்டி சகாஸ்தி நீலநலிநஶ்ரீமோசநம் லோசநம் ।

நாஸாப்யேதி திலப்ரஸூநபதவீம் குந்தாபதாந்தி ப்ரியே ப்ராயஸ்த்வந்முகஸேவயா விஜயதே விஶ்வம் ஸ புஷ்பாயுதஃ ॥ 57 ॥

த்ரு'ஶௌ தவ மதாலஸே வதநமிந்துஸந்தீபகம் கதிர்ஜநமநோரமா விதுதரம்பமூருத்வயம் ।

ரதிஸ்தவ கலாவதீ ருசிரசித்ரலேகே ப்ருவா-வஹோ விபுதயௌவநம் வஹஸி தந்வீ ப்ரு'த்வீகதா ॥ 58 ॥

॥ இதி ஶ்ரீகீதகோவிந்தே மாநிநீவர்ணநே சதுரசதுர்புஜோ நாம தஶமஃ ஸர்கஃ ॥

Roman (IAST) Transliteration

|| daśamaḥ sargaḥ ||

|| caturacaturbhujaḥ ||

atrāntare masṛṇaroṣavaśāmasīm-niḥśvāsaniḥsahamukhīṃ sumukhīmupetya |

savrīḍamīkṣitasakhīvadanāṃ dinānte sānandagadgadapadaṃ harirityuvāca || 53 ||

|| gītaṃ 19 ||

vadasi yadi kiñcidapi dantarucikaumudī harati daratimiramatighoram |

sphuradadharasīdhave tava vadanacandramā rocayatu locanacakoram ||

priye cāruśīle muñca mayi mānamanidānaṃ sapadi madanānalo dahati mama mānasaṃ dehi mukhakamalamadhupānam || 1 ||

satyamevāsi yadi sudati mayi kopinī dehi kharanakhaśaraghātam |

ghaṭaya bhujabandhanaṃ janaya radakhaṇḍanaṃ yena vā bhavati sukhajātam || 2 ||

tvamasi mama bhūṣaṇaṃ tvamasi mama jīvanaṃ tvamasi bhavajaladhiratnam |

bhavatu bhavatīha mayi satatamanorodhini tatra mama hṛdayamatiratnam || 3 ||

nīlanalinābhamapi tanvi tava locanaṃ dhārayati kokanadarūpam |

kusumaśarabāṇabhāvena yadi rañjayasi kṛṣṇamidametadanurūpam || 4 ||

sphuratu kucakumbhayorupari maṇimañjarī rañjayatu tava hṛdayadeśam |

rasatu raśanāpi tava ghanajaghanamaṇḍale ghoṣayatu manmathanideśam || 5 ||

sthalakamalagañjanaṃ mama hṛdayarañjanaṃ janitaratiraṅgaparabhāgam |

bhaṇa masṛṇavāṇi karavāṇi padapaṅkajaṃ sarasalasadalaktakarāgam || 6 ||

smaragaralakhaṇḍanaṃ mama śirasi maṇḍanaṃ dehi padapallavamudāram |

jvalati mayi dāruṇo madanakadanāruṇo haratu tadupāhitavikāram || 7 ||

iti caṭulacāṭupaṭucāru muravairiṇo rādhikāmadhi vacanajātam |

jayati padmāvatīramaṇajayadevakavi-bhāratībhaṇitamatiśātam || 8 ||

parihara kṛtātaṅke śaṅkāṃ tvayā satataṃ ghana-stanajaghanayākrānte svānte parānavakāśini |

viśati vitanoranyo dhanyo na ko'pi mamāntaraṃ stanabharaparīrambhārambhe vidhehi vidheyatām || 54 ||

mugdhe vidhehi mayi nirdayadantadaṃśa-dorvallibandhanibiḍastanapīḍanāni |

caṇḍi tvameva mudamañca na pañcabāṇa-caṇḍālakāṇḍadalanādasavaḥ prayāntu || 55 ||

vyathayati vṛthā maunaṃ tanvi prapañcaya pañcamaṃ taruṇī madhurālāpaistāpaṃ vinodaya dṛṣṭibhiḥ |

sumukhi vimukhībhāvaṃ tāvadvimuñca na muñca māṃ svayamatiśayasnigdho mugdhe priyi'hamupasthitaḥ || 56 ||

bandhūkadyutibāndhavo'yamadharaḥ snigdho madhūkaccavi-rgaṇḍaścaṇḍi cakāsti nīlanalinaśrīmocanaṃ locanam |

nāsābhyeti tilaprasūnapadavīṃ kundābhadānti priye prāyastvanmukhasevayā vijayate viśvaṃ sa puṣpāyudhaḥ || 57 ||

dṛśau tava madālase vadanamindusandīpakaṃ gatirjanamanoramā vidhutarambhamūrudvayam |

ratistava kalāvatī ruciracitralekhe bhruvā-vaho vibudhayauvanaṃ vahasi tanvī pṛthvīgatā || 58 ||

|| iti śrīgītagovinde māninīvarṇane caturacaturbhujo nāma daśamaḥ sargaḥ ||