Gayatryashtakam (gayatri Ashtakam)

ॐ

காயத்ர்யஷ்டகம் (கயத்ரீ அஷ்டகம்)

Ashtakam Tamil

விஶ்வாமித்ரதபஃபலாம் ப்ரியதராம் விப்ராலிஸம்ஸேவிதாம்

நித்யாநித்யவிவேகதாம் ஸ்மிதமுகீம் கண்டேந்துபூஷோஜ்ஜ்வலாம் ।

தாம்பூலாருணபாஸமாநவதநாம் மார்தாண்டமத்யஸ்திதாம்

காயத்ரீம் ஹரிவல்லபாம் த்ரிணயநாம் த்யாயாமி பஞ்சாநநாம் ॥ 1 ॥

ஜாதீபங்கஜகேதகீகுவலயைஃ ஸம்பூஜிதாங்க்ரித்வயாம்

தத்த்வார்தாத்மிகவர்ணபங்க்திஸஹிதாம் தத்த்வார்தபுத்திப்ரதாம் ।

ப்ராணாயாமபராயணைர்புதஜநைஃ ஸம்ஸேவ்யமாநாம் ஶிவாம்

காயத்ரீம் ஹரிவல்லபாம் த்ரிணயநாம் த்யாயாமி பஞ்சாநநாம் ॥ 2 ॥

மஞ்ஜீரத்வநிபிஃ ஸமஸ்தஜகதாம் மஞ்ஜுத்வஸம்வர்தநீம்

விப்ரப்ரேங்கிதவாரிவாரிதமஹாரக்ஷோகணாம் ம்ரு'ண்மயீம் ।

ஜப்துஃ பாபஹராம் ஜபாஸுமநிபாம் ஹம்ஸேந ஸம்ஶோபிதாம்

காயத்ரீம் ஹரிவல்லபாம் த்ரிணயநாம் த்யாயாமி பஞ்சாநநாம் ॥ 3 ॥

காஞ்சீசேலவிபூஷிதாம் ஶிவமயீம் மாலார்தமாலாதிகா-

-ந்பிப்ராணாம் பரமேஶ்வரீம் ஶரணதாம் மோஹாந்தபுத்திச்சிதாம் ।

பூராதித்ரிபுராம் த்ரிலோகஜநநீமத்யாத்மஶாகாநுதாம்

காயத்ரீம் ஹரிவல்லபாம் த்ரிணயநாம் த்யாயாமி பஞ்சாநநாம் ॥ 4 ॥

த்யாதுர்கர்பக்ரு'ஶாநுதாபஹரணாம் ஸாமாத்மிகாம் ஸாமகாம்

ஸாயங்காலஸுஸேவிதாம் ஸ்வரமயீம் தூர்வாதலஶ்யாமலாம் ।

மாதுர்தாஸ்யவிலோசநைகமதிமத்கேடீந்த்ரஸம்ராஜிதாம்

காயத்ரீம் ஹரிவல்லபாம் த்ரிணயநாம் த்யாயாமி பஞ்சாநநாம் ॥ 5 ॥

ஸந்த்யாராகவிசித்ரவஸ்த்ரவிலஸத்விப்ரோத்தமைஃ ஸேவிதாம்

தாராஹாரஸுமாலிகாம் ஸுவிலஸத்ரத்நேந்துகும்பாந்தராம் ।

ராகாசந்த்ரமுகீம் ரமாபதிநுதாம் ஶங்காதிபாஸ்வத்கராம்

காயத்ரீம் ஹரிவல்லபாம் த்ரிணயநாம் த்யாயாமி பஞ்சாநநாம் ॥ 6 ॥

வேணீபூஷிதமாலகத்வநிகரைர்ப்ரு'ங்கைஃ ஸதா ஶோபிதாம்

தத்த்வஜ்ஞாநரஸாயநஜ்ஞரஸநாஸௌதப்ரமத்ப்ராமரீம் ।

நாஸாலங்க்ரு'தமௌக்திகேந்துகிரணைஃ ஸாயந்தமஶ்சேதிநீம்

காயத்ரீம் ஹரிவல்லபாம் த்ரிணயநாம் த்யாயாமி பஞ்சாநநாம் ॥ 7 ॥

பாதாப்ஜாந்தரரேணுகுங்குமலஸத்பாலத்யுராமாவ்ரு'தாம்

ரம்பாநாட்யவிலோகநைகரஸிகாம் வேதாந்தபுத்திப்ரதாம் ।

வீணாவேணும்ரு'தங்ககாஹலரவாந் தேவைஃ க்ரு'தாஞ்ச்ரு'ண்வதீம்

காயத்ரீம் ஹரிவல்லபாம் த்ரிணயநாம் த்யாயாமி பஞ்சாநநாம் ॥ 8 ॥

ஹத்யாபாநஸுவர்ணதஸ்கரமஹாகுர்வங்கநாஸங்கமா-

-ந்தோஷாஞ்சைலஸமாந் புரந்தரஸமாஃ ஸஞ்ச்சித்ய ஸூர்யோபமாஃ ।

காயத்ரீம் ஶ்ருதிமாதுரேகமநஸா ஸந்த்யாஸு யே பூஸுரா

ஜப்த்வா யாந்தி பராம் கதிம் மநுமிமம் தேவ்யாஃ பரம் வைதிகாஃ ॥ 9 ॥

இதி ஶ்ரீமச்சங்கராசார்ய விரசிதம் ஶ்ரீ காயத்ர்யஷ்டகம் ।

Roman (IAST) Transliteration

viśvāmitratapaḥphalāṃ priyatarāṃ viprālisaṃsevitāṃ

nityānityavivekadāṃ smitamukhīṃ khaṇḍendubhūṣojjvalām |

tāmbūlāruṇabhāsamānavadanāṃ mārtāṇḍamadhyasthitāṃ

gāyatrīṃ harivallabhāṃ triṇayanāṃ dhyāyāmi pañcānanām || 1 ||

jātīpaṅkajaketakīkuvalayaiḥ sampūjitāṅghridvayāṃ

tattvārthātmikavarṇapaṅktisahitāṃ tattvārthabuddhipradām |

prāṇāyāmaparāyaṇairbudhajanaiḥ saṃsevyamānāṃ śivāṃ

gāyatrīṃ harivallabhāṃ triṇayanāṃ dhyāyāmi pañcānanām || 2 ||

mañjīradhvanibhiḥ samastajagatāṃ mañjutvasaṃvardhanīṃ

viprapreṅkhitavārivāritamahārakṣogaṇāṃ mṛṇmayīm |

japtuḥ pāpaharāṃ japāsumanibhāṃ haṃsena saṃśobhitāṃ

gāyatrīṃ harivallabhāṃ triṇayanāṃ dhyāyāmi pañcānanām || 3 ||

kāñcīcelavibhūṣitāṃ śivamayīṃ mālārdhamālādikā-

-nbibhrāṇāṃ parameśvarīṃ śaraṇadāṃ mohāndhabuddhicchidām |

bhūrāditripurāṃ trilokajananīmadhyātmaśākhānutāṃ

gāyatrīṃ harivallabhāṃ triṇayanāṃ dhyāyāmi pañcānanām || 4 ||

dhyāturgarbhakṛśānutāpaharaṇāṃ sāmātmikāṃ sāmagāṃ

sāyaṅkālasusevitāṃ svaramayīṃ dūrvādalaśyāmalām |

māturdāsyavilocanaikamatimatkheṭīndrasaṃrājitāṃ

gāyatrīṃ harivallabhāṃ triṇayanāṃ dhyāyāmi pañcānanām || 5 ||

sandhyārāgavicitravastravilasadviprottamaiḥ sevitāṃ

tārāhārasumālikāṃ suvilasadratnendukumbhāntarām |

rākācandramukhīṃ ramāpatinutāṃ śaṅkhādibhāsvatkarāṃ

gāyatrīṃ harivallabhāṃ triṇayanāṃ dhyāyāmi pañcānanām || 6 ||

veṇībhūṣitamālakadhvanikarairbhṛṅgaiḥ sadā śobhitāṃ

tattvajñānarasāyanajñarasanāsaudhabhramadbhrāmarīm |

nāsālaṅkṛtamauktikendukiraṇaiḥ sāyantamaśchedinīṃ

gāyatrīṃ harivallabhāṃ triṇayanāṃ dhyāyāmi pañcānanām || 7 ||

pādābjāntarareṇukuṅkumalasatphāladyurāmāvṛtāṃ

rambhānāṭyavilokanaikarasikāṃ vedāntabuddhipradām |

vīṇāveṇumṛdaṅgakāhalaravān devaiḥ kṛtāñchṛṇvatīṃ

gāyatrīṃ harivallabhāṃ triṇayanāṃ dhyāyāmi pañcānanām || 8 ||

hatyāpānasuvarṇataskaramahāgurvaṅganāsaṅgamā-

-ndoṣāñchailasamān purandarasamāḥ sañcchidya sūryopamāḥ |

gāyatrīṃ śrutimāturekamanasā sandhyāsu ye bhūsurā

japtvā yānti parāṃ gatiṃ manumimaṃ devyāḥ paraṃ vaidikāḥ || 9 ||

iti śrīmacchaṅkarācārya viracitaṃ śrī gāyatryaṣṭakam |