Dvadasha Jyotirlinga Stotram

ॐ

த்வாதஶ ஜ்யோதிர்லிங்க ஸ்தோத்ரம்

Shiva Dwadasanamam Adi Shankaracharya Tamil

லகு ஸ்தோத்ரம்

ஸௌராஷ்ட்ரே ஸோமநாதஞ்ச ஶ்ரீஶைலே மல்லிகார்ஜுநம் ।

உஜ்ஜயிந்யாம் மஹாகாலம் ஓங்காரேத்வமாமலேஶ்வரம் ॥

பர்ல்யாம் வைத்யநாதஞ்ச டாகிந்யாம் பீம ஶங்கரம் ।

ஸேதுபந்தேது ராமேஶம் நாகேஶம் தாருகாவநே ॥

வாரணாஶ்யாந்து விஶ்வேஶம் த்ரயம்பகம் கௌதமீதடே ।

ஹிமாலயேது கேதாரம் க்ரு'ஷ்ணேஶந்து விஶாலகே ॥

ஏதாநி ஜ்யோதிர்லிங்காநி ஸாயம் ப்ராதஃ படேந்நரஃ ।

ஸப்த ஜந்ம க்ரு'தம் பாபம் ஸ்மரணேந விநஶ்யதி ॥

ஸம்பூர்ண ஸ்தோத்ரம்

ஸௌராஷ்ட்ரதேஶே விஶதேऽதிரம்யே ஜ்யோதிர்மயம் சந்த்ரகலாவதம்ஸம் ।

பக்தப்ரதாநாய க்ரு'பாவதீர்ணம் தம் ஸோமநாதம் ஶரணம் ப்ரபத்யே ॥ 1 ॥

ஶ்ரீஶைலஶ்ரு'ங்கே விவிதப்ரஸங்கே ஶேஷாத்ரிஶ்ரு'ங்கேऽபி ஸதா வஸந்தம் ।

தமர்ஜுநம் மல்லிகபூர்வமேநம் நமாமி ஸம்ஸாரஸமுத்ரஸேதும் ॥ 2 ॥

அவந்திகாயாம் விஹிதாவதாரம் முக்திப்ரதாநாய ச ஸஜ்ஜநாநாம் ।

அகாலம்ரு'த்யோஃ பரிரக்ஷணார்தம் வந்தே மஹாகாலமஹாஸுரேஶம் ॥ 3 ॥

காவேரிகாநர்மதயோஃ பவித்ரே ஸமாகமே ஸஜ்ஜநதாரணாய ।

ஸதைவ மாந்தாத்ரு'புரே வஸந்தம் ஓங்காரமீஶம் ஶிவமேகமீடே ॥ 4 ॥

பூர்வோத்தரே ப்ரஜ்வலிகாநிதாநே ஸதா வஸம் தம் கிரிஜாஸமேதம் ।

ஸுராஸுராராதிதபாதபத்மம் ஶ்ரீவைத்யநாதம் தமஹம் நமாமி ॥ 5 ॥

யம் டாகிநிஶாகிநிகாஸமாஜே நிஷேவ்யமாணம் பிஶிதாஶநைஶ்ச ।

ஸதைவ பீமாதிபதப்ரஸித்தம் தம் ஶங்கரம் பக்தஹிதம் நமாமி ॥ 6 ॥

ஶ்ரீதாம்ரபர்ணீஜலராஶியோகே நிபத்ய ஸேதும் விஶிகைரஸங்க்யைஃ ।

ஶ்ரீராமசந்த்ரேண ஸமர்பிதம் தம் ராமேஶ்வராக்யம் நியதம் நமாமி ॥ 7 ॥

யாம்யே ஸதங்கே நகரேऽதிரம்யே விபூஷிதாங்கம் விவிதைஶ்ச போகைஃ ।

ஸத்பக்திமுக்திப்ரதமீஶமேகம் ஶ்ரீநாகநாதம் ஶரணம் ப்ரபத்யே ॥ 8 ॥

ஸாநந்தமாநந்தவநே வஸந்தம் ஆநந்தகந்தம் ஹதபாபப்ரு'ந்தம் ।

வாராணஸீநாதமநாதநாதம் ஶ்ரீவிஶ்வநாதம் ஶரணம் ப்ரபத்யே ॥ 9 ॥

ஸஹ்யாத்ரிஶீர்ஷே விமலே வஸந்தம் கோதாவரிதீரபவித்ரதேஶே ।

யத்தர்ஶநாத் பாதகம் பாஶு நாஶம் ப்ரயாதி தம் த்ர்யம்பகமீஶமீடே ॥ 10 ॥

மஹாத்ரிபார்ஶ்வே ச தடே ரமந்தம் ஸம்பூஜ்யமாநம் ஸததம் முநீந்த்ரைஃ ।

ஸுராஸுரைர்யக்ஷ மஹோரகாட்யைஃ கேதாரமீஶம் ஶிவமேகமீடே ॥ 11 ॥

இலாபுரே ரம்யவிஶாலகேऽஸ்மிந் ஸமுல்லஸந்தம் ச ஜகத்வரேண்யம் ।

வந்தே மஹோதாரதரஸ்வபாவம் க்ரு'ஷ்ணேஶ்வராக்யம் ஶரணம் ப்ரபத்யே ॥ 12 ॥

ஜ்யோதிர்மயத்வாதஶலிங்ககாநாம் ஶிவாத்மநாம் ப்ரோக்தமிதம் க்ரமேண ।

ஸ்தோத்ரம் படித்வா மநுஜோऽதிபக்த்யா பலம் ததாலோக்ய நிஜம் பஜேச்ச ॥

Roman (IAST) Transliteration

laghu stotram

saurāṣṭre somanādhañca śrīśaile mallikārjunam |

ujjayinyāṃ mahākālaṃ oṅkāretvamāmaleśvaram ||

parlyāṃ vaidyanādhañca ḍhākinyāṃ bhīma śaṅkaram |

setubandhetu rāmeśaṃ nāgeśaṃ dārukāvane ||

vāraṇāśyāntu viśveśaṃ trayambakaṃ gautamītaṭe |

himālayetu kedāraṃ ghṛṣṇeśantu viśālake ||

etāni jyotirliṅgāni sāyaṃ prātaḥ paṭhennaraḥ |

sapta janma kṛtaṃ pāpaṃ smaraṇena vinaśyati ||

sampūrṇa stotram

saurāṣṭradeśe viśade'tiramye jyotirmayaṃ candrakalāvataṃsam |

bhaktapradānāya kṛpāvatīrṇaṃ taṃ somanāthaṃ śaraṇaṃ prapadye || 1 ||

śrīśailaśṛṅge vividhaprasaṅge śeṣādriśṛṅge'pi sadā vasantam |

tamarjunaṃ mallikapūrvamenaṃ namāmi saṃsārasamudrasetum || 2 ||

avantikāyāṃ vihitāvatāraṃ muktipradānāya ca sajjanānām |

akālamṛtyoḥ parirakṣaṇārthaṃ vande mahākālamahāsureśam || 3 ||

kāverikānarmadayoḥ pavitre samāgame sajjanatāraṇāya |

sadaiva māndhātṛpure vasantaṃ oṅkāramīśaṃ śivamekamīḍe || 4 ||

pūrvottare prajvalikānidhāne sadā vasaṃ taṃ girijāsametam |

surāsurārādhitapādapadmaṃ śrīvaidyanāthaṃ tamahaṃ namāmi || 5 ||

yaṃ ḍākiniśākinikāsamāje niṣevyamāṇaṃ piśitāśanaiśca |

sadaiva bhīmādipadaprasiddhaṃ taṃ śaṅkaraṃ bhaktahitaṃ namāmi || 6 ||

śrītāmraparṇījalarāśiyoge nibadhya setuṃ viśikhairasaṅkhyaiḥ |

śrīrāmacandreṇa samarpitaṃ taṃ rāmeśvarākhyaṃ niyataṃ namāmi || 7 ||

yāmye sadaṅge nagare'tiramye vibhūṣitāṅgaṃ vividhaiśca bhogaiḥ |

sadbhaktimuktipradamīśamekaṃ śrīnāganāthaṃ śaraṇaṃ prapadye || 8 ||

sānandamānandavane vasantaṃ ānandakandaṃ hatapāpabṛndam |

vārāṇasīnāthamanāthanāthaṃ śrīviśvanāthaṃ śaraṇaṃ prapadye || 9 ||

sahyādriśīrṣe vimale vasantaṃ godāvaritīrapavitradeśe |

yaddarśanāt pātakaṃ pāśu nāśaṃ prayāti taṃ tryambakamīśamīḍe || 10 ||

mahādripārśve ca taṭe ramantaṃ sampūjyamānaṃ satataṃ munīndraiḥ |

surāsurairyakṣa mahoragāḍhyaiḥ kedāramīśaṃ śivamekamīḍe || 11 ||

ilāpure ramyaviśālake'smin samullasantaṃ ca jagadvareṇyam |

vande mahodāratarasvabhāvaṃ ghṛṣṇeśvarākhyaṃ śaraṇaṃ prapadye || 12 ||

jyotirmayadvādaśaliṅgakānāṃ śivātmanāṃ proktamidaṃ krameṇa |

stotraṃ paṭhitvā manujo'tibhaktyā phalaṃ tadālokya nijaṃ bhajecca ||