Dvadasha Arya Stuti — InfoLyter.in

ॐ

த்வாதஶ ஆர்ய ஸ்துதி

Dvadasha Arya Stuti

Dwadasanamam Tamil

உத்யந்நத்யவிவஸ்வாநாரோஹந்நுத்தராம் திவம் தேவஃ ।

ஹ்ரு'த்ரோகம் மம ஸூர்யோ ஹரிமாணம் சாऽऽஶு நாஶயது ॥ 1 ॥

நிமிஷார்தேநைகேந த்வே ச ஶதே த்வே ஸஹஸ்ரே த்வே ।

க்ரமமாண யோஜநாநாம் நமோऽஸ்து தே நலிநநாதாய ॥ 2 ॥

கர்மஜ்ஞாநகதஶகம் மநஶ்ச ஜீவ இதி விஶ்வஸர்காய ।

த்வாதஶதா யோ விசரதி ஸ த்வாதஶமூர்திரஸ்து மோதாய ॥ 3 ॥

த்வம் ஹி யஜூரு'க்ஸாமஃ த்வமாகமஸ்த்வம் வஷட்காரஃ ।

த்வம் விஶ்வம் த்வம் ஹம்ஸஃ த்வம் பாநோ பரமஹம்ஸஶ்ச ॥ 4 ॥

ஶிவரூபாத் ஜ்ஞாநமஹம் த்வத்தோ முக்திம் ஜநார்தநாகாராத் ।

ஶிகிரூபாதைஶ்வர்யம் த்வத்தஶ்சாரோக்யமிச்சாமி ॥ 5 ॥

த்வசி தோஷா த்ரு'ஶி தோஷாஃ ஹ்ரு'தி தோஷா யேऽகிலேந்த்ரியஜதோஷாஃ ।

தாந் பூஷா ஹததோஷஃ கிஞ்சித்ரோஷாக்நிநா தஹது ॥ 6 ॥

தர்மார்தகாமமோக்ஷப்ரதிரோதாநுக்ரதாபவேககராந் ।

பந்தீக்ரு'தேந்த்ரியகணாந் கதாந் விகண்டயது சண்டாம்ஶுஃ ॥ 7 ॥

யேந விநேதம் திமிரம் ஜகதேத்ய க்ரஸதி சரமசரமகிலம் ।

த்ரு'தபோதம் தம் நலிநீபர்தாரம் ஹர்தாரமாபதாமீடே ॥ 8 ॥

யஸ்ய ஸஹஸ்ராபீஶோரபீஶு லேஶோ ஹிமாம்ஶுபிம்பகதஃ ।

பாஸயதி நக்தமகிலம் பேதயது விபத்கணாநருணஃ ॥ 9 ॥

திமிரமிவ நேத்ரதிமிரம் படலமிவாऽஶேஷரோகபடலம் நஃ ।

காஶமிவாதிநிகாயம் காலபிதா ரோகயுக்ததாம் ஹரதாத் ॥ 10 ॥

வாதாஶ்மரீகதார்ஶஸ்த்வக்தோஷமஹோதரப்ரமேஹாம்ஶ்ச ।

க்ரஹணீபகந்தராக்யா மஹதீஸ்த்வம் மே ருஜோ ஹம்ஸி ॥ 11 ॥

த்வம் மாதா த்வம் ஶரணம் த்வம் தாதா த்வம் தநம் த்வமாசார்யஃ ।

த்வம் த்ராதா த்வம் ஹர்தா விபதாமர்க ப்ரஸீத மம பாநோ ॥ 12 ॥

இத்யார்யாத்வாதஶகம் ஸாம்பஸ்ய புரோ நபஃஸ்தலாத்பதிதம் ।

படதாம் பாக்யஸம்ரு'த்திஃ ஸமஸ்தரோகக்ஷயஶ்ச ஸ்யாத் ॥ 13 ॥

இதி ஶ்ரீஸாம்பக்ரு'தத்வாதஶார்யாஸூர்யஸ்துதிஃ ।

Roman (IAST) Transliteration

udyannadyavivasvānārohannuttarāṃ divaṃ devaḥ |

hṛdrogaṃ mama sūryo harimāṇaṃ cā''śu nāśayatu || 1 ||

nimiṣārdhenaikena dve ca śate dve sahasre dve |

kramamāṇa yojanānāṃ namo'stu te nalinanāthāya || 2 ||

karmajñānakhadaśakaṃ manaśca jīva iti viśvasargāya |

dvādaśadhā yo vicarati sa dvādaśamūrtirastu modāya || 3 ||

tvaṃ hi yajūṛksāmaḥ tvamāgamastvaṃ vaṣaṭkāraḥ |

tvaṃ viśvaṃ tvaṃ haṃsaḥ tvaṃ bhāno paramahaṃsaśca || 4 ||

śivarūpāt jñānamahaṃ tvatto muktiṃ janārdanākārāt |

śikhirūpādaiśvaryaṃ tvattaścārogyamicchāmi || 5 ||

tvaci doṣā dṛśi doṣāḥ hṛdi doṣā ye'khilendriyajadoṣāḥ |

tān pūṣā hatadoṣaḥ kiñcidroṣāgninā dahatu || 6 ||

dharmārthakāmamokṣapratirodhānugratāpavegakarān |

bandīkṛtendriyagaṇān gadān vikhaṇḍayatu caṇḍāṃśuḥ || 7 ||

yena vinedaṃ timiraṃ jagadetya grasati caramacaramakhilam |

dhṛtabodhaṃ taṃ nalinībhartāraṃ hartāramāpadāmīḍe || 8 ||

yasya sahasrābhīśorabhīśu leśo himāṃśubimbagataḥ |

bhāsayati naktamakhilaṃ bhedayatu vipadgaṇānaruṇaḥ || 9 ||

timiramiva netratimiraṃ paṭalamivā'śeṣarogapaṭalaṃ naḥ |

kāśamivādhinikāyaṃ kālapitā rogayuktatāṃ haratāt || 10 ||

vātāśmarīgadārśastvagdoṣamahodarapramehāṃśca |

grahaṇībhagandharākhyā mahatīstvaṃ me rujo haṃsi || 11 ||

tvaṃ mātā tvaṃ śaraṇaṃ tvaṃ dhātā tvaṃ dhanaṃ tvamācāryaḥ |

tvaṃ trātā tvaṃ hartā vipadāmarka prasīda mama bhāno || 12 ||

ityāryādvādaśakaṃ sāmbasya puro nabhaḥsthalātpatitam |

paṭhatāṃ bhāgyasamṛddhiḥ samastarogakṣayaśca syāt || 13 ||

iti śrīsāmbakṛtadvādaśāryāsūryastutiḥ |