Devyaparadha Kshamapana Stotram

ॐ

தேவ்யபராத க்ஷமாபண ஸ்தோத்ரம்

Radha Stotram Adi Shankaracharya Tamil

ந மந்த்ரம் நோ யந்த்ரம் ததபி ச ந ஜாநே ஸ்துதிமஹோ

ந சாஹ்வாநம் த்யாநம் ததபி ச ந ஜாநே ஸ்துதிகதாஃ ।

ந ஜாநே முத்ராஸ்தே ததபி ச ந ஜாநே விலபநம்

பரம் ஜாநே மாதஸ்த்வதநுஸரணம் க்லேஶஹரணம் ॥ 1 ॥

விதேரஜ்ஞாநேந த்ரவிணவிரஹேணாலஸதயா

விதேயாஶக்யத்வாத்தவ சரணயோர்யா ச்யுதிரபூத் ।

ததேதத் க்ஷந்தவ்யம் ஜநநி ஸகலோத்தாரிணி ஶிவே

குபுத்ரோ ஜாயேத க்வசிதபி குமாதா ந பவதி ॥ 2 ॥

ப்ரு'திவ்யாம் புத்ராஸ்தே ஜநநி பஹவஃ ஸந்தி ஸரலாஃ

பரம் தேஷாம் மத்யே விரலதரலோऽஹம் தவ ஸுதஃ ।

மதீயோऽயம் த்யாகஃ ஸமுசிதமிதம் நோ தவ ஶிவே

குபுத்ரோ ஜாயேத க்வசிதபி குமாதா ந பவதி ॥ 3 ॥

ஜகந்மாதர்மாதஸ்தவ சரணஸேவா ந ரசிதா

ந வா தத்தம் தேவி த்ரவிணமபி பூயஸ்தவ மயா ।

ததாபி த்வம் ஸ்நேஹம் மயி நிருபமம் யத்ப்ரகுருஷே

குபுத்ரோ ஜாயேத க்வசிதபி குமாதா ந பவதி ॥ 4 ॥

பரித்யக்தா தேவாந்விவிதவிதிஸேவாகுலதயா

மயா பஞ்சாஶீதேரதிகமபநீதே து வயஸி ।

இதாநீம் சேந்மாதஸ்தவ யதி க்ரு'பா நாபி பவிதா

நிராலம்போ லம்போதரஜநநி கம் யாமி ஶரணம் ॥ 5 ॥

ஶ்வபாகோ ஜல்பாகோ பவதி மதுபாகோபமகிரா

நிராதங்கோ ரங்கோ விஹரதி சிரம் கோடிகநகைஃ ।

தவாபர்ணே கர்ணே விஶதி மநுவர்ணே பலமிதம்

ஜநஃ கோ ஜாநீதே ஜநநி ஜபநீயம் ஜபவிதௌ ॥ 6 ॥

சிதாபஸ்மாலேபோ கரலமஶநம் திக்படதரோ

ஜடாதாரீ கண்டே புஜகபதிஹாரீ பஶுபதிஃ ।

கபாலீ பூதேஶோ பஜதி ஜகதீஶைகபதவீம்

பவாநீ த்வத்பாணிக்ரஹணபரிபாடீ பலமிதம் ॥ 7 ॥

ந மோக்ஷஸ்யாகாங்க்ஷா ந ச விபவவாஞ்சாபி ச ந மே

ந விஜ்ஞாநாபேக்ஷா ஶஶிமுகி ஸுகேச்சாபி ந புநஃ ।

அதஸ்த்வாம் ஸம்யாசே ஜநநி ஜநநம் யாது மம வை

ம்ரு'டாநீ ருத்ராணீ ஶிவ ஶிவ பவாநீதி ஜபதஃ ॥ 8 ॥

நாராதிதாஸி விதிநா விவிதோபசாரைஃ

கிம் ரூக்ஷசிந்தநபரைர்ந க்ரு'தம் வசோபிஃ ।

ஶ்யாமே த்வமேவ யதி கிஞ்சந மய்யநாதே

தத்ஸே க்ரு'பாமுசிதமம்ப பரம் தவைவ ॥ 9 ॥

ஆபத்ஸு மக்நஃ ஸ்மரணம் த்வதீயம்

கரோமி துர்கே கருணார்ணவே ஶிவே ।

நைதச்சடத்வம் மம பாவயேதாஃ

க்ஷுதாத்ரு'ஷார்தாஃ ஜநநீம் ஸ்மரந்தி ॥ 10 ॥

ஜகதம்ப விசித்ரமத்ர கிம்

பரிபூர்ணா கருணாஸ்தி சேந்மயி ।

அபராதபரம்பராவ்ரு'தம்

ந ஹி மாதா ஸமுபேக்ஷதே ஸுதம் ॥ 11 ॥

மத்ஸமஃ பாதகீ நாஸ்தி பாபக்நீ த்வத்ஸமா ந ஹி ।

ஏவம் ஜ்ஞாத்வா மஹாதேவீ யதா யோக்யம் ததா குரு ॥ 12 ॥

இதி ஶ்ரீமச்சங்கராசார்ய விரசிதம் தேவ்யபராதக்ஷமாபண ஸ்தோத்ரம் ।

Roman (IAST) Transliteration

na mantraṃ no yantraṃ tadapi ca na jāne stutimaho

na cāhvānaṃ dhyānaṃ tadapi ca na jāne stutikathāḥ |

na jāne mudrāste tadapi ca na jāne vilapanaṃ

paraṃ jāne mātastvadanusaraṇaṃ kleśaharaṇam || 1 ||

vidherajñānena draviṇaviraheṇālasatayā

vidheyāśakyatvāttava caraṇayoryā cyutirabhūt |

tadetat kṣantavyaṃ janani sakaloddhāriṇi śive

kuputro jāyeta kvacidapi kumātā na bhavati || 2 ||

pṛthivyāṃ putrāste janani bahavaḥ santi saralāḥ

paraṃ teṣāṃ madhye viralataralo'haṃ tava sutaḥ |

madīyo'yaṃ tyāgaḥ samucitamidaṃ no tava śive

kuputro jāyeta kvacidapi kumātā na bhavati || 3 ||

jaganmātarmātastava caraṇasevā na racitā

na vā dattaṃ devi draviṇamapi bhūyastava mayā |

tathāpi tvaṃ snehaṃ mayi nirupamaṃ yatprakuruṣe

kuputro jāyeta kvacidapi kumātā na bhavati || 4 ||

parityaktā devānvividhavidhisevākulatayā

mayā pañcāśīteradhikamapanīte tu vayasi |

idānīṃ cenmātastava yadi kṛpā nāpi bhavitā

nirālambo lambodarajanani kaṃ yāmi śaraṇam || 5 ||

śvapāko jalpāko bhavati madhupākopamagirā

nirātaṅko raṅko viharati ciraṃ koṭikanakaiḥ |

tavāparṇe karṇe viśati manuvarṇe phalamidaṃ

janaḥ ko jānīte janani japanīyaṃ japavidhau || 6 ||

citābhasmālepo garalamaśanaṃ dikpaṭadharo

jaṭādhārī kaṇṭhe bhujagapatihārī paśupatiḥ |

kapālī bhūteśo bhajati jagadīśaikapadavīṃ

bhavānī tvatpāṇigrahaṇaparipāṭī phalamidam || 7 ||

na mokṣasyākāṅkṣā na ca vibhavavāñchāpi ca na me

na vijñānāpekṣā śaśimukhi sukhecchāpi na punaḥ |

atastvāṃ saṃyāce janani jananaṃ yātu mama vai

mṛḍānī rudrāṇī śiva śiva bhavānīti japataḥ || 8 ||

nārādhitāsi vidhinā vividhopacāraiḥ

kiṃ rūkṣacintanaparairna kṛtaṃ vacobhiḥ |

śyāme tvameva yadi kiñcana mayyanāthe

dhatse kṛpāmucitamamba paraṃ tavaiva || 9 ||

āpatsu magnaḥ smaraṇaṃ tvadīyaṃ

karomi durge karuṇārṇave śive |

naitacchaṭhatvaṃ mama bhāvayethāḥ

kṣudhātṛṣārtāḥ jananīṃ smaranti || 10 ||

jagadamba vicitramatra kiṃ

paripūrṇā karuṇāsti cenmayi |

aparādhaparamparāvṛtaṃ

na hi mātā samupekṣate sutam || 11 ||

matsamaḥ pātakī nāsti pāpaghnī tvatsamā na hi |

evaṃ jñātvā mahādevī yathā yogyaṃ tathā kuru || 12 ||

iti śrīmacchaṅkarācārya viracitaṃ devyaparādhakṣamāpaṇa stotram |