Shrimadbhagavadgita Parayana - Dhyanashlokah

ॐ

ஶ்ரீமத்பகவத்கீதா பாராயண - த்யாநஶ்லோகாஃ

Gita Vyasa Tamil

ௐ ஶ்ரீ பரமாத்மநே நமஃ

அத கீதா த்யாந ஶ்லோகாஃ

ௐ பார்தாய ப்ரதிபோதிதாம் பகவதா நாராயணேந ஸ்வயம்

வ்யாஸேந க்ரதிதாம் புராணமுநிநா மத்யே மஹாபாரதம் ।

அத்வைதாம்ரு'தவர்ஷிணீம் பகவதீம் அஷ்டாதஶாத்யாயிநீம்

அம்ப த்வாம் அநுஸந்ததாமி பகவத்கீதே பவத்வேஷிணீம் ॥

நமோऽஸ்துதே வ்யாஸ விஶாலபுத்தே புல்லாரவிந்தாயதபத்ரநேத்ர ।

யேந த்வயா பாரத தைலபூர்ணஃ ப்ரஜ்வாலிதோ ஜ்ஞாநமயஃ ப்ரதீபஃ॥

ப்ரபந்நபாரிஜாதாய தோத்ரவேத்ரைகபாணயே ।

ஜ்ஞாநமுத்ராய க்ரு'ஷ்ணாய கீதாம்ரு'ததுஹே நமஃ ॥

வஸுதேவஸுதம் தேவம் கம்ஸசாணூரமர்தநம் ।

தேவகீபரமாநந்தம் க்ரு'ஷ்ணம் வந்தே ஜகத்குரும் ॥

பீஷ்மத்ரோணதடா ஜயத்ரதஜலா காந்தாரநீலோத்பலா

ஶல்யக்ராஹவதீ க்ரு'பேண வஹநீ கர்ணேந வேலாகுலா ।

அஶ்வத்தாமவிகர்ணகோரமகரா துர்யோதநாவர்திநீ

ஸோத்தீர்ணா கலு பாண்டவை ரணநதீ கைவர்தகஃ கேஶவஃ ॥

பாராஶர்யவசஃ ஸரோஜமமலம் கீதார்தகந்தோத்கடம்

நாநாக்யாநககேஸரம் ஹரிகதா ஸம்போதநாபோதிதம் ।

லோகே ஸஜ்ஜநஷட்பதைரஹரஹஃ பேபீயமாநம் முதா

பூயாத்பாரதபங்கஜம் கலிமலம் ப்ரத்வம்ஸிநஃ ஶ்ரேயஸே ॥

மூகம் கரோதி வாசாலம் பங்கும் லங்கயதே கிரிம் ।

யத்க்ரு'பா தமஹம் வந்தே பரமாநந்தமாதவம் ॥

ஶாந்தாகாரம் புஜகஶயநம் பத்மநாபம் ஸுரேஶம்

விஶ்வாதாரம் ககநஸத்ரு'ஶம் மேகவர்ணம் ஶுபாங்கம் ।

லக்ஷ்மீகாந்தம் கமலநயநம் யோகிஹ்ரு'த்த்யாநகம்யம்

வந்தே விஷ்ணும் பவபயஹரம் ஸர்வ லோகைகநாதம் ॥

யம் ப்ரஹ்மாவருணேந்த்ரருத்ரமருதஃ ஸ்துந்வந்தி திவ்யைஃ ஸ்தவைஃ

வேதைஃ ஸாங்கபதக்ரமோபநிஷதைஃ காயந்தி யம் ஸாமகாஃ ।

த்யாநாவஸ்தித தத்கதேந மநஸா பஶ்யந்தி யம் யோகிநஃ

யஸ்யாந்தம் ந விதுஸ்ஸுராஸுரகணாஃ தேவாய தஸ்மை நமஃ ॥

நாராயணம் நமஸ்க்ரு'த்ய நரஞ்சைவ நரோத்தமம் ।

தேவீம் ஸரஸ்வதீம் வ்யாஸம் ததோ ஜயமுதீரயேத் ॥

ஸச்சிதாநந்தரூபாய க்ரு'ஷ்ணாயாக்லிஷ்டகாரிணே ।

நமோ வேதாந்தவேத்யாய குரவே புத்திஸாக்ஷிணே॥

ஸர்வோபநிஷதோ காவஃ தோக்தா கோபாலநந்தநஃ ।

பார்தோ வத்ஸஃ ஸுதீர்போக்தா துக்தம் கீதாம்ரு'தம் மஹத் ॥

கீதாஶாஸ்த்ரமிதம் புண்யம் யஃ படேத் ப்ரயதஃ புமாந் ।

விஷ்ணோஃ பதமவாப்நோதி பயஶோகாதி வர்ஜிதஃ ॥

ஏகம் ஶாஸ்த்ரம் தேவகீபுத்ரகீதம் ஏகோ தேவோ தேவகீபுத்ர ஏவ ।

ஏகோ மந்த்ரஸ்தஸ்ய நாமாநி யாநி கர்மாப்யேகம் தஸ்ய தேவஸ்ய ஸேவா ॥

॥ ௐ ஶ்ரீ க்ரு'ஷ்ணாய பரமாத்மநே நமஃ ॥

Roman (IAST) Transliteration

oṃ śrī paramātmane namaḥ

atha gītā dhyāna ślokāḥ

oṃ pārthāya pratibodhitāṃ bhagavatā nārāyaṇena svayaṃ

vyāsena grathitāṃ purāṇamuninā madhye mahābhāratam |

advaitāmṛtavarṣiṇīṃ bhagavatīṃ aṣṭādaśādhyāyinīṃ

amba tvāṃ anusandadhāmi bhagavadgīte bhavadveṣiṇīm ||

namo'stute vyāsa viśālabuddhe phullāravindāyatapatranetra |

yena tvayā bhārata tailapūrṇaḥ prajvālito jñānamayaḥ pradīpaḥ||

prapannapārijātāya totravetraikapāṇaye |

jñānamudrāya kṛṣṇāya gītāmṛtaduhe namaḥ ||

vasudevasutaṃ devaṃ kaṃsacāṇūramardanam |

devakīparamānandaṃ kṛṣṇaṃ vande jagadgurum ||

bhīṣmadroṇataṭā jayadrathajalā gāndhāranīlotpalā

śalyagrāhavatī kṛpeṇa vahanī karṇena velākulā |

aśvatthāmavikarṇaghoramakarā duryodhanāvartinī

sottīrṇā khalu pāṇḍavai raṇanadī kaivartakaḥ keśavaḥ ||

pārāśaryavacaḥ sarojamamalaṃ gītārthagandhotkaṭaṃ

nānākhyānakakesaraṃ harikathā sambodhanābodhitam |

loke sajjanaṣaṭpadairaharahaḥ pepīyamānaṃ mudā

bhūyādbhāratapaṅkajaṃ kalimalaṃ pradhvaṃsinaḥ śreyase ||

mūkaṃ karoti vācālaṃ paṅguṃ laṅghayate girim |

yatkṛpā tamahaṃ vande paramānandamādhavam ||

śāntākāraṃ bhujagaśayanaṃ padmanābhaṃ sureśaṃ

viśvādhāraṃ gaganasadṛśaṃ meghavarṇaṃ śubhāṅgam |

lakṣmīkāntaṃ kamalanayanaṃ yogihṛddhyānagamyaṃ

vande viṣṇuṃ bhavabhayaharaṃ sarva lokaikanātham ||

yaṃ brahmāvaruṇendrarudramarutaḥ stunvanti divyaiḥ stavaiḥ

vedaiḥ sāṅgapadakramopaniṣadaiḥ gāyanti yaṃ sāmagāḥ |

dhyānāvasthita tadgatena manasā paśyanti yaṃ yoginaḥ

yasyāntaṃ na vidussurāsuragaṇāḥ devāya tasmai namaḥ ||

nārāyaṇaṃ namaskṛtya narañcaiva narottamam |

devīṃ sarasvatīṃ vyāsaṃ tato jayamudīrayet ||

saccidānandarūpāya kṛṣṇāyākliṣṭakāriṇe |

namo vedāntavedyāya gurave buddhisākṣiṇe||

sarvopaniṣado gāvaḥ dogdhā gopālanandanaḥ |

pārtho vatsaḥ sudhīrbhoktā dugdhaṃ gītāmṛtaṃ mahat ||

gītāśāstramidaṃ puṇyaṃ yaḥ paṭhet prayataḥ pumān |

viṣṇoḥ padamavāpnoti bhayaśokādi varjitaḥ ||

ekaṃ śāstraṃ devakīputragītaṃ eko devo devakīputra eva |

eko mantrastasya nāmāni yāni karmāpyekaṃ tasya devasya sevā ||

|| oṃ śrī kṛṣṇāya paramātmane namaḥ ||