Ashtavakra Gita Shodasho'dhyayah

ॐ

அஷ்டாவக்ர கீதா ஷோடஶோऽத்யாயஃ

Gita Tamil

அஷ்டாவக்ர உவாச ॥

ஆசக்ஷ்வ ஶ்ரு'ணு வா தாத நாநாஶாஸ்த்ராண்யநேகஶஃ ।

ததாபி ந தவ ஸ்வாஸ்த்யம் ஸர்வவிஸ்மரணாத்ரு'தே ॥ 16-1॥

போகம் கர்ம ஸமாதிம் வா குரு விஜ்ஞ ததாபி தே ।

சித்தம் நிரஸ்தஸர்வாஶமத்யர்தம் ரோசயிஷ்யதி ॥ 16-2॥

ஆயாஸாத்ஸகலோ துஃகீ நைநம் ஜாநாதி கஶ்சந ।

அநேநைவோபதேஶேந தந்யஃ ப்ராப்நோதி நிர்வ்ரு'திம் ॥ 16-3॥

வ்யாபாரே கித்யதே யஸ்து நிமேஷோந்மேஷயோரபி ।

தஸ்யாலஸ்ய துரீணஸ்ய ஸுகம் நாந்யஸ்ய கஸ்யசித் ॥ 16-4॥

இதம் க்ரு'தமிதம் நேதி த்வந்த்வைர்முக்தம் யதா மநஃ ।

தர்மார்தகாமமோக்ஷேஷு நிரபேக்ஷம் ததா பவேத் ॥ 16-5॥

விரக்தோ விஷயத்வேஷ்டா ராகீ விஷயலோலுபஃ ।

க்ரஹமோக்ஷவிஹீநஸ்து ந விரக்தோ ந ராகவாந் ॥ 16-6॥

ஹேயோபாதேயதா தாவத்ஸம்ஸாரவிடபாங்குரஃ ।

ஸ்ப்ரு'ஹா ஜீவதி யாவத் வை நிர்விசாரதஶாஸ்பதம் ॥ 16-7॥

ப்ரவ்ரு'த்தௌ ஜாயதே ராகோ நிர்வ்ரு'த்தௌ த்வேஷ ஏவ ஹி ।

நிர்த்வந்த்வோ பாலவத் தீமாந் ஏவமேவ வ்யவஸ்திதஃ ॥ 16-8॥

ஹாதுமிச்சதி ஸம்ஸாரம் ராகீ துஃகஜிஹாஸயா ।

வீதராகோ ஹி நிர்துஃகஸ்தஸ்மிந்நபி ந கித்யதி ॥ 16-9॥

யஸ்யாபிமாநோ மோக்ஷேऽபி தேஹேऽபி மமதா ததா ।

ந ச ஜ்ஞாநீ ந வா யோகீ கேவலம் துஃகபாகஸௌ ॥ 16-10॥

ஹரோ யத்யுபதேஷ்டா தே ஹரிஃ கமலஜோऽபி வா ।

ததாபி ந தவ ஸ்வாஸ்த்யம் ஸர்வவிஸ்மரணாத்ரு'தே ॥ 16-11॥

Roman (IAST) Transliteration

aṣṭāvakra uvāca ||

ācakṣva śṛṇu vā tāta nānāśāstrāṇyanekaśaḥ |

tathāpi na tava svāsthyaṃ sarvavismaraṇādṛte || 16-1||

bhogaṃ karma samādhiṃ vā kuru vijña tathāpi te |

cittaṃ nirastasarvāśamatyarthaṃ rocayiṣyati || 16-2||

āyāsātsakalo duḥkhī nainaṃ jānāti kaścana |

anenaivopadeśena dhanyaḥ prāpnoti nirvṛtim || 16-3||

vyāpāre khidyate yastu nimeṣonmeṣayorapi |

tasyālasya dhurīṇasya sukhaṃ nānyasya kasyacit || 16-4||

idaṃ kṛtamidaṃ neti dvandvairmuktaṃ yadā manaḥ |

dharmārthakāmamokṣeṣu nirapekṣaṃ tadā bhavet || 16-5||

virakto viṣayadveṣṭā rāgī viṣayalolupaḥ |

grahamokṣavihīnastu na virakto na rāgavān || 16-6||

heyopādeyatā tāvatsaṃsāraviṭapāṅkuraḥ |

spṛhā jīvati yāvad vai nirvicāradaśāspadam || 16-7||

pravṛttau jāyate rāgo nirvṛttau dveṣa eva hi |

nirdvandvo bālavad dhīmān evameva vyavasthitaḥ || 16-8||

hātumicchati saṃsāraṃ rāgī duḥkhajihāsayā |

vītarāgo hi nirduḥkhastasminnapi na khidyati || 16-9||

yasyābhimāno mokṣe'pi dehe'pi mamatā tathā |

na ca jñānī na vā yogī kevalaṃ duḥkhabhāgasau || 16-10||

haro yadyupadeṣṭā te hariḥ kamalajo'pi vā |

tathāpi na tava svāsthyaṃ sarvavismaraṇādṛte || 16-11||