Ashtavakra Gita Dvadasho'dhyayah

ॐ

அஷ்டாவக்ர கீதா த்வாதஶோऽத்யாயஃ

Gita Tamil

ஜநக உவாச ॥

காயக்ரு'த்யாஸஹஃ பூர்வம் ததோ வாக்விஸ்தராஸஹஃ ।

அத சிந்தாஸஹஸ்தஸ்மாத் ஏவமேவாஹமாஸ்திதஃ ॥ 12-1॥

ப்ரீத்யபாவேந ஶப்தாதேரத்ரு'ஶ்யத்வேந சாத்மநஃ ।

விக்ஷேபைகாக்ரஹ்ரு'தய ஏவமேவாஹமாஸ்திதஃ ॥ 12-2॥

ஸமாத்யாஸாதிவிக்ஷிப்தௌ வ்யவஹாரஃ ஸமாதயே ।

ஏவம் விலோக்ய நியமமேவமேவாஹமாஸ்திதஃ ॥ 12-3॥

ஹேயோபாதேயவிரஹாத் ஏவம் ஹர்ஷவிஷாதயோஃ ।

அபாவாதத்ய ஹே ப்ரஹ்மந்ந் ஏவமேவாஹமாஸ்திதஃ ॥ 12-4॥

ஆஶ்ரமாநாஶ்ரமம் த்யாநம் சித்தஸ்வீக்ரு'தவர்ஜநம் ।

விகல்பம் மம வீக்ஷ்யைதைரேவமேவாஹமாஸ்திதஃ ॥ 12-5॥

கர்மாநுஷ்டாநமஜ்ஞாநாத் யதைவோபரமஸ்ததா ।

புத்வா ஸம்யகிதம் தத்த்வமேவமேவாஹமாஸ்திதஃ ॥ 12-6॥

அசிந்த்யம் சிந்த்யமாநோऽபி சிந்தாரூபம் பஜத்யஸௌ ।

த்யக்த்வா தத்பாவநம் தஸ்மாத் ஏவமேவாஹமாஸ்திதஃ ॥ 12-7॥

ஏவமேவ க்ரு'தம் யேந ஸ க்ரு'தார்தோ பவேதஸௌ ।

ஏவமேவ ஸ்வபாவோ யஃ ஸ க்ரு'தார்தோ பவேதஸௌ ॥ 12-8॥

Roman (IAST) Transliteration

janaka uvāca ||

kāyakṛtyāsahaḥ pūrvaṃ tato vāgvistarāsahaḥ |

atha cintāsahastasmād evamevāhamāsthitaḥ || 12-1||

prītyabhāvena śabdāderadṛśyatvena cātmanaḥ |

vikṣepaikāgrahṛdaya evamevāhamāsthitaḥ || 12-2||

samādhyāsādivikṣiptau vyavahāraḥ samādhaye |

evaṃ vilokya niyamamevamevāhamāsthitaḥ || 12-3||

heyopādeyavirahād evaṃ harṣaviṣādayoḥ |

abhāvādadya he brahmann evamevāhamāsthitaḥ || 12-4||

āśramānāśramaṃ dhyānaṃ cittasvīkṛtavarjanam |

vikalpaṃ mama vīkṣyaitairevamevāhamāsthitaḥ || 12-5||

karmānuṣṭhānamajñānād yathaivoparamastathā |

budhvā samyagidaṃ tattvamevamevāhamāsthitaḥ || 12-6||

acintyaṃ cintyamāno'pi cintārūpaṃ bhajatyasau |

tyaktvā tadbhāvanaṃ tasmād evamevāhamāsthitaḥ || 12-7||

evameva kṛtaṃ yena sa kṛtārtho bhavedasau |

evameva svabhāvo yaḥ sa kṛtārtho bhavedasau || 12-8||